PDA

View Full Version : Dunya Uyghur Qurultiyi rehberliri Qazaqistan Elchixane xadimliri bilen uchrashti



Uyghur1.com
09-07-06, 09:09
Dunya Uyghur Qurultiyi rehberliri Qazaqistan Elchixane xadimliri bilen uchrashti

http://www.uyghur1.com/index.php?option=com_content&task=view&id=202&Itemid=1


2006-yili 7- ayning 6- kuni, Dunya Uyghur Qurultiyi bash katiwi we Yawrupa Sheriq Turkistan Birligi reisi Dolqun Eysa, Fondi mudiri Ablikim Idiris ependilerning yitekchilikidi bir hey’et Germaniyening paytexti Berlinge berip, Qazaqistanning Germaniyediki Elchixanisini ziyaret qilip, resmi Deplomatik sohbet elip bardi.

Bu qetimqi sohbetning meqsidi Qazaqistan Hokumetining Yusup Kadir Tixti we Abdukadir Sidik din ibaret ikki neper Uyghurni bundin bir ay ilgiri Xitay hokumetige qayturup bergenlikige naraziliq bildurush hem bundin ilgiriki yillarda bu xil ehwalni izchil sadir qilip, Uyghur xelqi qelbide eghir jarahet peyda qilghanliqini otturigha qoyush arqiliq, Qazaqistan Hokumetining xelqara qanunlargha xilapliq qilghan qilmishlirini eyiplesh idi. Qazaqistan Elchixanisining siyasiy ishlar komisari Valerij Sitenko, muawin Konsul Nurlan Kassymkulov, DUQ xadimlirini resmi yosunda qarshi elip, semimi sohbet otkuzushni xalaydighanliqini bildurdi.

Sohbet saet 15 tin 17 giche ikki saet dawam qildi. Sohbetning bashlinish muqeddimiside, Elchixane xadimlirining DUQ we Yawrupa Sherqi Turkistan Birligi heqqide belgilk izdinishlarda bolghanliqini eskertti we DUQ ning xelqaraliq bir teshkilat supitide Sherqiy Turkistanning sirtida Uyghur teshkilatlirigha rehberlik qilip, Uyghur mesilisini temsil qiliwatqanliqidin belgilik chushenchilerde bolghanliqini izahlap otti, shundaqla DUQ we bashqa Uyghur Teshkilatliri heqqide bilmigen mesililiri heqqide soallar soridi. Sohbetning soal jawap bilen bashlanghan deslepki basquchida, Dolqun Eysa Sherqiy Turkistanning nowettiki weziyiti toghruluq tepsili melumat berdi. Sherqiy Turkistan Uyghurlirining Qazaqistangha qechip chiqishqa mejbur boliwatqanliqidiki seweplerni chushendurdi. Qazaqistandin qayturulghan Uyghurlarning mutleq kop qismining xitay hokumeti teripidin olum jazasigha mehkum qilinghanliqini DUQ ning we Xelqara kechurum teshkilatining hojjetliri asasida otturigha qoydi

Bash katip Dolqun eysa ependi Qazaq Uyghur milletlirining qandashliq, Dindashliq munasiwetlirige zerer beridighan herqandaq shekildiki heriketning Xitayning suyqestlirige uyghun kelipla qalmay, ikki milletning nowettiki we kilichektiki ittipaqligha eghir ziyan salidighanliqini tekitlidi. Qazaqistan Hokumetining hazirgha qeder 20 ge yeqin Uyghurni Xitay Hokumetige qayturup berip, Uyghur xelqi aldida tarixi bir jinayet otkuzgenlikini hem Uyghur millitining qelbini qattiq yarilihanliqini emeli pakitliri bilen otturigha qoydi.

Elchixane dairliri ozlirining kop ishlardin xewersiz qalghanliqini qayta qayta tekitlidi hemde Uyghurlarning bu qetimqi ziyaritidin kop memnun bolghanliqini, bundin keyin ozlirini melumatlar bilen teminlep turushni iltimas qilidighanliqini, bu xil mesililerning bundin keyin sadir bolmasliqigha ikki terep ortaq kapaletlik qilish uchun DUQ bilen hemkarliqni kucheytishke ihtiyaji barliqini eskertti.

Dolqun Eysa ependi, bu qetim sohbet otkuzushtiki yene bir muhim meqsidining, qerindashliq yuzsidin Qazaqistan dolitining xelqaradiki nopuzini yerge urmasliq uchun, DUQ ning bugunge qeder Qazastan hokumetige qarshi namayish qilishqa oxshash narazliq paaliyetlerge murajiet qilmighanliqini, eger bu xil qilmishni toxtatmisa, putun dunya miqyasida Qazaqistaning obrazigha selbi tesir peyda qilidighan naraziliq paaliyetliridin ozini chekliyelmeydighanliqini alahide eskertip ötti.

Her ikki terep bu qetimqi sohbetning dostane keypiyat ichide otkuzulgenlikini testiqlidi. sohbet axirlashqandin keyin, elchixana qurulushlirini ziyaret qildurdi. Xususi sohbet jeryanida konsul Nurlan ependi ozining xususi qarashlirini sherhilep, Sherqiy Turkistan xelqining dert ehwalini chushinidighanliqini, Uyghur Qazaq xelqlirining qerindashliq munasiwetlirini qedirleshning heqiqetenmu muhimliqini etirap qilidighanliqini eskertti hemde ozining Urumchi, Ghuljilarda ziyaretlerde bolghanliqini qisturup otti.


DUQ Neshiryat-Teshwiqat Merkizi


2006-yili 7-ayning 7-küni

http://www.uyghurcongress.org/Uy/news.asp?ItemID=-463259067