PDA

View Full Version : Kanadada Hüseyin Jelilning mesilisi boyiche Muxpirlarni kütivelish yighini otkuzüldi



uyghur1.com
19-08-06, 20:22
http://www.uyghur1.com/uyghur/viewtopic.php?t=4830

Kanadada Hüseyin Jelilning mesilisi boyiche Muxpirlarni kütivelish yighini otkuzüldi

Kamil Tursun

10 –avghust kuni, Xelqara Kechürüm teshkilati Kanada bolümi,Uyghur Kanada jemiyiti ve Torontodiki Xitay demokratiye jemiyiti qatarliq kishilik hoquq teshkilatliri Kanada parlamentidiki oktichi partiye parlament ezaliri bilen birlikte,Toronto shehride muxpirlarni kütivelish yighini otküzüp, Stephen Xarper Hokümitidin jiddi herket qollunup,Xitayda tutup turilivatqan Hüseyin Jelilning hoquqlirini qoghdashqa kapaletlik qilishni telep qildi.

http://photos1.blogger.com/blogger/7700/2651/1600/hcelilbainrs.jpg

Buningdin ilgiri Kanada gezitliri Xitay hokümitining 10–avghust küni Hüseyin Jelilgha olüm jazasi berish mümkünchilikini xever qilghanidi.
Xitay hokumiti aldinqi küni bayanat élan qilip,ozlirining Hüseyin Jelilgha olüm jazasi berishke hazirlinivatqanliqini ret qilghan ve ediliye organlirining Hüseyin Jelil üstidin siyasi partiye teshkillep,Xitayni parchilash paaliyetliri ve terrorluq herketliri bilen shughullanghan,degenge oxshash eyipleshlerge teyarlinivatqanliqining bisharitini bergenidi. BDT teripidin siyasi panaliq telivi qubul qilinip, 2001 yili Kanadagha kelip yerleshken Hüseyin Jelil aldinqi yilining axirliri Kanada puxraliq salahitige erishkenidi.

Xitay hokümiti Hüseyin Jelilning Xitay puxraliqida ching turup, uning Kanada puxraliq salahiyitini ret qilghan bolsimu, amma hazirche uninggha olüm jazasi bermeydighanliqi heqqide Kanada hokümitige vede berdi.. Bu yil 37 yashqa kirgen Hüseyin Jelil Mart eyining bashlirida tughqan yoqlash üchün Ozbekistangha barghanda, Ozbekistan dairliri teripidin qolgha élinip,Iyun eyining otturlirida Xitaygha otküzüp berilgenidi.Kanada axparat vastilirining xever qilishiche, Xitay dairliri Hüseyin Jelilni Uyghur musteqqilliq herkitining asasliq ezasi, dep qaraydiken..

Muxpirlarni kütivelish yighinida Kanada hokümitini yoquri derijilik bir vekiller omikini derhal Xitaygha evetishke chaqirghan Kechürüm teshkilati Kanada bolümining mesullirin Gloria Nafziger:

Bash minister Stephen Xarper Xitay Hokumiti bilen bivaste sohbetliship, Huseyin Jelil ependining hoquqlirini qoghdishi kerek.Hüseyin Jelilning hoquqi Kanada puxraliqidur Uyghurlarning teqdiri xelqarada alahide qollashqa erishivatqan Tibetliklerge oxshiship ketidu.Men Leberal Partiye ve Yengi Demokratlar Partiyiliridin Stephen Xarperni Xitay hokumitining yoquri derijilik rehberliri bilen bivaste uchrushup,Huseyin Jelil mesilisini eng yoquri derijide hel qilishigha heydekchilik qilishni telep qilimen,didi.

Muxpirlarni kutivelish yighinida Sotning hokümi chiqmay turup,Hüseyin Jelilgha terrorist qalpighini keygüzüshning xelqara qanungha yat herket ikenligini tekitligen Yengi Demokratlar Partiyesining parlament ezasi Peggy Nash:

http://peggynash.annares-net.org/images/Peggy-Airline-1sm.jpg
Surette Parlament Eazasi Peggy Nash

