PDA

View Full Version : Germaniyediki DUQ rehberliri Rabiye xanimgha iptar berdi



Qurultay uchuri
29-06-14, 13:04
Germaniyediki DUQ rehberliri Rabiye xanimgha iptar berdi

Milliy rehbirimiz we DUQ reyisi rabiye xanim, Firansiyediki paaliyetlirini muwapiqiyetlik ayaqlashturup, 6 – ayning 28 – küni, yeni Ramazanning birinchi küni Germaniyening München shehrige yetip keldi.

Milliy rehbirimiz Rabiye xanim, Firansiye parlamentida ötküzülgen uyghurlar mesilisi heqqidiki ilmiy muhakime yighinigha we parijda Xitay hakimiyitining döwlet terör siyasitige qarshi uyushturulghan birleshme namayishqa qatnishish üchün mexsus teklip bilen Firansiyege kelgen we Firansiyediki paaliyetlirini intayin muwapiqiyetlik ayaqlashturup zor siyasi ünümge erishken idi.

DUQ ning Germaniyediki asasliq mesulliri München ayruduromigha chiqip Rabiye xanimni qizghin kütiwaldi we kechte mexsus Rabiye xanimning sheripige iptar berdi, bunung bilen Rabiye xanim bu ramazandiki tunji iptarini DUQ ning Germaniyediki rehberliri bilen birge qilish pursitige ige boldi.

Weten ichide Sherqiy türkistanning musteqilliqi we öz xelqining erkinliki, hörlüki we azatliqi yolida qurban bolghan barliq shehidlirimizning rohigha atap oqulghan dua – tilawet bilen bashlanghan bu qetimqi iptarda, DUQ ning muawin reyisliridin Ümit Agahi, Esqerjan, DUQ ijrahiye komitetining reyisi Dolqun Eysa, DUQ ning yawropa parlamentida turushluq alahide wekili we yawropa sherqiy türkistan birlikining reyisi Enwerjan, DUQ dinniy ishlar komitetining mudiri Turghunjan hajim, DUQ teshwiqat – neshriyat komitetining mudiri we yawropa sherqiy türkistan birlikining bash katipi Perhat Yorungqash qatarliqlar Rabiye xanimgha hemra boldi.

Rabiye xanim iptarda qilghan sözide, aldi bilen weten ichi we sirtidiki pütün Sherqiy türkistanliqlarning mubarek Ramazan eyini qutluqlaydighanliqini bildürdi we pütün erkin dunya mosulmanliri zor xoshalliq, shatliq we bexit tuyghusi ichide mubarek ramazan eyini ten – tene qiliwatqan bügünki künde, Sherqiy türkistan mosulmanlirining mustebit Xitayning döwlet terör siyasiti tüpeylidin cheksiz azap – oqubetlerge muptila boluwatqanliqini, bu göher ziminning her bir tupriqining shehidlirimizning issiq qeni bilen buyalghanliqini, xelqimizning qanliq köz yashliri we nale – peryadlar ichide mubarek ramazan eyigha qedem basqanliqini tekitlep ötti.

Rabiye xanim sözide yene, chetellerde yashawatqan pütün qerindashlirimizni yüksek milliy roh we milliy mesuliyetchanliq tuyghusi ichide özara yenimu ittipaqliship, 5 – iyol Ürümqi qirghinchiliqining 5 – yilliqini xatirilesh we xitayning qirghinchiliq siyasitige qarshi turush üchün herqaysi ellerde elip berilidighan namayishlargha aktipliq bilen qatnishishqa, weten ichichidiki xelqimiz bilen bir ten, bir wujut bolushqa, ularning qayghusigha ortaq bolup, ular bilen bolghan rishtisini yenimu kücheytishke chaqirdi.

Iptardin keyin, Rabiye xanimning biwaste riyasetchilikide DUQ ning merkezdiki rehberlirining qatnishishida mexsus yighin ötküzülip, 5 – iyol Ürümqi qirghinchiliqining 5 – yilliqini xatirilesh paaliyetliri, Uyghur muhajirlar mesilisi, aldimizda ötküzülidighan Dinniy erkinlik yighini, DUQ ning teshkili we iqtisadi mesililiri, shundaqla weten ichining nöwettiki weziyiti we xitayning qirghinchiliq siyasitige qarshi dunya miqyasida elip berilidighan naraziliq heriketliri … qatarliq mesililer heqqide etirapqiliq muzakire elip berilip, bu jehetlerde tepsili we jiddi orunlashturushlar elip berildi.

Rabiye xanim Germaniyediki bir künlük paaliyetlirini axirlashturup, bügün seher zoluqtun keyin Amerikigha yürüp ketti.

DUQ xewer merkizi

Unregistered
30-06-14, 14:55
Rabiye animizning we pütün qerindashlirimizning Ramazan eyigha mubarek bolsun !

Unregistered
30-06-14, 17:13
Putun dunyadiki uyghur xalqining ulugh ramzan ayini qizghin tabrikleymen shunung bilen birge Milli herkitimizning rehbiri,DUQ reisi Hormetlik Rabiye xanimgha Ramzan munasiviti bilen mubarek sozi yollaymen,ve samimi hal soraymen.Allah Rabiye animizge kuch-quvet ata qilsun,salametligini yaxshi qilsun,omrini uzun qilsun Amin!
Altiok(Turkiye)