PDA

View Full Version : Xitayning Yeken qirghinchiliqi heqqidiki yengi sanliq melumatliri, ölgenler jemi 96



Qurultay uchuri
03-08-14, 03:09
Xitayning Yeken qirghinchiliqi heqqidiki yengi sanliq melumatliri:
ikki reteptin ölgenler jemi 96 neper, yarilanghanlar 13 neper, qolgha elinghanlar 215 neper

28 – iyol Yeken qirghinchiliqidin keyin, xitay hökümiti weqening tepsilatini dunya jamaetchilikidin yoshurushqa tiriship kelgen, bu qirghinchiliqni adettiki bir weqe qilip körsütüshke urunghan, desliwide elan qilghan resmi sanliq melumatida, peqetla 13 neper kishining ölgenlikini bayan qilghan idi.

Emma, ijtimayi uchur wastilirida Yeken qirghinchiliqining emiliy ehwali heqqide bezi jiddi uchurlarning tarqilishi, Xitay hakimiyitini deslepte elan qilghan sanliq melumatlarni özgertishke mejbur qildi.

BBC ning xewer qilishiche, 8 – ayning 2 – küni aptonom rayonluq partikom alahide yighin chaqirip, 28 – iyol Yeken qirghinchiliqining ehwali heqqide doklat elan qilghan.
< tian shian tori > teripidin elan qilinghan sanliq melumatta, Yeken qirghinchiliqida etip öltürülghen uyghur 59 neper, ikki terep otturisidiki toqunushta ölgenler 37 neper bolup, bunung 35 nepiri xitay, ikki nepiri uyghur, yarilanghanlar 13 neper, qolgha elinghanlar 215 neper.31 mashina pachaqlap tashlanghan.

Xitay hökümiti bu weqeghe, < weten ichi we sirtidiki terörist teshkilatlar özara birliship teshkilliq, pilanliq we meqsetlik halda elip berilghan eghir derijidiki zorawan teröristik heriket > dep baha bergen.

Xitay metbuatida körsütilishiche, namayishchilar jihad bayriqi kötürüp chiqqanmish.
Emma, wetendin RFA gha we DUQ gha kelgen kelgen bir namsiz xette bayan qilinishiche, Yeken élishquning 14 - , 15 - We 16 - Kentliride 3 mingdin artuq kishi qiriwétilgen. Tünügün dunya uyghur qurultiyigha yollanghan bir namsiz murajietnamidimu, mezkur 3 kentte qetliam yüz bergenliki bayan qilinip, xelqara jamaettin yardem soralghan.

RFA muxpirliri yekenning élishqu yézisigha téléfon qilip mezkur weziyet heqqide melumat igelligen. Ahalilerdin biri, élishquda 5 kündin béri saqchi we qutquzush aptomobillirining toxtimay qatnap tuwatqanliqini bildürüsh bilen birlikte, özining weqe yüz bergen 3 - Kenttiki kishilerdin 28 - We 29 - Iyul künliri mezkur kentlerde kochigha chiqqan kishilerning qara - Qoyuq oqqa tutulghanliqi we 2000 din artuq kishining ölgenlikini anglighanliqini bayan qilghan.

http://www.bbc.co.uk/zhongwen/simp/china/2014/08/140802_xinjiang_attack_detail_released.shtml

DUQ xewer merkizi