PDA

View Full Version : Germaniyediki Uyghur milliy herikitide yengi sehipe echildi ( 2 )



Qurultay uchuri
02-02-15, 06:38
Germaniyediki Uyghur milliy herikitide yengi sehipe echildi ( 2 )

Yawropa sherqiy türkistan birliki teshkilatning 2015 – yili 2 – ayning 1 – küni München shehride ötküzülgen 19 – nöwetlik omomiy saylam yighinida, yighingha qatnashqan pütün qerindashlirimizning, bolupmu yashlirimizning qizghinliqi we keypiyati yuquri idi.

Bu qetimqi yighin Sherqiy türkistanning Istiqlal marshi bilen bashlandi, weten ichide Sherqiy türkistan xelqining erkinliki, hörlüki we azatliqini qolgha keltürüsh yolida qimmetlik hayatlirini teqdim qilghan pütün shehidlirimizning rohigha atap mexsus Kurani – kerim oquldi, dua qilindi.

Teshkilatning sabiq reyisi Enwerjan ependimning echilish nutqi bilen bashlanghan yighinda, teshkilatning 2014 – yili elip barghan xizmetliri we iqtisadi kirim – chiqim ehwalliri heqqide köpchilikke tepsili doklat berildi, yene shundaqla Enwerjan ependimning riyasetchilikide, hazirgha qeder Germaniyediki Uyghur jamaitining zoruyishi, küchüyishi we Uyghur daswasining Germaniyediki tereqqiyatining ilgiri sürülüshi üchün hesse qoshqan bir qisim qerindashlirimizgha sherep guwanamisi teqdim qilindi.

Enwerjan ependim yighinning echilish murasimida qilghan sözide, chetellerde elip beriliwatqan Uyghur dawasining kelgüsi istiqbaligha kapaletlik qilish üchün, uyghur yashlirini milliy herikitimizge jelip qildurush, qiziqturush we yashlardin terkip tapqan yengi bir ewlat dawa igilirini, siyasi paaliyetchilerni barliqqa keltürüshning zörürlikini alahide tekitlep ötti.

Yighinda yene DUQ ning sabiq reyisi we Yawropa sherqiy türkistan birlikining qurghuchisi Erkin Alptekin, DUQ ning muawin reyisi Ümit Agahi, DUQ ijrahiye komitetining reyisi Dolqun Eysa ependilermu söz qilip, milliy küresh qoshunimizni yashlashturushning mohimliqi we teqezzaliqini eskertip ötüsh bilen birge, peshqedem siyasi paaliyetchilerning we jamaet erbaplirining yengidin janliniwatqan Uyghur yashliri herikitini pütün küchi bilen qollap quwetlishi we ulargha dawa sepide teshkili jehettin, siyasi jehettin, ijtimayi jehettin we iqtisadi jehetlerdin yengi pursetler yaritip berishi lazimliqini, bunung, Uyghur milliy herikitining kelgüsi tereqqiyati üchün tarixiy qimmetke ige ikenlikini ipade qilishti.

Germaniyede ösüp yetilgen we 18 yashtin 30 yashqiche bolghan Uyghur yashlirining saylamda bes – beste aktipliq bilen özlirini teshkilatning rehberlik heyitige namzat qilip körsütishi, bu qetimqi saylam yighinining hayajini we keypiyatini yuquri pellige köterdi.

Yawropa Sherqiy türkistan birliki teshkilatining 19 – nöwetlik omomiy saylam yighinida teshkilat rehberlirining pütünley yashlashturulushi, DUQ ning Germaniyediki rehberliri, Germaniyediki jamaet erbapliri, Dinniy zatlar, ata – anilar we yashlirimizning belgilik tirishchanliqining netijisidin ibaret.

