PDA

View Full Version : Elrohlan: Prézidént Tramp, Milletchi Aq Tenlikler we Musulmanlar



El rohlan
08-09-17, 00:56
Prézidént Tramp, Milletchi Aq Tenlikler we Musulmanlar

Elrohlan
2017-yili 8-Séntebir


Bu yil 12-Awghust (Shenbe) küni Amérika Wirjiniye shtati Charlotiswil (Charlottesville) shehiride milletchi aq tenlikler bilen ulargha qarshi kishiler otturisida bir qétimliq toqunush yüz berdi. Toqunush jeryanida bir milletchi aq tenlik mashinisini qarshi terep kishiler topi ichige heydep, bir ayalni öltürüp, yene 19 kishini éghir yaridar qildi. Bu weqedin kéyin Amérika prézidénti Donald Tramp oxshimighan kün we oxshimighan jaylarda ashu weqe heqqide 3 – 4 qétim söz qilip, kishini chöchütidighan bir qisim ehwallarni dunya aldida ashkarilidi. U ashkarilighan ehwallar ichide mundaqliri bar:

--1) Amérika adette dunyadiki kishiler eng xatirjem yashiyalaydighan döletlerning biri bolsimu, uningdiki milliy bölünüsh ziddiyetliri anche yénik emes iken.
--2) Donald Tramp barliq Amérikiliqlarning prézidénti bolmastin, belki peqet milletchi aq tenliklerning prézidénti iken.
--3) Eger Amérikidiki milliy bölünüsh yenimu ewjige chiqip qalsa, Amérikidiki Musulmanlar hemmidin éghir ziyanlargha uchraydiken.

Yuqiridiki 1- we 2-nuqtilar wetendashlargha bir az ayding bolsimu, 3-nuqta unchiwala ayding emes. Uning üstige yuqiridiki weqe munasiwiti bilen téléwizor we bashqa her xil ijtima’iy taratqularda kishiler burun anche köp anglimaydighan bir qisim sözler nahayiti köp tilgha élinishqa bashlidi. Mesilen, «aq tenliklerni hemmidin üstün dep qarighuchilar» (white supremacists), «aq tenlik milletchiler» (white nationalists), «aq tenlik kemsitküchiler» (white racists), «K K K» (Ku Klux Klan, KKK), «ittipaqdashlar» (confederates), we né’o-Natsistlar yaki yéngi-Natsistlar (neo-Nazis) qatarliqlar [1, 2]. Men mezkur yazmida yuqiridiki atalghularning beziliri, hemde ishlar dawamliq yamanliship mangsa Amérikidiki Musulmanlar duch kélidighan xirislar heqqide qisqiche chüshenche bérip ötimen. Méning bu qétim bayan qilidighinim doktor Yasir Qazining Amérika Mémfis Islam Merkizide bu yil 18-Awghust (Jüme) küni sözligen Xutbe nutuqining özüm tallighan mezmunliri. Töwendiki mezmunlarning hemmisi yuqiridiki menbege tewe bolup, eger uninggha özüm söz qoshmaqchi bolsam men sözümni «Ilawe» bilen bashlan’ghan bir ayrim abzas qilip qisturup qoyimen.

Töwendikisi doktor Yasir Qazining dégenliri.

Bir hediste Muhemmed eleyhissalam dep bergen mundaq bir ish riwayet qilinidu: Zaman axiri yéqinlashqanda, Musulmanlar arqa-arqidin kelgen sinaqlargha duch kélidu. Her qétim bir sinaq kelgende, iman éytquchilar wehimige chüshüp, «biz bu sinaqtin ötelmeymiz», dep qorqidu. Emma Allah ulargha ishikni échip béridu, we Allah héliqidek wehimini yoq qiliwétidu.

Biz hazir her küni, her heptisi we her ayda qanchilighan weqeler yüz bériwatqinigha, biz qanchilighan mesililerge duch kéliwatqinimizgha qarap baqayli. Arimizdiki yéshi chongraq kishiler 70-, 80- we 90-yilliridiki ehwallarning hazirqigha neqeder oxshimaydighanliqini bilidu. Hazir yüz bériwatqan ishlar burun körülüp baqqan emes. Biz hazir ötken hepte Charlotiswilde yüz bergen weqening tesiri bilen hepilishiwatimiz. Ötken heptidiki weqe Amérikining bir qarangghu teripini körsitip berdi. Özlirini hemmidin üstün dep qarighuchilar, K K K ezaliri we yéngi Natsistlar ap’ashkara halda, we héchqandaq nomus hés qilmighan halda dunyagha özlirining bashqilarni kemsitküchilerdin ikenlikini, hemde özliri buningdin pexirlinidighanliqini jakarlidi. Biz ashu bir jaydiki bir weqening aqiwitini körduq, yeni, u yerde bir gunahsiz kishi öldi. Ikki künning aldida Ispaniyedimu bir weqe yüz bérip, hazir biz özimizdiki ashu weqedin kélip chiqqan rohiy zeximini saqaytish üchün tirishiwatimiz. Bügünki xutbide biz ashu weqelerni Islamiy uqumlar bilen chüshendürüp, mushundaq ehwallarda biz Musulmanlar qandaq qilishimiz kérekliki, ashundaq milliy öchmenlik hadisilirige qandaq taqabil turushimiz kérekliki üstide toxtilimiz.


1-resim: Doktor Yasir Qazining Amérika Mémfis Islam Merkizide 2017-yili 18-Awghust (Jüme) küni xutbe nutuqi sözlewatqan waqittiki bir körünüsh.

Qérindashlar, méning aldi bilen eskertidighinim, biz ashundaq qutratquluq (rhetoric) heriketliri keltürüp chiqiridighan xeterge sel qarimasliqimiz kérek. Tarixtin xewiri barlar tarixtimu hazirqigha oxshash weqelerning qayta-qaytilap yüz bergenlikini, keng-kölemlik irqiy kemsitish we irqiy qirghinchiliqlarning köp qétim yüz bergenlikini bilidu. Undaq ishlar 1940 – 1950-yillardimu yüz bergen. Mesilen, 2-dunya urushi mezgilide Amérikidiki 250 ming etrapidiki Yaponluqlar öz öyliridin tutqun qilinip, yighiwélish lagérlirigha solap qoyulghan. Ular xizmetliridin heydelgen. Baliliri mektepke baralmighan. Ashundaq mu’amilige uchrighan kishilerning bir qismi hazirmu hayat.

Ashundaq weqeler bir kün ichidila yüz bergen emes. Ular yüz bérishtin burunqi xéli uzun waqit ichide söz bilen qutratquluq qilish heriketliri élip bérilghan. 1930 – 1940-yilliri Natsist Gérmaniye qandaq ishlarni qilghanliqi biz hemmimizning éside bar. U chaghdiki kishilerning bir qismimu hazirmu hayat. Ashu chaghdiki chong qirghinchiliq (Holocaust) ta jem’iy 11 milyon adem öldi. Ularning ichidiki 6 milyon kishi Yehudiylar bolup, qalghan 5 milyon adem bashqa milletlerge tewe kishiler. Gérmanlar özliri yaqturmighan az sanliq milletlerning hemmisini yoqitish nishani qildi. Bu 11 milyon ademni öltürüsh üchün 3 yil waqit ketti. Uninggha teyyarliq qilish üchün bolsa ashu 3 yildin burunqi 10 yil waqit ketti. Ashundaq chong weqelerni sadir qilish üchün siz aldi bilen söz bilen qutratquluq qilmisingiz, we teshwiqat élip barmisingiz bolmaydu.

Bizning bügün körüwatqinimiz ene shundaq weqelerning aldinqi qedem-basquchliridur. Aq tenliklerni hemmidin üstün dep qarighuchilar, K K K, we yéngi-Natsistlar heqiqetenmu héch qandaq az sanliq milletlerni yaqturmaydu. Emma, shu nerse nahayiti éniq bolsunki, barliq az sanliq milletler ichide ularning hemmidin bek qarshi turidighini, ularning yoqitish tizimlikide 1-orunda turidighini bizler, yeni Musulmanlar jama’etliri. Allah bizni öz panahida saqlisun. Eger Amérikida burunqidek birer weqe yüz bérip qalidiken, biz ularning 1-nishanigha aylinimiz. Shunglashqa bizning hazir shekilliniwatqan irqiy öchmenlik xahishlirigha perwa qilmay qarap turushqa héch qandaq waqtimiz qalmidi.

Undaqta biz qandaq qilishimiz kérek? Bir xutbining waqtida biz hemme mesililerni hel qilip bolalmaymiz. Shunglashqa men bu yerde bizge paydiliq bolghan 4 – 5 ishlarni chüshendürüp ötimen.


(Dawami bar)


Mezkur Maqale bilen Munasiwetlik Burunqi Yazmilar:

[1] Junggo Asiyadiki Hökümran Küch Bolalmaydu
http://forum.uyghuramerican.org/forum/showthread.php?47047-Junggo-Asiyadiki-H%F6k%FCmran-K%FCch-Bolalmaydu

[2] Junggo bilen Amérikining Urushush Éhtimalliqi Qanchilik?
http://forum.uyghuramerican.org/forum/showthread.php?47243-Junggo-bilen-Am%E9rikining-Urushush-%C9htimalliqi-Qanchilik

[3] Trampning Prézidént Bolushi Junggo Üchün Némidin Dérek Béridu?
http://forum.uyghuramerican.org/forum/showthread.php?47285-Trampning-Pr%E9zid%E9nt-Bolushi-Junggo-%DCch%FCn-N%E9midin-D%E9rek-B%E9ridu

[4] Millet Döliti, Medeniyet Döliti, we Assimilyatsiye
http://forum.uyghuramerican.org/forum/showthread.php?47355-Millet-D%F6liti-Medeniyet-D%F6liti-we-Assimilyatsiye

[5] Shi Jinping Junggoni Buningdin Kéyin Qaysi Terepke Yétekleydu?
http://forum.uyghuramerican.org/forum/showthread.php?47402-Shi-Jinping-Junggoni-Buningdin-K%E9yin-Qaysi-Terepke-Y%E9tekleydu

[6] Junggo Dunyadiki 1-Orun’gha Chiqqanda
http://forum.uyghuramerican.org/forum/showthread.php?47450-Elrohlan-Junggo-Dunyadiki-1-Orun%92gha-Chiqqanda

[7] Tarix Bilen Söhbet: Amérika, Gherb, Asiya, we Junggo
http://forum.uyghuramerican.org/forum/showthread.php?47530-Tarix-Bilen-S%F6hbet-Am%E9rika-Gherb-Asiya-we-Junggo

[8] Junggo Némishqa Tinch Yol Bilen Tereqqiy Qilalmaydu?
http://forum.uyghuramerican.org/forum/showthread.php?47665-Elrohlan-Junggo-N%E9mishqa-Tinch-Yol-Bilen-Tereqqiy-Qilalmaydu

[9] Némishqa Lidérlar Yalghanchiliq Qilidu?
http://forum.uyghuramerican.org/forum/showthread.php?47870-Elrohlan-N%E9mishqa-Lid%E9rlar-Yalghanchiliq-Qilidu

