PDA

View Full Version : Islamophobia, Tirrorism, Al_Qaida, ISIS we Uyghurlar(4)



Mavlan Yasin
19-03-16, 01:18
Islamophobia, Tirrorism, Al_Qaida, ISIS we Uyghurlar(4)

Mavlan Yasin

Bu yazmining 4 – qismida Guantanamo turmisidiki 22 uyghur tutqunlargha munasiwetlik töwendiki mezmunlar ustida toxtaymiz:

(1) Bu uyghur tutqunlar dunya axbarat sahesi arqiliq uyghur uqumni tarqitishi we uyghur uqumni tarqitishta tengdashsiz bolghanlighi.
(2) Dushmen Jengchisi Salahiyitini Bekitish Sotining (CSRT=Combatant Status Review Tribunals) bu tutqunlargha chiqarghan hökümi we Amirka hökümitining bularni orunlashturishi.
(3) RFA—Uyghur Awazi.
(4) UAA we DUQ bu tutqunlarni qutuldurush üchün elip barghan paaliyetler.
(5) Bu tutqunlarni axlash we qutuldurushda alahida xizmet körsetken uyghur shexsiler.

Uyghurlar bilen “bala-qaza” ezeldin ashiq-meshuqlar.

Eger Uyghurlardin “jiningdin artuq qimmetlik nerse nime” dep sorisa, Uyghurlar ikkilenmey “bizge kelgen bala-qaza” dep jawap biridu.

Esirler bolup ketti, bala-qaza Uyghurlarning ashiq-meshuqi bolup kiliwattidu. Uyghurlar perhat bolsa, bala-qaza shi’rin; Uyghurlar ghirip bolsa, bala-qaza senem; Uyghurlar kakkuk bolsa, bala-qaza zeynep. Uyghurlar bilen bala-qaza otursidiki muhebbetni her qandaq boran-chapqun uchurammaydu, her qandaq yer tewresh örelmeydu, her qandaq bayliq sitip a’lalmaydu, her qandaq qiyinchiliq we muhtajliq bash eggizemmeydu; her qandaq sheytan aldap buzammaydu. Uyghurlar özining barliq madiy we rohiy mülüklirini kim sorisa shuninggha birip kelgen bolsimu, özining döwletini meyli mongghul, tungan, ros, menzu yaki xittaylar sorisa shuninggha raziliq bilen birip kelgen bolsimu, hetta özining til-zuwanini birishke we sitishke maqul bolghan bolsimu, bala-qazadin ayrilishqa zadi köngli unimidi. Bala-qaza uyghuylarning qash bilen kirpikining arlighida toxtimay tamashe qilip kiliwatidu. Hetta Uyghurlar du’a qilghandimu “bala-qazadin saqlighaysen” digen tileknimu anche köp anglimaymiz.

Dunyakidi putun milletler shalliwetken, tashliwetken, ret qilghan we sörgun qilghan bala-qazalar Uyghur ka’iynattida makanlishalaydu.

Bilmidim, bala-qazarlarmu Uyghurlargha qarap ichi pushtimu, bala-qaza Uyghurlargha tunji qitim so’ghat sundi. Uyghurlar tunji qitim “bala-qaza”ning paydisini kördi, xuddi xittaylarning qedimqi peylasun Lao Zi itqandek: “bala-qazada bext mewjut(祸兮福所倚)”.

Al-qaida 2001-09-11 küni amirkigha hujum qilghandinkin, Osama bin Laden we al-Qaidalarni tipish we weyran qilish üchün, Amirka armiyesi Afghanstangha bisip kiridu hem yerlik ahaleni tirrorchilarni melumat qilsa yaki tütüp berse köp pul mukapetke irishidighanlighini elan qilidu.

Hurrekke poqaq, maymaqqa jirtaq jor bolidu digendek, bu jeryanda 22 Uyghur urush meydanda esirge chüshüdu yaki imani we wijdanini pulgha satqan Pakistanliqlar we Afghanstanliqlar tereptin “tirrorchilar” dep Amirkigha tapshurup birildu.

Amirka hökümiti bu 22 Uyghurni Guantanamo Bay turmisida “tutqun” salahiti bilen aldi-keyni bolup 10 yildin artuq tutup solidi.

