PDA

View Full Version : Elwida, Bayning Mujahitliri!



Unregistered
24-01-16, 18:20
Elwida Bayning Mujahidliri!

Bay nahiyisidin taralghan isyan xewiri 2015 – yili sintebir éyining axiridin bashlap sansiz Uyghurni hayajan'gha saldi. Baydiki isyanni bashlighanlar kömürining süpiti eng yaxshi bolghan nahiyidiki "qara altun" a'ilisige mensup pütmes tügimes bayliqimizning ayiqi chiqmas poyéz wagonlirida toymas neps igisi bolghan zalim xitay ölkilirige toshup kétiliwatqanliqini, qorsiqi toq we kiyimi pütün bolushtek eng eqelli insaniy hayatliq shertigimu muyesser bolalmighan qérindashlirining qishning soghuqlirida kömür alghudekmu pulgha éshinalmay jalaqlap titrep turup qishni chiqiriwatqanliqini öz közi bilen körgen Baydiki Uyghurlar idi. Baydiki Uyghurlar wetinimizning bashqa wilayet we sheherliridiki Uyghurlargha oxshash namrat idi. Emma ularning némishqa shunche namrat bolup qalghanliqi hemmeylen'ge ayding bolsimu mewjut siyasiy tüzülmidiki diktatorluq tüpeylidin buni héchkim aghzidin chiqiralmaytti. Baydiki Uyghurlar az tola pul tépish üchün Bay nahiyisidiki hésapsiz kömür bayliqi jaylashqan kömür kanlirini yawa tongguz kebi tilghawatqan kan xojayinlirigha kömür qazghuchi erzan bahaliq ishchiliqqa yallinish üchün ochiretke tizilghanda ulargha bérilgen jawap " Uyghurlarni ishchiliqqa almaymiz!" dégen ériqchiliq haqariti bilen axirlashti.Kömür kanlarni qéziwatqanlarmu, ulargha ishlewatqanlarmu, kömürlerni toshup méngiwatqanlarmu, uning méghizini chéqiwatqanlarmu tamamen xitaylar idi. Yene kélip wetinimizge qurttek toplan'ghan kelgindi xitaylar idi. Baydiki mujahidlar ene shu ehwallarni öz közi bilen körüwatqanliqi üchün ularning wijdani ularni heqqaniy yosundiki, zulumni yoqitish mezmunidiki isyan yoligha ündidi.
Baydiki mujahidlar birdemlik achchiq yaki pesh qéqishlar arqisida bu yolgha atlan'ghanlar emes idi. Belki her bir hüjeyrisigiche Allahqa bolghan söygü we muhebbet tamghisi mustehkem bésilghan bahadirlar idi. Ular Allahning zulumgha qarshi turush we uni tosush heqqidiki buyruqigha shertsiz boysun'ghanlar, shundaqla buni özlirige mejburiyet dep bilgüchiler idi. Chünki wetinimizdiki, shundaqla ular yashawatqan Bay nahiyisidiki türlük siyasiy, iqtisadiy, mediniyet zulumlirigha ular biwaste shahid idi. Ulargha shu nersimu ayan idiki, besh –on adem bilen qarshiliq körsitish hésawigha hazir pütün dunyagha yejüj- mejüj kebi qorqunch séliwatqan xitay hakimiyitini aghdurwétish mumkin emes idi. Emma, dunyagha, shundaqla xitaylargha bu xelqning zalim xitaylar oylighandek undaq bozek emeslikini, zulumgha qarshi ornidin des turalaydighanliqini, zulum salghuchilarning qandaq zamaniwi qorallargha ige bolushi yaki qanchilik qudretlik bolushining bu xil iradini héchqachan sunduralmaydighanliqini körsitip qoyghili bolatti. Derrrweqe kan hujumida ellik nechche xitayni boghuzlap tashlighandin kéyin , Bayning mujahidliri pichaq we xenjerlirini bélige qisturup taghqa chiqip ketti. Chünki ular xitay eskelirining uzaqqa qalmay qara chümülidek yéghip kétidighanliqini besh qoldek biletti.
