PDA

View Full Version : DUQ ning Rabiye xanimge uchuq xet



Ixtitari Muxpir
12-09-06, 17:35
http://www.uyghurcongress.org/Uy/pressrelease.asp?ItemID=-2039144366

Rabiye xanimge uchuq xet

Möhtirem Rabiye Qadir xanim,
Ezis Sherqiy Türkistan xelqi:

Uyghurlarning meniwi Anisi, Sherqiy Türkistan Milliy herikitining lideri, Xelq`ara insan heqliri körishining bayraqdari bolghan möhtirem Rabiye Qadir xanimning Nobil tènichliq mukapati namzatliqigha körsitilishi tarixi ehmiyetke ige zor hadise.

Men aldi bilen, Dunya Uyghur Qurultiyi namidin Rabiye xanimni chin yürektin tebrikleymen!

Rabiye xanimning 2006 - yilliq Nobel Tènchliq Mukapatigha namzat qilip körsitilishi Sherqiy Türkistan dewasi üchün zor utuq bolup hèsaplanidu. Bu, öz nöwitide Uyghurlarning insan heqliri we dèmokratiye kürishining Dunya jamaiti teripidin qanuniy rewishte tonulghanliqining bir namayendisi. Shundaqla, Uyghur milliy herikitining Xitaylar teripligendek qandaqtur Tèrror we bashqa zorawanliq bilen Alaqisi bolmighan heqliq bir mujadile bolghanliqining röshen delili. Uyghurlarning Erkinlik we azatliq iradisining xelq`araning ètirap qilishigha èrishkenlikining yarqin bir ipadisi!

Rabiye Qadir xanimning Nobil Tènichliq mukapatigha èrishishi, Sherqiy Türkistan Milliy mujadilisining Xelq`ara siyasetning kün tertibige èlinishidin direk bèridu, Sherqiy Türkistan xelqining ezeli we ebedi armani bolghan hörlük iradisining qanunlashqanliqidin we uning emelge èshish basquchigha qedem qoyghanliqidin direk bèridu, Sherqiy Türkistan dewasining Xelq`ara bir dewagha aylanghanliqidin derek beridu. Shundaqla, Rabiye xanimning maddi we meniwiy pidakarliqlargha kökrek kèrip, Sherqiy Türkistan dewasini dunya jamaetchilikige tonushturush üchün èlip bariwatqan paaliyetlerining tèximu yuqiri pellilerge kötürülüwatqanlini ispatlaydu.

Bugün Birleshken Milletler Teshkilatigha 200ge yèqin dewlet eza. Bu dewletlerning qarmighida 6500 millet yashaydu. Uyghurlargha oxshashla, bu milletlermu öz teqdirini özi belgilesh huquqini qolgha keltürüsh üchün mujadile qiliwatidu. Bu 6500 millet wekilliri ichide Rabiye xanimning 2006 - yilliq Nobel Tènchliq mukapatigha namzat körsitilishining özi, zor bir muweppiqiyet bolup hèsaplinidu.

Yene shundaqla, Rabiye xanimning 2006 - yilliq Nobel Tènchliq mukapatigha namzat körsitilishi, Sherqiy Türkistan xelqige qarshi gheyri insaniy siyaset yürgüziwatqan, eziz millitimizni dunya jamaetchilikige „terrorist“ dep tonushturushqa tèrishiwatqan we Rabiye xanimning Ana wetendiki bala-chaqa hem urugh - tuqqanlirigha her türlük zulumni rawa köriwatqan Xitay hökümdarlirining yüzige urulghan bir shapilaq bolup hèsaplinidu.

Bundaq bir hoshalliq künide, bolupmu chet`elllerde yashawatqan pütkül yurtdashlirimni Xelqimizning menwi anisi Rabiye xanimni pütün küchi bilen yaqlap quwwetleshke, Dunya Uyghur Qurultiyining etrapigha ömlishishke, her türlük kelishimsizliklerni bir tere qilip, özara birlik, beraberlik , hemkarliq we qerindashliq tuyghulirini teximu kücheytishke chaqirimen!

Tarixi ehmiyetke ige bu weqe munasiwèti bilen, möhtirem Rabiye Qadir xanimni yene bir qetim chin yürektin tebrikleymen, özige we bala –chaqilirigha Allahtin uzun ömür, salametlik hem bext - saadet tileymen. Rabiye xanimning Nobil Tènichliq mukapatini baghrigha basqan halini körüshni chin dilimdin arzu qilimen.

Söygü we hörmet bilen:

Erkin Alptekin
Dunya Uyghur Qurultiyi Reisi



2006-yili 9-ayning 12-kuni