PDA

View Full Version : Ay-yultuzluq Kok Bayraqning Bedili



Guest
26-06-06, 12:51
AY-YULTUZLUQ KOK BAYRAQNING BEDILI

Exmetjan Osman


Bu qetim, qolimizni koksimizge emes, belki ay-yultuzluq kok bayraqqa qoyup, Rabiye Qadirgha salam berimiz.

Bu qetim, Rabiye Qadirning kozliridin aqqan yash - Sherqiy Turkistan milliy kureshchisining yeshi bolmay, belki adettiki bir anining qayghuluq yeshi edi.

Bu qetim, Xitay mustemlikichi hakimiyitining Rabiye Qadirning balilirini tutqun qilishi hemde ulargha jismaniy zerbe berishi Xelqara Kechurum Teshkilati xadimi T. Kumar eytqandek Rabiye Qadirning siyasiy pa'aliyetlirige tosqunluq qilish, shundaqla Sidiqhaji Rozi eytqandek uning xelqara jemiyettiki obroyigha tesir yetkuzush bolupla qalmay, yene Rabiye Qadirning aniliq hessiyatini qozghash arqiliq uning siyasiy iradisini sundurushtin ibaret edi.

Bu qetim, Xitay mustemlikichiliri Rabiye Qadirgha pisxik urush elan qildi. Chunki, ularning Rabiye Qadirgha qarshi elip barghan iqtisadiy we siyasiy urushliri meghlup bolghan edi. Xitay mustemlikichi hakimiyiti bilen bolghan her bir urushta Rabiye Qadir perqliq bedel tolidi. Deslepte, ozining qan-teri bedilige tikligen egilikidin, andin, cheklik omrining Xitay turmiside otkuzgen 6 yilidin mehrum bolghan bolsa, emdilikte, aniliq mehri-shepqettin mehrum qaldi!

Bu qetim, Xitay da'iriliri Rabiye Qadirning siyasiy iradisini uning aniliq mehri-muhebbitige tegishmekchi boldi. Goyaki, ular Rabiye Qadirgha "ya baliliring ya Sherqiy Turkistining!" deyish arqiliq, uni birxil tragediyilik tallashqa bejbur qilmaqchi boliwatidu. Bu - herqandaq bir anigha nisbeten, tolimu qiyin bolghan bir tallashtin ibaret. Bu bedelni tolesh - Rabiye Qadirdek bir ana uchun heqiqetenmu tes kelidu! Herqandaq bir ana ozining baliliri uchun barliq meli we jeninidin kechishke raziki, ulargha ozining aniliq mehri-shepqitini yetkuzushtin hergiz waz kechmeydu. Biraq, bu heqiqetni yaxshi bilidighan Xitay mustemlikichiliri bu qetimqi urushida yene meghlubiyetke uchridi. Chunki, Rabiye Qadir bu qetim ozining aniliq mehri-shepqitidinmu waz kechti. Maldin we jandinmu ustun turghan siyasiy irade, bu qetim, yene aniliq mehri-shepqetkimu bash egmidi!

Bu qetim, Rabiye Qadir insaniyetke munu heqiqetni jakarlidi: Uyghur anisi Uyghurlarning siyasiy teghdiri uchun ozining aniliq mehri-shepqitidinmu waz kechishke mejbur! Rus yazghuchisi Maksim Gorkining "Ana" namliq romanida, Rus anisining oz oghligha bolghan mehri-shepqiti uni oghlining siyasiy xahishigha boysundurghan bolsa, Rabiye Qadirning bu qetimqi kechurmishide, uning oz balilirigha bolghan aniliq mehri-shepqitini Uyghurlarning siyasiy teghdiri boysundurdi! Ibrahim Eleyhissalam Allahning buyruqigha boysunup, oz oghli Ismayilni qurban qilishqa teyyar turghandek, Rabiye Qadirmu Uyghur siyasiy iradisidin ibaret bu muqeddes buyruqqa boysunup oz balilirini qurban qilishqa teyyar turdi. Bundaq tewrenmes siyasiy irade aldida Xitay mustemlikichiliri hergizmu ozlirining kozligen meqsetlirige yetelmeydu.

Bu qetim, Rabiye Qadir Uyghur siyasiy iradisining simwoli bolghan ay-yultuzluq kok bayraqning bedilini tolidi. Chunki, bu muqeddes bayraq qanchilighan Uyghur oghlanlirining pak qanliri bilen bulghanmighan, qanchilighan Uyghur anilirining qayghuluq koz yashliri bilen paklanmighan! Shunga, bu qetim, qolimizni koksimizge emes, belki bu muqeddes bayraqqa qoyup, Rabiye Qadirgha salam berimiz.

Bu qetim, Rabiye Qadir ozining Uyghurlarning meniwiy anisi ikenlikini qayta ispatlapla qalmay, shuning bilen birge, Uyghurlarning siyasiy yolbashchisi ikenlikinimu yene bir qetim namayen qildi. Eger, her birimiz xuddi Rabiye Qadirdek Uyghur siyasiy iradisining muqeddes simwoli bolghan ay-yultuzluq kok bayraqning bedilini toleshke her waqit teyyar turalisaq, shu chaghdila, siyasiy teghdirimizni choqum ozimiz belgiliyeleymiz.

Unregistered
30-06-06, 19:51
Yaaaaashaaa!

Unregistered
30-06-06, 22:29
from : http://www.uyghur1.com/uyghur/viewtopic.php?t=2686