PDA

View Full Version : Germaniyede Barin inqilawining 27 – yilliqi munasiwiti bilen namayish ötküzülidu



Y.SH.T.B
03-04-17, 15:48
Germaniyede Barin inqilawining 27 – yilliqi munasiwiti bilen ötküzülidighan namayish heqqide jiddi uxturush

Germaniyede yashawatqan Sherqiy türkistanliq pütün qerindashlirimizning diqqitide :

2017 – yili 4 – ayning 5 – küni saet 16:00 – 17:30 giche Germaiyening München shehridiki Xitay konsulxanisi aldida Barin inqilawining 27 – yilliqi munasiwiti bilen naraziliq namayishi ötküzülidu, özini Sherqiy türkistanliq we Uyghur dep hisaplighan pütün qerindashlirimizni bu qetimqi ehmiyetlik namayishimizgha aktipliq bilen awaz qoshup toluq qatnishishini ümit qilimiz !

eziz qerindashlar, sizlerge melum bolghinidek, Wetinimiz Sherqiy Türkistanning Barin yezisida 1990 -yili 4 - ayning 5 - küni Zeydin Yüsüp bashchiliqidiki qehriman oghlanlirimiz, Xitay kommonist hakimiyitining xelqimizge seliwatqan dehshetlik eghir zulmi, siyasi besimi, irqiy kemsitishi, milliy we diniy jehettiki yoqutush siyasitige qarshiy qozghulup, küreshchan Uyghur xelqining, jenggiwar ejdatlirimizning zulumgha tez pükmes rohini namayen qilghan idi.

Barin Inqilawining 27 - yillighi munasiwiti bilen, Erkinlik, hörlük üchün küresh qilip, issiq qanlirni pida qilghan Zeydin Yüsüp bashchiliqidiki pütün shehidlirimizni esleymiz.

militimizning sheripini qoghdash yolida kuresh qilghan, Xitay türmiliride zulum chikiwatqan, amma bash egmigen qehriman oghul-qizlirimizgha Allahdin gheyret we sebir tileymiz.

Barin inqilabi, wetinimiz sherqiy türkistanda xitay mustebitlirining fashistliq hökümranliqini aghdurup tashlap, sherqiy türkistan xelqining erkinliki, musteqilliqini qolgha keltürüsh ghayisi bilen otturigha chiqqan shanliq bir inqilap idi. Shundin buyan Barin inqilabi, Uyghur musteqilliq herikitining ilham menbesige aylandi. Sherqiy türkistan xelqining erkinlik iradisining menggü sunmaydighanliqini dunyagha jakarlidi.

biz her yili bu shanliq inqilabimizni iptixar bilen xatiriligen waqtimizda, milletning iradisi we arzu - Armani yolida eziz janlirini qurban qilghan shehidlirimizni hörmet bilen esleymiz. Zeydin yüsüp bashchiliqidiki qehriman oghlanlirimizgha ihtiram bildürimiz. Shuning bilen birge, xitay mustebitliri teripidin barin yézisida élip berilghan dehshetlik qirghinchiliqta qurban bolghan minglighan ata - Anilar we nariside balilargha janabi allahtin u dunyaliq rehmet tileymiz. Xitay zindanlirida hélimu eziyet chékiwatqan minglighan pidakar ezimetlerge erk tileymiz.

Barin inqilabi, yeqinqi zaman tariximizdiki milliy kürüshimizning ilham buliqi, Uyghur Xelqi bu shanliq küresh dastanini ebediyen iptixarlinish tuyghusi ichide yad etidu we Zaydin Yüsüp bashchiliqidiki eziz shehidlirimizning küresh iradisige sadiqliq bilen warisliq qilidu !

Namyasihning waqti : 4 – ayning 5 – küni ( charshenbe ) saet 16:00 – 17:30

Namayishning orni : München shehridiki xitay konsulxanisining aldi

Hörmet we ehtiram bilen :

Yawropa Sherqiy Türkistan Birliki idare heyiti