[10] Junggoning Bir Belwagh, Bir Yol Pilani Heqqide Qisqiche Chüshenche
http://forum.uyghuramerican.org/forum/showthread.php?48459-Elrohlan-Junggoning-Bir-Belwagh-Bir-Yol-Pilani-Heqqide-Qisqiche-Ch%FCshenche

[11] Junggoning Uyghur Diyari we Pakistandin Ötüdighan Yéngi Yipek Yoli
http://forum.uyghuramerican.org/forum/showthread.php?48510-Elrohlan-Junggoning-Uyghur-Diyari-we-Pakistandin-%D6t%FCdighan-Y%E9ngi-Yipek-Yoli

[12] Pakistan Parchilinip Kétemdu?
http://forum.uyghuramerican.org/forum/showthread.php?48630-Elrohlan-Pakistan-Parchilinip-K%E9temdu

[13] Junggo «Yumshaq Küch» te Dunyadiki 1-Orun’gha Chiqalamdu?
http://forum.uyghuramerican.org/forum/showthread.php?48818-Elrohlan-Junggo-%ABYumshaq-K%FCch%BB-te-Dunyadiki-1-Orun%92gha-Chiqalamdu

[14] Junggo, Amérika we Zérek Küch (Smart Power)
http://forum.uyghuramerican.org/forum/showthread.php?48843-Elrohlan-Junggo-Am%E9rika-we-Z%E9rek-K%FCch-(Smart-Power)

El rohlan
08-09-17, 01:03
پرېزىدېنت ترامپ، مىللەتچى ئاق تەنلىكلەر ۋە مۇسۇلمانلار

ئەلروھلان
2017-يىلى 8-سېنتەبىر




بۇ يىل 12-ئاۋغۇست (شەنبە) كۈنى ئامېرىكا ۋىرجىنىيە شتاتى چارلوتىسۋىل (Charlottesville) شەھىرىدە مىللەتچى ئاق تەنلىكلەر بىلەن ئۇلارغا قارشى كىشىلەر ئوتتۇرىسىدا بىر قېتىملىق توقۇنۇش يۈز بەردى. توقۇنۇش جەريانىدا بىر مىللەتچى ئاق تەنلىك ماشىنىسىنى قارشى تەرەپ كىشىلەر توپى ئىچىگە ھەيدەپ، بىر ئايالنى ئۆلتۈرۈپ، يەنە 19 كىشىنى ئېغىر يارىدار قىلدى. بۇ ۋەقەدىن كېيىن ئامېرىكا پرېزىدېنتى دونالد ترامپ ئوخشىمىغان كۈن ۋە ئوخشىمىغان جايلاردا ئاشۇ ۋەقە ھەققىدە 3 – 4 قېتىم سۆز قىلىپ، كىشىنى چۆچۈتىدىغان بىر قىسىم ئەھۋاللارنى دۇنيا ئالدىدا ئاشكارىلىدى. ئۇ ئاشكارىلىغان ئەھۋاللار ئىچىدە مۇنداقلىرى بار:

--1) ئامېرىكا ئادەتتە دۇنيادىكى كىشىلەر ئەڭ خاتىرجەم ياشىيالايدىغان دۆلەتلەرنىڭ بىرى بولسىمۇ، ئۇنىڭدىكى مىللىي بۆلۈنۈش زىددىيەتلىرى ئانچە يېنىك ئەمەس ئىكەن.
--2) دونالد ترامپ بارلىق ئامېرىكىلىقلارنىڭ پرېزىدېنتى بولماستىن، بەلكى پەقەت مىللەتچى ئاق تەنلىكلەرنىڭ پرېزىدېنتى ئىكەن.
--3) ئەگەر ئامېرىكىدىكى مىللىي بۆلۈنۈش يەنىمۇ ئەۋجىگە چىقىپ قالسا، ئامېرىكىدىكى مۇسۇلمانلار ھەممىدىن ئېغىر زىيانلارغا ئۇچرايدىكەن.

يۇقىرىدىكى 1- ۋە 2-نۇقتىلار ۋەتەنداشلارغا بىر ئاز ئايدىڭ بولسىمۇ، 3-نۇقتا ئۇنچىۋالا ئايدىڭ ئەمەس. ئۇنىڭ ئۈستىگە يۇقىرىدىكى ۋەقە مۇناسىۋىتى بىلەن تېلېۋىزور ۋە باشقا ھەر خىل ئىجتىمائىي تاراتقۇلاردا كىشىلەر بۇرۇن ئانچە كۆپ ئاڭلىمايدىغان بىر قىسىم سۆزلەر ناھايىتى كۆپ تىلغا ئېلىنىشقا باشلىدى. مەسىلەن، «ئاق تەنلىكلەرنى ھەممىدىن ئۈستۈن دەپ قارىغۇچىلار» (white supremacists)، «ئاق تەنلىك مىللەتچىلەر» (white nationalists)، «ئاق تەنلىك كەمسىتكۈچىلەر» (white racists)، «ك ك ك» (Ku Klux Klan, KKK)، «ئىتتىپاقداشلار» (confederates)، ۋە نېئو-ناتسىستلار ياكى يېڭى-ناتسىستلار (neo-Nazis) قاتارلىقلار [1، 2]. مەن مەزكۇر يازمىدا يۇقىرىدىكى ئاتالغۇلارنىڭ بەزىلىرى، ھەمدە ئىشلار داۋاملىق يامانلىشىپ ماڭسا ئامېرىكىدىكى مۇسۇلمانلار دۇچ كېلىدىغان خىرىسلار ھەققىدە قىسقىچە چۈشەنچە بېرىپ ئۆتىمەن. مېنىڭ بۇ قېتىم بايان قىلىدىغىنىم دوكتور ياسىر قازىنىڭ ئامېرىكا مېمفىس ئىسلام مەركىزىدە بۇ يىل 18-ئاۋغۇست (جۈمە) كۈنى سۆزلىگەن خۇتبە نۇتۇقىنىڭ ئۆزۈم تاللىغان مەزمۇنلىرى. تۆۋەندىكى مەزمۇنلارنىڭ ھەممىسى يۇقىرىدىكى مەنبەگە تەۋە بولۇپ، ئەگەر ئۇنىڭغا ئۆزۈم سۆز قوشماقچى بولسام مەن سۆزۈمنى «ئىلاۋە» بىلەن باشلانغان بىر ئايرىم ئابزاس قىلىپ قىستۇرۇپ قويىمەن.

تۆۋەندىكىسى دوكتور ياسىر قازىنىڭ دېگەنلىرى.

بىر ھەدىستە مۇھەممەد ئەلەيھىسسالام دەپ بەرگەن مۇنداق بىر ئىش رىۋايەت قىلىنىدۇ: زامان ئاخىرى يېقىنلاشقاندا، مۇسۇلمانلار ئارقا-ئارقىدىن كەلگەن سىناقلارغا دۇچ كېلىدۇ. ھەر قېتىم بىر سىناق كەلگەندە، ئىمان ئېيتقۇچىلار ۋەھىمىگە چۈشۈپ، «بىز بۇ سىناقتىن ئۆتەلمەيمىز»، دەپ قورقىدۇ. ئەمما ئاللاھ ئۇلارغا ئىشىكنى ئېچىپ بېرىدۇ، ۋە ئاللاھ ھېلىقىدەك ۋەھىمىنى يوق قىلىۋېتىدۇ.

بىز ھازىر ھەر كۈنى، ھەر ھەپتىسى ۋە ھەر ئايدا قانچىلىغان ۋەقەلەر يۈز بېرىۋاتقىنىغا، بىز قانچىلىغان مەسىلىلەرگە دۇچ كېلىۋاتقىنىمىزغا قاراپ باقايلى. ئارىمىزدىكى يېشى چوڭراق كىشىلەر 70-، 80- ۋە 90-يىللىرىدىكى ئەھۋاللارنىڭ ھازىرقىغا نەقەدەر ئوخشىمايدىغانلىقىنى بىلىدۇ. ھازىر يۈز بېرىۋاتقان ئىشلار بۇرۇن كۆرۈلۈپ باققان ئەمەس. بىز ھازىر ئۆتكەن ھەپتە چارلوتىسۋىلدە يۈز بەرگەن ۋەقەنىڭ تەسىرى بىلەن ھەپىلىشىۋاتىمىز. ئۆتكەن ھەپتىدىكى ۋەقە ئامېرىكىنىڭ بىر قاراڭغۇ تەرىپىنى كۆرسىتىپ بەردى. ئۆزلىرىنى ھەممىدىن ئۈستۈن دەپ قارىغۇچىلار، ك ك ك ئەزالىرى ۋە يېڭى ناتسىستلار ئاپئاشكارا ھالدا، ۋە ھېچقانداق نومۇس ھېس قىلمىغان ھالدا دۇنياغا ئۆزلىرىنىڭ باشقىلارنى كەمسىتكۈچىلەردىن ئىكەنلىكىنى، ھەمدە ئۆزلىرى بۇنىڭدىن پەخىرلىنىدىغانلىقىنى جاكارلىدى. بىز ئاشۇ بىر جايدىكى بىر ۋەقەنىڭ ئاقىۋىتىنى كۆردۇق، يەنى، ئۇ يەردە بىر گۇناھسىز كىشى ئۆلدى. ئىككى كۈننىڭ ئالدىدا ئىسپانىيەدىمۇ بىر ۋەقە يۈز بېرىپ، ھازىر بىز ئۆزىمىزدىكى ئاشۇ ۋەقەدىن كېلىپ چىققان روھىي زەخىمىنى ساقايتىش ئۈچۈن تىرىشىۋاتىمىز. بۈگۈنكى خۇتبىدە بىز ئاشۇ ۋەقەلەرنى ئىسلامىي ئۇقۇملار بىلەن چۈشەندۈرۈپ، مۇشۇنداق ئەھۋاللاردا بىز مۇسۇلمانلار قانداق قىلىشىمىز كېرەكلىكى، ئاشۇنداق مىللىي ئۆچمەنلىك ھادىسىلىرىگە قانداق تاقابىل تۇرۇشىمىز كېرەكلىكى ئۈستىدە توختىلىمىز.


1-رەسىم: دوكتور ياسىر قازىنىڭ ئامېرىكا مېمفىس ئىسلام مەركىزىدە 2017-يىلى 18-ئاۋغۇست (جۈمە) كۈنى خۇتبە نۇتۇقى سۆزلەۋاتقان ۋاقىتتىكى بىر كۆرۈنۈش.