Ehwal mujahidlirimiz perez qilghandek boldi. Belki uningdinmu éghirraq boldi dések hem xatalashqan bolmaymiz. Xitay hakimiyitining on besh mujahidqa qarshi turush üchün Baygha ewetken eskerliri nechche minggha yetti. Xitay hakimiyiti yene bir qétim özlirining qaysi derijidiki tengdishi yoq toxu yürek mexluqatlar ikenlikini dunyagha jakalidi. Minglighan esker we saqchilar yétishmigendek, her bir déhqan'gha künige yüz koydin ish heqqi bérish wedisi boyiche pütün Bay nahiyisi tewesidiki ellik nechche ming déhqanni mujahidlarni qorshap tépish we tutushqa mejburiy yosunda élip chiqti. Mujahidlarning taghqa chiqip ketkenlikini bilsimu xitay eskerler we saqchilar yüreklik halda taghqa ichkirilep kirelmidi. Eksiche özlirining ming yillardin buyan yolgha qoyup kelgen kona hélisini tekrarlap, "göshni öz yéghida qorush" usulini qollandi. Yollarni we ötkellerni yaxshi bilidighan yerlik charwichilar , mahir izchilar özlirining néme qiliwatqanliqini özlirimu bilmigen halda xitaylarning mujahidlarni yoqitish hujumigha yardemleshti, awan'gart bolup aldida méngishqa mejburlandi. Chünki ular Uyghurlarning öz qewmidin bolghanlarni öltürmeydighanliqini yaxshi biletti. Bu "awan'gart"lar ashu mujahidlarning emiliyette del özliridek sadda charwichilarniing, déhqanlarning janijan menpe'eti üchün qozghilip chiqqanliqini, özliri yardemlishiwatqan xitay saqchiliri we eskerlirining bolsa özliridek milyonlighan Uyghur musulmanlirini is- busini chiqarmay yoqitiwétish wezipisini orunlash üchün ana wetinimizge kelgen tajawuzchilar ikenlikini bilmeytti. Toghriraqi, qizil xitaylarning atmish yildin buyan izchil, toxtawsiz, shundaqla bir qélipta tekrar we dawam qiliwatqan idiyiwi teshwiqatning zeherliri téxiche ottura esir jahalitini eslitidighan sawatsizliq halitide turiwatqan bu sadda Uyghur déhqan charwichilirining eqlini shu derijide bulghighanki, ular hetta özlirining néme qiliwatqanliqini bilgüchilik haldimu emes idi.
Baydiki mujahidlar birnechche ayal we kichik balilarnimu özliri bilen bille élip mangghan idi. Ularning némishqa shundaq qilghanliqini biz bilmeymiz, emma buning shulargha melumluq bilidighan birer sewebi bolushi choqum. Bolmisa bunchilik chong ishni pilanlighan mujahidlar unchiwala sel qarilidighan ishlarni sadir qilmighan bolatti. Némila bolmisun minglighan xitay eskerliri we saqchiliri iz bésip qoghlawatqan, ellik atmish mingliq charwichilar atliq we piyade bolup töt tereptin taghlarni qorshawatqan ehwalda mujahidlar atmish künche berdashliq berdi. Taqir tashliq taghliq jilghida atmish kün ichide ularning néme yep néme ichkenlikini men tesewwur qilalmaymen. Ular qarshiliq herketni bashlighan küni küzning bashlan'ghan waqti idi, ular uchisidiki bir qur küzlük kiyim bilenla taghqa chiiqip kétishke mejbur bolghan idi, buning üchün seperge jandun'ghandek qisqiche bolsimu teyyarliniwélish imkaniyiti yoq idi. Taghning jandin ötküchi izghirin soghuq kéchiliride héchqandaq ot yéqish imkaniyiti bolmighan halda uchisidiki bir qur yazliq kiyim bilen ularning atmish kün berdashliq bergenlikini tesewwurimgha sighduralmaymen. Men adette bir kün yuyunalmay qalsam chidighusiz bi'aram bolup kétimen, mujahidlirimiz bolsa tapan basti qilip kéliwatqan düshmen, ach – yalingachliq, soghuq dégendek türlük musheqqetlerge atmish kün ichide qilchimu perwa qilmidi. Ularning peqet birla ghayisi bar idi: téximu köprek düshmenlerni öltürüp, Allah buyrughan jihadni heghdadigha yetküzüsh lazim. Mushu jeryanda kan ishchisi bolup wetinimizdiki bayliqni bulang talang qilishqa biwaste ishtirak qiliwatqan ellik nechche xitay we on nechche saqchi jehennemge uzidi. Siz " xitay ishchilar bigunah emesmu?" dep xata oylimang. Öyge kirgen oghrining herqandaq shériki oghriliq jinayitining jawabkarliqini üstige alidu. Öy égisining ruxsitisiz öyge kirip yingne chaghliq nersini oghrilighan kishi oghri hésaplinidu. Oghriliq qilghan iken uning jazasini bérish kérek. Shundila bashqa oghrilarni, ularning kelgüsi shériklirini agahlandurghili bolidu. Yene kélip Baydiki mujahidlarchet’ellerge hijret qilipmu aware bolmidi, ularning tutqini dunyaning u qétidiki özlirige natonush bolghan düshmenler emes, belki köz aldidiki naheqchiliqlar , zulum we tajawuzgha shérik boluwatqan melumluq oghrilar idi. Yene kélip ular özliri körüpmu baqmighan yat zéminlardiki düshmenlerni izdepmu aware bolmidi. Bosughidila bizge yétip ashqudek düshmenlirimiz teyyar idi, ular bizning kelgüsi ewlatlirimizni böshükidila ujuqturiwétishke chishlirini bilep turiwatatti.
