PDA

View Full Version : DUQ namidin Germaniyediki chetellik dostlargha we uyghur jamaitige iptar berildi



Qurultay uchuri
01-07-14, 17:28
DUQ namidin Germaniyediki chetellik dostlargha we uyghur jamaitige iptar berildi

Bügün kechte ( seyshenbe ) DUQ merkizi orgini we Yawropa sherqiy türkistan birliki teshkilati teripidin Germaniyening München shehride kolliktip iptar berildi.

Iptargha, Amerikining München shehridiki bash konsuli, Türkiyening Münchendiki konsulxanisining Dinniy ishlar wekili, München shehrlik chetellikler mejlisining mesulliri, Germaniyediki herqaysi Türk – islam teshkilatlirining asasliq mesulliri, bezi siyasi partiyelerning wekilliri, shundaqla Germaniyediki uyghur jamaitining asasliq wekilliridin bolup 200 ge yeqin kishi qatnashti, iptargha qatnashqanlarning yerimidin köpireki chetellik dostlardin teshkil tapti.

Bu qetimqi iptarning pütün iqtisadi chiqimini DUQ ijrahiye komitetining reyisi Dolqun Eysa, DUQ ning yawropa parlamentida turushluq alahide wekili we Yawropa sherqiy türkistan birlikining reyisi Enwerjan we DUQ fondining mudiri Ümit Tursun ependiler birlikte shexsen öz üstige aldi.

Iptardin burun, Dinniy zatlirimizdin Hezritim teripidin mexsus weten – millet yolida hayatidin ayrilghan barliq eziz shehdlirimizning rohi üchün qurani – kerim oquldi, xelqimizning bexit – saaditi üchün dualar qilindi.

Iptar echilip bolghandin keyin, DUQ ning muawin reyisi Esqerjan ependim söz qilip, aldi bilen milliy rehbirimiz we DUQ reyisi Rabiye xanim namidin, shundaqla pütün Uyghur xelqi namidin, Sherqiy türkistan xelqining erkinlik kürishini qollap kelgen we hesdashliq qilghan chetellik barliq dostlargha alahide rehmet eytti.

Arqidin, < Ürümqi qirghinchiliqining 5 – yilliqida bügünki sherqiy türkistanning weziyiti > digen temida mexsus doklat sundi.
Esqerjan ependim doklatida, 5 – iyol Ürümqi qirghinchiliqining barliqqa kelish sewebi we jeryani, ürümqi qirghinchiliqidin buyanqi sherqiy türkistanning omomi weziyi we Xitay hakimiyitining nöwette uyghur xelqi üstidin yürgüziwatqan qattiq basturush, tutqun qilish we qirghin qilishtek fashistik tüsni alghan döwlet terör siyasiti heqqide etirapliq melumat berip ötti.
Iptar jeryanida yene DUQ merkizi orgini teripidin Ürümqi qirghinchiliqining 5 – yilliqigha atap mexsus hazirlanghan we Sherqiy türkistanning omomiy weziyiti tonushturulghan Germanche – Türkche teshwiqat waraqliri tarqitildi.

DUQ merkizi orgini uzun yillardin buyan her ramazanda uyghur xelqining heqqani milliy kürishini qollap kelgen chetellik dostlargha kolliktip iptar berishni adetke aylandurup kelmekte we bu iptar sorunidin paydilinip Sherqiy türkistan we uyghurlarning weziyitini anglitip kelmekte.

DUQ xewer merkizi