قېرىنداشلار، مېنىڭ ئالدى بىلەن ئەسكەرتىدىغىنىم، بىز ئاشۇنداق قۇتراتقۇلۇق (rhetoric) ھەرىكەتلىرى كەلتۈرۈپ چىقىرىدىغان خەتەرگە سەل قارىماسلىقىمىز كېرەك. تارىختىن خەۋىرى بارلار تارىختىمۇ ھازىرقىغا ئوخشاش ۋەقەلەرنىڭ قايتا-قايتىلاپ يۈز بەرگەنلىكىنى، كەڭ-كۆلەملىك ئىرقىي كەمسىتىش ۋە ئىرقىي قىرغىنچىلىقلارنىڭ كۆپ قېتىم يۈز بەرگەنلىكىنى بىلىدۇ. ئۇنداق ئىشلار 1940 – 1950-يىللاردىمۇ يۈز بەرگەن. مەسىلەن، 2-دۇنيا ئۇرۇشى مەزگىلىدە ئامېرىكىدىكى 250 مىڭ ئەتراپىدىكى ياپونلۇقلار ئۆز ئۆيلىرىدىن تۇتقۇن قىلىنىپ، يىغىۋېلىش لاگېرلىرىغا سولاپ قويۇلغان. ئۇلار خىزمەتلىرىدىن ھەيدەلگەن. بالىلىرى مەكتەپكە بارالمىغان. ئاشۇنداق مۇئامىلىگە ئۇچرىغان كىشىلەرنىڭ بىر قىسمى ھازىرمۇ ھايات.

ئاشۇنداق ۋەقەلەر بىر كۈن ئىچىدىلا يۈز بەرگەن ئەمەس. ئۇلار يۈز بېرىشتىن بۇرۇنقى خېلى ئۇزۇن ۋاقىت ئىچىدە سۆز بىلەن قۇتراتقۇلۇق قىلىش ھەرىكەتلىرى ئېلىپ بېرىلغان. 1930 – 1940-يىللىرى ناتسىست گېرمانىيە قانداق ئىشلارنى قىلغانلىقى بىز ھەممىمىزنىڭ ئېسىدە بار. ئۇ چاغدىكى كىشىلەرنىڭ بىر قىسمىمۇ ھازىرمۇ ھايات. ئاشۇ چاغدىكى چوڭ قىرغىنچىلىق (Holocaust) تا جەمئىي 11 مىليون ئادەم ئۆلدى. ئۇلارنىڭ ئىچىدىكى 6 مىليون كىشى يەھۇدىيلار بولۇپ، قالغان 5 مىليون ئادەم باشقا مىللەتلەرگە تەۋە كىشىلەر. گېرمانلار ئۆزلىرى ياقتۇرمىغان ئاز سانلىق مىللەتلەرنىڭ ھەممىسىنى يوقىتىش نىشانى قىلدى. بۇ 11 مىليون ئادەمنى ئۆلتۈرۈش ئۈچۈن 3 يىل ۋاقىت كەتتى. ئۇنىڭغا تەييارلىق قىلىش ئۈچۈن بولسا ئاشۇ 3 يىلدىن بۇرۇنقى 10 يىل ۋاقىت كەتتى. ئاشۇنداق چوڭ ۋەقەلەرنى سادىر قىلىش ئۈچۈن سىز ئالدى بىلەن سۆز بىلەن قۇتراتقۇلۇق قىلمىسىڭىز، ۋە تەشۋىقات ئېلىپ بارمىسىڭىز بولمايدۇ.

بىزنىڭ بۈگۈن كۆرۈۋاتقىنىمىز ئەنە شۇنداق ۋەقەلەرنىڭ ئالدىنقى قەدەم-باسقۇچلىرىدۇر. ئاق تەنلىكلەرنى ھەممىدىن ئۈستۈن دەپ قارىغۇچىلار، ك ك ك، ۋە يېڭى-ناتسستلار ھەقىقەتەنمۇ ھېچ قانداق ئاز سانلىق مىللەتلەرنى ياقتۇرمايدۇ. ئەمما، شۇ نەرسە ناھايىتى ئېنىق بولسۇنكى، بارلىق ئاز سانلىق مىللەتلەر ئىچىدە ئۇلارنىڭ ھەممىدىن بەك قارشى تۇرىدىغىنى، ئۇلارنىڭ يوقىتىش تىزىملىكىدە 1-ئورۇندا تۇرىدىغىنى بىزلەر، يەنى مۇسۇلمانلار جامائەتلىرى. ئاللاھ بىزنى ئۆز پاناھىدا ساقلىسۇن. ئەگەر ئامېرىكىدا بۇرۇنقىدەك بىرەر ۋەقە يۈز بېرىپ قالىدىكەن، بىز ئۇلارنىڭ 1-نىشانىغا ئايلىنىمىز. شۇڭلاشقا بىزنىڭ ھازىر شەكىللىنىۋاتقان ئىرقىي ئۆچمەنلىك خاھىشلىرىغا پەرۋا قىلماي قاراپ تۇرۇشقا ھېچ قانداق ۋاقتىمىز قالمىدى.

ئۇنداقتا بىز قانداق قىلىشىمىز كېرەك؟ بىر خۇتبىنىڭ ۋاقتىدا بىز ھەممە مەسىلىلەرنى ھەل قىلىپ بولالمايمىز. شۇڭلاشقا مەن بۇ يەردە بىزگە پايدىلىق بولغان 4 – 5 ئىشلارنى چۈشەندۈرۈپ ئۆتىمەن.


(داۋامى بار)


مەزكۇر ماقالە بىلەن مۇناسىۋەتلىك بۇرۇنقى يازمىلار:

[1] جۇڭگو ئاسىيادىكى ھۆكۈمران كۈچ بولالمايدۇ
http://forum.uyghuramerican.org/forum/showthread.php?47047-Junggo-Asiyadiki-H%F6k%FCmran-K%FCch-Bolalmaydu

[2] جۇڭگو بىلەن ئامېرىكىنىڭ ئۇرۇشۇش ئېھتىماللىقى قانچىلىك؟
http://forum.uyghuramerican.org/forum/showthread.php?47243-Junggo-bilen-Am%E9rikining-Urushush-%C9htimalliqi-Qanchilik

[3] ترامپنىڭ پرېزىدېنت بولۇشى جۇڭگو ئۈچۈن نېمىدىن دېرەك بېرىدۇ؟
http://forum.uyghuramerican.org/forum/showthread.php?47285-Trampning-Pr%E9zid%E9nt-Bolushi-Junggo-%DCch%FCn-N%E9midin-D%E9rek-B%E9ridu

[4] مىللەت دۆلىتى، مەدەنىيەت دۆلىتى، ۋە ئاسسىمىلياتسىيە
http://forum.uyghuramerican.org/forum/showthread.php?47355-Millet-D%F6liti-Medeniyet-D%F6liti-we-Assimilyatsiye

[5] شى جىنپىڭ جۇڭگونى بۇنىڭدىن كېيىن قايسى تەرەپكە يېتەكلەيدۇ؟
http://forum.uyghuramerican.org/forum/showthread.php?47402-Shi-Jinping-Junggoni-Buningdin-K%E9yin-Qaysi-Terepke-Y%E9tekleydu

[6] جۇڭگو دۇنيادىكى 1-ئورۇنغا چىققاندا
http://forum.uyghuramerican.org/forum/showthread.php?47450-Elrohlan-Junggo-Dunyadiki-1-Orun%92gha-Chiqqanda

[7] تارىخ بىلەن سۆھبەت: ئامېرىكا، غەرب، ئاسىيا، ۋە جۇڭگو
http://forum.uyghuramerican.org/forum/showthread.php?47530-Tarix-Bilen-S%F6hbet-Am%E9rika-Gherb-Asiya-we-Junggo

[8] جۇڭگو نېمىشقا تىنچ يول بىلەن تەرەققىي قىلالمايدۇ؟
http://forum.uyghuramerican.org/forum/showthread.php?47665-Elrohlan-Junggo-N%E9mishqa-Tinch-Yol-Bilen-Tereqqiy-Qilalmaydu

[9] نېمىشقا لىدېرلار يالغانچىلىق قىلىدۇ؟
http://forum.uyghuramerican.org/forum/showthread.php?47870-Elrohlan-N%E9mishqa-Lid%E9rlar-Yalghanchiliq-Qilidu

[10] جۇڭگونىڭ بىر بەلۋاغ، بىر يول پىلانى ھەققىدە قىسقىچە چۈشەنچە
http://forum.uyghuramerican.org/forum/showthread.php?48459-Elrohlan-Junggoning-Bir-Belwagh-Bir-Yol-Pilani-Heqqide-Qisqiche-Ch%FCshenche

[11] جۇڭگونىڭ ئۇيغۇر دىيارى ۋە پاكىستاندىن ئۆتۈدىغان يېڭى يىپەك يولى
http://forum.uyghuramerican.org/forum/showthread.php?48510-Elrohlan-Junggoning-Uyghur-Diyari-we-Pakistandin-%D6t%FCdighan-Y%E9ngi-Yipek-Yoli

[12] پاكىستان پارچىلىنىپ كېتەمدۇ؟
http://forum.uyghuramerican.org/forum/showthread.php?48630-Elrohlan-Pakistan-Parchilinip-K%E9temdu

[13] جۇڭگو «يۇمشاق كۈچ» تە دۇنيادىكى 1-ئورۇنغا چىقالامدۇ؟
http://forum.uyghuramerican.org/forum/showthread.php?48818-Elrohlan-Junggo-%ABYumshaq-K%FCch%BB-te-Dunyadiki-1-Orun%92gha-Chiqalamdu

[14] جۇڭگو، ئامېرىكا ۋە زېرەك كۈچ (Smart Power)
http://forum.uyghuramerican.org/forum/showthread.php?48843-Elrohlan-Junggo-Am%E9rika-we-Z%E9rek-K%FCch-(Smart-Power)

moderator9
14-09-17, 23:17
Prézidént Tramp, Milletchi Aq Tenlikler we Musulmanlar


Elrohlan
2017-yili 15-Séntebir


(Dawami)


1. Bilim Küch Démektur

Her birimiz hazir yüz bériwatqan ishlar heqqide toluq bilimge ige bolushimiz kérek. Biz dunyadin bixewer halda bir waku’umning ichide yashisaq bolmaydu. Biz xewerlerni körüshimiz, héliqidek guruhlar üstide tetqiqat élip bérishimiz, ularning tarixini, ularning némige wekillik qilidighanliqini, ularning némige étiqad qilidighanliqini, ularning némilerni teshebbus qilidighanliqini, ularning lidérlirining kim ikenlikini, we ular burun sadir qilghan weqelerning némiler ikenlikini biliwélishimiz kérek.
Biz özimizni ular bilen di’alog élip bérishqa we bashqilarning idiyisini özgertishke teyyar qilishimiz kérek. Eger siz perwa qilmaydikensiz, perwa qilmaydighan bashqa bir ademge tesir körsitelmeysiz. Eger siz tarixni bilmeydikensiz, bashqilargha tarixta yüz bergen xeterlik ishlar heqqide telim bérelmeysiz. Biz ashu guruhlarning idiyilirige taqabil turush üchün aldi bilen özimizni zörür bilimler bilen qorallandurushimiz kérek.
K K K Amérikida bir yérim esirdin uzunraq waqittin buyan mewjut bolup kéliwatidu. U 1860-yilliri Amérikining Ténnéssi (Tennessee) shtatida bir qanche ittipaqdash (confederate) armiye ofitsérliri teripidin qurulghan. Amérikida ichki urush bolghanda, ashu ittipaqdashlar armiyisi qulluq tüzümni saqlap qélish üchün urush qilghan. Ular aq tenliklerni yuqiri orun’gha, we qara tenliklerni töwen orun’gha qoyidighan qulluq tüzümni qoghdap qélish üchün urush qilghan. Axirida ular urushta yéngilip, urushta Abraham Linkolin (Abraham Lincoln) utup chiqti. Ashu urushta yéngilip qalghan konfédérit (ittipaqdash) armiyining bashliqliri K K K ni qurdi. Shuningdin bashlap K K K aq tenlikler hemmidin üstün turidu, dégen idiyini terghib qilip kéliwatqan bolup, u bügünki kün’giche dawamlishiwatidu.