Barin inqilabidin yigirme besh yil ötkende Baydiki mujahidlar zalim hökümetning tajawuzchiliq qilmishini biwasta ishqa ashurghuchi eskiri küchige yene bir qétim ülgilik derijide zerbe berdi. Mujahidlirimiz özlirining tillarda dastan bolghudek bahadirliq shija'iti arqiliq eng zamaniwi qorallar bilen qorallan'ghan, san jehette birge yüzdin, hetta nechche mingdin toghra kélidighan bolushigha qarimay xitay armiyisining herqachan meghlup armiye ikenlikini dunyagha namayish qildi. Démisimu Allahning jengchilirige , yene kélip Allahning muhebbiti yürikige ornashqan mujahidlargha zalimlar qandaqmu taqabil turalisun? Ularni "qirilip kettighu ?" démeng. Jengning ghelibisini herqachan kimning öltürülüp kimning saq qalghanliqi bilen bahalash aqilaniliq emes. Jengde körünüshchan we körünmes ghelibiler bolidu. On nechche adem nechche ming ademge taqabil turalmaydu, ularning taqabil turalmaydighan ehwalda turupmu bash egmestin baturlarche küresh qilghanliqi, düshmenlerni özlirining qorqunchaqliqini dunyagha nomus qilip yürmey melum qilishqa mejburliyalishi, qolida pichaqtin bashqa héchqandaq qoralning yoq bolushigha qarimay shunche zamaniwi qorallar bilen chish tirniqigha qeder qorallan'ghan yawuz düshmenlerdin qorqup qalmay axirqi tiniqi qalghuche qarshiliq körsitishke jur'et qilishning özila yétip ashqudek ghelibe. Xuddiy qedimki yunanliqlarning üch yüz esker bilen Pérsiye impéryisining nechche tümen eskirige zerbe bérip shereplik halda ölüp ketkenlikidin héchqandaq perq qilmaydighan shanliq ghelibe. Bu ghelibe ularning zamandashlirigha düshminimizning emiliyette biz oylighandek unchiwala qudretlik emeslikini, ularning "oghrining yüriki pok- pok" dégendek bichare ehwalini yene bir qétim janliq yosunda körsitip berdi.
Baydiki mujahid pehliwanlar! Xitayning nechche ming esker we saqchilirini atmish kün tére péreng qildinglar. Eziz qérindashlirim, shu atmish kün jeryanida siler insan berdashliq bérelmeydighan müshkülatlargha bash egmidinglar . Allah rizasi üchün, qewm- qérindashliringlarning kelgüsi üchün hayatinglarni teqdim ettinglar. Siler milyonlighan qewm – qérindishinglarning ach – yalingachliqning derdide qangghir qaxshawatqanliqini körüp yürikinglar chidimidi . Siler adette chümüligimu azar bérishni xalimaydighan möminlerdin idinglar, zulumning éghirliqi silerni kapir düshmenlerning yürikige pichaq urushqa mejbur qildi. Siler shu qérindashliringlar üchün öz me'ishitinglardin baturlarche waz kechtinglar. Kéchiliri yalang kiyim bilen taghning söngektin ötidighan soghuqida jalaqlap titrigen idinglar, azraq otqa, azraq issiniwélishqa teshna bolghan idinglar. Zalim xitaylar silerni issiniwélishqa emes, pak- pakize öltüriwétish üchün silerni ot yémi qiliwetti. Quchiqinglardiki narisidilerni yaki yéninglardiki natiwan ayallarni ayap qoymidi. Elwida Bayning mujahidliri! Jayinglarning firdews jennitidin bolushigha méning ishenchim kamil. Bizni hem shu muqamgha yétishke nésip qilsun, amin!

(Bu maqalining neshr hoquqi xelqqe mensup. Herqandaq organ yaki shexs mezmunni özgertmigen asasta tarqitishqa hoquqluq.)

http://uymaarip.com/uygur/?p=4356

***********************************************

ئەلۋىدا باينىڭ مۇجاھىدلىرى!
