PDA

View Full Version : زالىم چېن چۈەنگو ئۇيغۇردىن تاللىغان زۇلۇ



Unregistered
14-02-18, 00:47
زالىم چېن چۈەنگو ئۇيغۇردىن تاللىغان زۇلۇم قامچىلىرى

ئاپتورى: نەشتەرى


تورداشلارغا مەلۇم، يېقىندا زالىم چېن چۈەنگو شەرقىي تۈركىستاندا ئاتالمىش ئاپتونوم رايونلۇق خەلق قۇرۇلتىيىنىڭ پالانى سانلىق ئومۇمىي يىغىنىنى ئېچىپ، شاۋكەت ئىمىننى مۇشۇ گۇپپاڭچى ئورگاننىڭ مۇدىرلىقىغا ئۆستۈرگەن، مۇتەللىپ ئوبۇلقاسىم، گۈلشات ئابدۇقادىر دېگەنلەرنى مۇئاۋىنلىققا تەيىنلىگەن. مۇشۇ يىغىندا يەنە شۆھرەت زاكىرنى قورچاق خەلق ھۆكۈمىتىنىڭ رەئىسلىكىگە، ئەركىن تۇنىياز بىلەن جەرۇللا ھىسامىدىننى مۇئاۋىن رەئىسلىكىگە قايتا تەيىنلىگەن.

خوش… تىبەت خەلقىنىڭ قېنىنى ئىچىپ كۆزىگە قان تولۇپ كەتكەن بۇ قانخور خىتاي نېمە ئۈچۈن شەرقىي تۈركىستان ئاسمىنىنى قارا بۇلۇت قاپلاپ، ئۇيغۇرنىڭ بېشىغا كۈلپەت يېغىۋاتقان قاباھەتلىك كۈنلەردە ئاشۇ بىر نەچچە «ئۇيغۇر كادىر» نى ئۆزىنىڭ زالىملىق قامچىسىغا دەستە، جاللاتلىق پالتىسىغا ساپ قىلىپ تاللايدۇ؟ سەۋەبى، ئۇلارنىڭ مۇنداق بىر نەچچە ماھىيەتلىك ئورتاقلىقى بار:

(1) ئۇلارنىڭ ھەممىسى دېگۈدەك كىچىكىدىن باشلاپ خىتاي مەكتەپلىرىدە ئوقۇپ، ئانىسىنىڭ تىلىدىن نومۇس قىلىدىغان، خىتاينىڭ تىلىغا ھەۋەس قىلىدىغان، ئۆزىدىن ئۆزگىنى ئۈستۈن كۆرۈپ، ئۆز تەقدىرىنى بىرەر خىتاي «پاسىبان» نىڭ ئىشتان بېغىغا باغلاپ، دىلىدا ئۇيغۇرلۇق شامى ئۆچۈپ كەتكەن، بارلىقىنى خىتاي پارتىيەسىگە ئاڭلىق رەۋىشتە ئاتىۋەتكەن ئۆلچەملىك مۇناپىقلار؛

(2) ھەممىسى دېگۈدەك خىتاي پارتىيەسىنىڭ ئىز باسار تەربىيەلەش بۆشۈكى، يەنى «كوممۇنىستىك ياشلار ئىتتىپاقى» نىڭ «كومپارتىيە بولمىسا مەن نەدە؟»، دەيدىغان ئايىغى يوق ئەللىيىدە تولا تەۋرىتىلىپ، «ئۇيغۇر بولمىسا مەن نەدە؟ ئەمەل نەدە؟» دېگەنچىلىك ئەقەللىي چۈشەنچىگە ئەقلى يەتمەيدىغان، مېڭىسى نابۇت، تىلى شاتۇت كەسپىي غالچىلار؛

(3) ھەممىسى دېگۈدەك بىرەر دەرىجە يۇقىرى ئەمەلگە ئېرىشىش ئۈچۈن، دەرىجىسىگە يارىشا پارتىيە مەكتەپلىرىدە قايتا-قايتا مېڭىسى يۇيۇلۇپ، «پارتىيەۋىلىك مەيدان» غا راسلانغان، تۆشەكتە تەكرار-تەكرار كۆتلىنىپ (جايلىنىپ) كەتكەن غۇرۇرسىز ئەبلەخلەر؛

(4) ھەممىسى دېگۈدەك ئىگىسىنى ئالدىغان قۇشلار، مۆرىتى كەلسە ئانىسىنىڭ كۆزىنى ئىككىلەنمەي چوقۇيدىغان قۇزغۇنلار، ئانا زېمىنغا، ئۆز خەلقىگە توپان بالاسى كەلسىمۇ بىر تال مويى مىدىرلاپ قويمايدىغان تۇزكورلار؛

(5) ھەممىسىلا تۈزۈك ئوقۇمىغان، قورسىقىدا ھارام يەپ سىڭدۈرەلمەي، ئۈچەيدە تۈنەپ ياتقان پوقتىن باشقا ھېچ نەرسىسى يوق قارا قورساقلار؛