Saylamdin bir ay burun, teshkilatning sabiq reyisi Enwerjan bashchiliqidiki idare heyiti DUQ ning merkezdiki rehberlirining, jamaet erbaplirining, Dinniy zatlirimizning we bir qisin ata – anilar wekillirining qatnishishida mexsus teyyarliq yighini chaqirip, Yawropa Sherqiy türkistan birliki teshkilatining bu qetimqi saylimi, shundaqla Germaniyediki uyghur dawasini we uyghur jamaetchilikini yenimu janlandurushning chare – tedbirliri heqqide keng dayiride pikir alghan, bu söhbette köpchilik teshkilatning rehberlik qatlimini pütünley yashlashturush we bu arqiliq yashlirimizning milliy herikitimizge bolghan qiziqishi we mesuliyet tuyghusini kücheytish heqqide pikir bergen, chonglar bu heqte ortaq pikirge kelgendin keyin, DUQ ning merkezdiki bir qisim rehberliri germaniyediki uyghur yashliri bilen keng dayiride uchrushup, ulardin pikir alghan, Uyghur yashlirimu peshqedemlirimizning bu arzusidin söyüngenlikini we teshkilatning rehberlik heyitide wezipe elishni sherep dep bilidighanliqini bildürüshken idi.

Germaniye yeshi 18 – 30 ghiche bolghan uyghur yashlirining omomi sani 80 din artuq bolup, hemmisi Germaniyede yetiship chong bolghan, Germaniyediki Uyghur yash – ösmürlirining Gemnaziumda ( yuquri derijilik alahide ottura mektep ) oqush nisbiti Germaniyediki bashqa milletlerge qarighanda aldinqi orunda turidu, uyghur yash – ösmürlirining maarip jehettiki muwapiqiyetliri heqqide Germaniye metbuatliridimu köpligen xewer – maqalilar elan qilinghan idi.

Germaniyediki uyghur yashlirining xeli köp qismi yuquri derijilik ali mekteplerde türlük kesiplerde telim körmekte.

Hazirgha qeder Germaniyediki Uyghur yash - ösmürliri üchün Yawropa sherqiy türkistan birliki teshkilati teripidin mexsus Kuran kursi, Uyghur til – yeziq kursi, resim kursi, Uyghurche senet kursi qatarliqlar echilghan bolup, köp qisim yashlar bu kuruslarda telim alghan we ularning milliy hem dinniy tuyghuliri küchlük, wetinige we xelqighe bolghan söygüsi yuquri.

Hazirgha qeder Germaniyediki uyghur yashliri , teshkilatlirimiz teripidin uyushturulghan namayish we bashqa ijtimayi paaliyetlerde aktip rol oynap kelgen idi.

Germaniyediki uyghurlargha wekillik qiliwatqan < Yawropa Sherqiy Türkistan Birliki > teshkilati bolsa, Gherip dunyasida, jümlidin Yawropada qurulghan tunji Uyghur teshkilati bolup, 1991 – yili Germaniyening München shehride qanunluq qurulup ish bashlighan idi.

Hazirgha qeder bu teshkilat, Sherqiy Türkistan we Uyghur dawasini dunyagha, jümlidin Yawropa ellirige tonutush jehette zor netijilerni qolgha keltürüpla qalmastin, yene, < Dunya Uyghur Yashliri Qurultiyi >, < Sherqiy türkistan ( uyghuristan ) milliy qurultiyi > we hazirqi < Dunya Uyghur Qurultiyi > qatarliq merkizi teshkilatlirimizning qurushidu türtkülük mohim rol oynighan we bu Qurultaylargha sahipxanliq qilghan idi.

Yene shundaqla teshkilatimizning mewjutluqi, nöwette Germaniyede yahsawatqan 1000 din artuq Uyghurning bu döwletke kelip yerliship qelishigha wesile we türtke bolghan idi.

Yawropa sherqiy türkistan birliki teshkilati bolsa DUQ terkibidiki eng asasliq teshkilatlarning biri bolup, nöwette DUQ merkizi orginining Münchendiki ixshani bilen mezkur teshkilatning ishxanisi birge we DUQ merkizi orgini bilen pütün paaliyetlerde zich kemkarliship kelmekte.

https://www.facebook.com/permalink.php?story_fbid=260941287439156&id=100005698605793

DUQ xewer merkizi