باي ناھىيىسىدىن تارالغان ئىسيان خەۋىرى 2015 – يىلى سىنتەبىر ئېيىنىڭ ئاخىرىدىن باشلاپ سانسىز ئۇيغۇرنى ھاياجانغا سالدى. بايدىكى ئىسياننى باشلىغانلار كۆمۈرىنىڭ سۈپىتى ئەڭ ياخشى بولغان ناھىيىدىكى "قارا ئالتۇن" ئائىلىسىگە مەنسۇپ پۈتمەس تۈگىمەس بايلىقىمىزنىڭ ئايىقى چىقماس پويېز ۋاگونلىرىدا تويماس نەپس ئىگىسى بولغان زالىم خىتاي ئۆلكىلىرىگە توشۇپ كېتىلىۋاتقانلىقىنى، قورسىقى توق ۋە كىيىمى پۈتۈن بولۇشتەك ئەڭ ئەقەللى ئىنسانىي ھاياتلىق شەرتىگىمۇ مۇيەسسەر بولالمىغان قېرىنداشلىرىنىڭ قىشنىڭ سوغۇقلىرىدا كۆمۈر ئالغۇدەكمۇ پۇلغا ئېشىنالماي جالاقلاپ تىترەپ تۇرۇپ قىشنى چىقىرىۋاتقانلىقىنى ئۆز كۆزى بىلەن كۆرگەن بايدىكى ئۇيغۇرلار ئىدى. بايدىكى ئۇيغۇرلار ۋەتىنىمىزنىڭ باشقا ۋىلايەت ۋە شەھەرلىرىدىكى ئۇيغۇرلارغا ئوخشاش نامرات ئىدى. ئەمما ئۇلارنىڭ نېمىشقا شۇنچە نامرات بولۇپ قالغانلىقى ھەممەيلەنگە ئايدىڭ بولسىمۇ مەۋجۇت سىياسىي تۈزۈلمىدىكى دىكتاتورلۇق تۈپەيلىدىن بۇنى ھېچكىم ئاغزىدىن چىقىرالمايتتى. بايدىكى ئۇيغۇرلار ئاز تولا پۇل تېپىش ئۈچۈن باي ناھىيىسىدىكى ھېساپسىز كۆمۈر بايلىقى جايلاشقان كۆمۈر كانلىرىنى ياۋا توڭگۇز كەبى تىلغاۋاتقان كان خوجايىنلىرىغا كۆمۈر قازغۇچى ئەرزان باھالىق ئىشچىلىققا ياللىنىش ئۈچۈن ئوچىرەتكە تىزىلغاندا ئۇلارغا بېرىلگەن جاۋاپ " ئۇيغۇرلارنى ئىشچىلىققا ئالمايمىز!" دېگەن ئېرىقچىلىق ھاقارىتى بىلەن ئاخىرلاشتى.كۆمۈر كانلارنى قېزىۋاتقانلارمۇ، ئۇلارغا ئىشلەۋاتقانلارمۇ، كۆمۈرلەرنى توشۇپ مېڭىۋاتقانلارمۇ، ئۇنىڭ مېغىزىنى چېقىۋاتقانلارمۇ تامامەن خىتايلار ئىدى. يەنە كېلىپ ۋەتىنىمىزگە قۇرتتەك توپلانغان كەلگىندى خىتايلار ئىدى. بايدىكى مۇجاھىدلار ئەنە شۇ ئەھۋاللارنى ئۆز كۆزى بىلەن كۆرۈۋاتقانلىقى ئۈچۈن ئۇلارنىڭ ۋىجدانى ئۇلارنى ھەققانىي يوسۇندىكى، زۇلۇمنى يوقىتىش مەزمۇنىدىكى ئىسيان يولىغا ئۈندىدى.
