PDA

View Full Version : Rossiye Iqtisadi kirzis ichide



Unregistered
30-12-14, 05:37
Rosiye milyadirliri rubli paxallishishi sewebidin 50 milyard dollar ziyan tartti

Engiliye "kündilik pochta géziti" ning 17-dékabir xewer qilishiche, gherb ellirining imbargo yürgüzüsh sewebidin we néfit bahasining chüshüp kétishining tesiri astida rublining kursi chüshüp paxalliship ketti, buning bilen Rosiye milyadirliri achchiq bedel tölidi. Bir qisim axbarat wastilirining xewer qilishiche, rosiye milyadirlirining tartqan ziyini 50 milyard dollardin ashidiken. CNN rosiyidiki eng köp ziyan tartqan milyadirlarni sitastika qilip chiqqan bolup, töwende rubli paxallishishi sewebidin eng köp ziyan tartqan 10 milyadir qisqiche tonushturilidu:

1. Léonid Mikxélson (Leonid Mikhelson)--tartqan ziyini sekkiz milyard 700 milyon dollar. Léonid mikxélson rosiye tebiiy gaz ishlepchiqirish shirkiti nowaték shirkitining reisi, uning tartqan ziyini eng köp bolup, rublining paxalliship kétishi sewebidin uning mal-mülki sekkiz milyard 700 milyon dollar kémiyip ketken, yeni pütün mal-mülkining yérimini dégüdek ziyan tartqan. Ukraina kirzisi partlighandin kéyin, léonid mikxélsonning shirkiti amérika teripidin jazalanghan tunji türkümdiki shirket bolup qalghan.

2. Wiladimir lisin (Vladimir Lisin)-- tartqan ziyini yette milyard dollar. Wiladimir lisin rosiye nowolipétisik sitil polat-tömür shirkiti (Novolipetsk Steel) ning reisi hemde eng chong pay chéki bolup, u burun rosiyidiki eng bay shexis idi, biraq u bu yil yette milyard dollar bolghan bolup, bayliqining yérimi dégüdek ziyangha uchrighan. Wiladimir lisin yene rosiye olimpik komititining muawin reisi we yawropa qargha étish birleshmisi (European Shooting Confederation) ning reisi, u miltiq heweskari bolush süpiti bilen nahayiti qimmetlik bolghan miltiqlarni yighip saqlighan.

3. Alisér Usmanow (Alisher Usmanov)-- tartqan ziyini alte milyard 400 milyon dollar. Alisér usmanow rosiye tömür-kan magnati, u rosiyidiki eng chong tömür-kan ishlepchiqirish mital buyumliri meblegh sélish shirkiti bolghan Metalloinvest ning 48% pay chékige ige bolghandin bashqa yene rosiye "sodigerler géziti" ning bashliqi. Alisér usmanow bu yil alte milyard 400 milyon dollar ziyan tartqan bolup, xewerde déyilishiche, u yene alaqe tori, sayahet ijarichiliki tor békiti Airbnb qatarliqlarghimu meblegh salghan bolup, u yene engiliye alahide topchilar kulubini birliship qurghuchi iken. U y ene xelqara qilich mahariti birleshmisi (International Fencing Federation) ning reisi.

4. Andiréy Mélnichénko (Andrey Melnichenko)-- tartqan ziyini besh milyard 800 milyon dollar. Andiréy mélnichénko rosiyidiki quruq qol igilik tikligen kömür kanchiliq magnati, hazir rosiyidiki eng chong musteqil kömür kan shirkiti sibiriye kömür énirgiyisi shirkiti (Siberia coal energy company) ning chong pay chéki. Gherb ellirining imbargo yürgüzüp jazalishi we néfit bahasining chüshüshi sewebidin u besh milyard 800 milyon dollar ziyan qildi, bu ziyan uning pütün mal-mülkining 40% ni igileydu. Uning ayali aléksandira nikolik (Aleksandra Nikolic) sérbiya (Serbia) diki dangliq modil bolup, andiréy mélnichénko yene dunyadiki eng isil hésablinidighan, qimmiti 350 milyon dollargha yitidighan paraxotqa ige, bu paraxot aléksandira nikolikning ismining bashlinish herpi bolghan "A" bilen atalghan.

