PDA

View Full Version : Ana Uyghur Heqqide Ochériklar (1)



Kochurulme
21-11-14, 11:37
Ana Uyghur Heqqide Ochériklar (1)

" Men Uyghurning Derdini Bilishte Praffisor "

(Aptori :Shohret Hoshur)

Qarangghu öyde 8 yil yétip chiqti, nechche yüzlep muxbirning arisida özini kördi; téxi nechche kün yaki birnechche heptining aldida udulida üstel mushtlap turghan saqchilar, yénida döshkelep turghan gundipaylar bar idi; mana emdi u amérikidiki bir top uyghur paaliyetchilirining arisida, amérika dölet erbabliri bilen bir sehnide, xelq'arawiy mutexessis we praffisorlar bilen bir munberde. 8 yil tashqi dunya bilen alaqisi üzüwétilgen, 8 yil kéche-kéchilep uxlitilmighan, 8 yil dunyaning eng tétiqsiz shoarliri yadlitilghan; yeni jismanen, rohiyen we zéhnen qesten upritilishqa urunulghan bir ajizane ten, uning ichidiki tömürdek jan we chéniqqan roh mushu kün -mushu deqiqilerde qandaq tuyghular bilen irmash-chirmashtur?! Mana mushu qizziqish we heyranliqning türtkisi bilen rabiye xanimdin sorudum:
--- Meshhur dölet erbabliri we alim-mutexessisler bilen uchrashqini mangghiningizda gep-sözde, olturup-qopushta chandurup qoyarmenmu deydighan bir endishe xiyalingizgha kirip-chiqqan chaghlar boldimu?
--- Dölet erbabliri bilen uchrashqan chaghda héch bolmidi.
--- Sewep?
--- Chünki dölet erbabliri asasliqi belgilik sandiki xelqqe wekillik qiliwatqini üchün ulugh; menmu shu esnaning özide yer sharida mewjut bolup turiwatqan we zulumgha qarshi toxtawsiz küresh qiliwatqan bir qehriman milletning wekili, shunga ulardin özümni üstün tutqan chaghlirim boldiki töwen chaghlighan waqtim bolmidi.
--- Alimlar bilen uchrashqandichu?
--- Bezide könglümde ghil-pal siz dégen endishiler endishiler bolup ötti, emma tentirigüdek emes.
--- Bu endishini qandaq yengdingiz? Qandaq bir oy, qandaq bir tuyghu shu endishini ghil-pal ariliqta yoq qiliwételidi?
--- Manga küch ata qilghan oy shu: bular xelq'ara qanunda, kishilik hoquq nezeriyiside, tashqi siyasette praffisor bolsa, men uyghur mesiliside, jümlidin uyghurning derdini bilishte praffisor! Uyghurning rohini chüshünüshte, arzu-armanlirini ipadileshte, mushu sorunda méning aldimgha öteleydighini yoq!
--- Néme üchün? Bir uyghur bolghanliqingiz üchünmu? 8 yil türmide yatqiningiz üchünmu? Sidiq Haji rozi ependining ayali bolghiningiz üchünmu?
--- Hemmisi bar. Altayda tughuldum, baliliqim bayning qizi-pomushchikning balisi bolup achchiq chüchük ötti; Aqsuda aile ayali bolup 5 balini qatargha qattim; tijaretke atlan'ghinimda ot lükchek uyghur yashliri bilen xitay ölkiliride ; bay-baywechchilirimiz bilen ottura asiya bazarlirida yanmu-yan kezdim, soda qildim; ürümchide, béyjingda qorchaq bolsun, rast bolsun aliy emeldarlar bilen robiro olturup ish püttürdüm yaki mesile otturigha qoydum......
Soalimdin meqset, xanimdiki özige ishinishning menbesini bilish.
Bériliwatqan jawapta men kütken, emma tilgha élinmighan bir nuqta bar, u bolsimu rabiye qadir soda sariyi. Méning nezirimde u saray , tash we yaghachtin öre turghan binala emes, uningda xanimning eqli, iqtidari, eng muhimi rohiy namayen. Méningche rabiye xanimdiki özige ishinish rohiy ene shu bina bilen teng tiklen'gen we mezmutlashqan. Bu xil tiklinishning qandaq bir jeryan ikenlikini soda sahesige put tiqip baqqanlar, bolupmu öy-mülük sodisigha béshini soqup baqqanla yaxshi chüshünidi, chünki bu ishning béshida mélinila emes, bélini we jéninimu dogha tikish bar. Menche rabiye xanimni xelqara sehnilerde hazir güs-güs mangghuzup, pong-pong sözlitiwatqan, qiyinchiliqqimu, tosalghularghimu perwa qilghuzmaywatqan muhim amillardin biri, del eshu rabiye qadir soda sariyi bilen teng tiklen'gen roh. Allah bendilirini mana mushundaq mert we merdanilarche tikilinishke nésip qilghay...bashqilarning gedinige minip yaki téqimidin ötüp emes.

Diqqitim xanimning sözlirige qayta merkezleshti:
---Sidiqning pütün dostliri méning dostum, soda saraydiki ishxanam, sidiqning dostlirining -ziyalilarning dert tökidighan makani; öyüm chetke qéqilghan ziyalilarning uchrishish makani, dastixinim ziyalilarning etidin kechkiche sherqi türkistanni qandaq azat qilish témisidin chetnimeydighan bir munazire munbiri; méning quliqimni pishurghan, méning közümni achqan, méning nutqumni yétildürgen turghun almas, abduréhim ötkür turdi samsaqqa oxshash alim-yazghuchilirimizning xupiyane söhbetliri, shunga men uyghurning ishida özümni praffisor dep tonup keldim.
Xanim bu geplerdin kéyin soridi:
--- Biraz po étiwétip qaldimmu qandaq?
Men dedim:
--- Atsingiz yarishidu: Meningche 1980 -yillarda Urümchide tunji bolup bir binani tikligen, heqni sözlep xitay türmiside 8 yil yétip chiqqan, chet'elge chiqip nobilgha 4 qétim namzat bolghan bir shexsning , Uyghur jem'iyitide po étishqa heqqi bar!!!
--- Rastini désem, éghizimdin az -tola po chiqip kétishidin qorqmaymen, emma küpürdin qorqimen.
Bu , méni söyündürgen bir eskertish ; belkim allahning xanimgha meyli bayliq, meyli mertiwe jehettin séxiyliq qilghan yaki qilip kéliwatqan yéri bolsa, bu, del shu küpürdin qorqushining mukapati bolsa kérek. .

https://www.facebook.com/shohret.hos...59086107456202

Unregistered
22-11-14, 08:42
Sen tigipes sisiq musa hergiz kopke vekillik kilalmaysen....tom tomlap tutruqsiz tohmetliring ozengni sesitidu halas.dep baqa sini qollaydighan bir Uyghur barmu?sen elning nezirindin chushup qalghan dashqal sen.