PDA

View Full Version : Islamophobia, Tirrorism, Al_Qaida, ISIS we Uyghurlar(3)



Mavlan Yasin
03-03-16, 23:27
Islamophobia, Tirrorism, Al_Qaida, ISIS we Uyghurlar(3)

Mavlan Yasin

--==Al-qaida (al-Qaeda)==--

Al-qaida, Al-qaida, Al-qaida.

Bu Afghanstan taghlirining öngkürliride eng qalaq turmushda yashaydighan we weyran bolghan idiologiyeni özining nezeryesi qilghan teshkilar, 2001-09-11 yekshenbe küni, hichkimni özige teng qilmaydighan CIA we FBIgha uyqu dorisini ichirip, hazir zaman dunyasidiki eng eksiyechi we eng qebih küch bilen küpkünduzde Amirkigha hujum qilip putun dunya xelqini aghzini yümmay “Al-qaida” dep sözleydighan qilip qoydi. Hazir zaman insanlar tarixigha , “bügün” we “ete” dep ayridighan bir chigra siziqini oydurup chiqqan künni yaratti.

2001-09-12 küni, Birleshken Döwletler Teshkilatining 1368 – qarari birdek maqul bolup, Amirkining özini qoghdash hoquqi barlighini ochuq-iniq itirap qildi, hemde B.D.T ezalirigha “bu terrorist hujumlarning gunahkarlirini, teshkilligüchilirini we yardemchilirini qanun boyiche jazalash kirek. Bu gunahkarlarni, teshkilligüchilerni we yardemchilerni qollighan, yar-yölek bolghan we yoshurghanlarmu jawapkar bolidu” dep murajiet qildi. 10-ayde B.D.Tning bash katipi Kofi Annan “özini qoghdash hoquqi digen herbiy herketning qanunluq ikenlikini körsitidu” dep itirap qildi.

Shuning bilen bu al-Qaida we uninggha chitishqanlargha qarishi 10-yildin artuq urush dawamlashti. Bu urush jeryanida 22 Uyghur esirge chüshüp amirka turmisida aldi-keyni bolup 10 yildek tutqun bolup turdi. Al-qaida digen bu atalghuning bir uchi uyghurlar bilen baghlandi. Bu uyghurlarni qutuldurush üchün, uyghurlar harmay-tarmay köresh qildi.

Biz bu hikayimizni “AL-qaida” digen atalghudin bashlayli.

Bu altalghu “bazs”, “fond”, “ul”, “asas” .. digen menalarni bildurdiken. Al-qaida bir dunyawiy xarektirlik radikal teshkilat bolup, 1988 – 1989 yillirida Osama bin Laden we Abdullah Azzam qatarliq bir nechche kishi qurghan iken. Bu teshkilatning eslidiki kilip chiqishini 1980 – yili Sovit Itpaqining Afghansitangha qilghan tajawuzchiliqigha qarishi köresh qilghan Ereb pidaiylardin tapqini bolidiken.

Osama bin Laden 2001 – yili Al Jazeeraning muxbiri Tayseer Allouni qobul qilghanda “Al-qaida” digen atalghuning kilip chiqishigha mudaq chüshenje bergen: “Ghreplikler teswirligendek ‘Al-qaida’ isimlik teshkilat mewjut emes. Bu alahide isim(Al-aqida) bolsa bir kona isim. Bu bir alahide meqset bilen oydurup chiqarghan isim emes. Qirindishim Abu Ubaida bir herbiy baz qurup, qebih, hakawur, rehimsiz , tirrorist Sovit impiryesi bilen köresh qilidighan yashlarni terbiligen. Bu baz qurulghan yerni ‘Al-qaida’ dep alghan. Shundaq qilip bu isim tarqilip we peyda bolghan”.

Engilyening ilgirki tashqi ishlar ministiri Robin Cook “Al-Qaidani ‘sanliq melumat ambiri(the database)’ dep terjim qilish kirek, chünki CIA Afghansitanda roslargha qarishi urushta talighan we terbiligen minglighan mujahideenlarning uchurini saqlighan komputor arxipini ‘Al-qaida’ dep alghan” dep yazghan.