(6) ئۆز خەلقىنى شىلىپ ئېلىشتا پىلنىمۇ دەس كۆتۈرىدىغان، ئۆز خەلقىگە نەپ بېرىشتە قىلنىمۇ مىدىرلىتالمايدىغان ئىنساپسىز پارازىتلار؛

(7) ھەممىسى دېگۈدەك (گۈلشات دېگەن خوتۇن ھازىرچە نەزەردە يوق) چىرايلىق خوتۇن ئېلىۋالغان، مەنسەپ تەمەسىدە چىرايلىق خوتۇنلىرىنىڭ داستىخاندا «ئىچىشىپ»، يوتقاندا «كۈچىشىپ» بېرىشىگە سۈكۈت قىلىدىغان ئەركەك تۈكى يوق لامزەللىلەر.

يۇقىرىدا خىتاي ھۆكۈمرانلىرىغا يانتاياق، ئۆز خەلقىگە كۆك تاياق بولۇۋاتقان بۇ بىر نەچچە مىللەت كۆيەندىسىنىڭ بەزى ئورتاقلىقلىرى بىلەن تومتاق تونۇشۇپ چىقتۇق. ئىنشائاللا، كېيىنكى ماقالىلىرىمىزدە ئۇلارنىڭ خاسلىقى بىلەن تەپسىلىيراق تونۇشۇپ چىقىشىمىز مۇمكىن.








Zalim Chén Chüen’go Uyghurdin tallighan Zulum Qamchiliri

Aptori: Neshteri


Tordashlargha melum, yéqinda zalim Chén Chüen’go Sherqiy Türkistanda atalmish Aptonom Rayonluq Xelq Qurultiyining palani sanliq omumiy yighinini échip, Shawket Iminni mushu guppangchi organning mudirliqigha östürgen, Mutellip Obulqasim, Gülshat Abduqadir dégenlerni mu’awinliqqa teyinligen. Mushu yighinda yene Shöhret Zakirni qorchaq xelq hökümitining re’islikige, Erkin Tuniyaz bilen Jerulla Hisamidinni mu’awin re’islikige qayta teyinligen.

Xosh… Tibet xelqining qénini ichip közige qan tolup ketken bu qanxor Xitay néme üchün Sherqiy Türkistan asminini qara bulut qaplap, Uyghurning béshigha külpet yéghiwatqan qabahetlik künlerde ashu bir nechche «Uyghur kadir» ni özining zalimliq qamchisigha deste, jallatliq paltisigha sap qilip tallaydu? Sewebi, ularning mundaq bir nechche mahiyetlik ortaqliqi bar:

(1) Ularning hemmisi dégüdek kichikidin bashlap Xitay mektepliride oqup, anisining tilidin nomus qilidighan, Xitayning tiligha hewes qilidighan, özidin özgini üstün körüp, öz teqdirini birer Xitay «pasiban» ning ishtan béghigha baghlap, dilida Uyghurluq shami öchüp ketken, barliqini Xitay partiyesige angliq rewishte atiwetken ölchemlik munapiqlar;

(2) Hemmisi dégüdek Xitay partiyesining iz basar terbiyelesh böshüki, yeni «Kommunistik Yashlar Ittipaqi» ning kompartiye bolmisa men nede, deydighan ayighi yoq elliyide tola tewritilip, Uyghur bolmisa men nede, emel nede dégenchilik eqelliy chüshenchige eqli yetmeydighan, méngisi nabut, tili shatut kespiy ghalchilar;

(3) Hemmisi dégüdek birer derije yuqiri emelge érishish üchün, derijisige yarisha partiye mektepliride qayta-qayta méngisi yuyulup, «partiyewilik meydan» gha raslanghan, töshekte tekrar-tekrar kötlinip (jaylinip) ketken ghurursiz eblexler;

(4) Hemmisi dégüdek igisini aldighan qushlar, möriti kelse anisining közini ikkilenmey choquydighan quzghunlar, ana zémin’gha, öz xelqige topan balasi kelsimu bir tal moyi midirlap qoymaydighan tuzkorlar;

(5) Hemmisila tüzük oqumighan, qorsiqida haram yep singdürelmey, ücheyde tünep yatqan poqtin bashqa héch nersisi yoq qara qorsaqlar;

(6) Öz xelqini shilip élishta pilnimu des kötüridighan, öz xelqige nep bérishte qilnimu midirlitalmaydighan insapsiz parazitlar;

(7) Hemmisi dégüdek (Gülshat dégen xotun hazirche nezerde yoq) chirayliq xotun éliwalghan, mensep temeside chirayliq xotunlirining dastixanda «ichiship», yotqanda «küchiship» bérishige süküt qilidighan erkek tüki yoq lamzelliler.

Yuqirida Xitay hökümranlirigha yantayaq, öz xelqige kök tayaq boliwatqan bu bir nechche millet köyendisining bezi ortaqliqliri bilen tomtaq tonushup chiqtuq. Insha’alla, kéyinki maqalilirimizde ularning xasliqi bilen tepsiliyraq tonushup chiqishimiz mumkin.