بايدىكى مۇجاھىدلار بىردەملىك ئاچچىق ياكى پەش قېقىشلار ئارقىسىدا بۇ يولغا ئاتلانغانلار ئەمەس ئىدى. بەلكى ھەر بىر ھۈجەيرىسىگىچە ئاللاھقا بولغان سۆيگۈ ۋە مۇھەببەت تامغىسى مۇستەھكەم بېسىلغان باھادىرلار ئىدى. ئۇلار ئاللاھنىڭ زۇلۇمغا قارشى تۇرۇش ۋە ئۇنى توسۇش ھەققىدىكى بۇيرۇقىغا شەرتسىز بويسۇنغانلار، شۇنداقلا بۇنى ئۆزلىرىگە مەجبۇرىيەت دەپ بىلگۈچىلەر ئىدى. چۈنكى ۋەتىنىمىزدىكى، شۇنداقلا ئۇلار ياشاۋتقان باي ناھىيىسىدىكى تۈرلۈك سىياسىي، ئىقتىسادىي، مەدىنىيەت زۇلۇملىرىغا ئۇلار بىۋاستە شاھىد ئىدى. ئۇلارغا شۇ نەرسىمۇ ئايان ئىدىكى، بەش –ئون ئادەم بىلەن قارشىلىق كۆرسىتىش ھېساۋىغا ھازىر پۈتۈن دۇنياغا يەجۈج- مەجۈج كەبى قورقۇنچ سېلىۋاتقان خىتاي ھاكىمىيىتىنى ئاغدۇرۋېتىش مۇمكىن ئەمەس ئىدى. ئەمما، دۇنياغا، شۇنداقلا خىتايلارغا بۇ خەلقنىڭ زالىم خىتايلار ئويلىغاندەك ئۇنداق بوزەك ئەمەسلىكىنى، زۇلۇمغا قارشى ئورنىدىن دەس تۇرالايدىغانلىقىنى، زۇلۇم سالغۇچىلارنىڭ قانداق زامانىۋى قوراللارغا ئىگە بولۇشى ياكى قانچىلىك قۇدرەتلىك بولۇشىنىڭ بۇ خىل ئىرادىنى ھېچقاچان سۇندۇرالمايدىغانلىقىنى كۆرسىتىپ قويغىلى بولاتتى. دەرررۋەقە كان ھۇجۇمىدا ئەللىك نەچچە خىتاينى بوغۇزلاپ تاشلىغاندىن كېيىن ، باينىڭ مۇجاھىدلىرى پىچاق ۋە خەنجەرلىرىنى بېلىگە قىستۇرۇپ تاغقا چىقىپ كەتتى. چۈنكى ئۇلار خىتاي ئەسكەلىرىنىڭ ئۇزاققا قالماي قارا چۈمۈلىدەك يېغىپ كېتىدىغانلىقىنى بەش قولدەك بىلەتتى.
ئەھۋال مۇجاھىدلىرىمىز پەرەز قىلغاندەك بولدى. بەلكى ئۇنىڭدىنمۇ ئېغىرراق بولدى دېسەك ھەم خاتالاشقان بولمايمىز. خىتاي ھاكىمىيىتىنىڭ ئون بەش مۇجاھىدقا قارشى تۇرۇش ئۈچۈن بايغا ئەۋەتكەن ئەسكەرلىرى نەچچە مىڭغا يەتتى. خىتاي ھاكىمىيىتى يەنە بىر قېتىم ئۆزلىرىنىڭ قايسى دەرىجىدىكى تەڭدىشى يوق توخۇ يۈرەك مەخلۇقاتلار ئىكەنلىكىنى دۇنياغا جاكالىدى. مىڭلىغان ئەسكەر ۋە ساقچىلار يېتىشمىگەندەك، ھەر بىر دېھقانغا كۈنىگە يۈز كويدىن ئىش ھەققى بېرىش ۋەدىسى بويىچە پۈتۈن باي ناھىيىسى تەۋەسىدىكى ئەللىك نەچچە مىڭ دېھقاننى مۇجاھىدلارنى قورشاپ تېپىش ۋە تۇتۇشقا مەجبۇرىي يوسۇندا ئېلىپ چىقتى. مۇجاھىدلارنىڭ تاغقا چىقىپ كەتكەنلىكىنى بىلسىمۇ خىتاي ئەسكەرلەر ۋە ساقچىلار يۈرەكلىك ھالدا تاغقا ئىچكىرىلەپ كىرەلمىدى. ئەكسىچە ئۆزلىرىنىڭ مىڭ يىللاردىن بۇيان يولغا قويۇپ كەلگەن كونا ھېلىسىنى تەكرارلاپ، "گۆشنى ئۆز يېغىدا قورۇش" ئۇسۇلىنى قوللاندى. يوللارنى ۋە ئۆتكەللەرنى ياخشى بىلىدىغان يەرلىك چارۋىچىلار ، ماھىر ئىزچىلار ئۆزلىرىنىڭ نېمە قىلىۋاتقانلىقىنى ئۆزلىرىمۇ بىلمىگەن ھالدا خىتايلارنىڭ مۇجاھىدلارنى يوقىتىش ھۇجۇمىغا ياردەملەشتى، ئاۋانگار بولۇپ ئالدىدا مېڭىشقا مەجبۇرلاندى. چۈنكى ئۇلار ئۇيغۇرلارنىڭ ئۆز قەۋمىدىن بولغانلارنى ئۆلتۈرمەيدىغانلىقىنى ياخشى بىلەتتى. بۇ "ئاۋانگارت"لار ئاشۇ مۇجاھىدلارنىڭ ئەمىلىيەتتە دەل ئۆزلىرىدەك ساددا چاۋرىچىلارنىىڭ، دېھقانلارنىڭ جانىجان مەنپەئەتى ئۈچۈن قوزغىلىپ چىققانلىقىنى، ئۆزلىرى ياردەملىشىۋاتقان خىتاي ساقچىلىرى ۋە ئەسكەرلىرىنىڭ بولسا ئۆزلىرىدەك مىليونلىغان ئۇيغۇر مۇسۇلمانلىرىنى ئىس- بۇسىنى چىقارماي يوقىتىۋېتىش ۋەزىپىسىنى ئورۇنلاش ئۈچۈن ئانا ۋەتىنىمىزگە كەلگەن تاجاۋۇزچىلار ئىكەنلىكىنى بىلمەيتتى. توغرىراقى، قىزىل خىتايلارنىڭ ئاتمىش يىلدىن بۇيان ئىزچىل، توختاۋسىز، شۇنداقلا بىر قېلىپتا تەكرار ۋە داۋام قىلىۋاتقان ئىدىيىۋى تەشۋىقاتنىڭ زەھەرلىرى تېخىچە ئوتتۇرا ئەسىر جاھالىتىنى ئەسلىتىدىغان ساۋاتسىزلىق ھالىتىدە تۇرىۋاتقان بۇ ساددا ئۇيغۇر دېھقان چارۋىچىلىرىنىڭ ئەقلىنى شۇ دەرىجىدە بۇلغىغانكى، ئۇلار ھەتتا ئۆزلىرىنىڭ نېمە قىلىۋاتقانلىقىنى بىلگۈچىلىك ھالدىمۇ ئەمەس ئىدى.