Osama bin Laden, 2011-05-01 küni Amirka armiyesi tereptin öltürüshtün burun Al-qaidaning tarixidiki eng meshhur komandiri idi. Ayman al-Zawahiri bolsa Osama bin Laden ölüshtün burun muawin komandiri, 2011-06-16 küni komandiri bolghanlighini al_Qaida elan qildi.

Andrew Wander 2008 – yili neshir qilghan kitap “tirrorluq tarixi: A-qaeda 1988-2008(A history of terror: Al-Qaeda 1988-2008)”ning yizilishiche, al-Qaida 1988-08-11 küni Pakistanning Peshawardigen yerde Bin Laden, Zawahiri and Dr Fadl bir yighin ichip qurup chiqiptiken. Bu teshkilatqa eza bolush üchün bu shertler choqum telep kilinidiken: teshkilatning sözini anglash, yaxshi xislet, itaet qilish we yuqiri derjilik rexberge boyshunidighanlighigha qesem ichish.

Douglas Jehl 2001-12-27 küni “The New York Times”ta elan qilghan “Döwlet si’naqta(A Nation Challenged)” digen maqalida Al-qaidaning gherpke qarishi jeng elan qilish jeryanini mundaq yazghan: Iraq 1990 – yili Kuwaitqa tajawuz qilghanda, Seudi Erepsitanning armiyesi toluq zamaniwiy qorallanghan bolsimu, san jehettin Iraq armiyesige teng kilelmetti. Bin Laden özining mujahideenlirini bashlap Iraq armiyesi bilen jeng qilishni padishah Fahddin sorighanda, padishah Fahd uning telipini ret qilip, Amirka we ittipaqdash qoshunlirini Seudi Erepsitangha kirishke roxset qilidu. Bin Ladenning nezirde, Mesjid el-Haram bilen Mesjid el-Nebewi bar tupuraqqa chet’el armiyesining qedem qoyishi bu muqeddes tupuraqni kupparlashturup bulghaydu. Bin Laden Seudi hökümitining bu qararini ochuq-ashkar qarishi turghandinkin, Seudidin sürgün bolup Sudangha köchidu.

1996-yili Bin Laden Sudandin qoghlanda qilin’ghandinkin, Talibanlar kontrol qilghan Afghanstangha yütkülüp, al_Qaidaning bash shitapini tikleydu. Bu yili Al_qaida Amirka we ittipaqdash qoshunlirigha ochuq-ashkar jeng elan qilidu.

1998-02-23 küni, Bin Lade “Dunya Islamiy Aldinqi Sep Bayaniti(World Islamic Front Statement) ”da shundaq dep yazidu: “al-Aqsa Mesjid we muqeddes Mesjid el-Haramni amirka we uning ittipaqdash döwletlirining changgilidin azat qilish üchün, ularning armiyesining musulmanlar ziminidin pütünley chiqip kitishi üchün, ularni meghlup qilip we unlarning musulmanlargha hich qandaq tehdit salmasliq qilish üchün, Amirka we uning ittipaqdash döwletlerning herbiy we puqralirini imkaniyet bolghan herqandaq döwletlerde öltürush her bir musulmanlarning özige xas burchi”

Al-qaidaning chüshenchiside urush xumar gherp dunyasi Islamiy dunyani xorlap, shermende qilip, parchilap we axiri boysundurushni niyet qilghan, bu bolsa Musulmanlardiki barliq jidel- majra we zorawanliqning menbesi. Al-qaidaning chüshenchiside, bular özining jemiyeti, medeniyeti, dini we turmush adetlirini saqlap qilish üchün eng axirqi köreshni elip kitip baridu. Bular özimizni qoghdash üchün urush qiliwatimiz, shuning üchün herqandaq usulni qollansaq qanunluq dep oylaydu. Bular yene ottura asiye döwletlerning iqtisadiy, herbiy we siyasi jehette arqida qilishi musulmanlar özlirining dinigha yiterlik intizam we sadaqetmenlik bilen emel qilmighanlighidin kilip chiqqan dep qaraydu. Bular musulmanlarning sherp-ghururini eslige ekilishning bir yiterlik shertti bolsa heryerlerde bombardiman hujumni elip birish dep qaraydu. Al-qaida neziryeside musulman döwletler putun chet’elning tesirdin xali bolush kirek. Putun musulman dunyasi bir yining xelpilik(caliphate) tüzümide birlikke kilish kirek.