569
1-resim: Doktor Yasir Qazining Amérika Mémfis Islam Merkizide 2017-yili 18-Awghust (Jüme) küni xutbe nutuqi sözlewatqan waqittiki bir körünüsh.

Eyni waqitta Amérikida K K K öchmenlik qilidighan’gha Musulmanlar yoq idi. Shunga ular Katolik dini muxlisliri bilen Yehudiylargha 1-orunda öchmenlik qilghan idi. Gerche térilirining renggi oxshash bolsimu, K K K ashu dinlargha öchmenlik qilghan idi. Uningdin qalsa Afriqiliq Amérikiliqlar, uningdin kéyin kommunistlar qatarliq K K K bilen idiye birliki yoq barliq kishiler turghan idi. Shundaqla ular zorawanliq ish-heriketlerge tayan’ghan idi. Sewebi, otturahal kishiler irqiy kemsitish xususiyitige ige emes bolup, K K K üchün bashqilarni bash egdürüshte zorawanliqqa tayinishtin bashqa chare yoq idi. Ular zorawanliq ishlirini élip bérip, özlirini yoshurush üchün yüzlirini héliqidek aq xaltilar bilen yépiwalghan idi.

Aq uchluq xaltidin yasalghan bash kiyimi eslide buningdin 500 yillar burun Ispaniyede ishlitilgen. Yeni, eyni waqitta Ispaniyede Musulmanlarni tazilash heriketliri élip bérilghan bolup, héliqidek aq uchluq bash kiyimini shu waqittiki Ispaniye eskerliri kiygen. Shuning bilen u bash kiyimi bashqa irqtikilerni tazilighuchilarning simwoli bolup qalghan. Amérikidiki K K K ezaliri aq uchluq bash kiyimi we aq köynikining qorsiqidiki qizil renglik qoshush belgisi qatarliqlarni ashu 500 yildin burunqi Ispaniye tazilighuchilirini dorap yasap chiqqan.

570

Eger tarixqa qarap baqidighan bolsaq, 1500-yilliri Ispaniye özini «peqet Katoliklarning döliti» dep jakarlap, Ispaniyediki Musulmanlar we Yehudiylar üstidin tazilash élip barghanliqini bileleymiz. K K K ezaliri kiyiwalghan kiyim eyni waqittiki Ispaniye tazilighuchilirining kiyimidin kelgen.

Né’o-natsistning menisi «yéngi Natsist» din ibaret. Hemmimizning xewiride bolghinidek, Natsistlarning yadroluq idiyisi öz millitining eng üstün turidighanliqidin ibaret. Ular «Xuda bizge bashqa barliq milletlerge hökümranliq qilish hoquqini bergen; Xuda bizni tallighan; biz Xuda tallighan millet; biz Xuda yaxshi köridighan millet», dep qarighan. Uningdin 80 yil ötkendin kéyinki bügünki künde, biz ashu kishilerning pushtidin bolghanlarning «aq tenlikler hemmidin üstün turidu», dégen idiyining yétekchilikide élip bériwatqan bir qisim ishlirini körüwatimiz. Ular hazir «Amérikiliqlarning medeniyiti dunya boyiche eng chong, biz aygha chiqtuq, bizde dunya boyiche eng chong binalar bar, bizde dunya boyiche eng küchlük qorallar bar. Bizning ashundaq qilalishimizdiki seweb bizning térimiz aq-renglik bolghanliqida», dewatidu. Yeni ular özlirining hemmidin üstün turidighanliqini özlirining térisining renggi bilen baghlawatidu. Hemde ular özliri qilghan barliq rezil ishlardin pexirliniwatidu.

Bu ehwallarni bir qanche nuqtigha parchilap chüshen’gende ünümi yaxshi bolidu.
Birinchidin, aq tenlik millet we qara tenlik millet, deydighan gep yoq. Bi’ologiyilik we penniy nuqtidin qarighanda undaq ish mewjut emes. Adem térisining renggi bilen uning ejdadi we yadikarliqi otturisida héch bir munasiwet yoq. Hemde her bir insan köpligen medeniyetlerning qoshulushidin hasil bolghan bir xil medeniyet ichide yashaydu. Hazir Yutyubni tekshürsingiz, bir aq tenlik özining DNA sini tekshürüp, özining ejdadi Afriqiliq bolup chiqqan’gha oxshash ehwallarni nahayiti köp bayqaysiz. Aq tenlik millet, deydighan bir millet mewjut emes. Hemmimizning milliti ariliship ketken. Hazir «sap millet», deydighan nerse mewjut emes. Oxshimighan millet kishilirining bedenlirining ichidiki ezalarmu bir-biriningkige oxshaydu. Ademlerning térisining renggining oxshimasliqi bilen ular bir-biridin perqliq bolidighanliqi heqqide bi’ologiyilik we bashqa penniy asas mewjut emes. Shunglashqa siz bashqilarni kemsitidighan biri bolush üchün siz choqum oqumighan bir adem bolushingiz kérek.

Tarix aq tenlik milletchilerning teshebbuslirigha zit kélidu. Tarixta her bir medeniyetning güllen’gen we xarablashqan dewrliri bar bolghan bolup, buni tarixtin azraqla xewiri bar kishilerning hemmisi bilidu. Hazirqi zaman dewride gherb medeniyetliri téxnologiye saheside bashqa medeniyetlerni heqiqetenmu bésip chüshti. Buningdin 500 yillar burun bashqa medeniyetler eng üstün orunda turghan. Ming yilning aldida bolsa yene bashqa medeniyetler eng güllen’gen. Musulmanlarmu dunyani 700 yildek waqit sorighan. Melum bir millet pütün tarixiy dewrlerning hemmiside dunyani sorighan ish mewjut emes. Hazirqi dewrdiki gherb medeniyetlirining üstünlükimu peqet téxnologiye saheside namayan boluwatidu. Emma ular hayatning qimmiti, exlaq, méhribanliq, yashan’ghanlardin xewer élish, kembeghellerge saxawetlik qilish jehetlerde hazirmu üstün orunda emes. Yéqinda élip bérilghan her xil tekshürüsh netijilirining körsitishiche, yuqiridiki sahelerde Musulmanlar bashqilardin köp üstün turidu. Bulardin bashqa biz tarixni untulup qalsaqmu bolmaydu. Mesilen, En’gliye dunyaning yérimini bésiwélip, bashqilarni talan-taraj qilish bedilige dunyadiki derijidin tashqiri küchlük dölet bolush salahiyitige érishken. Amérikimu nurghun kishilerni qul qilish bedilige bir hökümran orun’gha chiqqan.

Millet bir xil ijtima’iy yaralghu (social construct) din bashqa nerse emes. Buning menisi aq tenlik, sériq tenlik we qar tenlik uqumi emeliyette mewjut emes bolup, uni her xil jem’iyetler oxshimighan dewrlerde yasap chiqqan. Undaq qilishtin meqset özlirini bashqilardin üstün körsitishtin ibaret. Térisining renggining qandaq bolushidin qet’iynezer hemme ademlerning qéni oxshash, DNA si oxshash, we ichki ezalirimu oxshash bolup, oxshimighan milletlerning mewjut bolup turushining bi’ologiyilik we penniy asasi yoq.


2. Pisxologiye Nuqtisidin Hazir Néme Ish Yüz Bériwatqanliqini Chüshinish

Hazir Yehudiylargha öchmenlik qilish, az sanliq milletlerge öchmenlik qilish, we Musulmanlargha öchmenlik qilish xahishliri bash kötürdi. Emeliyette hazir Islamgha öchmenlik qilidighan bir qisim siyasiy sana’et we iqtisadiy sana’etler mewjut bolup, ular qorqunchluq we endishe peyda qilish bedilige payda köridu. Ular bir guruppa kishiler arqiliq yene bir guruppa kishilerni qorqutup, shu arqiliq payda alidu. Ular hazir Musulmanlardin bashqilarni qorqutush qorali süpitide paydiliniwatidu.

Gitlérning asasliq meslihetchilirining biri mundaq dégen: «Térrorluq eng ünümlük siyasiy qoraldur.» Siz öz xelqingizni qattiq wehimige salsingiz, ular xuddi qoylargha oxshash her qandaq ishlarni qilishqa unaydu. Gitlérning bir meslihetchisi mundaq dégen: «Biz öz xelqimizni qattiq wehimige sélishimiz kérek. Ularni Yehudiylardin, Siganlardin, kommunistlardin, sotsiyalistlardin we bashqilardin qattiq qorqidighan qilishimiz kérek. Andin biz Yehudiylarni öyliridin tutushqa bashlisaq, uninggha héch kim gep qilmaydu.» Diktator tüzümidiki eng yaxshi qoral térrorluqtin ibaret. Biz bu nuqtini toluq chüshinishimiz kérek. Bir qisim kishiler bu uqumni nahayiti yaxshi bilidu.

Natsistlarning bir asasliq teshwiqatchisi mundaq dégen: «Xelq urushqa bérishni elwette xalimaydu. Xelq urush qilishni xalimaydu. Emma ularni urushqa qatnashturush intayin asan. Siz peqet ulargha dep, siz tutqan yolgha qarshi chiqqanlargha dégen qalpaqni kiydürsingiz, hemde xelqqe , désingizla kupaye qilidu.»

Emdi biz 80 yil aldimizgha méngip, hazir Amérikida tarqitiliwatqan Foks Xewerlirini körüp baqayli. Ularning deydighanliri bilen Natsistlarning teshwiqatlirining héch qandaq perqi yoq. Ular solchilarni buzup teshwiq qilidu. Yene bir terepni mesxire qilidu. Wetenperlerning wekili, dep xata ademlerni kökke kötüridu.

Tarixta mundaq bir weqe yüz bergen: Amérikiliqlar Filippinni bésiwélip, uni bir mustemlikige aylandurghan. Shuning bilen Filippinliqlar Amérikiliqlargha qarshi urush qilghan. Eyni waqitta Filippin nopusining zor bir qismi Musulmanlardin terkib tapqan bolup, Musulmanlarmu Amérikiliqlargha qarshi urushlargha qatnashqan. Mushu weqeler heqqide toqulghan bir hékayimu bar bolup, bu hékayide «Grégori’o dél Pilar» (Gregorio del Pilar) isimlik bir Amérikiliq général choshqa qénigha chilan’ghan oqlar bilen Musulmanlarni öltüridu. Shuning bilen yerge kömülgen Musulmanlar choshqa qéni bilen bille kömülidu. Bu bir yalghan hékaye bolsimu, yéqinda Amérika prézidénti Tramp ashu généralni tilgha élip maxtap, radikal Islam térroristlirigha ashu généralgha oxshash zerbe bérish kérek, dédi. Bu kishilerni irqiy qirghinchiliqqa ündeshtin bashqa nerse emes. Filippinda yüz bergen ashu tarixiy weqelerde Amérika tajawuzchi bolup, Filippinliqlar bolsa özlirini azad qilish üchün qayturma hujumgha ötken erkinlik jengchiliri idi.

