PDA

View Full Version : Örkesh Döwlet Germaniyediki chonglar meshripide



Qurultay uchuri
24-08-14, 15:54
Örkesh Döwlet Germaniyediki chonglar meshripide

8 – ayning 22 – künidin etibaren Germaniyening München shehride uyghur jamaiti bilen uchrushush we söhbet elip beriwatqan Örkesh Döwlet ependim, bügün ( yekshenbe ) München shehridiki Teklimakan Resturanida ötküzülgen Germaniye chonglar meshripige sherep mehmini süpitide qatniship, uyghur taamliridin, tembur we duttar bilen orunlanghan yarqinliq naxshilardin, yumur, letipe we chaqchaqlardin qanghiche hozur aldi, bügünki meshrepke qatniship xuddi wetinige berip qalghandek bir illiq tuyghugha kelgenlikini bildürgen Örkesh ependim, meshrepning beshida 30 oghulgha qilghan sözide, nöwette weten ichidiki xelqimizning ehwalining intayin jiddi we xeterlik ikenlikini, chetellerde yashawatqan uyghurlarning her zaman weten ichidiki xelqimiz bilen bir nepes we bir yürek bolup, özlirining milliy mejburiyitini ada qilishi lazimliqini tekitlidi, Örkesh ependim sözide yene, bu qetim özining Germaniyediki uyghur qerindashliri bilen uchrashqanliqidin intayin memnun bolghanliqini, Germaniyediki qerindashlirining weten ichidiki eziliwatqan xelqini esidin chiqarmay, ularning yürek sadasini dunya jamaetchilikige anglitish üchün tirishchanliq körsitiwatqanliqidin intayin xursen we minnetdar bolghanliqini, öziningmu bir uyghur perzenti bolush süpiti bilen, weten ichide eziliwatqan qerindashlirining ehwalini dunya jamaetchilikige anglitish üchün pütün küchi bilen tirishchanliq körsütüp kelgenlikini we bundin keyinmu özining bu milliy mejburiyitini dawamliq ada qilishqa tirishidighanliqini bildürdi.

Meshrep bashlinishtin burun, DUQ ning Germaniyediki mesulliridin Esqerjan, Dolqun Eysa, Enwerjan, Perhat Yorungqash, Ablimit Tursun, Turghunjan Alawuddun hajim, Enwer Ehmet; Weli Tursun qatarliqlar we meshrepning qazi, yigit beshi, pashshaplirimu qisqiche söz qilip, Örkesh Döwlet ependimning bundin keyinmu yene uyghur xelqining dawasini xelqara jamaetchilikke anglitishta dawamliq türde tirishchanliq körsitidighanliqigha bolghan ishenchliri we arzulirini ipade qilishti.
Arqidin meshrep resmi bashlandi we ili meshripining omomi shekli janlanduruldi.

DUQ xewer merkizi