PDA

View Full Version : Gérmaniyede ötküzülidighan qosh merikige merhemet qiling



Unregistered
14-10-15, 19:27
Gérmaniyede ötküzülidighan qosh merikige merhemet qiling


Dunya Uyghur Qurultiyi
Yawropa Sherqiy Türkistan birliki
Gérmaniye ayallar komitéti
2015-yili 10-ayning 15-küni

essalamu’eleykum eleykum eziz qérindashlar,

2015 – yili 11 – ayning 14 – 15 – künliri Gérmaniyening myunxén shehiride Sherqiy Türkistan jumhuriyet bayrimimizni tebriklesh we Yawropa Sherqiy Türkistan birliki teshkilatining qurulghanliqining 25 – yilliqini xatirilesh meqsitide keng kölemde qutluqlash pa’aliyiti ötküzülidu.

Yawropa Sherqiy Türkistan birlikining sahibxaniliq qilishi, Dunya Uyghur Qurultiyining qollishi we Gérmaniye Uyghur ayalliri komitétining hemkarlishishi bilen ötküzülidighan, shundaqla»Gérmaniye Uyghur jama’itining ötmüshi we bügüni» dégen temini chöridigen asasta élip bérilidighan bu qétimqi keng kölemlik xatirilesh pa’aliyitige,dunyaning herqaysi jayliridiki Uyghur teshkilat rehberliri, pa’aliyetchiler, wetenperwer zatlar, Uyghur dawasigha hésdashliq qiliwatqan, qollap quwwetlewatqan chet’ellik dostlar teklip qilinidu.

bu pa’aliyitimizge ottura asiyadin mexsus sen’et ansambili we Yawropaning her qaysi döletliridiki Uyghur sen’etkarlar teklip bilen qatniship maharet körsitidu. Uyghur sen’et medeniyitining renggareng nemuniliri, dunyaning her qaysi yerliridin kelgen méhmanlargha teqdim qilinip, zoqlanduridu!

eziz qérindashlar, Gérmaniye Uyghur jama’itining asasi 60 – yillarda sélin’ghan bolup, 60 – yillarning béshida Yawropagha, jümlidin Gérmaniyege kélip jaylashqan Uyghur ziyaliyliri, weten sirtida élip bériliwatqan milliy dawayimizni teshkiliy asasqa tayandurush meqsitide 1990-yili 
«Yawropa Sherqiy Türkistan birliki« teshkilatini qurup chiqqan idi.

Yawropa Sherqiy Türkistan birliki teshkilatining qurulushi bilen, Uyghur milliy herikiti gherb dunyasida teshkili rewishte tunji qedemni basti. Yawropa Sherqiy Türkistan birliki tedrijiy halda 1996-yili dunya Uyghur yashliri qurultiyi, 1999-yili Sherqiy Türkistan (Uyghuristan) milliy qurultiyi we 2004-yili Dunya Uyghur Qurultiyining wujudqa chiqishigha sahibxaniliq qildi.

Yawropa Sherqiy Türkistan birlikining qurulushi we gherb dunyasida teshkili rewishte bashlan’ghan milliy heriketning weten ichi we sirtida melum tesir qozghishi bilen, bir qisim wetenperwer yashlirimiz, 1990-yildin bashlap Gérmaniyege kélip orunlishishqa we milliy dawayimizning xelq’arada qanat yéyishigha töhpe qoshushqa bashlidi.

2015-yili bolsa, Yawropa Sherqiy Türkistan birliki teshkilatining qurulghanliqining 25 – yilliqidin ibaret.

bu munasiwet bilen, 2015-yili 11-ayning 14-15-künliri, Sherqiy Türkistan jumhuriyet bayrimi bilen Yawropa Sherqiy Türkistan birliki teshkilatining qurulghanliqining 25 yilliqini qosh bayram qilip, birge xatirileshni qarar qilduq.

pa’aliyet jeryanida yene Gérmaniyediki Uyghur jama’etchilikining shekillinishide we Yawropa Sherqiy Türkistan birliki teshkilatning tereqqiyati jeryanida xizmet körsetken, teshkilatning sabiq rehberlirige mukapat tarqitilidu!

pa’aliyitimizge dunyaning her qaysi jayliridin, arzu qilghan wetendashlirimizning qatnishishini qizghin qarshi alimiz!

myunxén Uyghurliri sizlerni eziz méhmini Qatarida kütüwélishtin ghurur hés qilidu!

kélishni arzu qilghan qérindashlirimizning teyyarliq komitéti bilen töwendiki wasitiliri arqiliq alaqe qilishni arzu qilimiz!

Yawropa Sherqiy Türkistan birliki,
Dunya Uyghur Qurultiyi
Gérmaniye ayallar komitéti

2015-yili 10-ayning 14-küni