PDA

View Full Version : Kanada Metbuatlirida Hüseyin Jelil Mesilisi



Unregistered
19-08-06, 00:09
http://www.uyghur1.com/uyghur/viewtopic.php?t=4806

Kanada Metbuatlirida Hüseyin Jelil Mesilisi

Kamil Tursun


http://images.ctv.ca/archives/CTVNews/img2/20060628/160_celil_060628.jpg

Ozbekistandin tutup ketilgen Huseyin Jelilning 10-avghust kuni Xitay teripidin olümge hoküm qilinmaqchi bolghanliqi heqqidiki xever “Globe and Mail” geziti arqiliq otturigha chiqqandin keyin,Kanadadiki barliq axparat vastiliri Hüseyin Jelilning teqdiri heqqide xever ve mulazilerge alahide orun berdi.
Kanada xelqara radiyo istansisining hevride Xitay hokümitining Kanada tevelikidiki Uyghur Hüseyin Jelilgha olüm jazasi bermekchi bolghanliqi heqqidiki xeverni ret qilghanliqi,Xitay sot mehkimisining Hüseyin Jelil üstidiki tekshürishining davam qilivatqanliqi bayan qilghan. Hüseyin Jelilning Uyghur musteqqilliq herkiti bilen shughullanghanliqi üchün Xitay teripidin terrorchi qalpiqi bilen eyiplinish mumkinchiliki ilgiri sürülgen..Gerche Hüseyin Jelil Kanada puxrasi salahiyitige ige bolsimu,amma Xitay hokümitining Uyghur rayunida tughulghan Hüseyin Jelilni yenila Xitay puxrasi dep qarighanliqi ,bu mesilining ikki dolet otturisida siyasi kriziske yol achidighanliqi tilgha élinghan.

Canadadiki chong gezitlerdin" TorontoStar" de élan qilinghan “ Ottawa Xitayning qolida turivatqan Kanadaliqqa yardem berishke tirishmaqta"namliq maqalida Huseyin Jelilning ayali Kamile Xanimning Kanadadiki kishilik hoquq teshkilatliri,dini teshkilatlar ve parlament ezalirining yardimi bilen Kanada Hokümitini Hüseyin Jelilgha teximu kop yardem korsitishke besim ishlitivatqanliqi bayan qilinghan.
Maqalida iyun eyida Ozbekistan dairliri teripidin Xitaygha otküzüp berilgen Hüseyin Jelilning Uyghurlarning hoquqliri üchün koresh qilghanliqi üchün Xitay teripidin terrorchi,dep eyiplinivatqanliqini Xitay dairliri hazir uning Xitay puxraliqida ching turivatqan bolsimu,amma ayni vaqitta Hüseyin Jelilning bashqa kopligen Uyghurlargha oxshash Passport hoquqidin mehrum qilinghanliqi, shunga uning chetelge saxta passport bilen qechip chiqishqa mejbur bolghanliqi tekitlengen. Bu maqalida Kanada Yengi Demokratlar Partiyesi parlament ezasi,kishilik hoquq paaliyetchisi Wayne Mastonning Kanada Hokumiti Huseyin Jelil mesilisini BDT gha elip chiqip, oz puxralirini eng yaxshi qoghdaydighanliqini korshitishi kerek, degen sozliri neqil elinghan. hemde tashqi ishlar ministirlikining bayanatchisi Ambra Dickiening Kanada hokümitining Xitay hokümitidin Hüseyin Jelilning zadi qeyerde tutup turilivatqanliqi ve uning derhal Kanada diplomatiye xadimliri bilen korüshtürilishini davamliq telep qilivatqanliqi ve qanuni vastilar arqiliq uning hoquqlirini qoghdash üchün tirishchanliq korsitivatqanliqi heqqidiki sozlirige orun berilgen.
Yoquridiki gezitning 11-avghustiki xevride bolsa,Kanada parlamentidiki oktichi Parlament ezaliri ve Kanadadiki kishilik hoquq teshkilatlirining Hüseyin Jelilning baldurraq saq-salamet Kanadagha qaytip kelishi üchün Hokümetke besim ishlitivatqanliqi yezilghan.

