PDA

View Full Version : Germaniyede Yeken qirghinchiliqigha qarshi namayish ötküzüldi



Qurultay uchuri
04-08-14, 16:07
Germaniyede Yeken qirghinchiliqigha qarshi namayish ötküzüldi

Bügün, yeni, 8 – ayning 4 – küni Germaniyediki uyghurlar Xitayning München shehridiki konsulxanisining aldigha toplunup, Xitay hakimiyitining 28 – iyoldin etibaren Yeken nahiyesining birqanche yezisida uyghur dehqanlirigha qarita elip beriwatqan keng kölemlik qirghinchiliqigha, shundaqla yene Sherqiy türkistan miqyasida uyghurlargha qarita jiddi yolgha qoyuwatqan döwlet terör siyasitige qarshi keng kölemlik naraziliq namayish ötküzdi.

DUQ merkizi orginining biwaste uyushturushi we Yawropa sherqiy türkistan birliki, Germaniye uyghur ayalliri komiteti, Sherqiy türkistan informatsiyon merkizi qatarliq teshkilatlirimizning aktip maslishishida ötküzülgen bu qetimqi namayishqa, München shehride yashawatqan uyghurlar we Germaniyening bashqa rayonliridin kelgen uyghurlar, shundaqla bir qisim Türk teshkilatlirining wekilliridin bolup köp sanda kishi qatnashti.

Xitay konsulxanisi aldida Sherqiy türkistanning ay – yultuzluq kök bayriqi jewlan qildi, namayishchilarning xitaygha qarshi töwlighan jarangliq shoarliri etrapni lerzige saldi.

Namayish jeryanida, aldi bilen bu qetimqi namayishqa riyasetchilik qilghan DUQ ijrahiye komiteti reyisi Dolqun Eysa ependim söz qilip, namayishchilargha Yeken qirghinchiliqining omomi jeryani we sherqiy türkistanning nöwettiki jiddi weziyiti heqqide tepsili melumat berdi, shundaqla Yeken qirghinchiliqi pash qilinghan we wetendiki xelqimizdin biwaste kelgen ochuq xetni ammigha oqup berdi.

Undin bashqa yene DUQ ning muawin reyisi Ümit Agahi, DUQ teshwiqat – neshriyat komitetining mudiri Perhat Yorungqash, Sherqiy türkistan informatsiyon merkizining reyisi Abdujelil Qaraqash, Yawropa sherqiy türkistan birlikining sabiq reyisi we Dinniy zatlirimizdin Abdujelil Emet Qarihajim, yene shundaqla Türk teshkilatining bezi mesulliri arqa – arqidin söz qilip, Xitay hakimiyitining uyghur xelqighe qaritip keliwatqan we tipik fashistik tüsni alghan qirghinchiliq siyasitini qattiq tenqitlesh bilen birge, chetellerde yahsawatqan pütün Sherqiy türkistanliq qerindashlirimizni özara birlikni yenimu kücheytip, weten ichide qiriliwatqan xelqimizning derdini dunya jamaetchilikige tuyghuzush üchün töhpe qoshushqa chaqirdi.

Bu qetimqi namayish germaniye waqti 16:30 – 18:00 giche dawam qildi.

DUQ xewer merkizi

Unregistered
04-08-14, 16:57
namayish korunushi barmu?

Unregistered
04-08-14, 17:45
namayish korunushi barmu?

Kurgung kelgen adem, chiqmamsen namayishqa !