بايدىكى مۇجاھىدلار بىرنەچچە ئايال ۋە كىچىك بالىلارنىمۇ ئۆزلىرى بىلەن بىللە ئېلىپ ماڭغان ئىدى. ئۇلارنىڭ نېمىشقا شۇنداق قىلغانلىقىنى بىز بىلمەيمىز، ئەمما بۇنىڭ شۇلار ئۆزلىرى بىلىدىغان بىرەر سەۋەبى بولۇشى چوقۇم. بولمىسا بۇنچىلىك چوڭ ئىشنى پىلانلىغان مۇجاھىدلار ئۇنچىۋالا سەل قارىلىدىغان ئىشلارنى سادىر قىلمىغان بولاتتى. نېمىلابولمىسۇن مىڭلىغان خىتاي ئەسكەرلىرى ۋە ساقچىلىرى ئىز بېسىپ قوغلاۋاتقان، ئەللىك ئاتمىش مىڭلىق چارۋىچىلار ئاتلىق ۋە پىيادە بولۇپ تۆت تەرەپتىن تاغلارنى قورشاۋاتقان ئەھۋالدا مۇجاھىدلار ئاتمىش كۈنچە بەرداشلىق بەردى. تاقىر تاشلىق تاغلىق جىلغىدا ئاتمىش كۈن ئىچىدە ئۇلارنىڭ نېمە يەپ نېمە ئىچكەنلىكىنى مەن تەسەۋۋۇر قىلالمايمەن. ئۇلار قارشىلىق ھەركەتنى باشلىغان كۈنى كۈزنىڭ باشلانغان ۋاقتى ئىدى، ئۇلار ئۇچىسىدىكى بىر قۇر كۈزلۈك كىيىىم بىلەنلا تاغقا چىىقىپ كېتىشكە مەجبۇر بولغان ئىدى، بۇنىڭ ئۈچۈن سەپەرگە جاندۇنغاندەك قىسقىچە بولسىمۇ تەييارلىنىۋېلىش ئىمكانىيىتى يوق ئىدى. تاغنىڭ جاندىن ئۆتكۈچى ئىزغىرىن سوغۇق كېچىلىرىدە ھېچقانداق ئوت يېقىش ئىمكانىيىتى بولمىغان ھالدا ئۇچىسىدىكى بىر قۇر يازلىق كىيىم بىلەن ئۇلارنىڭ ئاتمىش كۈن بەرداشلىق بەرگەنلىكىنى تەسەۋۋۇرىمغا سىغدۇرالمايمەن. مەن ئادەتتە ئىككى ئۈچ كۈن يۇيۇنالماي قالسام چىدىغۇسىز بىئارام بولۇپ كېتىمەن، مۇجاھىدلىرىمىز بولسا تاپان باستى قىلىپ كېلىۋاتقان دۈشمەن، ئاچ – يالىڭاچلىق، سوغۇق دېگەندەك تۈرلۈك مۇشەققەتلەرگە ئاتمىش كۈن ئىچىدە قىلچىمۇ پەرۋا قىلمىدى. ئۇلارنىڭ پەقەت بىرلا غايىسى بار ئىدى: تېخىمۇ كۆپرەك دۈشمەنلەرنى ئۆلتۈرۈپ، ئاللاھ بۇيرۇغان جىھادنى ھەغدادىغا يەتكۈزۈش لازىم. مۇشۇ جەرياندا كان ئىشچىسى بولۇپ ۋەتىنىمىزدىكى بايلىقنى بۇلاڭ تالاڭ قىلىشقا بىۋاستە ئىشتىراك قىلىۋاتقان ئەللىك نەچچە خىتاي ۋە ئون نەچچە ساقچى جەھەننەمگە ئۇزىدى. سىز " خىتاي ئىشچىلار بىگۇناھ ئەمەسمۇ؟" خاتا ئويلىماڭ. ئۆيگە كىرگەن ئوغرىنىڭ ھەرقانداق شېرىكى ئوغرىلىق جىنايىتىنىڭ جاۋابكارلىقىنى ئۈستىگە ئالىدۇ. ئۆي ئېگىسىنىڭ رۇخسىتىسىز ئۆيگە كىرىپ يىڭنە چاغلىق نەرسىنى ئوغرىلىغان كىشى ئوغرى ھېساپلىنىدۇ. ئوغرىلىق قىلغان ئىكەن ئۇنىڭ جازاسىنى بېرىش كېرەك. شۇندىلا باشقا ئوغرىلارنى، ئۇلارنىڭ كەلگۈسى شېرىكلىرىنى ئاگاھلاندۇرغىلى بولىدۇ. يەنە كېلىپ بايدىكى مۇجاھىدلارنىڭ تۇتقىنى دۇنيانىڭ ئۇ قېتىدىكى ئۆزلىرىگە