Kanada Hokumitii Hüseyin Jelilning ehvaligha intayin jiddi qarishi kerek.Chünki u Kanada puxrasidur.Xitay hokümiti uning bu hoquqini ret qilghanliqi üchün, uni Ozbekistandin Xitaygha elip ketti ve uning Xitay puxrasi ikenlikide yenila ching turivatidu..Biz Canada Hokümitini Diplomatiye organlirimiz arqiliq Hüseyin Jelil ependi veqesining zadi qandaq ish ikenliki tekshürüshke ve uning ehvalining nedin negichiligini egelleshke, Bash Ministir Stephen Xarperni bolsa bu mesilige bivaste qol tiqishqa ündeymiz.Chünki, Hüseyin Jelil ependi Kanadagha siyasi panalanghuchi salahiyiti bilen kelgen.Bir Kanada puxrasi choqum qoghdilishi yene kelip chetelde ziyankeshlikke uchrighan Kanadaliq teximu qoghdilishi kerek.Xitay hokümitining sotning hokümi oturigha chiqmay turup,Hüseyin Jelilgha terrorist qalpighini keygüzüshke urunishini qobul qilghili bolmaydu.Kanadaliqlar Hüseyin Jelil mesilisining zadi qandaq ish ikenligige alahide diqqet qilmaqta.Kanada kochmen qubul qilidighan ve kopligen siyasi panalanghuchilarni qoynigha alghan dolet. Shunga Kanadaning dolet obrazini xunikleshturushke yol qoyulmasliq kerek,dedi:

Muxpirlar kütivelish yighinida Xitay hokümitini xelqara qanunlarni chorüp tashlap,ikkinchi bir doletning puxraliqigha otüp bolghan sabiq puxraliriningmu hoquqlirini depsende qilivatqanliqini oturigha qoyghan Totontodiki Xitay demokratliri teshkilatining mesuli Cheuk Kwan :
Huseyin Jelil mesilisi Xitayda tunji qetim yüzbergen veqe emes.Xitay hokümiti chetellerdiki oxshimighan siyasi kozqarashtikiler ve musteqilchilerge bu xil usulda muamile qilip keldi.Hitay Hokümiti 11-sintebir veqesidin keyin terrorizimgha qarshi urushtin ustiliq bilen paydilinip, musteqilchilerni basturushni kücheytti.Alayluq, Hüseyin Jelil ependi siyasi parti qurup,oz xelqining hoquqliri uchun koresh qilghanliqtin Xitay dairliri uni bashqa bir dolettin tutup elip ketti.Uni ikkinchi bir doletning puxraliq salahiyitimu qutquzalmidi. Bugunki dunyada siyasi partiye qurushni jinayet hesaplaydighan ish qaysi dolette bar?Bu intayin eghir kishilik hoquq mesilisidur. bu veqe Xitayning heqiqi yüzini ashkara qildi..shundaqla bu Kanadaliqlargha Xitayda Kishilik hoquqning qaysi derijide depsende qilinivatqanliqini korsitidighan intayin yaxshi ornek boldi…dedi.

Muxpirlar kütivelish yighinida Uyghur Canada jemiyitining mesuli Memet Toxtini ziyaret qilghinimizda U, Kanada jamaitining Huseyin jelil mesilide Hokümetke bolghan besimning kuchiyivatqanliqini bayan qilip :
Kanada jamaitining besimi,metbuatlarning besimi ve Hokümetning elip barghan xilmu-xil paliyetliridin bolsa kerek, Xitay hokümiti tunji qetim Hüseyin Jelil mesilisi heqqide xazirche uninggha olüm jazasigha hoküm qilghan ishning yoqlighini,qanuni jeryanlarning davam qilivatqanliqini, uning terrorizim bilen munasivetlik halda eyiplengenliki heqqide bayanat berdi.
Huseyin Jelil mesilisi Kanadaning kuntertivini egelleydighandek qilidu.Hokümetke her tereptin besim bar --yalghuz axparat vastiliridinla emes ,bashqa partiyelerdin,ammivi teshkilatlardin ve ziyalilardinmu besim bar. Hetta Amerikidiki Uyghur teshkilatliri Amerika Hokümitige bu heqte besim qilivatidu. Shunglshqa Huseyin Jelil mesilisi Kanada küntertivide bolidu. Bügünki berilgen teklipte birsi Kanadaning bir vekiller omikini Xitaygha yolgha selish,yene birsi Bash ministirning Xitayning ali derijilik rehberliri bilen bivaste alaqe qilish arqiliq, bu mesilini bivaste küntertipke qoyush oturigha quyuldi.
Kanadaning Hüseyin Jelilning Kanada puxrasi ikenlikidin ibaret bu mesuliyitini ada qilishi üchün Xitayning sozlirige perva qilmay,imkanning bariche, sot bolmay turup,Hüseyin Jelilni Kanadagha qayturup kelish heqqide Kanadagha besim bolivatidu,dedi.

Hüseyin Jelil heqqidiki muxpirlarni kütivelish yighinini Xelqara Kechürüm Teshkilati Kanada bolümi uyushturghan.