Al_qaida tereqi qilip norghun tarmaqlargha aylanghan. Al-qaidagha qarashliq komititlar töwendikidin ibaret:

Herbiy komititeti: bu esker terbilesh, qorallarni teyyarlash we hujumni pilanlashqa mes’hul.

Pul/soda komititeti: esker qobul qilish we terbilesh üchün serp qilidighan mebleghni hawala Banka system arqiliq hazirlash. Bu komititeti yene al-Qaida ezalirigha ayropilan bilet elip birish, yalghan passport yasash, tapan heqqi birish we chet’ellerdiki paydiliq soda-tijaretlerni nazaret qilish qatarliq ishlargha mes’hul.

Qanun komititeti: Sharia qanunni obzor qilish, we alahide herket-bashquchlarning Sharia qanungha chüshüsh we chüshmesliki heqqide qarar qilish.

Islamni ögünüsh/Fatwah komititeti: Dini perman chiqirishqa mus’hul. Misale, 1998 – yili Amirkiliqlarni öltürüsh toghurluq musulmanlargha chiqarghan perman.

Axbarat ishxanisi: 2005-yili As-Sahab qurulup, sin qoyush we awaz elish aprarati tikligen.

Bu teshkilatning ezaliri köp döwletlerdin yighip-tipip kelgen shexsiler we atalmish islamchilar, atalmish islam ashqunliri(extremist), wahhabi jihadchi qatarliq gruppilardin teshkillengen. Bashqiche itsaq, Al-Qaida bolsa döwlet – chigra sörüshturmeydighan armiyedin teshkillengen.

“Asia Times” 2004-08-13 elan qilghan maqalning diyishiche, Amirka yitekchilikidiki “Tirrorismgha qarishi urush” bashlanghandinkiyin, Al-Qaida rexberlirining jughrabiyilik birliki tarmar bolup, her rayondiki teshkilatlar öz aldigha herket qilidighan bolghan.

“Al_qaidaning Ichki Sirliri(The Inside Story of al-Qa'ida)” digen kitapning yazghuchisi Al-Hammadining köz qarishida Al-qaida bolsa “qararni mergezleshtürüsh, ijra qilishni tarqaqlashturush” din ibrat bashqurush pelsepe qorulmisini qollinidu.

CIA ning pisxiatristi(psychiatrist) Marc Sageman shundaq digen: “Al-Qaida digen bu atalgu bolsa gherpke hujum qilishni nishan qilghan herketlerge chaplighan bir shilimsiz marka. Bu yerde bir ortaq qumandan astidiki organ yoq. Biz xiyalimizda bir Al-Qaida digen mergez organni oydurup chiqtuq, likin bu biz taqabol turiwatqan rialliq emes.”

Marc Sageman bilen oxshash köz qarashtiki norghun tirrorismni tetqiq qilidighan mutexeslerning (terrorism expert) itishiche, dunyadiki jihadchilarning herketlirining hemmisini Al-qaida yitekchilik qilghan emes, uzun yillar jeryanida oxshimighan rayonlardiki Al-qaidalar parchilinip norghun gruppilargha aylinip ketken, bu oxshimighan gruppilarning bir birsi bilen alaqisi asasi jehettin mewjut emes.