Ilawe: Filippin – Amérika urushi 1899 – 1902-yilliri yüz bergen [4].

Yuqiriqigha oxshash pisxologiye urushigha chétishliq kishilerni mundaq ikki xil ademlerge ayrish mumkin. Uning biri meqsetlik halda yalghan söz tarqitidighanlar. Foks Xewerliri buning bir misali. Ular «Hazir Islam tehditi mewjut», dégen’ge oxshash yalghan sözlerni teshwiq qiliwatidu. Bir ademning bir top kishiler bar yerge mashinisini heydep bérip adem öltürüshi bilen bir dölet gumran bolup ketmeydu. Emma pütün xelq ammisi ichide wehime peyda qilsingiz, ular öz-ara soqushushqa bashlap, keng-kölemlik qirghinchiliqni keltürüp chiqiridu. Shuning bilen döletni weyran qilidu. Bundaq yalghanchilarning küchlük hoquqliri bar, hemde nahayiti köp pulimu bar. Biz bundaq kishilerge qarita Allahgha du’a qilip, Allahtin yardem tileshtin bashqa ish qilalmaymiz.

U kishilerning yene bir xili etrapimizdiki keng xelq ammisidin ibaret. Biz shuni bilishimiz kérekki, adettiki Amérikiliqlar téxiche birer Musulmanni körüp baqqan emes. Ular Musulmanlarni chüshenmeydu, shunglashqa Musulmanlar heqqidiki yalghan teshwiqatlargha asanla ishinip kétidu. Bundaq ishlar Gitlérning waqtidimu yüz bergen. Gérmaniye xelqi yalghan teshwiqatlargha ishinip, Gérman saqchiliri öymu-öy izdep Yehudiylarni tutqun qilishqa bashlighanda, Gérman xelqi bir terepte qol-qoshturup qarap turghan. Shunglashqa biz Amérika xelqige Musulmanlarning qandaq kishiler ikenlikini bildürüshimiz kérek. Ulargha Musulmanlar heqqide toghra chüshenche bérishimiz kérek. Bu Amérikidiki Musulmanlarning özlirini saqlap qélishi bilen munasiwetlik muhim ish. Bu jehette Amérika xelqi gunahkar emes, emma gödek. Ular semimiy, emma xata yéteklen’gen. Biz ashu kishiler bilen munasiwet qilishimiz. Ular «Biz tehdit astida turuwatimiz», dégen’ge rastla ishinidu. Ular «Bizni Musulmanlar öltürüp, Amérikini tartiwalidu», dégen’ge rastla ishinidu. Ularni ashundaq xata chüshenchilerdin qutuldurush biz Musulmanlarning wezipisi. Bu ishta her bir Musulman nahayiti muhim rol oyniyalaydu.

Ilawe: Doktor Yasir Qazi bir Islam ölimasi yaki Islam dini alimi bolupla qalmay, u yene ijtima’iy pen we tebi’iy pen sahesidimu keng bilimge ige. Shundaqla mushundaq bir xutbe nutqi sözleshtin burun, u sözlimekchi bolghan mezmun’gha a’it bashqa penniy bilimlerni tekshürüp, tetqiq qilip, we öginip, yaxshi teyyarliq qilidu. U mezkur xutbini sözleshtin burun xéli köp tarixiy matériyallarni körüp chiqiptu. Yene bir nuqta, men oqurmenlerge eyni waqitta Gérmaniyede yüz Bergen ehwal, we hazir Amérikida yüz bériwatqan ehwal bilen 2009-yilidin bashlap wetendiki Uyghurlargha yüz bériwatqan ehwallarni baghlap tehlil qilip béqishni tewsiye qilimen.

(Dawami bar)

moderator9
14-09-17, 23:20
پرېزىدېنت ترامپ، مىللەتچى ئاق تەنلىكلەر ۋە مۇسۇلمانلار

ئەلروھلان
2017-يىلى 15-سېنتەبىر

(داۋامى)


1. بىلىم كۈچ دېمەكتۇر

ھەر بىرىمىز ھازىر يۈز بېرىۋاتقان ئىشلار ھەققىدە تولۇق بىلىمگە ئىگە بولۇشىمىز كېرەك. بىز دۇنيادىن بىخەۋەر ھالدا بىر ۋاكۇئۇمنىڭ ئىچىدە ياشىساق بولمايدۇ. بىز خەۋەرلەرنى كۆرۈشىمىز، ھېلىقىدەك گۇرۇھلار ئۈستىدە تەتقىقات ئېلىپ بېرىشىمىز، ئۇلارنىڭ تارىخىنى، ئۇلارنىڭ نېمىگە ۋەكىللىك قىلىدىغانلىقىنى، ئۇلارنىڭ نېمىگە ئېتىقاد قىلىدىغانلىقىنى، ئۇلارنىڭ نېمىلەرنى تەشەببۇس قىلىدىغانلىقىنى، ئۇلارنىڭ لىدېرلىرىنىڭ كىم ئىكەنلىكىنى، ۋە ئۇلار بۇرۇن سادىر قىلغان ۋەقەلەرنىڭ نېمىلەر ئىكەنلىكىنى بىلىۋېلىشىمىز كېرەك.

بىز ئۆزىمىزنى ئۇلار بىلەن دىئالوگ ئېلىپ بېرىشقا ۋە باشقىلارنىڭ ئىدىيىسىنى ئۆزگەرتىشكە تەييار قىلىشىمىز كېرەك. ئەگەر سىز پەرۋا قىلمايدىكەنسىز، پەرۋا قىلمايدىغان باشقا بىر ئادەمگە تەسىر كۆرسىتەلمەيسىز. ئەگەر سىز تارىخنى بىلمەيدىكەنسىز، باشقىلارغا تارىختا يۈز بەرگەن خەتەرلىك ئىشلار ھەققىدە تەلىم بېرەلمەيسىز. بىز ئاشۇ گۇرۇھلارنىڭ ئىدىيىلىرىگە تاقابىل تۇرۇش ئۈچۈن ئالدى بىلەن ئۆزىمىزنى زۆرۈر بىلىملەر بىلەن قوراللاندۇرۇشىمىز كېرەك.

571
1-رەسىم: دوكتور ياسىر قازىنىڭ ئامېرىكا مېمفىس ئىسلام مەركىزىدە 2017-يىلى 18-ئاۋغۇست (جۈمە) كۈنى خۇتبە نۇتۇقى سۆزلەۋاتقان ۋاقىتتىكى بىر كۆرۈنۈش.

ك ك ك ئامېرىكىدا بىر يېرىم ئەسىردىن ئۇزۇنراق ۋاقىتتىن بۇيان مەۋجۇت بولۇپ كېلىۋاتىدۇ. ئۇ 1860-يىللىرى ئامېرىكىنىڭ تېننېسسى (Tennessee) شتاتىدا بىر قانچە ئىتتىپاقداش (confederate) ئارمىيە ئوفىتسېرلىرى تەرىپىدىن قۇرۇلغان. ئامېرىكىدا ئىچكى ئۇرۇش بولغاندا، ئاشۇ ئىتتىپاقداشلار ئارمىيىسى قۇللۇق تۈزۈمنى ساقلاپ قېلىش ئۈچۈن ئۇرۇش قىلغان. ئۇلار ئاق تەنلىكلەرنى يۇقىرى ئورۇنغا، ۋە قارا تەنلىكلەرنى تۆۋەن ئورۇنغا قويىدىغان قۇللۇق تۈزۈمنى قوغداپ قېلىش ئۈچۈن ئۇرۇش قىلغان. ئاخىرىدا ئۇلار ئۇرۇشتا يېڭىلىپ، ئۇرۇشتا ئابراھام لىنكولىن (Abraham Lincoln) ئۇتۇپ چىقتى. ئاشۇ ئۇرۇشتا يېڭىلىپ قالغان كونفېدېرىت (ئىتتىپاقداش) ئارمىيىنىڭ باشلىقلىرى ك ك ك نى قۇردى. شۇنىڭدىن باشلاپ ك ك ك ئاق تەنلىكلەر ھەممىدىن ئۈستۈن تۇرىدۇ، دېگەن ئىدىيىنى تەرغىب قىلىپ كېلىۋاتقان بولۇپ، ئۇ بۈگۈنكى كۈنگىچە داۋاملىشىۋاتىدۇ.

ئەينى ۋاقىتتا ئامېرىكىدا ك ك ك ئۆچمەنلىك قىلىدىغانغا مۇسۇلمانلار يوق ئىدى. شۇڭا ئۇلار كاتولىك دىنى مۇخلىسلىرى بىلەن يەھۇدىيلارغا 1-ئورۇندا ئۆچمەنلىك قىلغان ئىدى. گەرچە تېرىلىرىنىڭ رەڭگى ئوخشاش بولسىمۇ، ك ك ك ئاشۇ دىنلارغا ئۆچمەنلىك قىلغان ئىدى. ئۇنىڭدىن قالسا ئافرىقىلىق ئامېرىكىلىقلار، ئۇنىڭدىن كېيىن كوممۇنىستلار قاتارلىق ك ك ك بىلەن ئىدىيە بىرلىكى يوق بارلىق كىشىلەر تۇرغان ئىدى. شۇنداقلا ئۇلار زوراۋانلىق ئىش-ھەرىكەتلەرگە تايانغان ئىدى. سەۋەبى، ئوتتۇراھال كىشىلەر ئىرقىي كەمسىتىش خۇسۇسىيىتىگە ئىگە ئەمەس بولۇپ، ك ك ك ئۈچۈن باشقىلارنى باش ئەگدۈرۈشتە زوراۋانلىققا تايىنىشتىن باشقا چارە يوق ئىدى. ئۇلار زوراۋانلىق ئىشلىرىنى ئېلىپ بېرىپ، ئۆزلىرىنى يوشۇرۇش ئۈچۈن يۈزلىرىنى ھېلىقىدەك ئاق خالتىلار بىلەن يېپىۋالغان ئىدى.

ئاق ئۇچلۇق خالتىدىن ياسالغان باش كىيىمى ئەسلىدە بۇنىڭدىن 500 يىللار بۇرۇن ئىسپانىيەدە ئىشلىتىلگەن. يەنى، ئەينى ۋاقىتتا ئىسپانىيەدە مۇسۇلمانلارنى تازىلاش ھەرىكەتلىرى ئېلىپ بېرىلغان بولۇپ، ھېلىقىدەك ئاق ئۇچلۇق باش كىيىمىنى شۇ ۋاقىتتىكى ئىسپانىيە ئەسكەرلىرى كىيگەن. شۇنىڭ بىلەن ئۇ باش كىيىمى باشقا ئىرقتىكىلەرنى تازىلىغۇچىلارنىڭ سىمۋولى بولۇپ قالغان. ئامېرىكىدىكى ك ك ك ئەزالىرى ئاق ئۇچلۇق باش كىيىمى ۋە ئاق كۆينىكىنىڭ قورسىقىدىكى قىزىل رەڭلىك قوشۇش بەلگىسى قاتارلىقلارنى ئاشۇ 500 يىلدىن بۇرۇنقى ئىسپانىيە تازىلىغۇچىلىرىنى دوراپ ياساپ چىققان.

