PDA

View Full Version : Osman Turan Namidiki Uyghur aldamchini tonuwelinglar



Unregistered
09-12-17, 11:12
Osman turanning hazirghiche ashkarilanmighan heqiqiy kimliki

https://www.facebook.com/search/top/?q=altun%20hanjer


Hörmetlik qérindashlar, 2017 - yili 4 - aydin buyan, osman turan namida otturigha chiqqan we qilghan aldamchiliqliri bilen türkiyediki milletchi heriket partiyesiningmu lenitige qalghan esli ismi abduweli harun bolghan saxtipezning uzundin buyan chet'eldiki uyghur chonglirimiz bilidighan, lékin dawagha we uyghurlarning obrazigha tesir yetmisun, bolupmu uning nareside 6 balisigha uwal bolmisun, dep ashkarilimighan heqiqiy epti - beshirisini muhajirette yashawatqan uyghur xelqimizge bildürüshni zörür dep bilip bu yazmini yolliduq.
Osman turanning esli ismi abduweli harundur. U 1985 - yili 8 - ayning 13 - küni sherqiy türkistanning atush shehiri suntagh yézisi azghan kenti östeng boyi yoli 072 - nomurluq qoruda dunyagha kelgen.
U aran bashlan'ghuch mektep sewiyisige ige. Yurt ichidikiler uni «mexsum» dégen isim bilen ataydu. (Uning «mexsum» dep atilishi birer diniy medriste oqughanliqidin emes, peqetla bir erkiletme isim). Uning yawropada yashawatqan tughqanliridin birsi bu qétimqi ashkarilan'ghan shermendichiliktin kéyin heqiqiy ehwallarni sözlep berdi. Burunla ashkarilashni xalighanliqi lékin yurtning namini bulghimasliq üchün süküt qilip turiwalghanliqini, uning ehwalidin yalghuz özila emes pütün artush xelqining xewiri barliqini chet'ellerdiki artushluq qérindashlarningmu «yurtning abiroyi tökülmisun, belkim tüzülüp qalar» dep süküt qilghanliqini sözligech munu tepsilatlarni ortaqlashti.
Abduweli (osman turan)ning dadisining ismi harun hajim bolup, abduweli yene özige dadisining hajim namini famile qilipmu qollan'ghan we abduweli hajim boliwalghan. Abduweli harun dadisining yénida emes, chong dadisi ablimit ghojamning yénida chong bolghan. Uning chong dadisi ablimit ghoja we taghisi sawut ghojamlar xitay tajawuzchilirigha xizmet qilidighan, xelq ichide «xittay ghalchiliri» «munapiq ghojilar» dep atalghan kishiler bolup, bu xil a'ile muhiti uning eqlini bulghighan, xittay saqchiliri teripidin atushtiki ölimalargha qulaq ornida ishlitilgen. Ölimalarni özining mashinisi arqiliq toy - tökün, nezir- chiraghlargha aparghach, ularni nazaret qilish wezipisi ötigen. Shu seweblik abduweli harun xelq ichide «mexsum ishpiyon» dégen leqem bilen meshhur bolghan.
-2013 Yili 8 - ayda abduweli harun, özi bilen bir mehellilik xoshnisining özini «ishpiyon» dep atighanliqi seweblik, uninggha dora bérip mes qilghan, andin mehelle etrapidiki köwrük astigha apirip, uni qattiq urup yaridar qilghan. Bu ish tüpeyli tayaq yigüchi éghir zexmilinip, doxturxanida yétip dawalan'ghan. Zexmilen'güchi eyni chaghda délo melum qilip, abduweli harun jinayi ishlar boyiche qolgha élin'ghan bolsimu, abduweli harunning chong dadisi we taghisi, munasiwetlik orunlargha bérip, özlirining uzun yil xttay üchün xizmet qilghanliqining yüz xatirisini qilip bolsimu, abduweli harunni qoyup bérishini telep qilip, axir türmidin élip chiqqan. Bu weqe atushta intayin ghulghula qozghap, ikki a'ile otturisida chong jédel - majra kélip chiqqan. Kéyin yurt chongliri arigha chüshüp, jédel bésiqturulghan bolsimu, zexmilen'güchining yarisi eslige kelmigen .
Abduweli harun atushtiki ölimalarning pulini tijaritige desmiy saldurup, türkiyening erenche kastum burulka tijaritini qilghan. U yene bir qanche yashan'ghan déhqannimu «chet elge échiqimen» dep aldap étizlirini satquzup pulini yéwalghan. (Bu ishqa uning mehellisidin bir kishi istanbulda guwahliq bergen) shu ishtin kéyin u derhal ürumchige yötkilip, eyni chaghda türkiye kastum burulkiliri wetende bazar tapqanliqi üchün nurmuhemmet bilen shirikliship, 2015 - yili 7 - ayda ürümchide dukan achqan. 2015 – Yili 9-ayda tuyuqsizla ayali we 5 balisini élip türkiyege kéliwalghan.
