PDA

View Full Version : UAA ning 2017 Yiliq Jumhuriyet Bayrimimizni Xatirlesh Paaliyit Heqqidiki Uqturush



moderator9
01-11-17, 14:33
Amérika Uyghur Birleshmisining 2017-yilliq jumhuriyet bayrimimizni xatirlesh pa’aliyiti heqqidiki uqturushi


Essalamu’eleykum hörmetlik qérindashlar,

Hemminglarni pat arida yétip kélidighan jumhuriyet bayrimimiz bilen qutlaymiz!

20-esirde wetinimizde qurulghan ikki qétimliq Sherqiy Türkistan jumhuriyiti Uyghur xelqining hör we erkin hayatta yashash shundaqla musteqil milliy dölet berpa qilish yolidiki tewrenmes milliy iradisining yimirilmes tarixiy delilidur.

1930-yillarning bashliridiki milliy qutulush inqilabining netijisi süpitide Qeshqerde qurulghan Sherqiy Türkistan Islam jumhuriyiti (1933-1934) we 1944-yilidiki Ili inqilabining netijiside Ghuljida élan qilin’ghan Sherqiy Türkistan jumhuriyiti (1944-1949) oxshash bir künde, yeni 11-ayning 12-küni dunyagha jakarlan’ghan.

Shundin buyan 12-noyabir Sherqiy Türkistan xelqining jumhuriyet bayrimi süpitide xatirlinip kelmekte.

Amérika Uyghur Birleshmisi bu munasiwet bilen 2017-yilliq jumhuriyet bayrimimizni xatirilesh pa’aliyiti ötküzüshni qarar qildi. Xatirilesh pa’aliyitide aldi bilen ikki qétimliq jumhuriyitimizning tarixi we uning eyni chaghdiki gherb taratqulirida anglitilishi heqqide mexsus léksiye sözlinidu. Andin klassik we hazirqi zaman muteppekkurlirimizning eserliridin jewherler tallinip déklamatsiye qilinidu. Belgilik sen’et talantigha ige yash mahirlirimiz Uyghur naxsha-ussulliridin örnekler orundaydu. Pa’aliyitimizge eger özlikidin nomur teqdim qilishni xalaydighanlar qérindashlirimiz bolsa qizghin qarshi alimiz.

Eziz qerindashlar, pat arida yétip kélidighan jumhuriyet bayrimimizni birlikte menilik ötküzüsh üchün Amérikida yashaydighan barliq Uyghur qérindashlarni we ularning a’ile tawabiatlirini teklip qilimiz.

Jumhuriyet bayrimimiz bizning hem sizning bayrimingiz, shundaqla pütkül Uyghur xelqining bayrimidur.

Addrés: 6633 Arlington Blvd, Falls Church, VA 22042
Waqti: 2017-yili 11 ayning 19 küni (Yekshenbe) sa’et 2:00-8:00 pm

Hörmet bilen,
Amerika Uyghur Birleshmisi idare hey’iti

2017- yili 11-ayning 1-kuni