PDA

View Full Version : Yawropa Sherqiy türkistan birlikining 19 – nöwetlik omomi saylimi ötküzülidu



Qurultay uchuri
30-12-14, 09:47
Yawropa Sherqiy türkistan birliki teshkilatining 19 – nöwetlik omomi saylimi 2015 – yili 1 – ayning 18 – küni ötküzilidu

2014 – yili 12 – ayning 28 – küni ( yekshenbe ), Merkizi Germaniyening München shehridiki < Yawrop Sherqiy türkistan birliki > teshkilati idare heyiti yighin chaqirip, mezkur teshkilatning 19 – nöwetlik omomi saylimini 2015 – yili 1 – ayning 18 – küni ( yekshenbe ) ötküzüshni qarar qildi.

Yawropa Sherqiy türkistan birliki teshkilatining reyisi Enwerjan ependimning riyasetchilikide chaqirilghan bu qetimqi idare heyiti yighinida, teshkilatning 2014 – yili elip barghan paaliyetliri qisqiche xulasilep ötüldi we aldimizda ötküzilidighan omomi saylam yighinining küntertibi muzakire qilindi.

Nöwette Germaniyede texminen 1000 gha yeqin Uyghur yashimaqta, Germaniyediki uyghurlargha wekillik qiliwatqan < Yawropa Sherqiy Türkistan Birliki > teshkilati bolsa, Gherip dunyasida, jümlidin Yawropada qurulghan tunji Uyghur teshkilati bolup, 1991 – yili Germaniyening München shehride qanunluq qurulup paaliyet bashlighan idi.

Hazirgha qeder bu teshkilat, Sherqiy Türkistan we Uyghur dawasini dunyagha, jümlidin Yawropa ellirige tonutush jehette zor netijilerni qolgha keltürüpla qalmastin, yene, < Dunya Uyghur Yashliri Qurultiyi >, < Sherqiy türkistan ( uyghuristan ) milliy qurultiyi > we hazirqi < Dunya Uyghur Qurultiyi > qatarliq merkizi teshkilatlirimizning qurushidu türtkülük mohim rol oynighan we bu Qurultaylargha sahipxanliq qilghan idi.

Nöwette < Dunya Uyghur Qurultiyi > merkizi orgini bilen < Yawropa sherqiy türkistan birliki > teshkilatining ishxanisi birge bolup, özara yeqindin hemkarliship we masliship xizmet qilip kelmekte.

Hazirgha qeder Erkin Alptekin, Enwerjan, Ömer Qanat, Esqerjan, Dolqun Eysa, ümit Agahi, Abdujelil Emet Qarihajim qatarliqlar ilgiri – keyin bolup < Yawrop Sherqiy Türkistan Birliki > teshkilatining reyisi bolup xizmet qilghan we ular Germaniyediki pidakar qerindashlirimizgha yetekchilik qilip, Uyghur dawasining Yawropadiki tereqqiyati üchün mohim töhpilerni qoshqan idi.
teshkilatning nöwettiki reyisi Enwerjan ependi.

Yawropa Sherqiy türkistan birliki teshkilatining 2015 – yili 1 – ayning 18 – küni özküzilidighan 19 – nöwetlik omomi yighinida, teshkilatning yengi rehberlik heyiti saylap chiqilidu.

Saylam yighinining orni, waqti we bashqa küntertipliri heqqide Germaniyede yashawatqan pütün Sherqiy türkistanliq qerindashlirimizgha ayrim – ayrim yazma uxturush iwetilidu.

DUQ xewer merkizi