Istanbuldimu wetendiki saxtipezlikini dawamlashturup xalise isimlik bir oqughuchi qizning keynige kiriwalghan. U qizni ikkinchi xotunluqqa «alimen» dep oqushini oqughili qoymay, xéli üzün aware qilghan. Axiri bu qiz, abduweli harundin qutulush üchün weten'ge qaytish yol yoqliqini hés qilip oqushini tashlap qaytipketmekchi bolghan. 2015 - Yili 12 - ayda méngishqa teyyarlan'ghanda, abduweli harun, qizning pasportini éliwilip tosup qilish üchün chong somkisini bulashqa urun'ghan, nex meydanda türk saqchiliri teripidin qolgha élinip qamaqqa tashlan'ghan. Qizning wetendiki anisi abduweli harun (osman turan)ning kéyin qizigha yamanliq qilishidin qorqup qizini saqchixanigha bérip erzim yoq déyishni tewsiye qilghan. Shuning bilen abduweli 1400 türk lirasi jerimane tölep we nurghun yalghanni sözlep yürüp saqchixanidin qutulup chiqqan qiz bolsa, buning destidin oqushini tashlap wten'ge qaytip ketken. Weten'ge bérip bolghuche chet'elde bölgünchilerning a'ile söhbitige qatnashqan dep eyiblinip pakit süpitide bezi resimler sunulghan. Anisi, achisi we özi müddetsiz, 10yilliq we 8 yilliq qamaq jazalirigha höküm qilin'ghan.
Abduweli harun istanbulda puli bar uyghurlarni özige ishendürüsh üchün erkin asiya radi'osigha yalghan uchurlargha tolghan mektuplarni yollap, özini xitay saqchilirining zulmigha uchrighan katta bay qilip körsetken. Buning üchün a'ile ezaliridin yalghan shahitlarni teyyarlap: «abduweli hajining saxawetchi bay ikenliki otturigha chiqti» mawzuluq xewer élan qildurghan. Andin bu xewerni uchrighanla tijaretchige körsitip türkiyediki puli bar kishilerning we bolupmu tul ayallarning ishenchisini qolgha keltürüshke tirishqan. Erkin asiya radi'osi kéyin buning bir saxtipez ikenlikini bilgendin kéyin xewerni tor bétidin yuyup chiqiriwetken.
Abduweli harunning türkiyege kelgendin kéyin uyghurlargha qilghan ziyankeshliki buningliq bilen toxtap qalmighan.
1. U 2016 - yili 2 - ayda zeytinburnudiki «bughraxan ashxanisi»ni bashqilar bilen shérikliship échish bahanisi bilen, bir tul ayaldin 18370 (on sekkiz ming 370) dollar qerz alghan (qolimizda bu heqte toluq ispat bar. Buningdin bashqimu, sewebler bilen alghan qerzlirining köp ikenliki melüm)
-2016 Yili 3 - aygha barmayla, abduweli harun «bughraxan ashxanisi»ni ötküzüp bergen. Lékin mezkur tul ayalning pulini qayturmighan.
2. U istanbulda yashawatqan uyghurlarning wetendin pul ekeldürüsh jehettiki qéyinchiliqidin ustiliq bilen paydilanmaqchi bolghan. Weten bilen pul urushturup béridighanliqini top - toplarda élan qilip, bashqilarning 15000dollirini aldap éliwalghan. Abduweli harunning bu xil wasitiler bilen qaqti - soqti qilghan pullirining omumiy sommisining yüz ming dollardin ashidighanliqini, eyni chaghda türkiyede yashawatqan qerz igilirining, uni tutup kélip jama'et aldida étirap qildurghanliqini we nechche künlük sürüshte qilish jeryanida, neq meydanda öz qoli bilen bashqilargha yézip bergen qerz höjjetlirini, öz közi bilen körgüchiler bayan qilghan bolsimu, qolimizda biwasite delil - ispat bolmighanliqi üchün, bu yazmimizda éniq sherhilimiduq. Buningdin bashqa yene dindar balilarning arisigha kiriwilip, özini mujahit körsitip, «chong jama'et»ni körse ,«men kichik jama'ettin» dep, kichik jama'etni körse, men chong jama'ettin dep adem aldap yügenliki sézilip qilip, eyni chaghdiki jama'et mes'ullirining uni tutup urghanliqi heqqidimu ishenchilik melumat we guwahchilar bar.
3. U yene ziyankeshlikige uchrighuchilar qerzini sürüshte qilghan haman, özini aqlash üchün hékayilerni toqup ürümchidiki shérikining özige xiyanet qilghanliqini, dukinini tartiwalghanliqini, hésablishish dawamlishiwatqanliqi we axirlashqan haman pulni ekeldürüp hemmeylenning qerzini qayturidighanliqini jar sélip yürgen. Bu yalghanlardin xewer tapqan urümchidiki shériki nurmuhemmet, 2016 – yili 5 - ayning 2 - küni abduweli harun bilen hésab kitab qilish üchün istanbulgha kelgen. Hésabat jeryanida shu yerdiki jama'et we bashqa qerzdarlarmu guwah bolup turghan. Hésabat axirida urümchidiki shérikige abduweli harunning 400 ming xitay puli yeni 60 ming dollar qerzi chiqqan.