Miningche, aldinqi 100 yilda, uyghurlargha munasiwetlik bolghan weqe we hadiseler, bu 22 Uyghur tutqundek dunyaning, bolup gherp dunyasining diqitini özige tartmighan. Bu 22 Uyghur tutqunning amirka turmisida turishi gherp siyasetchilerni, jumlidin amirkining siyasetchilerini Uyghurdigen uqumgha köngül qoyushigha mejburlidi.

Yiqin zaman uyghurlar tarixida norghun pajielik exwal we ichinishliq körnüshler qayta-qayta yüz bergen bolsimu, gherp dunyasidiki siyasetchilerning, hökümet erbablirining yaki axbarat sahasining ishtiyaqini ghidiqlammidi. Misale, Fiwral weqesi we I’yun weqesi, bu weqeler Uyghurlar üchün menggu untulmas pajielik körnüshler bolsimu, gherp dunyasining hich qandaq diqqitini ,sinchini yaki ghemxorliqini qozghimidi, peqet kichik dairediki munasiwetlik, likin siyaset belgileshte anche chong roli yoq ademlerning yinik we yoshurun inkasliri anglitildi. Chong teswir körsiteleydigha we tonulghan gizit we zornal qatarliq metbuatlarda xewer birilmidi.

Guantanamo turmisitiki 22 uyghur tutqun kelgen künidin bashlapla amirkining mejlis, ali sot we aq sarayda hel qilghini bolmaydighan, toqunush peyda qilidighan, sezgürliki küchlük, yeshkini bolmaydighan, biaram qilidighan we tewekkürchilik qilishqa mejbur bolidighan mesilige aylandi, hem bo mesile 10 yildin artuq dawamlashti. Amirkining barliq muhim siyasetchiliridin tartip pirizidintghiche toxtimay bu 22 uyghur heqqide sözlep keldi. Buning netijiside uyghur mesilisi, ijabiy tereptin yaki passip tereptin keng dairida tarqaldi, tonuldi we tetqiq qilindi. Uyghur tarixida hich qandaq weqe we nerse uyghurlarni gherp dunyasigha bundaq tonushturalmighan.

DUQ, UAA we bashqa adem menbesi yiterlik bolghan uyghur teshkilatlar bu 22 uyghur heqqide elan qilghan maqallarni, xewerlerni we höjjetlerni yighip, retlep, mezmunlirini qisqartilghan shekilde bolsimu tonushturup chiqan bolsa uyghurlar üchün bir chong bayliq idi. Kitap qilip yizilmisimu, torbetlerde alahide bir ulunush yasap, bu tutqunlar heqidiki maqallarni, xewerlerni we höjjetlerni retlep qoyghan bolsa, bu uyghurlarning bir bayliqi bolup qalatti. Bu arqiliq nurghun tejribe-sawaqlarni yekünlep, uyghur teshkilatlar gherp dunyasi bilen alaqilishish we xewerlishish maharetini we layaqetini östürüshige chong paydisi bolatti – bu bolsa chet’ellerdiki uyghur teshkilatlarning bir muhim mejburiti we zörür wesipisighu? Budaq xulaselerni retlep chiqirish arqiliq uyghur teshkilatlar qiliwat ishlirining qanchilik ilgir süriwatqinini chüshendürüshke, ölcheshke we iniq ipadileshke bolidu, hem weten ichi we sirtidiki uyghurlargha bir xil ilxam bolidu we ümid biridu. Nöwette, yilda qilidighan bir nechche qitimliq namyishtin bashq DUQ we UAA qiliwatqan ishliri keng uyghur jamaet üchün bir namelum dunya. Uyghurlarning ishliri üchün yighinlargha qatniship we “facebook”qa resimni chiqirip qoyush yiterlik emes.

Gherp dunyasida herqandaq bir weqedinkin, shu weqeni yekunlep norghun kitap we maqallar yizip chiqildu. Hazir gherp dunyasidiki hemme döwletlerde uyghurlarning adem membesi yiterlik. Muash elip ishleydighan uyghur kesipiy xadimlarmu az emes. Budaq ishlerni qilalaydighan waxti yitip keldi.

(1) Bu uyghur tutqunlar dunya axbarat sahesi arqiliq uyghur uqumni tarqitishi we uyghur uqumni tarqitishta tengdashsiz bolghanlighi:

2005-08-24. “The Washington Post” giziti bularning ichidiki 15 uyghurni Amirka hökümiti “düshmen jengchisi emes” dep elan qilghanlighidin xewer berdi.
2006-05-05. Bularning ichidi 5 kishini Albaniyeke yütkilidu.

