PDA

View Full Version : zhouyongkang tutuluptu



Unregistered
29-07-14, 22:31
Xitayning ilgiriki siyasiy qanun komitétining bashliqi,jowuyongkang tutuluptu.

http://news.baidu.com/z/zhouyongkang/zhuanti.html

Jowuyongkang ning qolgha élinishi uyghurlar nimidin dérek béridu?
U ning uyghurlar bilen néme alaqisi bar?

Jowuyongkang xitayda jangzimin dewridin bashlap chong hoquq tutup kelgen.
U jangzimin ning gholluq ademliridin biri.
Uyghurlarni qanliq basturush del jangzimin dewridin bashlinip éghirlashqan.
Jowuyongkang siyasiy qanun komitétining bashliqliq salahidin bilen uyghurlarni basturush buyruqi chüshüreleydighan eng chong yeni birinchi qol emeldar hésablinatti.
Bizge bekrek tonushluq bolghan wangléchüen, wang bekri dégenler ene shu jowuyongkang ning yolyoruqigha asasen gep qilip kelgen.
U oz waqtida qoralliq saqchi qisimni, dölet amanliq idarisini, hem adettiki saqchilarni kontrol qilalaytti.
Hem herbiy qisimdimu melum derijide tesiri bar bolup, heqiqiy xitayning xojisi bolup qalghili az qalghan.

U tutulghandin kiyin uning yalaqchiliridin bolghan wang lé chuen we wang bekri dégendekler arqa arqidin tutulushi mumkin.
Bundaq qanxorlarning tutulup jazalinishi bizni xushal qilidu. Azraq bolsimu yéniklep qélishimiz mumkin.
Biraq biz shuni bilishimiz kérekki buningdin burun uyghurlarni qanliq qirghin qilishqa qatnashqan qanxorlarning hemmisi jazalansimu, xitay hökümitining bizge qaratqan siyasiti qilchilik özgermesliki mumkin.
Biz ularning aldamchiliqlirigha emdi hergiz aldanmasliqimiz kérek.

Jowuyongkang néme üchün tutuldi?
Uning tutulushida bir tereptin naheq ölüp ketken qérindashlirimizning we ularning a’ile tawabatlirining yigha zari seweb bolghan dep qaraymen.
Yene bir tereptin u hazirqi xitay hökümitige tehdit élip kélip, uni közdin yoqitish xitay hökümitining eng muhim qilmisa bolmaydighan ishi bolup qaldi.
Yeni xitayda jangzimin hakimiyiti axirlishidighan waqitta, jangzimin siyasiy qanun komitéti dégen yarning hoquqini yuqiri kötürüp,
Jowuyongkang ni bu orunning bashliqliqigha dessitish arqiliq özi texttin chüshüp ketsimu jowyongkang arqiliq yenila xitayni kontrol qilish hoquqigha érishiwaldi.
Xujintaw textke chiqqanda 8 yil hoquq tutqini bilen yenila amili hoquqi yoq hoquqdar gha aylinip qaldi.
Xujintaw hoquqtin chüshüp kétidighanda hemme hoquqini shijinpinggha ötküzüp bérish, hem siyasiy qanun komitétining derijisini töwenlitish arqiliq shijinping gha heqiqiy hoquqni ötküzüp berdi.
Xitaylarning mish mish geplirige asaslan’ghanda jowuyongkang nechche qatar shijinping ni qesten meqsitige yetelmigenmish.
Ishqilip shijinping 2 yildek échiship axiri jowuyongkang dégenni qolgha alghili küchi yetti dégen gep.

Jowuyongkang ning tutulushi bizge némilerni élip kélishi mumkin?
Jowuyongkang ning tutulushi xitay hakimiyitining heqiqeten shijinping ning qoligha ötkenliki hésablinidu.
Emdi shijinping dégen xitayni burunqi maw zeydung we yaki dingshiyawping dégenlerning hoquqigha ége dep qarisaq bolidu.
Qisqiche qilip éytsaq bu shijinping dégen ning qolida emdi emili hoquqi bar,
Uning könglige insap bérip uyghurlarghimu ademdek mu’amile qilay dep qalsa bashqa gep, bolmisa köridighan künimiz uningdinmu better dégen gep.