572

ئەگەر تارىخقا قاراپ باقىدىغان بولساق، 1500-يىللىرى ئىسپانىيە ئۆزىنى «پەقەت كاتولىكلارنىڭ دۆلىتى» دەپ جاكارلاپ، ئىسپانىيەدىكى مۇسۇلمانلار ۋە يەھۇدىيلار ئۈستىدىن تازىلاش ئېلىپ بارغانلىقىنى بىلەلەيمىز. ك ك ك ئەزالىرى كىيىۋالغان كىيىم ئەينى ۋاقىتتىكى ئىسپانىيە تازىلىغۇچىلىرىنىڭ كىيىمىدىن كەلگەن.

نېئو-ناتسىستنىڭ مەنىسى «يېڭى ناتسىست» دىن ئىبارەت. ھەممىمىزنىڭ خەۋىرىدە بولغىنىدەك، ناتسىستلارنىڭ يادرولۇق ئىدىيىسى ئۆز مىللىتىنىڭ ئەڭ ئۈستۈن تۇرىدىغانلىقىدىن ئىبارەت. ئۇلار «خۇدا بىزگە باشقا بارلىق مىللەتلەرگە ھۆكۈمرانلىق قىلىش ھوقۇقىنى بەرگەن؛ خۇدا بىزنى تاللىغان؛ بىز خۇدا تاللىغان مىللەت؛ بىز خۇدا ياخشى كۆرىدىغان مىللەت»، دەپ قارىغان. ئۇنىڭدىن 80 يىل ئۆتكەندىن كېيىنكى بۈگۈنكى كۈندە، بىز ئاشۇ كىشىلەرنىڭ پۇشتىدىن بولغانلارنىڭ «ئاق تەنلىكلەر ھەممىدىن ئۈستۈن تۇرىدۇ»، دېگەن ئىدىيىنىڭ يېتەكچىلىكىدە ئېلىپ بېرىۋاتقان بىر قىسىم ئىشلىرىنى كۆرۈۋاتىمىز. ئۇلار ھازىر «ئامېرىكىلىقلارنىڭ مەدەنىيىتى دۇنيا بويىچە ئەڭ چوڭ، بىز ئايغا چىقتۇق، بىزدە دۇنيا بويىچە ئەڭ چوڭ بىنالار بار، بىزدە دۇنيا بويىچە ئەڭ كۈچلۈك قوراللار بار. بىزنىڭ ئاشۇنداق قىلالىشىمىزدىكى سەۋەب بىزنىڭ تېرىمىز ئاق-رەڭلىك بولغانلىقىدا»، دەۋاتىدۇ. يەنى ئۇلار ئۆزلىرىنىڭ ھەممىدىن ئۈستۈن تۇرىدىغانلىقىنى ئۆزلىرىنىڭ تېرىسىنىڭ رەڭگى بىلەن باغلاۋاتىدۇ. ھەمدە ئۇلار ئۆزلىرى قىلغان بارلىق رەزىل ئىشلاردىن پەخىرلىنىۋاتىدۇ.

بۇ ئەھۋاللارنى بىر قانچە نۇقتىغا پارچىلاپ چۈشەنگەندە ئۈنۈمى ياخشى بولىدۇ.

بىرىنچىدىن، ئاق تەنلىك مىللەت ۋە قارا تەنلىك مىللەت، دەيدىغان گەپ يوق. بىئولوگىيىلىك ۋە پەننىي نۇقتىدىن قارىغاندا ئۇنداق ئىش مەۋجۇت ئەمەس. ئادەم تېرىسىنىڭ رەڭگى بىلەن ئۇنىڭ ئەجدادى ۋە يادىكارلىقى ئوتتۇرىسىدا ھېچ بىر مۇناسىۋەت يوق. ھەمدە ھەر بىر ئىنسان كۆپلىگەن مەدەنىيەتلەرنىڭ قوشۇلۇشىدىن ھاسىل بولغان بىر خىل مەدەنىيەت ئىچىدە ياشايدۇ. ھازىر يۇتيۇبنى تەكشۈرسىڭىز، بىر ئاق تەنلىك ئۆزىنىڭ DNA سىنى تەكشۈرۈپ، ئۆزىنىڭ ئەجدادى ئافرىقىلىق بولۇپ چىققانغا ئوخشاش ئەھۋاللارنى ناھايىتى كۆپ بايقايسىز. ئاق تەنلىك مىللەت، دەيدىغان بىر مىللەت مەۋجۇت ئەمەس. ھەممىمىزنىڭ مىللىتى ئارىلىشىپ كەتكەن. ھازىر «ساپ مىللەت»، دەيدىغان نەرسە مەۋجۇت ئەمەس. ئوخشىمىغان مىللەت كىشىلىرىنىڭ بەدەنلىرىنىڭ ئىچىدىكى ئەزالارمۇ بىر-بىرىنىڭكىگە ئوخشايدۇ. ئادەملەرنىڭ تېرىسىنىڭ رەڭگىنىڭ ئوخشىماسلىقى بىلەن ئۇلار بىر-بىرىدىن پەرقلىق بولىدىغانلىقى ھەققىدە بىئولوگىيىلىك ۋە باشقا پەننىي ئاساس مەۋجۇت ئەمەس. شۇڭلاشقا سىز باشقىلارنى كەمسىتىدىغان بىرى بولۇش ئۈچۈن سىز چوقۇم ئوقۇمىغان بىر ئادەم بولۇشىڭىز كېرەك.

تارىخ ئاق تەنلىك مىللەتچىلەرنىڭ تەشەببۇسلىرىغا زىت كېلىدۇ. تارىختا ھەر بىر مەدەنىيەتنىڭ گۈللەنگەن ۋە خارابلاشقان دەۋرلىرى بار بولغان بولۇپ، بۇنى تارىختىن ئازراقلا خەۋىرى بار كىشىلەرنىڭ ھەممىسى بىلىدۇ. ھازىرقى زامان دەۋرىدە غەرب مەدەنىيەتلىرى تېخنولوگىيە ساھەسىدە باشقا مەدەنىيەتلەرنى ھەقىقەتەنمۇ بېسىپ چۈشتى. بۇنىڭدىن 500 يىللار بۇرۇن باشقا مەدەنىيەتلەر ئەڭ ئۈستۈن ئورۇندا تۇرغان. مىڭ يىلنىڭ ئالدىدا بولسا يەنە باشقا مەدەنىيەتلەر ئەڭ گۈللەنگەن. مۇسۇلمانلارمۇ دۇنيانى 700 يىلدەك ۋاقىت سورىغان. مەلۇم بىر مىللەت پۈتۈن تارىخىي دەۋرلەرنىڭ ھەممىسىدە دۇنيانى سورىغان ئىش مەۋجۇت ئەمەس. ھازىرقى دەۋردىكى غەرب مەدەنىيەتلىرىنىڭ ئۈستۈنلۈكىمۇ پەقەت تېخنولوگىيە ساھەسىدە نامايان بولۇۋاتىدۇ. ئەمما ئۇلار ھاياتنىڭ قىممىتى، ئەخلاق، مېھرىبانلىق، ياشانغانلاردىن خەۋەر ئېلىش، كەمبەغەللەرگە ساخاۋەتلىك قىلىش جەھەتلەردە ھازىرمۇ ئۈستۈن ئورۇندا ئەمەس. يېقىندا ئېلىپ بېرىلغان ھەر خىل تەكشۈرۈش نەتىجىلىرىنىڭ كۆرسىتىشىچە، يۇقىرىدىكى ساھەلەردە مۇسۇلمانلار باشقىلاردىن كۆپ ئۈستۈن تۇرىدۇ. بۇلاردىن باشقا بىز تارىخنى ئۇنتۇلۇپ قالساقمۇ بولمايدۇ. مەسىلەن، ئەنگلىيە دۇنيانىڭ يېرىمىنى بېسىۋېلىپ، باشقىلارنى تالان-تاراج قىلىش بەدىلىگە دۇنيادىكى دەرىجىدىن تاشقىرى كۈچلۈك دۆلەت بولۇش سالاھىيىتىگە ئېرىشكەن. ئامېرىكىمۇ نۇرغۇن كىشىلەرنى قۇل قىلىش بەدىلىگە بىر ھۆكۈمران ئورۇنغا چىققان.

مىللەت بىر خىل ئىجتىمائىي يارالغۇ (social construct) دىن باشقا نەرسە ئەمەس. بۇنىڭ مەنىسى ئاق تەنلىك، سېرىق تەنلىك ۋە قار تەنلىك ئۇقۇمى ئەمەلىيەتتە مەۋجۇت ئەمەس بولۇپ، ئۇنى ھەر خىل جەمئىيەتلەر ئوخشىمىغان دەۋرلەردە ياساپ چىققان. ئۇنداق قىلىشتىن مەقسەت ئۆزلىرىنى باشقىلاردىن ئۈستۈن كۆرسىتىشتىن ئىبارەت. تېرىسىنىڭ رەڭگىنىڭ قانداق بولۇشىدىن قەتئىينەزەر ھەممە ئادەملەرنىڭ قېنى ئوخشاش، DNA سى ئوخشاش، ۋە ئىچكى ئەزالىرىمۇ ئوخشاش بولۇپ، ئوخشىمىغان مىللەتلەرنىڭ مەۋجۇت بولۇپ تۇرۇشىنىڭ بىئولوگىيىلىك ۋە پەننىي ئاساسى يوق.


2. پىسخولوگىيە نۇقتىسىدىن ھازىر نېمە ئىش يۈز بېرىۋاتقانلىقىنى چۈشىنىش

ھازىر يەھۇدىيلارغا ئۆچمەنلىك قىلىش، ئاز سانلىق مىللەتلەرگە ئۆچمەنلىك قىلىش، ۋە مۇسۇلمانلارغا ئۆچمەنلىك قىلىش خاھىشلىرى باش كۆتۈردى. ئەمەلىيەتتە ھازىر ئىسلامغا ئۆچمەنلىك قىلىدىغان بىر قىسىم سىياسىي سانائەت ۋە ئىقتىسادىي سانائەتلەر مەۋجۇت بولۇپ، ئۇلار قورقۇنچلۇق ۋە ئەندىشە پەيدا قىلىش بەدىلىگە پايدا كۆرىدۇ. ئۇلار بىر گۇرۇپپا كىشىلەر ئارقىلىق يەنە بىر گۇرۇپپا كىشىلەرنى قورقۇتۇپ، شۇ ئارقىلىق پايدا ئالىدۇ. ئۇلار ھازىر مۇسۇلمانلاردىن باشقىلارنى قورقۇتۇش قورالى سۈپىتىدە پايدىلىنىۋاتىدۇ.