Abduweli harun bu pullarni qayturmasliq üchün, zeytinburnudiki özbék qara jem'iyet kishiliri bilen alaqiliship, ürümchidin kelgen nurmuhemmet we uning dostini görüge élishqa kélishken. Özbékler purset kütüp, ularning péshige bir hepte chüshken. 2016 - Yili 5 - ayning 7- küni abduweli harun, nurmuhemmet we uning dosti bilen aqsaraydiki bir ashxanida uchriship «qerzni qachan qayturush, qandaq qayturush» heqqide sözlishish jeryanida, otturisida talash - tartish yüz bergen. Ashxana xojayinining saqchi chaqirishi bilen, abduweli harun «ular méni urmaqchi boldi» dep erz sunup, nurmehemmetlerni waqitliq qamaqqa alghuzghan. Nurmuhemmet we uning dosti aqlinip quyup bérilgendin kéyin, uning abduweli harundin, türkiyede pulini alalmasliqqa közi yétip, weten'ge barghanda sürüshtürüshni meqset qilip, 5 - ayning 10 - küni ürümchige qaytip ketken.
Qerzdarlarning bildürishiche abduweli harun, wetendiki qerzini süylep öyige barghanlarni we türkiyediki qerz süyligüchilerning resimi we widi'olirini, ündidar arqiliq xittaygha yollap, xittay tajawuzchilirining bu kishilerni tutqun qilishigha delil - ispat teminlep bergen. Netijide, nurmuhemmet we uning bilen bille türkiyege kelgen dosti, shu yili 5 - ayning axiri, xittay tajawuzchiliri teripidin tutqun qilin'ghan. 23 Yashliq xalise, uning anisi we anisining singlisi qatarliq kishilermu, abduweli harunning yollighan uchurliri hemde istanbulda tartilghan süretliri seweblik ayrim - ayrim muddetsiz qamaq jazasi, muddetlik 8 yilliqtin qamaq jazalirigha höküm qilin'ghan. Éytishlargha qarighanda abduweli harun bilen élim - bérimi bolghan we xitayda tutqun qilin'ghanlarning sani 70 ke yétidiken.
4. Istanbulda uyghurlargha qilghan ziyankeshlikliri sewebidin turghudek yüzimu qalmighan abduweli harun, antalyagha bériwalghan. Qerdarlarning u yergimu izdep bérishidin ensirep, buning aldini élish üchün «tuyuqsiz yürek késili qozghulup, ölüp ketkenliki we besh balisining yétim qalghanliqini» ijtima'iy taratqularda xewer qilghan. Hetta özining méyiti we qebre téshi tartilghan süretlirini fésbuklargha tarqitip, ölgenlikini özi jakarlighan.
5. Abduweli harun2017 - yili 4 - ayda, tuyuqsiz tirilip osman turan dégen isim bilen dewa adimi siyaqida tüyüqsiz peyda bolup qalghan. (Wahalenki u shu chaghqiche wetende we türkiyede turghan pütün mezgilde bir qétimmu sherqiy türkistanliqlarning xitaygha qarshi pa'aliyetlirige yaki namayishlirigha qatniship baqmighan idi) u deslepte antaliyediki aq partiyening ishxanisigha yügürüp, özining shu chaghdiki saylam seperwerlikide aq partiyeni qollap «ewet» bayriqini kötürüp enqerege piyade barmaqchi we erdoghan bilen körüshmekchi ikenlikini éytqan bolsimu, aq partiyening alaqidar ishxanisi, her qandaq bir chet'ellikning türkiyening ichki siyasiy ishlirigha ariliship «ewet» bayriqini kötürüp méngishigha qoshulmaydighanliqini bildürgen. Aq partiyedin kütkinige érishelmigen abduweli harun(osman turan), milletchi heriket partiyisining shikini qéqishqa bashlighan. 3 - May türükchilik bayrimini tebriklesh munasiwiti bilen milletchi heriket partiyisining qurghuchisi rehmetlik alparsilan türkeshning qebrisini, piyade bérip tawap qilmaqchi bolghanliqini éytqan. Uning ustiliq bilen milletchi heriket partiyesining héssyatini suyi'istémal qiliwatqanliqini sezmey, qattiq tesirlinip ketken rayonluq teshkilat bashliqi uni qollaydighanliqini we yol boyi yardemde bolushtin bashqa yene, partiye rehbiri dewlet bahcheli bilenmu körüshtüridighanliqini éytqan.