Yuqiriqilar men buningdin burun oqughan xitayche maqaliler asasida özümning chiqarghan xulasem.
Bu peqet özümning pikrige wekillik qilidu, xataliqlar köp bolushi mumkin, herqaysinglarning qimmetlik pikirlerni bérishinglarni ümid qilimen.

خىتاينىڭ ئىلگىرىكى سىياسىي قانۇن كومىتېتىنىڭ باشلىقى،جوۋۇيوڭكاڭ تۇتۇلۇپتۇ.

http://news.baidu.com/z/zhouyongkang/zhuanti.html

جوۋۇيوڭكاڭ نىڭ قولغا ئېلىنىشى ئۇيغۇرلار نىمىدىن دېرەك بېرىدۇ؟
ئۇ نىڭ ئۇيغۇرلار بىلەن نېمە ئالاقىسى بار؟

جوۋۇيوڭكاڭ خىتايدا جاڭزىمىن دەۋرىدىن باشلاپ چوڭ ھوقۇق تۇتۇپ كەلگەن.
ئۇ جاڭزىمىن نىڭ غوللۇق ئادەملىرىدىن بىرى.
ئۇيغۇرلارنى قانلىق باستۇرۇش دەل جاڭزىمىن دەۋرىدىن باشلىنىپ ئېغىرلاشقان.
جوۋۇيوڭكاڭ سىياسىي قانۇن كومىتېتىنىڭ باشلىقلىق سالاھىدىن بىلەن ئۇيغۇرلارنى باستۇرۇش بۇيرۇقى چۈشۈرەلەيدىغان ئەڭ چوڭ يەنى بىرىنچى قول ئەمەلدار ھېسابلىناتتى.
بىزگە بەكرەك تونۇشلۇق بولغان ۋاڭلېچۈەن، ۋاڭ بەكرى دېگەنلەر ئەنە شۇ جوۋۇيوڭكاڭ نىڭ يوليورۇقىغا ئاساسەن گەپ قىلىپ كەلگەن.
ئۇ ئوز ۋاقتىدا قوراللىق ساقچى قىسىمنى، دۆلەت ئامانلىق ئىدارىسىنى، ھەم ئادەتتىكى ساقچىلارنى كونترول قىلالايتتى.
ھەم ھەربىي قىسىمدىمۇ مەلۇم دەرىجىدە تەسىرى بار بولۇپ، ھەقىقىي خىتاينىڭ خوجىسى بولۇپ قالغىلى ئاز قالغان.

ئۇ تۇتۇلغاندىن كىيىن ئۇنىڭ يالاقچىلىرىدىن بولغان ۋاڭ لې چۇەن ۋە ۋاڭ بەكرى دېگەندەكلەر ئارقا ئارقىدىن تۇتۇلۇشى مۇمكىن.
بۇنداق قانخورلارنىڭ تۇتۇلۇپ جازالىنىشى بىزنى خۇشال قىلىدۇ. ئازراق بولسىمۇ يېنىكلەپ قېلىشىمىز مۇمكىن.
بىراق بىز شۇنى بىلىشىمىز كېرەككى بۇنىڭدىن بۇرۇن ئۇيغۇرلارنى قانلىق قىرغىن قىلىشقا قاتناشقان قانخورلارنىڭ ھەممىسى جازالانسىمۇ، خىتاي ھۆكۈمىتىنىڭ بىزگە قاراتقان سىياسىتى قىلچىلىك ئۆزگەرمەسلىكى مۇمكىن.
بىز ئۇلارنىڭ ئالدامچىلىقلىرىغا ئەمدى ھەرگىز ئالدانماسلىقىمىز كېرەك.