CBC Tiliviziyesidiki 10- avghust künidiki “Kanadaliq Uyghur Xitayda terrorizim bilen eyiplenmekchi"namliq xeverde bolsa Hüseyin Jelilning Xitayda Sherqi Turkistan terrorchisi degen jinayet bilen sotlinidighanliqi, amma buning sotning tekshürish basquchida ketivatqanliqi bayan qilinghan.
Bu xeverde Kishilik hoquq teshkilatlirining Bash ministir Stephen Xarperdin Bu dilogha bivaste qol tiqishni telep qilivatqanliqi ve Bash Ministir Stephen Harperning parlament sekritari,parlament ezasi Jason Kenneyning Xitay dairlirining Kanada hokümitige Hüseyin Jelilgha olüm jazasi bermeydighanliqi heqqide vede berdi degen sozlirige orun berilgen.
CBC Tiliviziyesining ziyaritini qubul qilghan Parlament ezasi Jason Kenney mundaq deydu:
Xitay hokümitining yoquri derijilik emeldari Kanadaning Beijingdiki bash elchixanisige ozlirining Hüseyin Jelil ependige olüm Jazasi bermeydighanliqi heqqide vede berdi.Biz Xitay hokümitige Hüseyin Jelil ependining Kanada puxrasi süpiti bilen elchixana ve Kanada hokümiti teripidin uning hoquqlirining toluq qoghdilinidighanliqi heqqidiki qet’i meydanimizni qayta tekitliduq. CBC teliviziyesidiki yene bir xeverde Kanada Hokümiti Hüseyin Jelil mesiliside Xitaygha besim ishlitivatqan bolsimu,amma Xitayning ediliye sestimining ashkare bolmighanliqi üchün Hüseyin Jelilning teqdiride ozgürüh bolmighanliqi,tashqi ishlar minisitiri Peter Mackayning aldinqi ayda Xitay tashqi ishlar ministiri bilen Hüseyin Jelil mesilisi heqqide sovbetleshken bolsimu,bu tirishchanliqlarning hechqandaq ünümi bolmighanliqi tilgha elinghan.

City news teliviziyesining Hüseyin Jelil heqqidki xevride bolsa Kechürüm Teshkilat Kanada bolümining xadimi Gloria Nafziger Kanada Hokümitidin Hüseyin Jelil meilisini eng yoquri seviyege kotürüshni ve Xitay hokümitidin Hüseyin Jelil heqqidiki ediliye tertivini ashkare qilishni telep qilip mundaq deydu:
Bash minister Stephen Xarper Xitay Hokümiti bilen bivaste sohbetliship, Hüseyin Jelil ependining hoquqlirini qoghdishi kerek.chünki Hüseyin Jelil ependi Kanada puxrasidurXitay hokümitimu Hüseyin Jelilning chetel puxraliri behrimen bolidighan qanuni hoquqlirigha kapaletlik qilip,uning elchixana xadimliri yaki qanuni meslihetchisi bilen korushishige derhal yol quyushi kerek.

" Doletlik Poshta"gezitide 10-avghust küni élan qilinghan “Hüseyin Jelilning ailisi Stephen Xarperdin uning hayatini qoghdap qelishni telep qilmaqta” namliq maqalida bolsa,Huseyin Jelil siyasi paliyetchi süpitide Uyghur millitining Hoquqliri üchün koresh qilghanliqi üchün, Hitay hokümiti bilen purchighi pishmighanidi..Xitay hokümiti hazir bu achighini chiqirishning pursiti keldi dep qarimaqta.Teqdiri Tibetlikler bilen tolimu oxshap ketidighan Uyghurlar Honlarning keyinki evlatliri bolup, hazir ular 7 milyon 200 mingliq ahalige ige .Uyghurlar Xitay hokümitining mustemlikisige aylanghan 50 neche yildin beri musteqilliqliri üchün tinimsiz koresh qilip keldi,dep yazidu.

"Hamilton spector" gezitide 9-Avghust küni élan qilinghan “Xitay Uyghur musulmanlirining hoquqlirini qollighan Kanadaliqqa olum jazasi bermekchi” namliq xeverde bolsa, Huseyin Jelilning 50 neche yildin beri Xitay teripidin bashqurulup kelgen Uyghur rayunidiki musulman Uyghurlarning hoquqliri uchun koresh qilghanliqi tekitlengen.
Hüseyin Jelilning ayali Kamile Xanimning qanuni meslihetchisi Christ MacLeodning Bash minsitir Stephen Xarperdin Huseyin jelil mesilisini hel qilish üchün Beijinggha alahide elchi evetish ve Kanadaning beijingdiki bash elchixanisi arqiliq Xitay dairlirigha küchlük bir signal berishini telep qilghanliqi bayan qilinghan .Christ MacLeod sozide,Xitay hokümitini Jenive ehdinamisi boyiche,Konsulxana hadimliri ve qanuni meslihetchini uning bilen korüshüshke yol quyushqa, Hüseyin Jelilni qandaq shekilde jazalaydighanliqini heqqide Kanada hokümitige uchur berishke hemde u yerdiki sot jeryaning adil ve qanungha uyghun bolishigha kapaletlik qilishqa chaqirghan.
Bu gezittiki xeverde yene Xelqara Kechürüm teshkilatining doklatigha orun berilip,Xitayda olum jazasining nahayiti keng omumlashqanliqi , bultur Xitayda 3900 kishige olum jazasi berilip, bulardin az digende 1770 kishining olüm jazasi ijra qilinghanliqi, Uyghurlarning bolsa bolgünchi ve atalmish terrorist degendek qalpaqlar bilen olüm jazasigha eng kop uchravatqanliqi alahide eskertilgen.