2004 yili BBC ishligen höjetlik filim “Qabahetlik chüshning siri(The Power of Nightmares)” ning itishiche, al-Qaida teshkilatlirining bir birsi bilen alaqasi shunchilik sus bolup, Osman bin Ladin we uning etirapidiki yiqin ötidighan guruhning sirtida bu teshkilat asasi jehettin mewjut emes. Norghunlighan ademlerni tirrorchilar dep qolgha alghan bolsimu, al-Qaida ezasi dep höküm qilghan ademning sani nahati az, mushu sewebtin bu höjetlik filim dunyada ken tarqalghan al-Qaidaning mewjutliqigha gumanlanghan.

Likin bu köz qarashqa qoshulmaydighanlarmu az emes. Georgetown Universititning tirrorismgha qarishi mutexes Bruce Hoffmanning neziride, Al-qaidaning barliq torliri Pakistandiki qeble rayonlirida birleshtürülgen we küchlük istiratigiyelik meqsetke ige. U shundaq digen: “mini heyran qaldurghini, xelqler bizning bir istiratigiyelik plani bar iniq reqibbimizning mewjutliqini qobol qilmasliqi”

Sabiq CIA diriktori George J. Tenet shudaq digen: “Osama bin Ladenning teshkilati we bashqa tirrorism teshkilatlar askar bolup qilishtin xali bolush üchün diqitini barghansiri yerliklerni terbileshke mergezleshturiwatidu. Misale Misirliqlar Isamiy Jihad(Egyptian Islamic Jihad)ning Osama bin Ladenning teshkilati bilen yiqin alaqesi bar we Yaropa, Yemen, Pakistan, Lebanon, and Afghanistanni ichige alghan dunyaning her yerliride ezaliri herkette”

Al-Qaidaning Istiratigiyesi

London sheherde neshir qilidighan “pan-Arab” gizitining bash tehrir Abdel Bari Atwan, “Kelgusidiki terrorism: al_Qaida zadi nimini telep qilidu(The Future of Terrorism: What al-Qaida Really Wants)” we “al_Qaidaning 2020 yilighiche istiratigiyisi(Al-Qaeda's Strategy Until 2020)” digen ikki kitapning mezmunini yighinchaqlap, al-Qaida istiratigiyesini bu 5 bashquchdin terkip tapidighanlighini oturgha qoydi:

(1) Amirka tupraqigha bir yürüsh ghayet zor hujum qilish we puqralarda ghayet zor ölüm-yardarliqni tughdurush arqiliq Amirka we gherp döwletlerning gheziwini qozghap musulman döwletlerge tajawuz qilishqa mejburlash.

(2) Yerlik xelqlerni özining wetinini ishghal qiliwalghan küchlargha qarishi urush qilishqa righbetlendürüsh.

(3) Urush otlirini xoshna döwletlerge kingeytip, Amirka we uning ittipaqdash armiyelirini uzun urushta chiqim qilip xuratish.

(4) Al-qaidani bir idiologilik we bir yürüsh opiratisiye prinsipqa özgertip, buning arqiliq al_Qaidani biwaste qomandanliq we kontrol qilmaydighan halda bashqa döwletlerde shöbelirini qurush, bu shöbilerni Amirka we uning ittipaqdash armiyelirige hujum qilishni righbetlendürüsh we bu urushlarni taki chet’el armiyesi chikinip chiqketgiche dawamlashturush. Misale, 2004 Madridiki poyiz partilash netijiside, Ispaniye armiyesi Iraq urushtin chikinip chiqti.

(5) Köpligen urushlarning chiqimi we yarilinishi netijiside, 2020 – yili Amirkining iqtisadiy weyqan bolidu, buninggha egiship Amirkagha baghliq dunya iqdisadiy weyran bolidu. Bu dunya xarektirlik siyasi turaqsizliqni peyda qilidu. Buning netijiside al-Qaida yitekchilikidi dunya xarektirlik jihad bashlinidu. Amirka we gherp dunyasining weyran bolishi bilen Wahhabi xelpilik (Caliphate) putun dunyada tiklinidu.

