PDA

View Full Version : Germaniyede elip berilidighan 5 – iyol namayishi heqqide jiddi uxturush



Y.SH.T.B
30-06-17, 05:27
Germaniyede elip berilidighan 5 – iyol namayishi heqqide jiddi uxturush

Essalamu eleykum Eziz qerindashlar,

5 – iyol Ürümqi qirghinchiliqining 8 – yilliqi yetip kelish aldida turmaqta, silerge melum bolghinidek, 2009 - yili yüzbergen 5 – iyol Ürümqi qirghinchiliqi, Sherqiy türkistanning yeqinqi zaman tarixidiki eng zor qanliq hadisilerning biridin ibaret.

Shu küni bashlanghan irqiy qirghinchiliqtin buyan, öz xelqining milliy we insaniy heq – hoqoqlirini telep qilghuchi minglighan bigunah Uyghur mustebit Xitay hakimiyiti we bu hakimiyetning chomaqchiliri hisaplanghan Fashist Xitay köchmenliri teripidin wehshilerche öltürüldi, nechche 10 minglighan bigunah Uyghur tutqun qilinip qarangghu zindanlargha mehkum qilindi.

Zorawan Xitay hakimiyiti bu weqeni bahane qilip, taki hazirghiche pütün Sherqiy türkistan miqyasida Uyghurlargha qarita döwlet teror siyasitini yürgüzüp kelmekte, Xitay hakimiyitining Yekende we Sherqiy türkistanning herqaysi rayonlirida tinimsiz halda arqa – arqidin elip beriwatqan qanliq qirghinchiliqliri we basturush heriketliri bunung janliq misalidin ibaret.

bolupmu bu yilliq mubarek Ramazan eyidin buyan mustebit Xitay hakimiyitining Uyghurlarni mejburi dinsizlashturush meqsidide elip beriwatqan qattiq basturush, cheklesh, teqip qilish, tutqun qilish we rehimsizlerche öltürüsh qilmishliri yuquri pellige chiqti, qangha boyalghan Sherqiy türkistan ziminida bügün xelqimizning ahu – zari we dat – peryatliri yürekni lerzige salmaqta.

5 – iyol shehidlirini, jümlidin Sherqiy türkistan xelqining erkinliki we hörlükini qolgha keltürüsh yolida qimmetlik hayatlirini teqdim qilghan batur oghul – qizlirimizni yat etish, ulargha ehtiram bildürüsh we Xitay hakimiyitining xelqimizge qarita rehimsizlerche yürgüziwatqan irqiy qirghinchiliqini Dunya jamaetchiliki aldida pash qilish bolsa biz chetellerde yashawatqan barliq Sherqiy türkistanliqlarning wijdani, insane we milliy burchimizdin ibaret.

Ürümqi qirghinchiliqining 8 – yilliqi munasiwiti bilen Germaniyening München shehridiki Xitay konsulxanisi aldida naraziliq namayishi ötküzülmekchi, Germaniyede, jümlidin München shehride yashawatqan pütün qerindashlirimizni bu qetim elip berilidighan naraziliq herikitimizge qizghin awaz qoshushqa chaqirimiz !

Eziz qerindashlar, weten ichidiki Xelqimiz shunche zor besim, tehdit we qirghinchiliqlargha pisent qilmay, pütün millitimizning erkinliki we hörlüki üchün eziz janlirini qurban qiliwatidu, deh’shetlik qarang’ghu zindanlargha mehkum boluwatidu, shunga biz erkin Döwlette yashawatqan barliq Uyghurlar weten ichidiki Xelqimiz bilen bir ten, bir wujut bolup, ularning qayghusigha ortaq bolushimiz lazim !

milliy ghuroringizni, wijdaningizni, wetenperwerlikingizni we imaningizni sinaydighan peyt keldi, shehidlirimizning heqqi – hörmiti üchün hechqandaq bahane – sewep körsetmey, bu qetimqi shereplik namayishimizgha toluq qatnishishqa gheyret qiling !

Namayishning waqti :

7 – ayning 5 – küni ( charshenbe ) saet 15:30 – 17:00 giche

Namayishning orni :

Münchehdiki Xitay konsulxanisining aldi

Hörmet bilen :

Yawropa sherqiy türkistan birliki rehberlik heyiti