PDA

View Full Version : Quyashtek Ana



Aygul Yusup
04-06-06, 19:23
Essalamu eleykum hörmetlik Ana!
Milletning hörligi uchün polattek tawlanghan hayatingiz ,iradingiz we azatliq tangliri üchun qan-yash tökup töligen bedelliringiz Wetenning erkinlik tarixida quyashtek parlap turghusi!
Weten ichi we sirtidiki barliq anilar sizning perzent utida köygen ,seghinghan we ularning japaliri üchun azaplanghan qelbingizge aniliq qelbi bilen tesselli we mehir yollaydu we sizdin ali ehtiram bilen hal soraydu! Jesur qamitingizge mengguluk küch qudret we saghlamliq tileydu! Kureshchan Ana izini besip keliwatqan qeyser perzentliringizge alladin amanliq we barliq anilarning cheksiz mehri-muhebbitini yollaydu!
Ana,sizning qeyser we ghururluq qiz-oghul,kelin-küyoghul we newriliringiz hayatliq yolliri tusup quyuliwatqan,rohi we jismani zerbige uchrawatqan we xilmu-xil xewiplik peytlerni bashtin kechuriwatqan deqiqilerdimu öz ghururigha we qeyser anisining ghururigha dagh tekküzmidi.Bu hörmetlik we qeyser perzentler yalghuz sizningla perzentliringiz bolupla qalmay Wetenning perzentidur,ularning qaytmas ghururi we erkinlik nidasi putun Uyghurning ghururidur we nidasidur!! Biz sizdin we sizning ailingizdin cheksiz pexirlinimiz we hörmet ichide hal soraymiz!!


Quyashtek Ana

Kim keldi quyashtin nur emmek bolup,
Kim keldi alemge nur sepmek bolup?!
Keldimu Iparxan tirilip yaki,
Keldimu Nuzugum qehrige tolup?!

Kim keldi hörlüktin gep achmaq bolup,
Yette qiz rohida rohini yuyup!
Qarangghu zulmette tunjuqqan üchün,
Dankodek yürektin meshel yurutup.

Essalam ey Ana,ghururluq insan,
Essalam wijdanliq Qadirxan qizi.
Essalam ming yigit gheyriti bilen,
Tughulghan Wetenning pexirlik qizi.

Anilar tughmidi ulughlarni dep,
shairlar yazghanti qanchilap dastan.
Yudi shu anilar gunahlirini,
Rabiye anidek animiz tamam.

Dost bolmay bayliqqa yashidi Ana,
Hoquqning sehridin sehirlenmid.
Shu eziz Wetenning ishqi-piraghi,
Anining qelbide yanghan ot idi!

Ot bilen örtendi Anining qelbi,
Hayati shu otning hemrahi boldi.
U mehrum bolsimu hemmidin biraq,
Mubarek Wetendin tesselli aldi.

Quyashning nuridin nur alar yultuz,
Cheksiz shu samada jimirlap ebet.
Shu sansiz yultuzdek perzentingiz bar,
Siz bilen bir otta küyüdu ebet!!

Norwegiye.