Unregistered
19-08-06, 14:35
Stephen Harper digen chet'ellikning ismi bolghandin kiyin oz peti yazmay nimishqa Stephen Xarper dep yazisiler.

bizning tilimizda kishilerning ismini ozgertip yazidighan adet yoqqu deymen.

bir yerge kelgende "Hamilton spector" digenni oz peti yezilghan.
likin Stephen Harper digen isim qandaq bolup Xarper bolup qaldi. kallamdin otmidi

nesihetchi
19-08-06, 14:57
Hormetlik kallisidin otmiguchi

hemmila nersining tukini terimen,dep avare bolghiche,maqale bashqilargha Huseyin Jelil ependi heqqide melumat berelidimu yoq, buninggha qarang! herqandaq nersidin qusur tapidighan bundaq adetni kallingizdin chiqiriveting.andin kallingizdin otidighan bolidu.

Unregistered
19-08-06, 16:00
Stephen Harper digen chet'ellikning ismi bolghandin kiyin oz peti yazmay nimishqa Stephen Xarper dep yazisiler.

bizning tilimizda kishilerning ismini ozgertip yazidighan adet yoqqu deymen.

bir yerge kelgende "Hamilton spector" digenni oz peti yezilghan.
likin Stephen Harper digen isim qandaq bolup Xarper bolup qaldi. kallamdin otmidi
INSAN HAR ZAMAN OZI BARMAKQI BOLGHAN PIKIRNI NAHAYITI DOSTANA WA KAMTARLIK BILAN BARGANDA ANDIN KIMMITI BOLARMIKIN?

Unregistered
19-08-06, 16:37
chetel kishilirining ismini ozgertmey yezish tilimizning qaidisi.
hataliqni korsetse putaq tapqanliq bolmaydu. til hemmimizning bolghandin kiyin, toghra ishlitish kirek we toghra, olchemlik halda omumlashturush kirek.
eslide harper dep yezilghan bolsa, Uyghurchilashturup "Xarper" qilishning orni yoq. tilimizning qaidisi ohshash.

pikir berguchi toghra sozligen. hemmimiz imla hataliqimizni tuzeltip ders chiqarsaq boldi.

tilchi
21-08-06, 19:37
pikir berguchi epedi sizning til hemmimizning bolghandin kiyin, toghra ishlitish we toghra, olchemlik halda omumlashturush kirek,degen sozliringiz toghra. Lekin hazir omumlishivatqan "Yengi yeziq" yeni Latin yeziqidiki imla qaidiside X ni H ning ornida,ishlitivatimiz.Mesilen, burun Hongkong yezilghan bolsa,hazir Xongkong,Helq ni Xelq, Hain ni Xain dep elivatimiz.shunga Harper degen isimning Xarper dep yezilghini toghra. hever tepip qeling.

Unregistered
21-08-06, 20:12
yaqamni tutup ming towa dewettim.

tilni toghra ishletken bashqa ish.
siz digen X we H herpliridiki omumlishish Uyghur tilidiki sozler uchun .
chet'ellillerning ismini Uyurche yazimen disingiz eslini tirnaqta berip qoyisizghu deymen.
Harper digen isimning uyghurchisi yene Harper bolishi kirek.
Washington Post digen gizitning Uyghurchisi yene Washington Post. chunki has isim.
Hamilton Star digen has isimni terjime qelip Xamilton Yultuzi dep alghili bolmayu.
Wall Street Jornal'ning uyghurchisi yoq bolup, Uyghurchisi ohshashla Wall Street Journal. hergizmu "Tam Kocha jornili" emes.
gizit, jornal, TV qatarliqlardin bashqa kishi isimlirimu has isim bolghacha has isimlar oz peti elinidu.
Harper digen kishining ismi enggilizche qandaq yezilghan bolsa Uyghurchisimu shundaq bolidu.
Harper" digen isimni Uyghurche terjime qelip "Xarper" qilghili bolmaydu.

chetke chiqan kishilerni oqughan kishiler dep qarayttim.
chet'eldiki Uygur noposining 85% oqughan kishiler bolsa bu addiy qayidini chushunishi kirek.




pikir berguchi epedi sizning til hemmimizning bolghandin kiyin, toghra ishlitish we toghra, olchemlik halda omumlashturush kirek,degen sozliringiz toghra. Lekin hazir omumlishivatqan "Yengi yeziq" yeni Latin yeziqidiki imla qaidiside X ni H ning ornida,ishlitivatimiz.Mesilen, burun Hongkong yezilghan bolsa,hazir Xongkong,Helq ni Xelq, Hain ni Xain dep elivatimiz.shunga Harper degen isimning Xarper dep yezilghini toghra. hever tepip qeling.

Unregistered
21-08-06, 23:19
bularni talash tartish qilish shunchilik mohimmu? munazire qilidighan her chong nersiler barghu? uhmidim bular nime oylaydikin tang.

Unregistered
22-08-06, 00:31
bularni talash tartish qilish shunchilik mohimmu? munazire qilidighan her chong nersiler barghu? uhmidim bular nime oylaydikin tang.
nime oylayti, bir birini yaratmay, bir birsining ishlirini qeyinlashturup, bir birsining keynidin gheywet qilip, bir birining qongini kochilap, ozlirini uygurning ewliyasi oylaydu..