PDA

View Full Version : “5-Ijul qanliq qirghinchiliqi” ning 7 yilliqini xatirilesh namayishi üchün chaqiriq



moderator10
19-06-16, 02:26
Essalamu eleykum, qedirlik wetendashlar!

Bu yil 2009-yili Ürümchide yüz bergen “5-iyul qanliq qirghinchiliqi” gha 7 yil boldi.

Xitay kommunist hakimiyiti eyni chaghda Ürümchige toplan’ghan Uyghur yashlirining tinch we heqqaniy yosundiki namayishini zorluq küch bilen wehshilerche basturup tashlighan idi. Nurghun qérindashlirimizning issiq qéni tökülgen, nurghun qérindashlirimiz iz-déreksiz ghayip bolghan, yene nurghun qérindashlirimiz qarangghu tümilerge qamalghan bu zor weqe özining éghir bedelliri arqiliq Uyghurlarni qattiq chöchütken idi. Shuningdin kéyin zor köpchilik Uyghur xelqi saxta aptonomiye künliki astida Xitaylar bilen bille yashashning mumkin emeslikini hés qilghan idi….

Eziz qérindashlar! aridin gerche 7 yil ötken bolsimu, eyni chaghda xelqimizning eng eqelliy heq-hoquqliri üchün eziz janlirini pida qilghan ot yürek qurbanlirimizning rohi téxi untulghini yoq! Buningdin keyinmu menggu untulmaydu!

Erkinlik bedelsiz qolgha kelmeydu, elwette. Hör dunyada yashash imkaniyitige erishken her bir Uyghurning olturum ruxsitide, yeshil kartisida we pasportining arqisida shéhitlirimiz töligen éghir bedeller bar. Shunga hör dunyadiki her bir Uyghurning munqerz wetinimizdiki xelqimizning awazini dunyagha anglitish mes’uliyiti bar.

“5-iyul qanliq qirghinchiliqi” ning 7 yilliqini xatirilesh munasiwiti bilen Amerika Uyghur birleshmisi, Xelqara Uyghur Kishilik Hoqoq Dimokratiye Fondi Jemiti birlikte bu yil 7-ayning 5-küni (Seyshenbe, yeni Roza héyt küni) Washin’gtonda Xitaygha qarshi naraziliq namayishi ötküzüshni qarar qildi. Namayish 7-ayning 5-küni chüshtin ke´yin sa’et 2:00 de Washington DC diki Xitay elchihanisining aldidin bashlinip, kocha aylinip axiriqi nuqtisi Dupont Circle da axirlishidu.

Washington DC, Virginiye, Mariland we bashqa shitatlarda yashawatqan qérindashlarning del waqtida namayish nuqtisigha yighilip, ulugh Roza héyt künidiki bu namayishqa toluq qatniship bérishini ümid qilimiz.

Hörmet bilen,

Amerika Uyghur Birleshmisi Idare Hey’iti
Helqara Uyghur Kishilik Hoqoq we Demokratiye Fondi Jamiyiti

2016 –yili 6-ayning 19-kuni