Osman turan dégen yalghan nam bilen qaytidin térilgen abduweli enqerege qarap yolgha chéqip 2 kündin kéyin özining 3 - may türkchilik bayrimini tebriklesh munasiwiti bilen milletchi heriket partiyisining qurghuchisi alparsilan tarkeshning qebrisini piyade bérip tawap qilmaqchi bolghanliqini, bir qolida türk bayriqi we yene bir qolida sherqiy türkistan bayriqini kötürüp yolgha chiqqanliqini bezi uyghur rehberlerge we ziyalilargha anglatqan, resimlirini yollighan. Chonglar uninggha yol yürüsh ünümlük bolsun üchün türkchilik bayrimi üchünla emes, 4 – ayda xitaylar chiqarghan diniy ashqunluqqa qarshi turush qanunigha naraziliq bildürüshnimu meqset qilip yolgha chiqish kéreklikini meslihet bergen. Bu tewsiye, abduweli harunning bolkisigha yagh sürüp, siyasiy dewa chapinini kiyiwélish arqiliq, wetendiki qerzdarlarning qerzini süyleshtin qutulup qalidighanliqigha, muhajirettiki qerz igiliriningmu buningliq bilen bir qedem keynige chékinidighanliqigha hemde özining bowa miras kespigimu pa'al yardimi bolidighanliqigha közi yetken. Shuning bilen osman turanni yol boyiche milletchi heriket partiyisining sheherlik we rayonluq teshkilatliri kütüwélip méhmanxana, yol xirajiti wehakazalar bilen teminligen. Bu yol boyiche körüshkenla mes'ullargha oydurma hékayilirini anglitish arqiliq ularning hésdashliqini suyi'istémal qilishni dawamlashturghan. «Men sherqiy türkistanda katta bay idim. Zawut, shirket bir qanche dukinim 10 lighan ishchilirim bar idi. Katta saraylirim bar idi. Xitay hazir manga oxshash chong baylarni yoqutushqa yüzlen'gen bolghachqa zawutum, shirkitim we dukanlarimni musadire qildi. Mana emdi qerzdar bolup mushu künlerge qaldim. Hetta ukamnimu wetende méning xitaygha qarshi qilghan pa'aliyetlirim seweblik türmige aldi emma shundaqtimu sherqiy türkistan dawasidin waz kechmey dawamlashturdum. 3 - May türkchilik bayrimini tebriklesh munasiwiti bilen milletchi heriket partiyisining qurghuchisi alparsilan tarkeshning qebrisini, piyade bérip tawap qilip xitaygha naraziliq bildürmekchi boliwatimen» dégendek tesirlik yalghanlar bilen zamaniwi diwanichiliqni dawamlashturghan. (Buni ispatlaydighan uning özining awaz xatirisi bar)
Uni tonuydighan artushluq qérindashlarning bildürishiche, eslide inisimu aldamchiliqtin türmige kirgen bolup, buning bilen héch qandaq chétishliqi yoq iken.
Osman turan dégen yalghan nam bilen qaytidin térilgen abduwelini bu yürüshi türkiye axbarat wastilirida chiqqandin kéyin türkiyening her qaysi jaylirida yashaydighan we uning ziyankeshlikige uchrighan qerz igiliri uni tonup qélip, uyghur teshkilat bashliqliri we ilghar zatlargha uning bir saxtipez ikenliki heqqide erz qilishni bashlighan. Hetta topliship enqerege kélip milletchi heriket partiyesi binasi aldida uni reswa qilmaqchi ikenlikini éytqan. Uyghur chonglar «emdi bu yurush türkiye axbaratliri we téléwiziyelirige chiqip boldi. Bundaq weziyette osman turanning saxtipezlikini ashkarilash uyghurlarning türkiyediki obrazigha bolupmu sherqiy türkistan dawasigha éghir ziyan yetküzidu. Shunga bu pa'aliyet tügep, dewlet bahcheli bilen körüshüp bolghandin kéyin uninggha chirayliq nesihet qilip, uni ongshashqa tirishayli! siler bilenmu yüz körüshtürüp qerzinglarni baldurraq bérishke höjjet élip béreyli» dep teselli bergen. Dewlet bahcheli bilen uchrishish axirlashqandin kéyin derhal abduweli harun(osman turan)ni qerzdarlar bilen yüz türane we téléfonda körüshtürüp, qerzini choqum qayturudighanliqigha da'ir wede élish bilen birge qolida qanunluq höjjiti bolmighan qerzdarlargha qanunluq höjjet ilip bergen. Bundin kéyin adem bolidighanliqigha, xataliqlirigha tewbe qilidighanliqigha, bashqilarni hergiz aldimaydighanliqigha da'ir wede élip yolgha sélip qoyghan.
Bu yurushtin kéyin antalyagha qaytqan abdulweli (osman turan) ziyankeshlikige uchrighuchilarning tenqidliridin qutulush, uyghurlargha qilghan nacharliqlirini we meynetchiliklirini yoshurush üchün sherqiy türkistan dewasini suyi'istémal qilishtek asan yolgha kériwilip dewa namidin zamaniwi diwanichiliq qilishni dawamlashturghan. Aq partiye merkizge barghanda 4 barmaq körsitip, milletchi heriket partiyesige barsa, 2 barmaq körsitip yürüp ularning hésdashliqini shexisiy menpe'eti üchün suyi'istimal qilip hetta fésbuk we watsaplarda resimlirini hembehirlishitinmu xéjil bolmaydighan boliwalghan. Buninggha qarita türkiyediki nopuzluq dernek bashliqliri we bezi ziyalilar abduwelige ayrim- ayrim téléfun qilip chirayliq nesihet qilghan. Birer yerde ishlep, 6 balisini az bolsimu halaldin béqishi kéreklikini, qerz igilirige teselli bolghudek toghra heriket we pozitsiyelerde bolishi lazimliqini jikiligen.