گىتلېرنىڭ ئاساسلىق مەسلىھەتچىلىرىنىڭ بىرى مۇنداق دېگەن: «تېررورلۇق ئەڭ ئۈنۈملۈك سىياسىي قورالدۇر.» سىز ئۆز خەلقىڭىزنى قاتتىق ۋەھىمىگە سالسىڭىز، ئۇلار خۇددى قويلارغا ئوخشاش ھەر قانداق ئىشلارنى قىلىشقا ئۇنايدۇ. گىتلېرنىڭ بىر مەسلىھەتچىسى مۇنداق دېگەن: «بىز ئۆز خەلقىمىزنى قاتتىق ۋەھىمىگە سېلىشىمىز كېرەك. ئۇلارنى يەھۇدىيلاردىن، سىگانلاردىن، كوممۇنىستلاردىن، سوتسىيالىستلاردىن ۋە باشقىلاردىن قاتتىق قورقىدىغان قىلىشىمىز كېرەك. ئاندىن بىز يەھۇدىيلارنى ئۆيلىرىدىن تۇتۇشقا باشلىساق، ئۇنىڭغا ھېچ كىم گەپ قىلمايدۇ.» دىكتاتور تۈزۈمىدىكى ئەڭ ياخشى قورال تېررورلۇقتىن ئىبارەت. بىز بۇ نۇقتىنى تولۇق چۈشىنىشىمىز كېرەك. بىر قىسىم كىشىلەر بۇ ئۇقۇمنى ناھايىتى ياخشى بىلىدۇ.

ناتسىستلارنىڭ بىر ئاساسلىق تەشۋىقاتچىسى مۇنداق دېگەن: «خەلق ئۇرۇشقا بېرىشنى ئەلۋەتتە خالىمايدۇ. خەلق ئۇرۇش قىلىشنى خالىمايدۇ. ئەمما ئۇلارنى ئۇرۇشقا قاتناشتۇرۇش ئىنتايىن ئاسان. سىز پەقەت ئۇلارغا دەپ، سىز تۇتقان يولغا قارشى چىققانلارغا دېگەن قالپاقنى كىيدۈرسىڭىز، ھەمدە خەلققە ، دېسىڭىزلا كۇپايە قىلىدۇ.»

ئەمدى بىز 80 يىل ئالدىمىزغا مېڭىپ، ھازىر ئامېرىكىدا تارقىتىلىۋاتقان فوكس خەۋەرلىرىنى كۆرۈپ باقايلى. ئۇلارنىڭ دەيدىغانلىرى بىلەن ناتسىستلارنىڭ تەشۋىقاتلىرىنىڭ ھېچ قانداق پەرقى يوق. ئۇلار سولچىلارنى بۇزۇپ تەشۋىق قىلىدۇ. يەنە بىر تەرەپنى مەسخىرە قىلىدۇ. ۋەتەنپەرلەرنىڭ ۋەكىلى، دەپ خاتا ئادەملەرنى كۆككە كۆتۈرىدۇ.

تارىختا مۇنداق بىر ۋەقە يۈز بەرگەن: ئامېرىكىلىقلار فىلىپپىننى بېسىۋېلىپ، ئۇنى بىر مۇستەملىكىگە ئايلاندۇرغان. شۇنىڭ بىلەن فىلىپپىنلىقلار ئامېرىكىلىقلارغا قارشى ئۇرۇش قىلغان. ئەينى ۋاقىتتا فىلىپپىن نوپۇسىنىڭ زور بىر قىسمى مۇسۇلمانلاردىن تەركىب تاپقان بولۇپ، مۇسۇلمانلارمۇ ئامېرىكىلىقلارغا قارشى ئۇرۇشلارغا قاتناشقان. مۇشۇ ۋەقەلەر ھەققىدە توقۇلغان بىر ھېكايىمۇ بار بولۇپ، بۇ ھېكايىدە «گرېگورىئو دېل پىلار» (Gregorio del Pilar) ئىسىملىك بىر ئامېرىكىلىق گېنېرال چوشقا قېنىغا چىلانغان ئوقلار بىلەن مۇسۇلمانلارنى ئۆلتۈرىدۇ. شۇنىڭ بىلەن يەرگە كۆمۈلگەن مۇسۇلمانلار چوشقا قېنى بىلەن بىللە كۆمۈلىدۇ. بۇ بىر يالغان ھېكايە بولسىمۇ، يېقىندا ئامېرىكا پرېزىدېنتى ترامپ ئاشۇ گېنېرالنى تىلغا ئېلىپ ماختاپ، رادىكال ئىسلام تېررورىستلىرىغا ئاشۇ گېنېرالغا ئوخشاش زەربە بېرىش كېرەك، دېدى. بۇ كىشىلەرنى ئىرقىي قىرغىنچىلىققا ئۈندەشتىن باشقا نەرسە ئەمەس. فىلىپپىندا يۈز بەرگەن ئاشۇ تارىخىي ۋەقەلەردە ئامېرىكا تاجاۋۇزچى بولۇپ، فىلىپپىنلىقلار بولسا ئۆزلىرىنى ئازاد قىلىش ئۈچۈن قايتۇرما ھۇجۇمغا ئۆتكەن ئەركىنلىك جەڭچىلىرى ئىدى.

ئىلاۋە: فىلىپپىن – ئامېرىكا ئۇرۇشى 1899 – 1902-يىللىرى يۈز بەرگەن [4].

يۇقىرىقىغا ئوخشاش پىسخولوگىيە ئۇرۇشىغا چېتىشلىق كىشىلەرنى مۇنداق ئىككى خىل ئادەملەرگە ئايرىش مۇمكىن. ئۇنىڭ بىرى مەقسەتلىك ھالدا يالغان سۆز تارقىتىدىغانلار. فوكس خەۋەرلىرى بۇنىڭ بىر مىسالى. ئۇلار «ھازىر ئىسلام تەھدىتى مەۋجۇت»، دېگەنگە ئوخشاش يالغان سۆزلەرنى تەشۋىق قىلىۋاتىدۇ. بىر ئادەمنىڭ بىر توپ كىشىلەر بار يەرگە ماشىنىسىنى ھەيدەپ بېرىپ ئادەم ئۆلتۈرۈشى بىلەن بىر دۆلەت گۇمران بولۇپ كەتمەيدۇ. ئەمما پۈتۈن خەلق ئاممىسى ئىچىدە ۋەھىمە پەيدا قىلسىڭىز، ئۇلار ئۆز-ئارا سوقۇشۇشقا باشلاپ، كەڭ-كۆلەملىك قىرغىنچىلىقنى كەلتۈرۈپ چىقىرىدۇ. شۇنىڭ بىلەن دۆلەتنى ۋەيران قىلىدۇ. بۇنداق يالغانچىلارنىڭ كۈچلۈك ھوقۇقلىرى بار، ھەمدە ناھايىتى كۆپ پۇلىمۇ بار. بىز بۇنداق كىشىلەرگە قارىتا ئاللاھغا دۇئا قىلىپ، ئاللاھتىن ياردەم تىلەشتىن باشقا ئىش قىلالمايمىز.

ئۇ كىشىلەرنىڭ يەنە بىر خىلى ئەتراپىمىزدىكى كەڭ خەلق ئاممىسىدىن ئىبارەت. بىز شۇنى بىلىشىمىز كېرەككى، ئادەتتىكى ئامېرىكىلىقلار تېخىچە بىرەر مۇسۇلماننى كۆرۈپ باققان ئەمەس. ئۇلار مۇسۇلمانلارنى چۈشەنمەيدۇ، شۇڭلاشقا مۇسۇلمانلار ھەققىدىكى يالغان تەشۋىقاتلارغا ئاسانلا ئىشىنىپ كېتىدۇ. بۇنداق ئىشلار گىتلېرنىڭ ۋاقتىدىمۇ يۈز بەرگەن. گېرمانىيە خەلقى يالغان تەشۋىقاتلارغا ئىشىنىپ، گېرمان ساقچىلىرى ئۆيمۇ-ئۆي ئىزدەپ يەھۇدىيلارنى تۇتقۇن قىلىشقا باشلىغاندا، گېرمان خەلقى بىر تەرەپتە قول قوشتۇرۇپ قاراپ تۇرغان. شۇڭلاشقا بىز ئامېرىكا خەلقىگە مۇسۇلمانلارنىڭ قانداق كىشىلەر ئىكەنلىكىنى بىلدۈرۈشىمىز كېرەك. ئۇلارغا مۇسۇلمانلار ھەققىدە توغرا چۈشەنچە بېرىشىمىز كېرەك. بۇ ئامېرىكىدىكى مۇسۇلمانلارنىڭ ئۆزلىرىنى ساقلاپ قېلىشى بىلەن مۇناسىۋەتلىك مۇھىم ئىش. بۇ جەھەتتە ئامېرىكا خەلقى گۇناھكار ئەمەس، ئەمما گۆدەك. ئۇلار سەمىمىي، ئەمما خاتا يېتەكلەنگەن. بىز ئاشۇ كىشىلەر بىلەن مۇناسىۋەت قىلىشىمىز. ئۇلار «بىز تەھدىت ئاستىدا تۇرۇۋاتىمىز»، دېگەنگە راستلا ئىشىنىدۇ. ئۇلار «بىزنى مۇسۇلمانلار ئۆلتۈرۈپ، ئامېرىكىنى تارتىۋالىدۇ»، دېگەنگە راستلا ئىشىنىدۇ. ئۇلارنى ئاشۇنداق خاتا چۈشەنچىلەردىن قۇتۇلدۇرۇش بىز مۇسۇلمانلارنىڭ ۋەزىپىسى. بۇ ئىشتا ھەر بىر مۇسۇلمان ناھايىتى مۇھىم رول ئوينىيالايدۇ.

ئىلاۋە: دوكتور ياسىر قازى بىر ئىسلام ئۆلىماسى ياكى ئىسلام دىنى ئالىمى بولۇپلا قالماي، ئۇ يەنە ئىجتىمائىي پەن ۋە تەبىئىي پەن ساھەسىدىمۇ كەڭ بىلىمگە ئىگە. شۇنداقلا مۇشۇنداق بىر خۇتبە نۇتقى سۆزلەشتىن بۇرۇن، ئۇ سۆزلىمەكچى بولغان مەزمۇنغا ئائىت باشقا پەننىي بىلىملەرنى تەكشۈرۈپ، تەتقىق قىلىپ، ۋە ئۆگىنىپ، ياخشى تەييارلىق قىلىدۇ. ئۇ مەزكۇر خۇتبىنى سۆزلەشتىن بۇرۇن خېلى كۆپ تارىخىي ماتېرىياللارنى كۆرۈپ چىقىپتۇ. يەنە بىر نۇقتا، مەن ئوقۇرمەنلەرگە ئەينى ۋاقىتتا گېرمانىيەدە يۈز بەرگەن ئەھۋال، ۋە ھازىر ئامېرىكىدا يۈز بېرىۋاتقان ئەھۋال بىلەن 2009-يىلىدىن باشلاپ ۋەتەندىكى ئۇيغۇرلارغا يۈز بېرىۋاتقان ئەھۋاللارنى باغلاپ تەھلىل قىلىپ بېقىشنى تەۋسىيە قىلىمەن.