2206-05-09. Birleshme Axbarat Agintliqi (Associated Press) Xittay hökümitining bu 5 kishini Albaniyeke yütkigenligini xelq ara qanun’gha xilapliq dep eyipligenligidin xewer berdi.

2006-05-10. RFA bu 5 uyghurning Albaniyege yütkilishtin burun “Iguana Lagir(Camp Iguana)”da turghanlighidin xewer berdi.

2006-05-24. BBC, Albaniyege yütkelgen 5 uyghurning birsi bolghan Abu Bakr Qasim bilen körüshkende, BBCgha “Guantanamo bolsa qabahetlik chüsh, biz uni untup kitishge tirishiwatimiz” digenligidin xewer berdi.

2006-09-18. Hauke Goos yazghan maqal “Dozaxqa qachmaq: Zhong Gudin qichip, Guantanamagha qonush(ESCAPE TO HELL: Fleeing China, Landing in Guantanamo)”, bu 5 uyghurning putun exwalini tepsili teswirleydu.

2007-03-11. “Boston Globe” giziti qalghan 17 uyghurni Guantanamodiki yingi salghan “Sizke Lagir(Camp Sizke)”gha yütkigenlikidin xewer berdi.

2008-06-19. Birleshme Axbarat Agintliqi(Associated Press) Shiwtisye Adel Abdu Al-Hakimning siyasi panahliq telipini ret qilghan toghurluq xewer biridu.

2009-05-20. “NYDailyNews.com” 6 uyghurning wekili bolghan Sabin Willett “Gitmo 60 erkin qilinsun(Free the Gitmo 60)” digen maqalni elan qilip, uyghur tutqunlarni alla-qachan sot tereptin dushmen emes, terrorist emes, jinayetchi emes dep höküm qilghan bolsimu, yenila tutqun bolup turghanlighigha nazar bolghanlighini bildurdu.

2009-06-10. “Amirka Awazi(Voice of American News—Foreign Affairs)” maqal elan qilip Republic wekili Dana Rohrabacher özining partiyesi Guantanamo Baydiki uyghurlarni terroristlargha baghlighanlighini we Amirkigha ekilishke qarishi turghanlighini tenqid qilghan bu sözidin xewer berdi: “budaq exwalgha biz qandaqmu közimizni yumup turalaymiz: biz bu tutqunlarni tutup turush arqiliq xittay hökümitining uyghurlargha qaritilghan qebih we kemsitish siyasitigha, uyghurlarni basturush herketlirige shirik bolmamduq? Republican Partiye xittay komunist partiyesining özining mempetini nezerde tutup heqqaniyet we naheqliqqa xalighanche chüshenje birishige yol qoymasliqimiz kirek(Dana Rohrabacher)”

2009-06-11. “Huffington Post” giziti Abdul Helil Mamut, Huzaifa Parhat, Emam Abdulahat Jalal Jalaladin 4 kishining Bermudagha yitip barghanlighidin xewer berdi.

2009-06-11. “The Royal Gazette” Amirka hökümiti bu 4 kishining yütkilish xirajitini kötürgenliki, Bermada hökümiti bularning höjjet, ahale salahiti we turar jay qatarliqlarni orunlashturghanlighidin xewer berdi.

2009-10-31. “Agence France” we “New Times” gizitliri Ahmad Tourson, Abdul Ghappar Abdul Rahman, Edham Mamet, Anwar Hassan, Dawut Abdurehim we Adel Noorilarning Palaugha yütkelgenlikidin xewer berdi.

2012-04-19. “Associated Press” Abdul Razakah and Hammad Memetning El Salvadorgha yütkelgenlikidin xewer berdi. 2013 – yili sintebirde, El Salvador hökümiti bu ikki kishining El Salvadordin ghippide chiqip ketkenlikini, likin nege ketkenlikini bilmeydighanlighini uxturdi.

2013-12-31 küni “Miami Herald” giziti Yusef Abba (38 yash), Hajiakbar Abdulghuper( 39 yash) we Saidullah Khalik (36 yash), bu 3 kishining Amirka herbiy turmisida 12 yil turup, 2013-12-30 küni bir mexpiy opiratisiyede Slovakiage yütkelgenlikini xerwer berdi.