Uninggha: «bu dewa 35 milyon zulumgha uchrighan uyghur türklirining dewasi. Bu dawada bayraq kötürüp aldida yüriydighan kishiler choqum, pak, qabiliyetlik, bilimlik,xelqning ishenchisige ige, mötiber kishiler bolushi lazim. Arqisida bir munche ziyankeshlikige uchrighan ademler we nachar qilmishliri bolghan adem bu dawadin uzaq turmisa, kéyin u meynetchilikliri otturigha chiqqanda sherqiy türkistan dawasining obrazigha éghir ziyan yétidu. Türk qérindashlirimizning uyghurlargha bolghan hésdashliqini melum gherezler üchün suyi'istémal qilishning bedili bek éghir bolidu. Derdini pütün millet tartidu. Shunga eger tewbe qildim dégenliring rast bolsa we sen heqiqeten bu dewaning kelgüsi istiqbalini oylaydighan bolsang, rastinla allah yolida xizmet qilishni xalisang, eng yaxshisi 6 balangni yaxshi terbiyeleshke merkezleshkin. Bayraq kötürüp yuruydighan ademler nurghun. Séning kémiyip qalghiningning héchqandaq chong tesiri bolmaydu » dep agahlandurghan.
6. Milletchi heriket partiyesi bashliqi dölet bahchelining 6 balisigha ich aghritip körsetken iltipati we ülkü ochaqlirining qilghan hésdashliqi we yardemliridin körenglep ketken abdulweli (osman turan) héch kishining sözige piset qilmay, ter tökmestin asan yoldin pul tépishning koyigha chüshken. Bu yil ramizan éyidiki zakat pitre mezgilidin paydilinish hemde se'udi erebistanning qatargha émbargo yürgüzishi we aq partiyening qatarni qollishini bahane qilip, aq partiyeningmu közige chirayliq körünüp nep ündürshning pilanini tüzgen. Kichiki 1 yash, eng chongi 9 yash etrapidiki 6 nareside balisinimu suyi'istémal qilip, qatar bayriqini kötürüp enqerege baridighanliqini we erdoghan bilen körüshidighanliqini jakarlighan. Biraq enqerede erdoghan bilen körüshüsh u yaqta tursun, jümhur re'islik külliyesinng ichigimu kirgüzülmigen abdulweli (osman turan) kéche - kéche küliye jameside tünepmu erdoghanni uchritalmighandin kéyin, axiri bayriqini jame imamigha yaman teslikte hediye qilip yene milletchi heriket partiyesining we ülkü ochaqlirining ishikini qaqqan. 6 Balisining yüz xatirisi üchün ülkü ochaqliri ezaliri yanchuqida bar yoqini uninggha bergen. Xéli köp fitre – zakatlar bilen yanchuquni toldurup antalyagha qayitqan. (Buheqte ülkü ochaqliri bashliqining éytip bergen tepsilatliri bar) lékin hich bir qerzdargha bir téyinmu qayturmighan. Eksiche özini tenqid qilghanla kishige «jasus munapiq» dep töhmet qilip, hetta dernekler uning epti – beshirisini bilidighan bolghachqa hemme yerde derneklerni tillashni dawamlshturghan, «men dernekke eza bolush teklipini ret qilghan bolghachqa dernekler manga düshmen» dep yalghanlarni sözlep yürgen. Antalyada saxtipezliki bir az guman qozghashqa bashlighanliqini hés qilghan abdulweli (osman turan) derhal adanagha yötkelgen.
Adanada milletchi heriket partiyesining sheher bashliqi huseyin sözlu uninggha ige chiqip belidiyede ma'ishliq ish we ijarisiz öy bilen teminligen. Buninggha qilche qana'et qilmighan abduweli téximu chong qoymichiliqning pilanini tüzüshke bashlighan. 400 Mo yerge uyghur mehellisi quridighan bolghanliqidin ibaret yalghanlarni ijtima'iy uchur wastilirida tarqitip yürgen.
Abduwelining eslide mezkur 400 mo yer bilen qilche alaqisi yoq bolup, buni qiliwatqan ish béshidiki uyghurlar bashqa tursimu, uning peqet milletke paydiliq bundaq uchurlardin xewer tapqan haman, tep tartmastin « özem qildim» dep watsap qatarliq uchur wastilirida élan béridighan pes aditi bolghachqa u hetta bir uyghur ayalgha, bashqilarning alghan yérining resimini körsitip, 70 ming türk lirasigha satmaqchi bolghan, biraq meqsitige yételmey shermende bolghini tas qalghan. (Hazir u ayalmu istanbulda bar)