Englishche axbarat saheliride elan qilghan Al-Qaidaning biwaste tarmaq shirketli: “Al-Qaeda in the Islamic Maghreb”, “Al-Qaeda in Somalia”, “Al-Qaeda in the Arabian Peninsula”, “Al-Qaeda in Syria”, “Al-Qaeda in the Indian Subcontinent”, “Abdullah Azzam Brigades”, “Al-Qaeda in the Malay Archipelago”, “Al-Qaeda Kurdish Battalions”, “Al-Mourabitoun”, “Al-Qaeda in Bosnia and Herzegovina”.

Sovit Itipaqi 1989 – yili Afghansitandin chikinip chiqqanda, Al-qaida tarqitilghan bolsimu, Osama bin Laden qatarliqlar “chirik Islam hökümranliqigha we Islam tupraqlirida turushluq chet’el bazlirigha” qarishi herketlirini dawamlashturghan. 1990 yillirida Sudanda bir mezgil turup, 1996 – yili Talibanlarning yardimi bilen Afghansitanda bash shitabni qurghan.

“Al-qaida” ning zadi qanchilik ademi herbiy terbiyesini körgen we buzghunchiliq iqtidargha ige, bu tixi bir namelum amil iken. 2011- yili Bin Ladenning öyige hujum qilghanda qolgha chüshürülgen hujjetlerning ashkarlishiche, 2002 yili Al-qaidaning yadro ezasi 170 iken, 2006- yili Al-qaida 40 döwlette texminen bir nechche ming qomandanlarni teyinligen iken. 2009 – yilliridimu, yene 200 – 300 qeder ezasi aktip qomandan rolda bolghan iken.

Al-qaida bashqa radikal atalmish Islam teshkilatliri bilen birleshken we Amirkigha qarishi atalmish dini urush (holy war) elan qilghan. Bu teshkilatlar dunyada norghun lagirlarni qurup, ezalirigha muntizim eskerlerge oxshash maharetlerni ögetken. Uning ezaliri nurghun tirrorism hujumlar bilen shughullanghan.

Al-Qaidagha chitilghan tirrorism hujumlardin bir nechche misal:

1992-12-29. Amirka armiyesige elip barghan birchi hujum. Somaligha(Somalia) insan perwerlik wezipesini ada qilish üchün kitip barghan amirka armiyesi turghan mihmanhanini partiltip ikki Awistiryilikni öltürgen.

1993 -02-26. Dunya Soda Mergizige we Amirka tupraqida elip barghan tunji hujum. Bu hujumda 6 adem ölüp we 1500 adem yardalanghan. Khalid Sheik Mohammedning jiyan oghuli Yousef bu hujumning bash pilanghuchi iken. CIAning itishiche Yousef bu hujumning aldi we keynide Bin Ladenning Pakistandiki mihmanhanisida turuptiken.

1993 -04 tartip 1993-06-23. Tirorchilar New Yorkta bir yürüsh partiltishni pilanlighan. Bular New York bilan New Jerseyni ulaydighan tonil, George Washington körüki, Erkinlik Heykili(the Statue of Liberty), Birleshme döwletlerge partiltish elip birishni pilanlighan, likin 06-23de bular bombi bilen ximiyilik dorilarni almashturup qoyghan, FBI bularning iskilatigha bashturup kirip 12 ademni qolgha alghan.

1995-06-25. Bir bomba qachilghan mashina Seudi Erebstanning “Khobar Towers complex”te partilap, 19 amirka eskerlirini öltürgen we 400 ademni yardalandurghan. Köpligen amirkining emeldarliri bu partiltishni Bin Ladendin körüdu, chünki 1997 – yili bir muxbirla qilghan ziyarette Bin Laden shundaq deptiken: “Bu partilashta peqetla amirkiliqlar öldi. Seudiliqlardin hich kim yarda bolmidi. Men bu partilash xewirini anglighanda, nahayti xosh bolup kettim”.

1998-08-07 küni Kenyaning Nairobidiki Amirka konsulxanisigha qilghan bomba hujum. Bu hujumda 240din artuq adem ölgen, bularning ichide 12 adem bolsa Nairobi konsulxanida xizmet qilidighan amirkiliqlar.