2013-12-31. “Washington Post”da “Eng axirqi 3 uyghur Guantanamo Baydiki Amirka turmisidin yütkeldi( Final 3 Uighur prisoners moved from U.S. military prison at Guantanamo Bay)” digen xewer berdi. Bu xerwerde Adam Goldman shundaqdep yazdi: “Amirkining Guantanamo Bay herbiy turmisidiki uyghur musulmanlar Slovakiage yütkeldi. Bular bolsa Xittay azsanliq milletlerning herbiy turmisida tutqun bolup turghan eng axirqi ezaliri… Guantanamodiki 22 uyghur 6 döwlette olturaqlashti”.

2015-06-29. Kanadaning “Gloge and Mail” giziti Palaugha kelgen uyghurlarning Palaudin jimjit ketkenlikidin xewer berdi. Bu gizitning itishiche, Amirka hökümiti bu 6 Uyghurning her birsi üchün Palau hökümitige $93,333 bergen. Gizitning itishiche, bu uyghurlarning Palaudin kitishige Amirka hemkarlashqan. Bular ayrim ayrim halda soda ayropilanda ketken.
Yene towendiki siyasi sehnilerde teswir körsiteleydighan maqallar elan qilindi:

(1) “Xinjiangdiki zorawan bölgünchilik: tenqidi bahalash (Violent Separatism in Xinjiang: A Critical Assessment)”, James Milward, East-West Center Washington, 2004. www.eastwestcenterwashington.org.

(2) “Xittay biz bilen birge-- Bush tekitlidi(China is with us, Bush insists)”, Associated Press, October 19, 2001.

(3) “ Sherqiy Turkistan tirrorchilar qoshunliri bexramanliq bilen qotulammaydu (‘East Turkistan’ Terrorist Forces Cannot Get Away with Impunity)”, January 21, 2002, Information Office of the State Council, available at www.people.com.cn.

(4) “ölke bashliqi didi: Xinjiangda terrorist hujum bolmighinigha yillar boldi(Governor says China’s Xinjiang has seen no terrorist attacks for years)” Xinhua, 12 April 2004.

[5] “Over 260 Acts of Terrorist Violence In and Outside China as 'East Turkistan' Becomes Main Terrorist Threat to China”, China Youth Daily, September 6, 2005, FBIS translated text.

[6] [Xinjiang da qingcha, shouji zhayao 41 dun duo] “Xinjiang great exposé, more than 41 tonnes of explosives captured”, August 30, 2006, Takung Pao, available (in Chinese) at www.takungpao.com.
[7] “Xinjiang enters a golden age as investment capital pours in”, August 26, 2006, People’s Daily, available at http://english.people.com.cn/.

[8] “Policy Focus: China”, United States Commission on International Religious Freedom, September 2005, available at www.uscirf.gov.

[9] “China’s ‘Uyghur Problem’ and the Shanghai Cooperation Organization”, August 3, 2006, available at www.uscc.gov.

[10] “Criminalising Ethnicity: Political repression in Xinjiang”, Nicolas Becquelin, China Rights Forum, Issue 1, 2004, available at www.hrichina.org.

[11] “China’s ‘Uyghur Problem’ and the Shanghai Cooperation Organization”, August 3, 2006, available at www.uscc.gov.

Yuqirdiki bolsa Guantanamo turmisidiki Uyghurlar heqide elan qilinghan Inglizche qismen maqallar. Men yawropadiki chong döwlet Fransiye bilen Girmaniyede bu uyghurlar heqqide elan qilinghan maqallarning statistika melumatidin uchur sorap shu döwletlerdiki munasiwetlik ademlerge xet yazghan idim, ular aldirashliqidin manga yetküzip birelmidi.

Uyghurlar tarixda gherp dunyasining nopozluq gizit-jornallirida bundaq tonushtorulmighan. Gherp dunyasidiki siyasetchilerni uyghurlarni uginishge bundaq mejburlimighan. Shu seweptin, Guantanamo Baydiki Uyghur tutqunlar, uyghurlarni dunyagha tonushturushta körsetken tohpisi bash orunda turidu. Nöwette uyghurlarning dawasigha köngül bölidighan siyasetchilerning köpiyishining bir sewebi we righbet küchi mushu uyghur tutqunlar diyishke bolidu.