ناتونۇش بولغان دۈشمەنلەر ئەمەس، بەلكى كۆز ئالدىدىكى ناھەقچىلىقلار ، زۇلۇم ۋە تاجاۋۇزغا شېرىك بولۇۋاتقان ئوغرىلار ئىدى. يەنە كېلىپ ئۇلار ئۆزلىرى كۆرۈپمۇ باقمىغان يات زېمىنلاردىكى دۈشمەنلەرنى ئىزدەپمۇ ئاۋارە بولمىدى. بوسۇغىدىلا بىزگە يېتىپ ئاشقۇدەك دۈشمەنلىرىمىز تەييار ئىدى، ئۇلار بىزنىڭ كەلگۈسى ئەۋلاتلىرىمىزنى بۆشۈكىدىلا ئۇجۇقتۇرىۋېتىشكە چىشلىرىنى بىلەپ تۇرىۋاتاتتى.
بارىن ئىنقىلابىدىن يىگىرمە بەش يىل ئۆتكەندە بايدىكى مۇجاھىدلار زالىم ھۆكۈمەتنىڭ تاجاۋۇزچىلىق قىلمىشىنى بىۋاستا ئىشقا ئاشۇرغۇچى ئەسكىرى كۈچىگە يەنە بىر قېتىم ئۈلگىلىك دەرىجىدە زەربە بەردى. مۇجاھىدلىرىمىز ئۆزلىرىنىڭ تىللاردا داستان بولغۇدەك باھادىرلىق شىجائىتى ئارقىلىق ئەڭ زامانىۋى قوراللار بىلەن قوراللانغان، سان جەھەتتە بىرگە يۈزدىن، ھەتتا نەچچە مىڭدىن توغرا كېلىدىغان بولۇشىغا قارىماي خىتاي ئارمىيىسىنىڭ ھەرقاچان مەغلۇپ ئارمىيە ئىكەنلىكىنى دۇنياغا نامايىش قىلدى. دېمىسىمۇ ئاللاھنىڭ جەڭچىلىرىگە ، يەنە كېلىپ ئاللاھنىڭ مۇھەببىتى يۈرىكىگە ئورناشقان مۇجاھىدلارغا زالىملار قانداقمۇ تاقابىل تۇرالىسۇن؟ ئۇلارنى "قىرىلىپ كەتتىغۇ ؟" دېمەڭ. جەڭنىڭ غەلىبىسىنى ھەرقاچان كىمنىڭ ئۆلتۈرۈلۈپ كىمنىڭ ساق قالغانلىقى بىلەن باھالاش ئاقىلانىلىق ئەمەس. جەڭدە كۆرۈنۈشچان ۋە كۆرۈنمەس غەلىبىلەر بولىدۇ. ئون نەچچە ئادەم نەچچە مىڭ ئادەمگە تاقابىل تۇرالمايدۇ، ئۇلارنىڭ تاقابىل تۇرالمايدىغان ئەھۋالدا تۇرۇپمۇ باش ئەگمەستىن باتۇرلارچە كۈرەش قىلغانلىقى، دۈشمەنلەرنى ئۆزلىرىنىڭ قورقۇنچاقلىقىنى دۇنياغا نومۇس قىلىپ يۈرمەي مەلۇم قىلىشقا مەجبۇرلىيالىشى، قولىدا پىچاقتىن باشقا ھېچقانداق قورالنىڭ يوق بولۇشىغا قارىماي شۇنچە زامانىۋى قوراللار بىلەن چىش تىرنىقىغا قەدەر قوراللانغان ياۋۇز دۈشمەنلەردىن قورقۇپ قالماي ئاخىرقى تىنىقى قالغۇچە قارشىلىق كۆرسىتىشكە جۇرئەت قىلىشنىڭ ئۆزىلا يېتىپ ئاشقۇدەك غەلىبە. خۇددىي قەدىمكى يۇنانلىقلارنىڭ ئۈچ يۈز ئەسكەر بىلەن پېرسىيە ئىمپېريىسىنىڭ نەچچە تۈمەن ئەسكىرىگە زەربە بېرىپ شەرەپلىك ھالدا ئۆلۈپ كەتكەنلىكىدىن ھېچقانداق پەرق قىلمايدىغان شانلىق غەلىبە. بۇ غەلىبە ئۇلارنىڭ زامانداشلىرىغا دۈشمىنىمىزنىڭ ئەمىلىيەتتە بىز ئويلىغاندەك ئۇنچىۋالا قۇدرەتلىك ئەمەسلىكىنى، ئۇلارنىڭ "ئوغرىنىڭ يۈرىكى پوك- پوك" دېگەندەك بىچارە ئەھۋالىنى يەنە بىر قېتىم جانلىق يوسۇندا كۆرسىتىپ بەردى.
