PDA

View Full Version : Germaniyede ikki jumhuriyitimizni xatirilesh paaliyiti heqqide uxturush



YSHTB
05-11-14, 15:17
Germaniyede ikki jumhuriyitimizni xatirilesh paaliyiti heqqide uxturush

Essalamu eleykum Germaniyede yashawatqan pütün eziz qerindashlar, hemminglargha melum bolghinidek, 11 - Ayning 12 - Küni bolsa uyghurlar üchün tarixiy ehmiyetke ige bir kün bolup, 1933 - Yili 11 - Ayning 12 - Küni Qeshqerde Sherqiy türkistan islam jumhuriyiti, yene 1944 - Yili oxshash ay we oxshash künde Ghuljida sherqiy türkistan jumhuriyiti qurulghan idi.

Uzun yillardin buyan Germaniyede yashawatqan qerindashlirimiz DUQ merkizi orgini we Yawropa Sherqiy türkistan birlikining yetekchilikde bu ikki jumhuriyet qurulghan 11 - Ayning 12 - Künini, " uyghur xelqining bayram küni " dep jakarlap, bu künde türlük shekildiki xatirilesh paaliyetlirini uyushturup kelmekte.

nöwette bizning elip beriwatqan milliy herikitimiz del yuqiriqi ikki jumhuriyetni barliqqa keltürgen milliy inqilablarning dawamidin ibaret, xalas !

Gerche bu ikki jumhuriyet eyni chaghdiki impérialist küchlerning siyasiy süyqesti netijiside özining mewjutluqini saqlap qalalmighan bolsimu, emma bu ikki jumhuriyettin uyghur xelqighe intayin qimmetlik enggüshtirler miras qalghan idi, bu enggüshterler - Milliy musteqilliqning simwoli hésablanghan ay - Yultuzluq kök bayraq, istiqlal marshi, dölet giribi we bu enggüshterlerni kéyinki ewladlirigha miras qaldurush yolida qurban bolghan sansizlighan qehrimanlarning küresh iradisi idi.

Bügün chetellerde paaliyet élip bériwatqan uyghur teshkilatlirining hemmisining 1933 - Yili qurulghan tunji jumhuriyet teripidin qobul qilinghan ay - Yultuzluq kök bayraqni sherqiy türkistanning dölet bayriqi süpitide jewlan qildurup kéliwatqanliqimu, bügünki uyghur milliy herikitining, eyni chaghdiki milliy inqilabning warisi ikenlikini körsitip turmaqta.

elwettiki, biz Germaniyede yahawatqan Sherqiy türkistanliqlarmu yeqin tariximizda qurulghan bu muqeddes ikki jumhuriyitimizdin cheksiz iptixarlinish we pexirlinish hes qilimiz, shundaqla bu ikki jumhuriyitimizni barliqqa keltürgen qehriman ejdatlirimizni hörmet we seghinish tuyghusi ichide yad etimiz !

Germaniyediki qerindashlirimizning diqqitide bolghayki, mushu yekshenbe küni, yeni, 2014 - yili 11 - ayning 16 - küni saet 11:00 – 13:00 de DUQ merkizi orgini we Yawropa Sherqiy Türkistan Birlikining yighin zalida jumhuriyet bayrimimizni qutluqlash we shehidlirimizni xatirilesh paaliyiti uyushturulmaqchi, shunga, pütün Germaniyede yashawatqan barliq qerindashlimizni bu ehmiyetlik paaliyitimizge toluq ishtirak qilip berishini telep qilimiz !

Qoshumche : shu küni chüshtin keyin yene yuqarqi teshkilatlirimizning we Germaniye chonglar meshripining orunlashturushida DUQ ning sabiq muawin reyisi, milliy ustazimiz merhum Hüsen Hasen ependimning rohigha atap mexsus nezir berilidu we qurani – kerim oqulidu.

Hörmet we ehtiram bilen :

DUQ merkizi orgini
Yawropa Sherqiy türkistan birliki
Germaniye uyghur ayalliri komiteti