(2) RFA---Uyghur Awazi

Mining köz qarishimda RFA uyghur programmi bolsa uyghurlarning awazigha wekillik qilghan tunje iliktirliq dolqun. RFA uyghur programi 1998 yilidin tartip Sherqiy Turkistanda bolghan her bir weqelerni waxtida, obiktip noqtidin we kesipiy roh bilen dunyaning bulung bushqaqliridiki uyghurlargha yetküzüp keldi. RFA bolsa tunje iqtisadi menbesi yiterlik, zamaniwiy tixnika bilen qorallanghan, kesipiy xadimlarni terbilep yitishturush arqiliq kesipleshken, xittay hökümitidin putunley xali bolghan, tamamen millet perwer uyghurlar bilen toluqlanghan, uyghur awazini dunyagha anglitishni we uyghurlargha dunya exwalini yetküzishni mexset qilghan axbarat organ. RFAning uyghurlargha yetközgen teswirini qanchilik mubalighe qilsaqmu iship ketmeydu.

Guantanamo Baydiki Uyghur tutqunlarni shu dewriliride dunyagha anglatqan birdin bir uyghurche awaz shu RFA idi. Shu dewridiki RFAning bash tehriri Omer Qanat urush muxbiri bolup Afghanstan urush meydanigha birip, neq meydandin xewer bergen. Bu bolsa Ikkinchi jumuryet yoqalghandinkin uyghurlar urush meydangha ewetken tunje uyghur muxbir. Emilyette, shu dewride Afghanstangha ewetilgen axbarat sahelirige silishturgende, misale CNN, NBC, FOX.. Omer Qanat yerliklerge eng yiqinliship xewer bergen. RFA putun uyghurlar razi bolghudek xewerlerni kündilik anglitip turghan. Siz deppiqing, Ikkinchi jumuryet yoqalghandinkin budaq uyghur awazi bolghanmu?!

RFA Guantanamo Baydiki Uyghur tutqunlar heqide bergen qismen xewerlerni bu ikki ulunushtin körsingiz bolidu:

http://www.rfa.org/uyghur/search?search_text%3Autf8%3Austring=%DA%AF%DB%87%D 8%A6%D8%A7%D9%86%D8%AA%D8%A7%D9%86%D8%A7%D9%85%D9% 88&submit.x=0&submit.y=0

http://www.rfa.org/uyghur/search?search_text%3Autf8%3Austring=%DA%AF%DB%87%D 8%A7%D9%86%D8%AA%D8%A7%D9%86%D8%A7%D9%85%D9%88&submit.x=0&submit.y=0

Men bu yerde RFA uyghur programining diriktori Dolqun Qembirige kiridit bermey turalmaymen. RFA uyghur programi qurulghan kündin tartip Dolqun Qembirining yitekchilikide boldi. Bu dewri bolsa dunya weziyiti tayinsiz özgirip, Sherqiy Turkistanda qanliq weqeler arqa-arqidin yüz birip we Uyghurlarning musteqil herketliri Yawropa, Kanada, Awstiraliye, Turkiye, Yapunye, Amirka we ottura Asiyede qaynam-tashqinliq, ghayet heywetlik haletke aylandi. Bu özgirishjan jeryanni RFA jenliq xewer birip turdi. RFAning bu xizmetlirini diriktori Dolqun Qembirining yitekchilikidin ayrip sözlesh bir namertlik we ichi tarliq. Bu 20 yilgha yiqin jeryanda RFA ichide norghun özgürüshler boldi, zidiyet-toqunushlar boldi we uyghurlarni ilhamlanduridighan yaki qattiq achchiqini kelturdighan ishlar boldi; xelqlerning aghzida gep-chuchekler we pitne-pasatler boldi,Donqun Qembiri bularning hemmisini öz yoli bilen ritimge silip RFAning rolini jari qilip keldi. Bu özi bir maxtashqa tigishlik chong netije.

