PDA

View Full Version : Sherqiy Turkistan Asasi Qanun 2. Bölüm



Constitution
16-01-05, 18:45
Sherqiy Turkistan Asasi Qanun 2. Bölüm
Ikkinchi Bölüm
Sherqiy Türkistan Jumhuriyitining Sürgündiki Hökümiti

8 - Madda: 2004-yili 14-sentebirde Amerika Qoshma Shitatlirining paytexti Washin’gitonda qurulghan Sürgündiki Sherqiy Türkistan Hökümiti-wetinimiz tajawuzchi Xitay kommunist hakimiyitining qolidin azat bolghangha qeder Sherqiy Türkistan xelqighe wakaliten hoquq yürgüzidighan, Sherqiy Türkistan Jumhuriyitige wekillik qilidighan birdin bir hoquqluq organ bolup hesaplinidu.
9 -Madda: Serqi Türkistan Jumhuriyiti Sürgündiki Hökümitining asasi wezipisi-dunyadiki barliq demokratiyini, heqqaniyetni, tenchliqni söyidighan, kishilik hoquqqa hörmet qilidighan döletler, Birleshken Döletler Teshkilati bashchilighidiki barliq xelq’ara teshkilatlar, xelq’aradiki kishilik hoquq organliri bilen hemkarliship, ularning yardimini qolgha keltürüp, Sherqiy Türkistan xelqini tajawuzchi kommunist Xitay hakimiyiti yürgüziwatqan dölet terrorizimigha qarshi küreshke teshkillep, wetinimiz Sherqiy Türkistanning musteqilliqini qolgha keltürüshtin ibaret.
10 - Madda: Dölet reisi, muawin reisi, parlament reisi, muawin reisi, bash ministir, muawin bash ministirlarni öz ichige alghan 7 kishilik Sherqiy Türkistan Jumhuriyiti Sürgündiki Hökümitining “Da’imi meslihet hey’iti” qurup chiqilidu. Bu da’imi hey’et, Sherqiy Türkistan Jumhuriyiti Hökümitining paaliyetlirige yol körsitidighan meslihetchiler orgini bolup, sürgündiki hökümet elip baridighan paaliyetlerge meslihet körsitidighan we uni qollaydighan meslihetchi organ bolup qobul qilinidu.
11-Madda: Da’imi meslihet hey’iti, yilda bir qetim, zörür tepilghanda dölet reisining tekliwi bilen xalighan yerge jem bolup, weten we hökümetke munasiwetlik barliq mesililer, qararlar, bayanatlarning emeliylishish ehwali, hökümet we hökümet ezalirigha a’it barliq siyasi, iqtisadi we teshkili mesililer heqqide muzakire qilip, üchte ikki awaz bilen tewsiye qarari chiqiridu. Bu tewsiye qararini bash ministir muhim qarar süpitide ijra qilidu.
12 - Madda: Sherqiy Türkistan Jumhuriyiti Sürgündiki Hökümitining ministirliri bash ministirning qol astida Ministirlar kabineti bolup teshkillinidu. Ministirlar kabinetida hökümet programmilirigha xilapliq qilghan ministirlar üch qetim agahlandurilidu. Bu agahlandurushlargha etibar qilmighan teqdirde ministirlar kabinetining qarari we dölet re’isining testiqi bilen bash minister teripidin kabinettin chiqirilidu.
13-Madda: Hökümetning ministirlar kabeniti yilda bir yaki ikki qetim yighilish ötküzüp, hökümet programmilirining ijra qilinish ehwalidin bash ministir we kabenitqa doklat sunidu we da’imi meslihet hey’itining tewsiye qarari we hökümet programmilirini emeliyleshtürüshning chare-tedbirlirini muzakire qilip bekitidu.
Xitay bilen siyasi we iqtisadi munasiwiti bolghan herqandaq Sherqiy Türkistanliqni parlament ezasi we ministir qilip saylashqa bolmaydu hemde parlament we hökümet ezaliri wezipe ötewatqan mezgil ichide shexsi ish bilen Xitaygha we Xitay mustemlikisi astidiki döletlerge berishqa ruxset qilinmaydu.