5. Sérgéy Galiésikiy (Sergei Galitsky)-- tartqan ziyini besh milyard dollar. Sérgéy galiésikiy rosiyidiki eng chong yimeklik parche sétish shirkiti magnit (Magnit) zenjirsiman talla baziri ning qurghuchisi bolup, u bu yil besh milyard dollar ziyan tartti. U putbolni nahayiti yaxshi köridighan bolup, 250 milyon dollar meblegh sélip kirasnodar (Krasnodar) kulubi üchün bir tenherket meydani we bir tenterbiye mektipi sélip berdi.

6. Wagit Alékpérow (Vagit Alekperov )-- tartqan ziyini töt milyard 900 milyon dollar. Wagit alékpérow rosiye néfit magnati bolup, lukoil (Lukoil) néfit shirkitining reisi, burun sowit ittipaqi mezgilide énérgiye ministiri bolghan. Ukraina kirzisi yüz bergendin kéyin, lukoil néfit shirkiti amérika imbargo yürgüzüp jazalighghana birinchi türkümdiki shexsi shirket bolup qaldi. Bu seweblik wagit alékpérowning tartqan ziyini töt milyard 900 milyon dollar bolup, pütün mal-mülkining 40% ni igileydu.

7. Mikxail Firidman (Mikhail Fridman)-- tartqan ziyini üch milyard 500 milyon dollar. Mikxail firidman rosiye meblegh sélish magnati bolup, bu yil uning üch milyard 500 milyon dollar bayliqi ziyangha uchridi. U rosiye-engiliye meblegh hemkarliq shirkiti bolghan engiliye TNK-BP néfit shirkiti rosiye rosnéfit (Rosneft) néfit shirkitige sétilishi sewebidin nahayiti zor paydigha érishken. U gérman xan (German Khan) bilen birlikte rosiyidiki eng chong shexsi qerz-amanet orgini bolghan elfa banksi (Alfa Bank) ni kontirol qilidu.

8. Wiladimir potanin (Vladimir Potanin)-- tartqan ziyini ikki milyard 800 milyon dollar. Wiladimir potanin burun rosiye muawin zunglisi bolghan, hazir dunyadiki eng chong nikél ishlepchiqirish shirkiti bolghan norilsik nikél (Norilsk Nickel) ning bashliqi, u bu yil ikki milyard 800 milyon dollar ziyan tartqan bolup, bu pütün mal-mülkining 20% ni igileydu. Wiladimir potanin 2014-yili rosiye qishliq olimpik musabiqisining asasliq qollighuchiliridin biri bolup, olimpik kentini sélishqa u nahayiti nurghun meblegh salghan.

9. Gérman Xan (German Khan)-- tartqan ziyini ikki milyard 500 milyon dollar. Gérman Xan Engiliye Néfit shirkitining pay chékini rosiye néfit shirkitige sétip bérish sodisida üch milyard 300 milyon dollar payda alghan. Bu yil u pütün mal-mülkining 22% i bolghan ikki milyard 500 milyon dollar ziyan tartti.

10. Mikxail Pirokxorow (Mikhail Prokhorov)-- tartqan ziyini ikki milyard 400 milyon dollar. Mikxail pirokxorow meblegh sélish onéksim gorohi (Onexim group) ning lidiri, mezkur gorohning qol astida yene rosiye bankisi, énérgiye we kan qatarliqlarning pay chéki bar, u yene NBA waskitbol kulubining birukliyin (Brooklyn nets) kulubining bashliqi. Bu yilning béshida u burun mundaq dégen idi, putinning chaqirigha maslishish üchün, NBA kulubini bashquridighan shirketni rosiyige yötkimekchi boliwatimen. Biraq u yene rosiye siyasitini, rosiyining hemjinisliqqa qarshi turush qanunini tenqidligen idi. U bu yil ikki milyard 400 milyon dollar ziyan tartti.