(3) Dushmen Jengchisi Salahiyitini Bekitish Sotining (CSRT=Combatant Status Review Tribunals) bu tutqunlargha chiqarghan hökümi we Amirka hökümitining bularni orunlashturishi:

Guantanamo Bay Tutup turush lagirdiki(Guantanamo Bay detention camp) tutqunlarning “dushmen jengchisi” yaki emeslikini jezmenleshtürüsh üchün, Amirka döwlet mudapiye muawin sikritari Paul Wolfowitzning buyruqigha asasen, 2004-07-07 küni “Dushmen jengchisi salahiyitini bekitish soti(Combatant Status Review Tribunals)” tiklinidu, qisqartip “CSRT” dep ataydu.

CSRT bolsa adettiki xelq ishlar sotigha oxshimaydu, xelq ishlar sotida qollindighan “Ispat hökümranliq qilidu” digen sot qollanmisi bilen cheklenmeydu, hökümetning ispati “heqiqi we toghra” dep mölcherlinidu. CSRT hökümetning tutqunlargha munasiwetlik barlik ispatlarni oturgha qoyushini telep qilidu. Tutqungha wekillik qilidighan kishi tutqungha munasiwetlik mexpiy mati’riallarni körishke we tutqungha paydiliq mulahizelerni sotqa yollashqa bolidu, likin tutqunning adwukati bolalmaydu.

Eger CSRT ispatlarning miqdari tutqunni “dushmen jengchisi” dep höküm qilishqa yitersiz dep qarar qilsa, hem CSRTning teklipi mushu CSRT üchün bikitilgen bir yürüsh qomandanlarning testiqlishidin ötse, bu qararni tutqunlargha uxturdu we tutqunlarni yütkeydu.

Tutqunlarning CSRTgha qatnishish erkinliki bar, likin qatnishish telep qilinmaydu. Bezi tutqunlar CSRTgha narazliqini bildurush üchün qatnashmastin, özining yazma bayanatini ewetidu, tutqunning wekili bu bayanatni CSRTda oqoydu. Eger tutqun CSRTgha qatnashsa we terjiman lazim bolsa, bu tutqungha we sot ezalirigha yardem qilidighan terjiman hemra bolidu. Bu bolsa bir neche Uyghur terjimanlarning Guantanamogha birishining sewebi. Amirkining Virginia shtatida turushluq uyghur qizi Yimlibike terjimanlarni talash xizmitini qilghan.

22 uyghur mushu CSRTning hökümranliqida 10 yildin artuq yashap, oxshimighan döwletlerge yütkeldi. Bu 22 uyghur özilirining 10 yildin artuq eng qimmetlik waxtini mejburi qorban qilish arqiliq, ijabiy tereptin yaki passip tereptin bolishidin qet’iy nezer, uyghurlarni we uyghur mesilisini gherp dunyasigha keng tarqatti.

Edham Mamet, 2002-01-20 küni kelgen, 2009-10-31 küni panalanghuchi(refugee) salahiti bilen Palaugha yütkelgen. Edham Mametning “Ispat xulase(summary of evidence)"ni CSRT 2004-11-05 teyyarlighan. “dushmen jengchisi" dep bekitilgen, likin yilda bir qetim echilidighan memuri sot echilghan yaki echilmighanlighi heqqide melumat yoq. Özining CSRTsigha qatnashmighan.

Arkin Mahmud, 2002-06-18 küni kelgen, 2010-02-04 küni shwitsariyege yütkelgen. “Ispat xulase(summary of evidence)"ni CSRT 2004-11-09 teyyarlighan. Arkin Mahmudni “tirrorism teshkilat bilen alaqisi bar hich qandaq teshkilatlarqa arlashmighan” dep höküm qilghan. Mahmud özining itishiche, Afghansitangha qirindishini izdep birip, uqushmestin terbilesh leshker gahqa kirip qalghan.

Ahmad Tourson, 2002-01-21 küni kelgen, 2009-10-31 küni panalanghuchi salahiti bilen Palaugha yütkelgen. CSRT tereptin 2000-2001 yilighiche herxil radika gruppalargha qatnashqan gunakar dep qaralghan. Özining CSRTsigha qatnashqan.

Abdul Razak, 2002-06-08 küni kelgen, 2012-04-18 küni panalanghuchi salahiti bilen El Savadorgha yütkelgen. CSRT tereptin Jalalabaddiki Al-qaida amanliq öyini qodighan gunakar dep qaralghan. Özining itishiche, lagir we doxturxanidiki uyghurlargha yimeklik mulazimetlerni teyyarlash ishlirini qilghan. Amirka hujum qilghanda, wetendashlirim bilen birge bolimen dep lagirgha barghan. Özining CSRTsigha qatnashqan.