Abduweli harun (osman turan) ning hazirghiche türkiyede, bayraq kötürüp yürüshtin bashqa éghizgha alghüdek emeliy héch bir xizmiti bolup baqmidi. Birer ademni qutuldurghan emiliy herikitimu yoq. U «men qutulduruwaldim» dep jar séliwatqan üch neper uyghurmu, yurt chonglirimizning munasiwiti arqiliq qutuldurulghan bolup, u peqet weqe jeryanida neq meydan'gha bille bérip qalghanla yéri bar.
7. Abduweli (osman turan) yer sétip qoymichiliq qilishta utuqqa érishelmigendin kéyin, yénigha nadan uyghurlarni toplap sherqiy türkistan dewasi qilish arqiliq türklerning hésdashliqini téxmu bek suy'stimal qilip chong nep undürüshning pilanini soqqan. Misirdiki xitayning zulmidin qachqan we uni tonumaydighan bir qanche oqughuchini ijarisiz öy bilen teminlesh bahanisi bilen yénigha tartqan. Ularni arqisigha sélip özini léder élan qiliwalghan abduweli sherqiy türkistan dawasini we dewlet bahchelining namini suyi'istémal qilip bashqa sheher nahiyelerni her xil bahaniler bilen aylinip, pul toplashqa urun'ghan. Bu ehwallardin xewer tapqan milletchi heriket partiyesi adana wilayetlik merkizi ezaliridin dilek yaren xanim teshkilatning tapshuriqi boyiche abdulweli (osman turan) ning saxtipez ikenliki heqqide agahlandurush élan qilghan. Buni körgen uyghurlarmu ijtima'iy taratqularda unu tenqid qilishqa bashlap bir - birini agahlandurghan.
8. Abduweli (osman turan) bu ehwalgha taqabil turush üchün yene bir qaltis shaytanliqini namayan qilghan. Derhal fésbuktin adana sheher bashliqi huseyin sözluning xitay hey'iti bilen yaki xitaylargha oxshaydighan bir hey'et bilen chüshken resimini tépip, andin dilek yaren xanimning sheher bashliqi huseyin özlü bilen birge chüshken resimini uninggha qoshup, izahat qismigha, «osman turan'gha töhmet qilghanlar ashkara boldi» dégen témini qoyup, özige yaxshiliq qilghan sheher bashliqi we epti beshirisini échip tashlighan dilek yaren xanimni xittay jasusi élan qilghan. Biraq bu töhmet xaraktérlik resimni özi hembehirleshse qandaq balagha qalidighanliqini bilgechke ustiliq bilen fésbukta özini qollaydighan kishilerdin eshu resimni hembehirlishishni telep qilip fésbukning ayrimxanisidin teyyalighan resimni özi biwaste yollap bergen. (Uning «tüzungni yep tuzliqinggha chéchay» deydighan bu ikki yüzlemchilikining we ayrim xana arqiliq u resimni kimlerge yollap bergenlikining pakitimu qolimizda bar)
Milletchi heriket partiyisi we ülkü ochaqliri éghizida qiliwatqan dewa bilen emeliy turmushida qilip yürgen qilmishliri birdek bolmighan bu ademning heqiqi meqset muddi'asini chüshen'gendin kéyin, yurt chonglirimizgha «uyghurlar buningdin özliri diqqet qilsun, bizning tégishlik tedbirlirimiz bar» dégen we öz ichidin qarar chiqirip, abduweli harunning héchqandaq milletchi heriket partiyisining ishxanisigha barmasliqini, burun chüshken süretlerni bazargha sélip, xelqini aldashqa ruxset qilmaydighanliqini biwatse téléfun bilen uninggha uqturup agahlandurghan. Barliq wilayet sheher, nahiye tarmaqlirigha uxturush chüshürüp bu saxtipezni yéqin yolatmasliqni jikiligen.
9. Emdilikte milletchi heriket partiyesi we ülkü ochaqliri aldida bolushigha shermende bolghan abduweli (osman turan) numus qilishni we bashqilarning 6 nareside balisigha ich aghritip tégishlik edipini bermeywatqanliqini bilmey, yaki bilsimu qesten bilmeske sélip, yéngi shumluqlarni pilanlawatqanliqi otturigha chiqmaqta. Emdilikte bir amalni qilip, aq partiyening közige körinish üchün arqisigha nadan insanlarni toplap, pa'aliyet qilishning ghémini qilmaqta. Taylandta yaki türkiyede türmide yétiwatqan kishilerning yéqinlirini özi bilen alaqe qilishqa chaqirip, melum shumluqni meqset qilmaqta. Shunga héch kishining bu saxitipezge aldinip alaqe qilmasliqini, türmilerdiki yéqinliri heqqide buninggha qet'iy melumat bermeslikini, namayish qilip pa'aliyet qilghusi kelgen teqdirdimu abdulweli (osman turan) dégen bu saxtipezni arilashturmay, yurt chongliri bilen meslihetliship ish qilishini jiddi uxturimiz.