بايدىكى مۇجاھىد پەھلىۋانلار! خىتاينىڭ نەچچە مىڭ ئەسكەر ۋە ساقچىلىرىنى ئاتمىش كۈن تېرە پېرەڭ قىلدىڭلار. ئەزىز قېرىنداشلىرىم، شۇ ئاتمىش كۈن جەريانىدا سىلەر ئىنسان بەرداشلىق بېرەلمەيدىغان مۇۈشكۈلاتلارغا باش ئەگمىدىڭلار . ئاللاھ رىزاسى ئۈچۈن، قەۋم- قېرىنداشلىرىڭلارنىڭ كەلگۈسى ئۈچۈن ھاياتىڭلارنى تەقدىم ئەتتىڭلار. سىلەر مىليونلىغان قەۋم – قېرىندىشىڭلارنىڭ ئاچ – يالىڭاچلىقنىڭ دەردىدە قاڭغىر قاخشاۋاتقانلىقىنى كۆرۈپ يۈرىكىڭلار چىدىمىدى . سىلەر ئادەتتە چۈمۈلىگىمۇ ئازار بېرىشنى خالىمايدىغان مۆمىنلەردىن ئىىدىڭلار، زۇلۇمنىڭ ئېغىرلىقى سىلەرنى كاپىر دۈشمەنلەرنىڭ يۈرىكىگە پىچاق ئۇرۇشقا مەجبۇر قىلدى. سىلەر شۇ قېرىنداشلىرىڭلار ئۈچۈن ئۆز مەئىشىتىڭلاردىن باتۇرلارچە ۋاز كەچتىڭلار. كېچىلىرى يالاڭ كىيىم بىلەن تاغنىڭ سۆڭەكتىن ئۆتىدىغان سوغۇقىدا جالاقلاپ تىترىگەن ئىدىڭلار، ئازراق ئوتقا، ئازراق ئىسسىنىۋېلىشقا تەشنا بولغان ئىدىڭلار. زالىم خىتايلار سىلەرنى ئىسسىنىۋېلىشقا ئەمەس، پاك- پاكىزە ئۆلتۈرىۋېتىش ئۈچۈن سىلەرنى ئوت يېمى قىلىۋەتتى. قۇچىقىڭلاردىكى نارىسىدىلەرنى ياكى يېنىڭلاردىكى ناتىۋان ئاياللارنى ئاياپ قويمىدى. ئەلۋىدا باينىڭ مۇجاھىدلىرى! جايىڭلارنىڭ فىردەۋس جەننىتىدىن بولۇشىغا مېنىڭ ئىشەنچىم كامىل. بىزنى ھەم شۇ مۇقامغا يېتىشكە نېسىپ قىلسۇن، ئامىن!
(بۇ ماقالىنىڭ نەشر ھوقۇقى خەلققە مەنسۇپ. ھەرقانداق ئورگان ياكى شەخس مەزمۇننى ئۆزگەرتمىگەن ئاساستا تارقىتىشقا ھوقۇقلۇق.)

http://uymaarip.com/uygur/?p=4356

yashar
26-01-16, 14:49
Alla qolingizgha dertlarni barmisun.tihimu quch quwat ata qilsun. mujaitlirimizni aslap, yazghan yazmingizni oqup soyundin .afturgha salametlik -haterjamlik tilayman alla salamet qilsun.