Hassan Anvar, 2002-02-07 küni kelgen, 2009-10-31 küni panalanghuchi salahiti bilen Palaugha yütkelgen. Özining CSRTsigha qatnashmighan, likin özining yazma bayanatini ewetken. CSRT tereptin yalghan passport bilen yürgen gunakar dep qaralghan. “dushmen jengchisi" dep bikitilgen,emma yilda bir qetim echilidighan memuri sot echilghan yaki echilmighanlighi heqqide melumat yoq.

Ahmed Adil, 2002-02-09 küni kelgen, 2006-05-05 küni Albaniyege yütkelgen. CSRT tereptin Afghanstan qurlush lagirda AK-47ni yasashni ugengen gunakar dep qaralghan we “dushmen jengchisi emes" dep höküm qildi.

Yusef *****, 2002-06-08 küni kelgen, 2013-12-30 küni Slovakiagha yütkelgen. Itishlargha qarighanda, Amirka Tora Borani bombardiman qilghanda yarda bolghan. CSRT tereptin "dushmen jengchisi" dep bekitilgen, emma yilda bir qetim echilidighan memuri sot echilghan yaki echilmighanlighi heqqide melumat yoq.

Akhdar Qasem Basit, 202-06-10 küni kelgen, 2006-05-05 küni Albaniyege yütkelgen. CSRT tereptin Uyghur jengchisi dep qaralghan. Afghanstan qurlush lagirda AK-47ni itishni ugengenliki ispatlanghan.

Bahtiyar Mahnut, 2002-06-10 küni kelgen, 2010-02-04 küni panalanghuchi salahiti bilen shwitsariye yütkelgen. CSRT tereptin Jalalabaddiki uyghur mixman xanisida turghan we Mazari Sharif yinidiki Talibanlar bilen birge xizmet qilghan gunakar dep qaralghan. Bahtiyar “Hich qandaq uyghur amirkigha qarishi turmaydu, chünki uyghurlar amirkining yardimige muhtaj” dep bes-munazire qilghan. Özining CSRTsigha qatnashqan.

Abdul Helil Mamut, 2002-06-10 küni kelgen, 2009-06-11 küni chet’ellik xizmetchisi salahiti bilen Bermudagha yütkelgen. CSRT tereptin Amirka bombardiman qilghanda uyghur lagirda turghan gunakar dep qaralghan. Lahore tixnikom mektepte 3 yili oqighanlighini ispatlighan. Mektepni puturelmigenliktin uyghur lagirgha kelgenlikini itqan.

Hahi Mohammed Ayub, 2006-06-10 küni kelgen, 2006-05-05 küni Albaniyege yütkelgen. Özining CSRTsigha qatnashqan.

Saidullah Khalik, kelgen küni iniq emes, 2013-12-30 küni Slovakiagha yütkelgen. Amirka Afghanstanni bombardiman qilghanda yarda bolghan. "dushmen jengchisi" dep bekitilgen, emma yilda bir qetim echilidighan memuri sot echilghan yaki echilmighanlighi heqqide melumat yoq.

Abdul Gahppar, 2006-06-10 küni kelgen, 2009-10-31 küni panalanghuchi salahiti bilen Palaugha yütkelgen. "dushmen jengchisi" dep bekitilgen emma yilda bir qetim echilidighan memuri sot echilghan yaki echilmighanlighi heqqide melumat yoq. Özining CSRTsigha qatnashqan.

2008-03-20 küni, BBC “Guantanamodiki uyghur tutqunning muraj’etti” digen xewerni birip, Gahpparning yazghan xitini elan qilghan: “ aiylimizdin ayrilip, wetinimizdin ayrilip…tebi’iy kün nuri we tebi’iy hawadin cheklinip, tumor sanduqning ichige solunup yashash bir insan üchün muwapiq hayat emes….Biz nime üchün tixiche turmida turiwatqinimizni bilmeymiz. Amirka hökümitining bizni tiz qoyup birishini we bixeter yerge apirip qoyushini ümid qilimiz”

Hajiakbar Adgulghubar, 2013-12-30 küni Slovakiagha yütkelgen. Özining CSRTsigha qatnashqan.
"dushmen jengchisi" dep bekitilgen, emma yilda bir qetim echilidighan memuri sot echilghan yaki echilmighanlighi heqqide melumat yoq.

