PDA

View Full Version : “5-Iyul qanliq qirghinchiliqi” ning 8 yilliqini xatirilesh namayishi üchün chaqiriq



moderator10
13-06-17, 22:21
Essalamu eleykum, qedirlik wetendashlar!

Bu yil 2009-yili Ürümchide yüz bergen “5-iyul qanliq qirghinchiliqi” gha 8 yil boldi.

Xitay kommunist hakimiyiti eyni chaghda Ürümchige toplan’ghan Uyghur yashlirining tinch we heqqaniy yosundiki namayishini zorluq küch bilen wehshilerche basturup tashlighan idi. Nurghun qérindashlirimizning issiq qéni tökülgen, nurghun qérindashlirimiz iz-déreksiz ghayip bolghan, yene nurghun qérindashlirimiz qarangghu tümilerge qamalghan bu zor weqe özining éghir bedelliri arqiliq Uyghurlarni qattiq chöchütken idi. Shuningdin kéyin zor köpchilik Uyghur xelqi saxta aptonomiye künliki astida Xitaylar bilen bille yashashning mumkin emeslikini hés qilghan idi….

Eziz qérindashlar! aridin gerche 8 yil ötken bolsimu, eyni chaghda xelqimizning eng eqelliy heq-hoquqliri üchün eziz janlirini pida qilghan ot yürek qurbanlirimizning rohi téxi untulghini yoq! Buningdin keyinmu menggu untulmaydu!

Eziz qerindashlar! Yeqinqi waqitlardin beri ana diyarimizda élip bériliwatqan qattiq cheklesh ,teqip astigha élish, hör dunyadiki xelqler bilen alaqilarni pütünley üziwétish, yeni tor alaqisi, téléfon we pochta xet- cheklirini üzil-kesil chekleshtek rezillikler her bir Uyghurning kündilik turmushigha éytip tügetküsiz azap-oqubetlerni keltürüsh bilen birge nurghun qolaysizliqlarni tughdurmaqta…

Biz dunyaning qeyeridila yashimayli her bir Uyghur Xitayning dölet térrorluq siyasitining tesirige uchrap turmaqtimiz. Bu xildiki azapni peqetla Uyghur bolup yashap, hayatning her bir deqiqiside hés qilmaqtimiz…

Erkinlik bedelsiz qolgha kelmeydu, elwette. Hör dunyada yashash imkaniyitige érishken her bir Uyghurning olturum ruxsitide, yeshil kartisida we pasportining arqisida shéhitlirimiz töligen éghir bedeller bar. Shunga hör dunyadiki her bir Uyghurning munqerz wetinimizdiki xelqimizning awazini dunyagha anglitish mes’uliyiti bar.

“5-iyul qanliq qirghinchiliqi” ning 8 yilliqini xatirilesh munasiwiti bilen Amerika Uyghur birleshmisi bu yil 7-ayning 5-küni (charshenbe küni) Washin’gtonda Xitaygha qarshi naraziliq namayishi ötküzüshni qarar qildi. Namayish 7-ayning 5-küni chüshtin kéyin sa’et (2:00 -5:00 PM) ariliqida Washington DC diki Xitay elchixanisining aldidin bashlinip, kocha aylinip axiriqi nuqtisi Dupont Circle da axirlishidu.

Washington DC, Virginiye, Maryland we bashqa shitatlarda yashawatqan qérindashlarning del waqtida namayish nuqtisigha yighilip, bu namayishqa toluq qatniship bérishini ümid qilimiz.

Hörmet bilen,

Amerika Uyghur Birleshmisi Idare Hey’iti

2017-yili 6-ayning 13-küni