Xulase:
Bu saxtipezning epti – beshirisi ashkarilandi. Sherqiy türkistan dewasini we muqeddes bayriqimizni qongidiki poqni éytidighan taziliq qeghizi yaki meyniti we peskeshlikini yoshuridighan, jumlidin ziyankeshlikige uchrighuchilarning eyibleshliridin qutulidighan qalqan qéliwilishtin uyat hés qilmaydighan, shunche uyghurlargha ziyankeshlik qilip turup, yene numus qilmastin uyghurlarning heq-hoquqini qughdighuchi qehriman boliwilishqa urinidighan bundaq tériktaplargha qilche étibar bermeslik lazim. Bu «osman turan» déyilidighan, özini «abduweli bughra léder» depmu atiwalghan, esli ismi abduweli harun (yaki mexsum ishpiyon) bolghan kishi sherqiy türkistan dewachisi emes. Sherqiy türkistan namidin héchqandaq pa'aliyet qilish, yardem toplash hoquqi yoq. Buning qilghan qimishlirigha héchbir sherqiy türkistanliq yaki ammiwi teshkilatlatlirimiz mes'ul emes.
Bu saxtipez axiri burnidin élindi. Yalghan qehrimanliqi pash boldi. Bu dewa sirtta qerzi barlar, nam chiqarghusi kelgenler we qongida éqip turghan poqni tazilimayla qehriman boliwilghusi kelgenlerning baghchisigha aylinip qalsa bolmaydu. Sherqiy türkistanda zülüm kündin-kün'ge éship bériwatqan bügünkidek künde, bundaq saxtipez, sewiyesz, zamaniwi télemchi, janbaqtilarning «lidir» boluwélip, türk xelqi aldida uyghur xelqining inawétini töküshige hergiz purset bermesligimiz lazim.
Türk xelqining nezeride, «lédiring qoymichi bolsa, her qaysing néme bolmaqchi?» Dégendek bir obrazni tiklesh meqsidide, xittay tajawuzchiliri pütün küchi bilen türkiyediki uyghurlarni, türk xelqining hésdashliqidin ayrishqa, uyghurlarning türkiyede élip bériwatqan sherqiy türkistan dewasini xunükleshtürüp, 2000 - yillardiki türkiyede uyghur bayriqini asalmasliq, namayish qilalmasliqtek muhitqa qayturush üchün barliq hiyle - neyrenglirini ishqa séliwatqan bügünkidek künde, arimizdin bundaq bir sün'iy qehrimanning peyda bolushi bizni heyran qaldurmay qalarmu?...
Bizge, bu mesilini « némishqa bashta tosimaysiler» dégüchilermu boldi. Yuqirida sewebliri yéterlik derijide izahlandi. Bu sün'iy «qehriman» ajayip bir misli körülmigen xarektirdiki bir tip bolup, uyghurning ichide bu xil tiptiki insanlar intayin az chiqidu. Biz munaswetlik orun we shexslerdin tepsili sürüshte qilip, ishenchilik matériyallargha érishkendin kéyin, andin bu yazmini yézip tarqattuq. Bu sün'iy «qehriman»ning ish - pa'aliyetliride bundaq tepsili toxtilishimizdiki seweb, uyghur dewasini süy'istimal qilmaqchi bolghanlarni ashkarilash we pash qilish mejburiyitimiz bolghanliqidindur. Shunga azraq waqtimizni ajritip qelem tewritishni ewzel körduq.
Arimizdin chiqqan rasit dawachilar bilen saxtipezlerni ayriyalaydighan, dushmen bilen dostini periqlendureleydighan bolayli! qachan'ghiche dushmenlerning dépigha usul oynap tekshurumey, keynige qarap baqmay> yaki chonglardin sürüshye qilip baqmay aghzidin chiqqan yalghan yawidaq sözlerge ishinip yurimiz.
Axirida, muhajirettiki qérindashlirimizning mezkur shexske nisbeten hushyarliqini östürüp, yuqarqidek qilmishlirini bayqighan haman biz bilen alaqe qilishini ümid qilimiz. Chunki, her bir uyghurning dewagha ige chiqish mes'uliyiti bar.
Eskertish:
Bu saxtipez heqiqide toghra melumat. Höjjet we ispatlarni uqup baqmaqchi bolghanlar, töwendiki kishiler bilen alaqe ornatsa bolidu:
Sherqiy türkistan yashlar jem'iyiti bashliqi tibet yüjetürk, sherqiy türkistan kültür we hemkarliq jem'iyiti re'isi siyit tümtürk. Uyghur akadémiyesi bashliqi abdulhemit qaraxan qatarliq barliq uyghur ammiwi teshkilatliri, ustazlardin dötsént doktor erkin emet, zhünalistlardin mirkamil qeshqeri we nebijan ela qatarliqlar silerni ishenchlik melumat bilen teminleydu.
Istanbulda yashawatqan qeriz igillirimu buning heqqide ispatliq guwahliqtin öteleydu.
Hörmet bilen: sherqiy türkistan uchur axbarat merkizi
2017 - Yili 11 - ayning 20 - küni