Abu Bakr Qasim, 2002-06-10 küni kelgen, 2006-05-05 Anbaniyege yütkelgen. CSRT terepting Nechche ay herbiy terbiyesi körgen gunakar dep qaralghan. Özining hich qandaq herbiy terbiyesini körmigenlikini ispatlighan. CSRT tareptin “dushmen jengchisi emes" dep höküm qildi.

Abdullah Abdulqadirakhun, 2002-06-12 küni kelgen, 2009-06-11 küni chet’ellik xizmetchisi salahiti bilen Bermudagha yütkelgen. "dushmen jengchisi" dep bekitilgen, emma yilda bir qetim echilidighan memuri sot echilghan yaki echilmighanlighi heqqide melumat yoq.

Dawut Abdurehim, 2002-06-12 küni kelgen, 2009-10-31 küni panalanghuchi salahiti bilen Palaugha yütkelgen. "dushmen jengchisi" dep bekitilgen, emma yilda bir qetim echilidighan memuri sot echilghan yaki echilmighanlighi heqqide melumat yoq. Özining CSRTsigha qatnashqan
Adel Abdulhehim, 2002-06-10 küni kelgen, 2006-05-05 küni Anbaniyege yütkelgen. Özining CSRTsigha qatnashqan.

Eman Abdulahat, 2002-06-14 küni kelgen, 2009-06-11 küni chet’ellik xizmetchisi salahiti bilen Bermudagha yütkelgen. Özining CSRTsigha qatnashqan. "dushmen jengchisi" dep bekitilgen, emma yilda bir qetim echilidighan memuri sot echilghan yaki echilmighanlighi heqqide melumat yoq.

Hazaifa Parhat, 2002-05-03 küni kelgen, 2009-06-11 küni chet’ellik xizmetchisi salahiti bilen Bermudagha yütkelgen. Afghanstanda ikki hil qoralni ishlitishni ugengenlikini itirap qilghan. "dushmen jengchisi" dep bekitilgen, emma yilda bir qetim echilidighan memuri sot echilghan yaki echilmighanlighi heqqide melumat yoq. 2008-06-20, sot tereptin bu “Düshmen jengchisi” digen qararni “inawetsiz” dep elan qilghan.

Hammad Memet, 2002-05-03 küni kelgen, 2012-04-8 küni panalanghuchi salahiti bilen El Savadorgha yütkelgen. CSRT tereptin Uyghur lagirda köp yillar turghan we qoral ishlitish terbiligüchi bolghan gunakar dep qaralghan.Hammad Memet bolsa birdin bir al_Qaida ezasi dep gumanlanghan uyghur.

Adel Noori,2002-05-05 küni kelgen, 2009-10-31 küni panalanghuchi salahiti bilen Palaugha yütkelgen. Özining CSRTsigha qatnashqan.

Bu Uyghurlarning qismen exwallirini bu hüjetlik filimdin körunglar
https://www.dropbox.com/s/a3cxqh7ukcfqi5s/Uyghurs%2C%20Prisoners%20of%20the%20Absurd%20TCBI% 20H264.mov?oref=e&n=63411875

Töwendiki ikki mezmunni bu yazmining 5 qisimidin oqunglar:

(4) UAA we DUQ bu tutqunlarni qutuldurush üchün elip barghan paaliyetliri.
(5) Bu tutqunlarni qutuldurushda alahida xizmet körsetken uyghur shexsiler.

=== Dawami Bar===
Islamophobia, Tirrorism, Al_Qaida, ISIS we Uyghurlar(1)
https://www.facebook.com/notes/mavla...56067767773995
Islamophobia, Tirrorism, Al_Qaida, ISIS we Uyghurlar(2)
https://www.facebook.com/notes/mavla...59460304101408
Islamophobia, Tirrorism, Al_Qaida, ISIS we Uyghurlar(3)
https://www.facebook.com/notes/mavla...65982293449209
Islamophobia, Tirrorism, Al_Qaida, ISIS we Uyghurlar(4)
https://www.facebook.com/notes/mavlan-yasin/islamophobia-tirrorism-al_qaida-isis-we-uyghurlar4/977794925601279