جوۋۇيوڭكاڭ نېمە ئۈچۈن تۇتۇلدى؟
ئۇنىڭ تۇتۇلۇشىدا بىر تەرەپتىن ناھەق ئۆلۈپ كەتكەن قېرىنداشلىرىمىزنىڭ ۋە ئۇلارنىڭ ئائىلە تاۋاباتلىرىنىڭ يىغا زارى سەۋەب بولغان دەپ قارايمەن.
يەنە بىر تەرەپتىن ئۇ ھازىرقى خىتاي ھۆكۈمىتىگە تەھدىت ئېلىپ كېلىپ، ئۇنى كۆزدىن يوقىتىش خىتاي ھۆكۈمىتىنىڭ ئەڭ مۇھىم قىلمىسا بولمايدىغان ئىشى بولۇپ قالدى.
يەنى خىتايدا جاڭزىمىن ھاكىمىيىتى ئاخىرلىشىدىغان ۋاقىتتا، جاڭزىمىن سىياسىي قانۇن كومىتېتى دېگەن يارنىڭ ھوقۇقىنى يۇقىرى كۆتۈرۈپ،
جوۋۇيوڭكاڭ نى بۇ ئورۇننىڭ باشلىقلىقىغا دەسسىتىش ئارقىلىق ئۆزى تەختتىن چۈشۈپ كەتسىمۇ جوۋيوڭكاڭ ئارقىلىق يەنىلا خىتاينى كونترول قىلىش ھوقۇقىغا ئېرىشىۋالدى.
خۇجىنتاۋ تەختكە چىققاندا 8 يىل ھوقۇق تۇتقىنى بىلەن يەنىلا ئامىلى ھوقۇقى يوق ھوقۇقدار غا ئايلىنىپ قالدى.
خۇجىنتاۋ ھوقۇقتىن چۈشۈپ كېتىدىغاندا ھەممە ھوقۇقىنى شىجىنپىڭغا ئۆتكۈزۈپ بېرىش، ھەم سىياسىي قانۇن كومىتېتىنىڭ دەرىجىسىنى تۆۋەنلىتىش ئارقىلىق شىجىنپىڭ غا ھەقىقىي ھوقۇقنى ئۆتكۈزۈپ بەردى.
خىتايلارنىڭ مىش مىش گەپلىرىگە ئاساسلانغاندا جوۋۇيوڭكاڭ نەچچە قاتار شىجىنپىڭ نى قەستەن مەقسىتىگە يەتەلمىگەنمىش.
ئىشقىلىپ شىجىنپىڭ 2 يىلدەك ئېچىشىپ ئاخىرى جوۋۇيوڭكاڭ دېگەننى قولغا ئالغىلى كۈچى يەتتى دېگەن گەپ.

جوۋۇيوڭكاڭ نىڭ تۇتۇلۇشى بىزگە نېمىلەرنى ئېلىپ كېلىشى مۇمكىن؟
جوۋۇيوڭكاڭ نىڭ تۇتۇلۇشى خىتاي ھاكىمىيىتىنىڭ ھەقىقەتەن شىجىنپىڭ نىڭ قولىغا ئۆتكەنلىكى ھېسابلىنىدۇ.
ئەمدى شىجىنپىڭ دېگەن خىتاينى بۇرۇنقى ماۋ زەيدۇڭ ۋە ياكى دىڭشىياۋپىڭ دېگەنلەرنىڭ ھوقۇقىغا ئېگە دەپ قارىساق بولىدۇ.
قىسقىچە قىلىپ ئېيتساق بۇ شىجىنپىڭ دېگەن نىڭ قولىدا ئەمدى ئەمىلى ھوقۇقى بار،
ئۇنىڭ كۆڭلىگە ئىنساپ بېرىپ ئۇيغۇرلارغىمۇ ئادەمدەك مۇئامىلە قىلاي دەپ قالسا باشقا گەپ، بولمىسا كۆرىدىغان كۈنىمىز ئۇنىڭدىنمۇ بەتتەر دېگەن گەپ.

يۇقىرىقىلار مەن بۇنىڭدىن بۇرۇن ئوقۇغان خىتايچە ماقالىلەر ئاساسىدا ئۆزۈمنىڭ چىقارغان خۇلاسەم.
بۇ پەقەت ئۆزۈمنىڭ پىكرىگە ۋەكىللىك قىلىدۇ، خاتالىقلار كۆپ بولۇشى مۇمكىن، ھەرقايسىڭلارنىڭ قىممەتلىك پىكىرلەرنى بېرىشىڭلارنى ئۈمىد قىلىمەن.