PDA

View Full Version : Yawropa Sherqiy türkistan birlikining omomi saylam yighini heqqide uxturush



YSHTB
16-01-15, 15:06
Yawropa sherqiy türkistan birlikining 19 – nöwetlik omomi saylam yighini heqqide uxturush

Essalamu eleykum Germaniyede yashawatqan eziz qerindashlar,

aldi bilen yengi yilinglarni tebriklesh bilen birge, hazirghiche Germaniyediki Uyghur jamaitining birlik – ittipaqliqini yenimu kücheytish we teshkilatimizning türlük paaliyetlirining tereqqi qilishini ilgiri sürüsh jehette körsütüp kelgen pidakarliqinglar we tirishchanliqinglar üchün teshkilatimiz namidin silerge minnetdarliq bildürimiz !

sizge melum bolghinidek, Germaniyediki pütün qerindashlirimizgha wekillik qiliwatqan Yawropa sherqiy türkistan birliki teshkilati, 1992 – yili Germaniyening München shehride qurulup paaliyet bashlighandin buyan, Germaniye döwlitining qanun – pirinsiplirigha qattiq emel qilghan asasta xizmetlirini dawamlashturup kelmekte we Germaniye hökümiti teripidin testiqlinip enge elinghan nizamnamisining rohigha asasen, her ikki yilda bir qetim demokratik usolda omomi saylam ötküzüp, teshkilatning rehberlik heyitini saylap kelmekte.

Bu pirinsipqa asasen, teshkilatimizning idare heyiti muzakire qilish arqiliq, Yawropa sherqiy türkistan birlikining 19 – nöwetlik omomi saylam yighinini 2015 – yili 2 – ayning 1 – küni ötküzüshni qarar qildi, shunung üchün Germaniyede yashawatqan pütün qerindashlirimizning bu Saylam yighinigha aktipliq bilen qedem teshrip qilishini we bu arqiliq özlirining wijdani we milliy mejburiyitini ada qilishini ümit qilimiz, ikki yilda bir ötküzilidighan bu ehmiyetlik saylam yighinimizgha hecqandaq baha – sewep körsetmey waqtida kelip qatniship berishinglargha tilekdashliq bildürimiz !

Bu qetimqi saylam yighinida, teshkilatimizning yengi rehberlik heyiti demokratik usolda qayta saylap chiqilidu, teshkilatimizning nizamnamisigha qismen tüzitish kirgüzilidu, teshkilatimizning ötken bir yilda ishligen xizmetliri we iqtisadi kirim – chiqim ehwali heqqide silerge qisqiche doklat berilidu.

özini teshkilatimizning ezasi dep tonughan we Germaniyede qanun yeshigha toshqan her bir Sherqiy türkistanliqning bu qetimqi omomi yighinda saylash we saylinish hoqoqi bar.

Eziz qerindashlar, silergimu melum bolghinidek, Germaniyediki uyghurlargha wekillik qiliwatqan < Yawropa Sherqiy Türkistan Birliki > teshkilati bolsa, Gherip dunyasida, jümlidin Yawropada qurulghan tunji Uyghur teshkilati bolup, Hazirgha qeder bu teshkilat, Sherqiy Türkistan we Uyghur dawasini dunyagha, jümlidin Yawropa ellirige tonutush jehette zor netijilerni qolgha keltürüpla qalmastin, yene, < Dunya Uyghur Yashliri Qurultiyi >, < Sherqiy türkistan ( uyghuristan ) milliy qurultiyi > we hazirqi < Dunya Uyghur Qurultiyi > qatarliq merkizi teshkilatlirimizning qurushidu türtkülük mohim rol oynighan we bu Qurultaylargha sahipxanliq qilghan idi.

Yene shundaqla teshkilatimizning mewjutluqi, nöwette Germaniyede yahsawatqan 1000 din artuq Uyghurning bu döwletke kelip yerliship qelishigha wesile we türtke bolghan idi.

Dimek, Yawropa sherqiy türkistan birliki, pütün Germaniyede yashawatqan qerindashlirimizning ortaq ayilisi bolup, hemmimiz bir niyet we bir meqsette bu ayilimizge ige chiqishimiz, unung tereqqi qilishi we zoruyishi üchün ortaq tirishchanliq körsütishimiz, unung shan - sheripi we inawitini qoghdishimiz,bu ayilimizni ajizlashturidighan, bölüdighan, parchilaydighan we jamaet ichidiki obrazigha selbi tesir körsütidighan pütün söz – heriketlerdin uzaq turushimiz, buxil yaman niyet we herikette bolghuchilargha kolliktip halda del watida tegishlik inkas qayturushimiz lazim !

ishinimizki, Germaniyede yashawatqan qerindashlirimiz bundin keyinmu Yawropa sherqiy türkistan birlikining yenimu tereqqi qilishi we Germaniyediki Uyghur jamaitining inaq – ittipaqliqining teximu küchüyishi üchün tegishlik hesse qoshqusi !

Saylam yighining waqti :

2015 – yili 2 – ayning 1 – küni ( yekshenbe ) saet 13:00

Saylam yighinining orni :

Einewelt Haus, Schwanthalerstr .80, 80336 München (Üst qewettiki Zal)

Hörmet we ehtiram bilen :

Yawropa sherqiy türkistan birliki teshkilati idare heyiti namidin

Enver Can