PDA

View Full Version : Sherqiy türkistanning üchturpan nahiyeside ghayet zor Altun keni bayqaldi



Qurultay uchuri
31-07-14, 10:16
Sherqiy türkistanning üchturpan nahiyeside ghayet zor Altun keni bayqaldi

Xitay metbuatlirining xewer qilishiche, yeqinda Aqsuning üchturpan nahiyeside Sherqiy türkistan boyiche eng zor altun keni bayqalghan bolup, 2014 – yili 6 – ayghiche peqetla mushu altun kenidin ishlepchiqirilghan altun miqdari 127 tonnigha yetken.

Xitayning 2013 – yilliq altun ishlepchiqirish miqdari 428 tonna bolup, dunya boyiche 7 qetim uda altun ishlepchiqirishta birinchi orunda turup kelgen, xitay boyiche ishlepchiqirilghan altunning mutleq köp qismi Sherqiy türkistandiki altun kanliridin ishlepchiqirilidu.

Aqsunung üchturpan nahiyesi Sherqiy türkistan boyiche eng namrat nahiyelerning biri bolup, terilghu yer az, ishsizliq nisbiti intayin yuquri.

2014 – yili 2 – ayning 14 – küni Üchturpan nahiyeside yene qanliq weqe yüzbérip, 8 neper Uyghur neqmeydanda saqchilar teripidin étip öltürülgen, 4 nepiri yarilanghan, yene 3 nepiri özini öltürüwélishke mejbur bolghan.

Xitay hakimiyiti weqedin buyan bu hedisinimu xuddi yuqarqi kona muqami boyiche < téroristik heriket > dep élan qilip, Üchturpan nahiyesini merkez qilghan halda pütün jenobi rayonlarda Uyghurlargha qarita keng kölemde tutqun qilish herikitini qozghighan, Xitay metbuatlirida bayan qilinishiche, bu atalmish < térorist > lar hökümetning 5 saqchi mashinisini köydüriwetken, yeni, 5 mashinining ziyini üchün 11 Uyghurnung jénini élip, 3 nepirini yarilandurghan.

Emiliyette bu hadisining térorluq bilen héch bir alaqisi yoq bolup, yuqarqi Uyghurlar Xitay saqchi organlirining yéqinqi mezgillerdin buyan Üchturpan rayonida qanunsiz halda Uyghurlarning öyini axturush, oyge toplalunup ibadet qiliwatqan we bashqa ijtimayi murasimlarni ötküziwatqan uyghurlarni tutqun qilish, délil – ispatsiz halda türlük qamaq jazalirigha höküm qilish herikitige qarita bildürgen naraziliq herikiti idi.

http://xj.people.com.cn/n/2014/0731/c188522-21837240.html

DUQ xewer merkizi