PDA

View Full Version : Merhum Abdulhekimhan Hajimning wapatigha chongqur teziye bildurimiz!



moderator10
22-12-16, 20:04
Amérika Uyghur Birleshmisi Abdulhekimhan Mexsum Hajimning wapatigha chongqur teziye bildüridu

Ataqliq diniy ölima, jam’et erbabi we muhajirettiki Uyghurlar arisida chongqur hörmetke ige zat Abdulhekimxan Mexsum Hajimning bügün seher, yeni 2016-yili 12-ayning 22-küni tuyuqsiz wapat bolghanliqini angliduq. Bu xewer hemmimizni chongqur musibetke chömdürdi.

Merhumning yatqan yéri jennette bolghay. Ulugh Allahdin merhumning rohigha asanliq, meghpiret we a’ile tawabiatlirigha sebr-taqet tileymiz!

Merhum Abdulhekimxan Mexsum pütün hayati boyiche Uyghur xelqining milliy we diniy heq-hoquqliri yolida tinimsiz küresh qilghan, Islam dinining heqiqiy rohini millitimizge eynen yetküzüshke tirishqan, Sherqiy Türkistanning hörlüki we ebediy qutulushi üchün axiriqi nepisigiche élishqan munewwer Uyghur oghlani. Bolupmu merhumning chongqur Islamiy bilimi, weten’ge bolghan cheksiz söygüsi, yash ewladlargha bolghan mes’uliyetchanliq rohi shundaqla kishilik xaraktéridiki semimiy, mötidil we merdane xisletliri uni xelqimiz qelbide yüksek orun’gha ige qilghan idi.

Merhum Abdulhekimhan Mexsum Hajimning waqitsiz wapati muhajirettiki Uyghur dawasi üchün zor yoqutush bolup, Amérika Uyghur Birleshmisi Amérika Qoshma Shitatliridiki pütkül Uyghur jama’itige wakaliten chongqur teziyesi we cheksiz musibitini bildüridu.


Hörmet bilen,

Amerika Uyghur Birleshmisi idare heyi’ti

2016-yili 12-ayning 22-küni.

Amrikilik uyghur
25-12-16, 14:35
Yatqan yeri jennet bolsun. Emma kim u? Amerikida undaq bir ademni anglimighan iduq? Nede yashap nime qilghan adem u?