2000-10-12 küni Yemenning Aden dingiz boyida toxtap turghan amirkining paraxoti U.S.S.Colegha bomba hujum qilip 17 ademni öltürüp we 30 adem yardalandurghan.

2001-09-11. Al-qaida Amirkining ichide 4 yoluchilar ayropilanni bulap, ikki ayropilanni New Yorkdiki Dunya Soda Mergizining qosh kizek binasigha , birsini Pentagonning gherp teripige urudu. Yene bir ayropilanni aq saraygha urmaqchi bolidu, likin yoluchilarning qarishliqi bilen meqsidige yitelmey, Pennsylvanianing Shanksville digen yerge uruldu. Jemi 2977 adem wapat bolidu.

2002-03-17. Islamabaddiki “Protestant International Church(chirkaq)” gha hujum qilip 5 ademni öltürdu. Bu ölgenlerning ichida amirkiliq Barbara Green bilen uning qizi Kristen Wormsley bar. Pakistan emeldarliri bu hujumgha Al-qaida mes’ul dep bayan qildi.
………
Yuqurdiki peqetla bir nech misallar. Al-qaidaning yillar toxtimay Amirka we ittipaqdash döwletlerge qilghan hujum we buzghunchiliqi, Amirkining bu teshkilatni weyqan qilish we Bin Ladenni jazalash qarargha kilishke mejburlidi. Shuning bilen bu al-Qaida we uninggha chitishqanlargha qarishi 10-yildin artuq urush dawamlashti. Al-qaidaning Afghanstanda turushluq chong bazlirini weyran qildi.

2011-05-02 küni, Amirka armiyesining bir kichik etrettin teshkilengen qoshuni, Pakistanning Abbottabad digen yerde Osama bin Ladenni öltürup jesitini namelum yerge tashlaydu.

2011-06-16 küni al-Qaida bayanat elan qilip Osama bin Ladenni ornigha Ayman al-Zawahirini teyinligenligini elan qilidu.

Al-qaidani B.D.T, Nato, Yawropa ittipaqi, U.S.A, Rosye, Hindistan we bashqa norghunlughan döwletler tirrorism teshkilat dep bikitti.

Al-qaidani tetqiq qilidighan bezi alimlarning közqarishida, 1966-yili dargha isip öltürülgen Misirliq yazghuchi, maripchi, islam nezeryichi we sha’ir Sayyid Qutb bolsa Al-qaidaning idiologiyesining menbesi. Bu alimlarning itishiche, “eger Sayyid Qutb bolmighan bolsa, Al-qaida mewjut bolmatti”.

Sayyid Qutbning nezeryiside, sheriet qanuni kem bolghanliqtin, musulman dunyasi musulmanliqini yoqatqan we islamdinidin burunqi dewrige qaytqan. Sayyid Qutbning nezeryiside, islamning eslige keltürlishi teqwadar musulmanlarning awankart herketlirige mohtaj, buning arqiliq chin islam döwletlerni tiklesh, sherietni emelge ashurush we musulman dunyasidin herqandaq musulmanlargha layiq bolmighan tesir küchlarni yoqutush kirek. Sayyid Qutbning eng küchluq idiyei bolsa: “norghun özini musulman digenler emilyette musulman emes, ular itqadtin waz kechkenler”. Sayyid Qutbning bu hökümini jihadchilargha herqandaq musulmanlarni öltürüsh men’iy qilindu digen cheklimidin aylinip ötidighan qanun bushluqni yaritipla qalmay, “özi musulman dep jakarlighan likin itqadtin waz kechken gunakarlarni” ölüm jazasi birish teqwadar mejburyitige aylandughan.

Sayyid Qutbning dunya közqarishi Osman bin Ladening bilen Ayman al-Zawahiri idiyesining yitekchisi boluptiken. Bin Ladenning yiqin dosti Mohammed Jamal Khalifa itishiche: “biz Sayyid Qutbning kitaplirini oqiytuq. U bizning ewladlirimizgha eng chong tesir körsetken”.