(داۋامى بار)

El rohlan
22-09-17, 00:51
Prézidént Tramp, Milletchi Aq Tenlikler we Musulmanlar

Elrohlan
2017-yili 22-Séntebir


(Dawami)


3. Islam Irqiy Kemsitishke Qandaq Qaraydu?

Islamning qarishiche, tarixtiki tunji irqiy kemsitküchi bolsa Iblistur. Shunglashqa irqiy kemsitish bilen shughullan’ghan ademlerning hemmisi sheytanliq xaraktérge ige bolidu. Eger bir adem irqiy kemsitküchi bolidiken, uning orni sheytanning orni bilen oxshash bolup qalidu. Iblis «Méning qandaq wujudqa kelgenlikim méni bashqilardin üstün orun’gha ige qilidu», dep qarighan. Biz kishilerge bundaq baha bersek bolmaydu.

Irqiy kemsitish insaniyet tarixi bashlan’ghandin tartip mewjut bolup kelgen. Emma Islam irqiy kemsitishni qurutup tashlidi. Tarixtiki héch qandaq bir jem’iyet insanlarning barawerliki heqqide telim bérip baqmighan bir waqitta, Islam insanlarning barawerlikini teshebbus qildi. Peyghember eleyhissalam nechche yüz ming adem hej üchün yighilghan bir sorunda söz qilip, irqiy qirghinchiliqni bikar qildi. U, insanlarni irqiy kemsitish we tebiqiler ara bir-birini kemsitish yaki chetke qéqishni pütünley tashliwétishke chaqirdi.

Biz hazir bashqilarning irqiy kemsitish qilmishlirini tenqid qiliwatimiz. Emma undaq qilmish hazir özimizdimu mewjut. Shunglashqa biz bashqilarni tenqid qilishtin burun, aldi bilen özimizdiki yétersizliklerni tüzitishimiz kérek.


4. Hemkarlishish we Ittipaqlishish

Biz aldi bilen Musulmanlar otturisidiki ittipaqliqni kücheytishimiz kérek. Andin bashqa guruppilar bolghan hemkarliqni yaxshilishimiz kérek. Musulmanlarning birliki hemmidin muhim. Biz Musulmanlarning birlikini emelge ashurghandin kéyin, bashqa guruppilar bilen bolghan ittipaqliq we hemkarliqni kücheytish yolida tirishishimiz kérek.

Amérikidiki Musulmanlar pütün Amérika nopusining aran bir pirsentini teshkil qilidu. Bu san hergizmu bir chong san emes. Biz qurultay achqanda nahayiti köp Musulmanlarni körimiz. Shunche chong zalning Musulmanlar bilen toshup ketkenlikini körimiz. Meschitlerdimu hem shundaq. Emma bizning nopusimiz Amérika nopusining bir pirsentigimu yetmeydu. Bu bir xeterlik ehwal. Eger qalghan 99 pirsent adem xata chüshenchige kélip qalidiken, bizni peqet Allahla qoghdap qalalaydu. Shunglashqa biz ushshaq ishlar bilen öz-ara ziddiyetlishishni toxtitip, choqum hemmimiz qattiq ittipaqlishishimiz kérek. Peyghember eleyhissalam halqiliq peytlerde Qureyshler bilenmu hemkarliq tüzgen. Bizmu shuningdek qilishimiz kérek.

Tarixni öginip baqqan kishilerning hemmisi hazir yüz bériwatqan ishlardin bir az chöchüydu. Shunglashqa biz passip halda yaxshi künlerning kélishini saqlap turmay, yuqirida tewsiye qilin’ghan jehetlerde özimiz aktipliq bilen ish élip bérishimiz kérek.


(Tügidi)


Paydilinish Menbeliri:

[1] Charlottesville White Nationalist Rally Violence Prompts State of Emergency
https://www.nbcnews.com/news/us-news/torch-wielding-white-supremacists-march-university-virginia-n792021

[2] Mike Muse Discusses President Trump’s Comments Against the Media and His Failure to Fully Condemn KKK Riots
http://swaysuniverse.com/mike-muse-discusses-president-trumps-comments-against-the-media-and-his-failure-to-fully-condemn-kkk-riots/

[3] The Rise of the Far Right - Shaykh Dr Yasir Qadhi
https://www.youtube.com/watch?v=jli8FulUjA8

[4] Philippine–American War
https://en.wikipedia.org/wiki/Philippine%E2%80%93American_War

El rohlan
22-09-17, 00:53
پرېزىدېنت ترامپ، مىللەتچى ئاق تەنلىكلەر ۋە مۇسۇلمانلار

ئەلروھلان
2017-يىلى 22-سېنتەبىر




(داۋامى)


3. ئىسلام ئىرقىي كەمسىتىشكە قانداق قارايدۇ؟

ئىسلامنىڭ قارىشىچە، تارىختىكى تۇنجى ئىرقىي كەمسىتكۈچى بولسا ئىبلىستۇر. شۇڭلاشقا ئىرقىي كەمسىتىش بىلەن شۇغۇللانغان ئادەملەرنىڭ ھەممىسى شەيتانلىق خاراكتېرگە ئىگە بولىدۇ. ئەگەر بىر ئادەم ئىرقىي كەمسىتكۈچى بولىدىكەن، ئۇنىڭ ئورنى شەيتاننىڭ ئورنى بىلەن ئوخشاش بولۇپ قالىدۇ. ئىبلىس «مېنىڭ قانداق ۋۇجۇدقا كەلگەنلىكىم مېنى باشقىلاردىن ئۈستۈن ئورۇنغا ئىگە قىلىدۇ»، دەپ قارىغان. بىز كىشىلەرگە بۇنداق باھا بەرسەك بولمايدۇ.

ئىرقىي كەمسىتىش ئىنسانىيەت تارىخى باشلانغاندىن تارتىپ مەۋجۇت بولۇپ كەلگەن. ئەمما ئىسلام ئىرقىي كەمسىتىشنى قۇرۇتۇپ تاشلىدى. تارىختىكى ھېچ قانداق بىر جەمئىيەت ئىنسانلارنىڭ باراۋەرلىكى ھەققىدە تەلىم بېرىپ باقمىغان بىر ۋاقىتتا، ئىسلام ئىنسانلارنىڭ باراۋەرلىكىنى تەشەببۇس قىلدى. پەيغەمبەر ئەلەيھىسسالام نەچچە يۈز مىڭ ئادەم ھەج ئۈچۈن يىغىلغان بىر سورۇندا سۆز قىلىپ، ئىرقىي قىرغىنچىلىقنى بىكار قىلدى. ئۇ، ئىنسانلارنى ئىرقىي كەمسىتىش ۋە تەبىقىلەر ئارا بىر-بىرىنى كەمسىتىش ياكى چەتكە قېقىشنى پۈتۈنلەي تاشلىۋېتىشكە چاقىردى.

بىز ھازىر باشقىلارنىڭ ئىرقىي كەمسىتىش قىلمىشلىرىنى تەنقىد قىلىۋاتىمىز. ئەمما ئۇنداق قىلمىش ھازىر ئۆزىمىزدىمۇ مەۋجۇت. شۇڭلاشقا بىز باشقىلارنى تەنقىد قىلىشتىن بۇرۇن، ئالدى بىلەن ئۆزىمىزدىكى يېتەرسىزلىكلەرنى تۈزىتىشىمىز كېرەك.


4. ھەمكارلىشىش ۋە ئىتتىپاقلىشىش

بىز ئالدى بىلەن مۇسۇلمانلار ئوتتۇرىسىدىكى ئىتتىپاقلىقنى كۈچەيتىشىمىز كېرەك. ئاندىن باشقا گۇرۇپپىلار بولغان ھەمكارلىقنى ياخشىلىشىمىز كېرەك. مۇسۇلمانلارنىڭ بىرلىكى ھەممىدىن مۇھىم. بىز مۇسۇلمانلارنىڭ بىرلىكىنى ئەمەلگە ئاشۇرغاندىن كېيىن، باشقا گۇرۇپپىلار بىلەن بولغان ئىتتىپاقلىق ۋە ھەمكارلىقنى كۈچەيتىش يولىدا تىرىشىشىمىز كېرەك.

ئامېرىكىدىكى مۇسۇلمانلار پۈتۈن ئامېرىكا نوپۇسىنىڭ ئاران بىر پىرسەنتىنى تەشكىل قىلىدۇ. بۇ سان ھەرگىزمۇ بىر چوڭ سان ئەمەس. بىز قۇرۇلتاي ئاچقاندا ناھايىتى كۆپ مۇسۇلمانلارنى كۆرىمىز. شۇنچە چوڭ زالنىڭ مۇسۇلمانلار بىلەن توشۇپ كەتكەنلىكىنى كۆرىمىز. مەسچىتلەردىمۇ ھەم شۇنداق. ئەمما بىزنىڭ نوپۇسىمىز ئامېرىكا نوپۇسىنىڭ بىر پىرسەنتىگىمۇ يەتمەيدۇ. بۇ بىر خەتەرلىك ئەھۋال. ئەگەر قالغان 99 پىرسەنت ئادەم خاتا چۈشەنچىگە كېلىپ قالىدىكەن، بىزنى پەقەت ئاللاھلا قوغداپ قالالايدۇ. شۇڭلاشقا بىز ئۇششاق ئىشلار بىلەن ئۆز-ئارا زىددىيەتلىشىشنى توختىتىپ، چوقۇم ھەممىمىز قاتتىق ئىتتىپاقلىشىشىمىز كېرەك. پەيغەمبەر ئەلەيھىسسالام ھالقىلىق پەيتلەردە قۇرەيشلەر بىلەنمۇ ھەمكارلىق تۈزگەن. بىزمۇ شۇنىڭدەك قىلىشىمىز كېرەك.

تارىخنى ئۆگىنىپ باققان كىشىلەرنىڭ ھەممىسى ھازىر يۈز بېرىۋاتقان ئىشلاردىن بىر ئاز چۆچۈيدۇ. شۇڭلاشقا بىز پاسسىپ ھالدا ياخشى كۈنلەرنىڭ كېلىشىنى ساقلاپ تۇرماي، يۇقىرىدا تەۋسىيە قىلىنغان جەھەتلەردە ئۆزىمىز ئاكتىپلىق بىلەن ئىش ئېلىپ بېرىشىمىز كېرەك.


(تۈگىدى)


پايدىلىنىش مەنبەلىرى:

[1] Charlottesville White Nationalist Rally Violence Prompts State of Emergency
https://www.nbcnews.com/news/us-news/torch-wielding-white-supremacists-march-university-virginia-n792021

[2] Mike Muse Discusses President Trump’s Comments Against the Media and His Failure to Fully Condemn KKK Riots
http://swaysuniverse.com/mike-muse-discusses-president-trumps-comments-against-the-media-and-his-failure-to-fully-condemn-kkk-riots/

[3] The Rise of the Far Right - Shaykh Dr Yasir Qadhi
https://www.youtube.com/watch?v=jli8FulUjA8

[4] Philippine–American War
https://en.wikipedia.org/wiki/Philippine%E2%80%93American_War