PDA

View Full Version : Zulmet We Ümüt



Aygül Yüsüp
10-08-06, 05:25
Zulmet we Ümüt

Wetinimning asminida qara islar üzüp yürse,
Gulzarimda waderix qagha-quzghun tünep yürdi.
Ürküp qachti bulbullar neghmisizdur bagh-aram,
Uyghurlurum we lekin ümüd sazi chélip turdi.

Gül wetenning gül baghrini qara zulmet esir qilsa,
Chish kiriship wujudlarmu qan qisasqa tolup ketti.
Köz uyulup,qol baghlinip,qanlar derya éqip turghach,
Uyghur üchün tarix béti qan-yash bilen pütüp ketti...

Aq belbaghni chigip yigit matem üchün kelmek bolsa,
Aq romalliq mesum qizlar hazidar bop elem chekti.
Shéhitlerge qol kütürüp dua qilmaq qiyin ejep,
Qewrilerge oghlanlarning bérip yoqlash gunah boldi.

Tughulmaqliq bowaqlargha heq-igemdin buyruq bolsa,
Epsus eshu eziz jangha qara künler qatil boldi.
Anilarning peryadichün tagh yérilip tash érise,
Atilarning köz yashliri éqip-éqip derya boldi.

Étiqad hem numuslarning yiltizigha tigh urulup,
Bismillah dep iman üchün qedem almaq qiyin boldi.
Yigit-qizning ghururliri tash boranda paymal bulup,
Tariximni bilmek üchün bet waraqlash gunah boldi.

Eqilsizlik,nadanliqning görlirige ittirmekbop,
Ana tilning qudritige shübhe qildi shum iblis.
Uyghurmen dep uyghurluqtin pexirlense kim awal,
Yütti eldin oyghaq yürek qaldi hemde qewrisiz.

Altun tupraq igiliri namrat qalsa her zaman,
Yawayilar ,qawan itlar tupraghimda begler boldi.
Qutrap ketken shu mexluqlar alem üchün méhman bolsa,
Xan bolmaqqa yaralghanlar her jaylarda sersan boldi.

Kök bayraqning armanida yighlap közler éqip ketti,
Hörlük üchün sözligen,ge pelek-qismet tetür keldi.
Hoquq ,bayliq talishishi uyghur üchün bolup apet,
Peqet menpet xittay üchün tallash bilen mexset boldi.



Wetensizge kengri alem boyun tolghap tursimu ger.
Erik izdep yürgenlerning yürekliri soqup turdi.
Pani alem uyghurlargha dozax bolar digenlerge
Adil tarix tarazisi heqni jinglap tenglep turdi.

Hörluk üchün peytler kütüp jawap almaq qiyin bolsa,
Ümüt üzmey tang nuridin yashash manga adet boldi.
Dunya angla derdimni dep nere tartmaq burch manga,
Karwanlirim ümüd yüdüp seperlerge yürüsh qildi.

Oslo.