2001-09-11de Al-qaida Amirkining ichide 4 yoluchilar ayropilanni bulap New Yorkdiki Dunya Soda Mergizining qosh kizek binasigha, Pentagongha we Pennsylvaniagha hujum qildi. Jemi 2977 adem wapat bolidu we 2 tirliyun(birning arqisida 12 nöl bar) iqtisadi ziyan kelturdi.

2001 – 12 ayda, Osman Bin Laden özining nishani we meqsitini mudaq yekünligen: “Eger ularning(Amirkining) iqtisadi weyran bolsa, ular özining ishliri bilen aldirash bolup ajiz xelqni qul qilalmaydu. Biz mumkinchiliq bolghan waste-usullar bilen barliq zerbini amirkining iqdisadigha mergezleshtürushning muhimlighini bilishimiz kirek”

Bin Laden xatalashti. Qosh kizek bina yiqilip chüshken bolsimu, Amirkining ilastikiliq iqtisadi yiqilmidi.
Rash, hujumdinkiyinki 5 küde amirka iqtisadi texminen $1.4 triliyun qimitini yoqatti. the Dow Jones 1370 nomurgha chüshup qaldi. NYSE bilen Nasdaq ta 17-sintebirgiche taqaldi. S&P 11.6% qimitini yoqatti.
Amirka iqtisadi özining ilastikiliq, chidamliqi we küch-quweti bilen mehshur bolup riwayetke aylanghan, bu döwletning alahidiliki bolsa ümidwarliq herqandaq waqitta zeper marshini yangritidu. 9/11 din bir ay ötmey, Dow Jones, Nasdaq we S&P ..hemmisi 9/11 din burunqi qimitige irishti.

Buning bilen Amirka we ittipaqdash qoshunlirini Al-qaidani weyran qilish üchün Afghanstan we Iraqqa hujum qilidu. Bu hujumda norghun uyghurlar esir bolup amirkining qoligha chüshüdu. Bu uyghurlarni qotuldurush üchün urghurlar birlikte hem jasaretlik, hem parasetlik paaliyetlerni qelemdimu, elemdimu elip bardi. Bu jeryanda ghayilik we iradilik kishiler meydangha chiqti. Bu tutqunlarni qutuldursh paaliyetlerni we bu yüksek iradilik heqqani kishilerni bu yazmining dawami 4 – qismidin oqunglar.

Yizip mushuyerge kelgende Rukiye Turdush xanimning facebookda pütün uyghurlargha “dushmenlerni xoshqilip, özimizni azaplimayli” digen mezmunda nahayti yaxshi sözligen muraj’etni toluq anglap chiqtim hem Rukiye Turdush xanimning murekkep mezmunni ammibab we chüshinishlik qilip ipadilesh maharettidin hozurlendim.

Likin bu keng jidel-majiralar xelq ichidin chiqan emes. Men Tigh uchi Rabiye Qadirgha qaritilghan hujumlarni xili boldi diqet qilip kiliwatimen hem hujumlarning yip uchini izdinip baqtim. Rabiye Qadirgha qarishi elip birilwatqan hujamlar asasi jehettin DUQ yitekchiliridin we pishqedem paaliyetchilerdin kilip chiqqandek turidu. Bu yerde bir siyasi suyqesti bar disem xatalashmaymen. Bu toghurluq bu yazmining dawamin 4 – qismidin biraz toxtap ötimiz.

== Dawami Bar==

Islamophobia, Tirrorism, Al_Qaida, ISIS we Uyghurlar(1)
https://www.facebook.com/notes/mavlan-yasin/islamophobia-tirrorism-al_qaida-isis-we-uyghurlar/956067767773995
Islamophobia, Tirrorism, Al_Qaida, ISIS we Uyghurlar(2)
https://www.facebook.com/notes/mavlan-yasin/islamophobia-tirrorism-al_qaida-isis-we-uyghurlar2/959460304101408
Islamophobia, Tirrorism, Al_Qaida, ISIS we Uyghurlar(3)
https://www.facebook.com/notes/mavlan-yasin/islamophobia-tirrorism-al_qaida-isis-we-uyghurlar3/965982293449209