PDA

View Full Version : Amerika Uyghur Birlashmisining 2016-yilliq öktebir birleshme namayish uqturushi



moderator10
22-09-16, 23:07
Essalamu eleykum qedirlik wetendashlar!

Xitay hökümitining 1-öktebirdiki dölet bayrimi künide Xitay kommunist hakimiyitining Uyghur, Tibet we Monghol qatarliq xelqlerning tupraqlirini munqerz qilghanliqi we ularning milliy mewjutluqi hem insaniy heq-hoquqlirini depsende qilghanliqigha qarshi Amérika paytexti Washin’gtonda birleshme namayish ötküzüsh qarar qilindi.

Amérika Uyghur Birleshmisi bu munasiwet bilen Amérikidiki barliq Uyghur qérindashlargha shuni muraji’et qilidu: Sizning qimmetlik waqtingizni chiqirip dunyaning siyasiy merkizi bolghan Washin’gtonda Xitaygha qarshi naraziliq namayishigha qatnishishingiz öz wetinide xorliniwatqan awazsiz bir xelqning awazi we yürek sadasini dunyagha yetküzidu. Sizning hör dunyada behriman boliwatqan barliq erkinlikingiz, Amérikining yeshil kartisi yaki qolingizdiki eng qudretlik dölet – Amérika Qoshma Shitatlirining pasporti emeliyette wetende hörlük we insaniy heq-hoquqlar üchün bedel tölewatqan, Xitayning qarangghu zindanlirida yétiwatqan shundaqla eziz janlirini teqdim qilghan shéhitlirimizning qanliri bedilige kelgen!... Uyghurluq milliy kimliki bilen yashap turup eng eqelliy Uyghurluq mes’uliyitini ada qilmighan, jama’etning ortaq ishidin her waqit qachidighan, weten we milletning bizdiki qerzini untughan insanlirimiz shuni untumasliqi kérekki, wetenning hörliki bedelsiz kelmeydu. Eger buni untusaq weten üchün issiq jeni we qanlirini bergen séhitlirimizning qanliq qolliri tangna qiyamette haman bizning yaqimizdin alidu!...

Namayish Amérika Uyghur Birleshmisi, Amérikidiki Tibet we Mongghol teshkilatliri teripidin birlikte uyushturilidu. Amérikidiki qérindashlarning bir gewde bolup, eng yüksek mes’iliyetchanliq bilen xelqimizning awazi we iradisini anglitish üchün namayishqa waqtida kélishini semimiy ümid qilimiz.

Namayish orni : Washington D C diki Xitay elchihanisi aldida.
Waqti: 2016- yili 09-ayning 30- kuni, Jüme chüshtin kéyin sa’et 2:00 din 5:00 kiche


Hörmet bilen,

Amerika Uyghur Birleshmisi Idare Hey’iti
2016- yili 09-ayning 22-küni

Unregistered
30-09-16, 23:53
Assalam wetendashlar hitay dovlet bayrimi 10- ayning 1 kuni , bizning americanda bu kun shembe kundige toghra kelidu we kop wetendashlirimizning dem elishkuni , bu namahish nimshqa Jume kundige bir kun burun yenihitay bayrimidin bir kun burun orunlashturuldi?