Unregistered
09-12-17, 12:18
bu adamni RFA bek jik hawar bardigu. aldamche bolsa

Unregistered
09-12-17, 15:32
bu adamni RFA bek jik hawar bardigu. aldamche bolsa

Osman Turan Namidiki Uyghur aldamchini tonuwelinglar“ ni oqup tolimu zirikip, harghan idim.
Sizning bu qisqa yazmingizni oqup Harduqum chiqti. Osman turan Erkin alptikin yaki Rabiye qadirchilik aldamchi emes ikenghu?

Unregistered
09-12-17, 20:27
Dawa aldamchilliri heli kop. Her dolette bar.

Unregistered
11-12-17, 19:59
bu adamni RFA bek jik hawar bardigu. aldamche bolsa

RFA ni bilmeydighan qandaq Adem sen? hayating Soal bilen otup ketemdu?

Unregistered
11-12-17, 20:09
Osman turanning Ismi we Atesini yezipsen. Yash qizningmu ismini atap , uning namini bolghaydighan sozlerni qipsen.
Sen Osman turandin ming hesse Nachar Adem ikensen. Pakit delilsiz, geptanliqingla bar iken. burunmu kopligen Uyghurgha Tohmet toqup, Reislerge qelemkesh bolghan biri sen. Hayating moshundaq shermendilik bilen otup ketermu?
seyt Tumturk kim? uni bilmeydighan Uyghur barmu?

ئوسمان تۇراننىڭ ئىسمى ۋە ئاتەسىنى يەزىپسەن. ياش قىزنىڭمۇ ئىسمىنى ئاتاپ ، ئۇنىڭ نامىنى بولغايدىغان سوزلەرنى قىپسەن.
سەن ئوسمان تۇراندىن مىڭ ھەسسە ناچار ئادەم ئىكەنسەن. پاكىت دەلىلسىز، گەپتانلىقىڭلا بار ئىكەن. بۇرۇنمۇ كوپلىگەن ئۇيغۇرغا توھمەت توقۇپ، رەئىسلەرگە قەلەمكەش بولغان بىرى سەن. ھاياتىڭ موشۇنداق شەرمەندىلىك بىلەن ئوتۇپ كەتەرمۇ؟



Osman turanning hazirghiche ashkarilanmighan heqiqiy kimliki[/url]


Axirida, muhajirettiki qérindashlirimizning mezkur shexske nisbeten hushyarliqini östürüp, yuqarqidek qilmishlirini bayqighan haman biz bilen alaqe qilishini ümid qilimiz. Chunki, her bir uyghurning dewagha ige chiqish mes'uliyiti bar.
Eskertish:
Bu saxtipez heqiqide toghra melumat. Höjjet we ispatlarni uqup baqmaqchi bolghanlar, töwendiki kishiler bilen alaqe ornatsa bolidu:
Sherqiy türkistan yashlar jem'iyiti bashliqi tibet yüjetürk, sherqiy türkistan kültür we hemkarliq jem'iyiti re'isi siyit tümtürk. Uyghur akadémiyesi bashliqi abdulhemit qaraxan qatarliq barliq uyghur ammiwi teshkilatliri, ustazlardin dötsént doktor erkin emet, zhünalistlardin mirkamil qeshqeri we nebijan ela qatarliqlar silerni ishenchlik melumat bilen teminleydu.
Istanbulda yashawatqan qeriz igillirimu buning heqqide ispatliq guwahliqtin öteleydu.
Hörmet bilen: sherqiy türkistan uchur axbarat merkizi
2017 - Yili 11 - ayning 20 - küni

Unregistered
12-12-17, 09:17
Birinji derijilik Qoymuchi Erkin alptikin.
Ikkinji derijilik Qoymuchi Perhat yorungqash.
Uchunji derijilik Qoymuchi Rabiye Qadir.
4-
5-
6-
7-