PDA

View Full Version : Bir Uyghur Ayalning Amérika Prézidéntigha Yazghan Ochuq Xéti



Unregistered
01-04-14, 15:11
Oghrining "Oghri" Tutushi
Bir Uyghur Ayalning Amérika Prézidéntigha Yazghan Ochuq Xéti

Ilawe: Mezkur ochuq xette ipadilen'gen közqarash we pikirler peqet aptorgha xas bolup héchqandaq teshkilat yaki organlargha wekillik qilmaydu. Mezkur ochuq xetni we uning én'glizche nusxisini herqandaq shexs we organning soda xaraktérini almighan halda ashkara tarqitishigha toluq ijazet bérildi.

Hörmetlik Prézidént Obama Janapliri:
Men Amérikida yashawatqan bir Uyghur, yene kélip chet'ellik ayal bolsammu qayta-qayta oylinish arqiliq yenila bu ochuq xetni sizge yézish qararigha keldim. Chünki bu xetni men shexsiy mesililer üchün emes, belki yer sharining u teripide yashawatqan, komunizimning tömür mushti astida éziliwatqan on bir milyon Uyghur xelqning hazirqi échinishliq ehwaligha sewr qilalmighanliqimdin yézip chiqish qararigha kelgenmen.
Périzidént ependim, Uyghurlar xitayning gherbiy shimaligha jaylashqan Sherqiy Türkistan (bu nam Uyghurlarning wetinining tarixiy nami bolsimu xitay hakimiyiti bu namni tilgha élishni qanun arqiliq men'i qilghan, chünki bu nam xitay hökümitining mezkur rayon'gha bergen "shinjang" [menisi "yéngi chégra"] dégen nami bilen we xitay hakimiyitining mezkur rayonning xuda insanni yaratqan kündin tartip xitay dölitige tewe bolup kelgen dégen sepsetisi bilen qarimu qarshi bolghan siyasiy menani uqturghanliqi üchün bu nam sh t diki eng zor siyasiy jinayetke wekillik qilidu) teweside sh u a r , yeni junggo zéminining altidin birini teshkil qilidighan, junggoning eng zor néft, tebi'y gaz we yer asti bayliqliri jaylashqan ölkide yashaydighan türkiy tilliq musulmanlar. Men gerche sizning dölitingizge sekkiz ayning aldida kelgen bolsammu mushu qisqighine waqit ichide sizning dölitingiz toghriliq nurghun nersilerni chüshendim. Eng muhimi insanning eslide qandaq yashishi kéreklikini, insan bolghuchining qandaq hoquqlargha ige bolidighanliqini mushu yerde, peqet mushu zéminda andin bildim. Men bashlan'ghuch mektepke oqushqa kirgen baliliq waqitlirimdin bashlap "kapitalizim bu dunyaning dowziqi, sotsiyalizim bolsa emgekchilerning jenniti" deydighan yétekchi idiyede ösüp chong bolghan idim. Kéyinche ashundaq qizghinliqning türtkiside aliy mektepte oquwatqan waqitlirimda J K P gha ezamu bolghan idim. Men xizmetke chiqqan waqitlardin bashlap mushu "jennet" ni weyran qilishni meqsed qilghan "milliy bölgünchiler" ning buzghunchiliq pa'aliyetliri we kéyinche ularning "térorluq" qilmishlirining kéngiyip barghanliqini gézit we téliwizorlardin tola köridighan boldum. Kéyinche bundaq "yaman niyettiki kishiler"ning amérika jahan'girliki iqtisadiy we siyasiy jehettin qollawatqan bir türküm yaman niyetlik kishilerning qutraquluq qilishi arqiliq 2009 – yili 7 – ayning 5 – küni ürümchide weqe chiqarghanliqi barliq teshwiqat wastilirida teshwiq qilinidighan boldi. Emma méning bir hayat insan süpitide 5-iyul weqesining aldi keynide Sh.U.A.R da körgenlirim, andin qalsa amérikigha kelgendin kéyin bu yerde ilgiri körüsh imkaniyiti bolmighan nurghunlighan "ammiwi" mexpiyetliklerdin xewerdar bolushum méni qolumgha qelem élishqa mejbur qildi. Chünki men amérikigha kélip hés qilghan bir muhim mesile shu boldiki, barliq axbarat wastiliri J K P teripidin qattiq kontrou l qilin'ghan junggodiki Uyghurlarning heqiqiy ehwalini amérika xelqi asasen chüshenmeydiken.
Uyghurlarning tarixiy wetini bolghan Sherqiy Türkistan 1949 – yili xitay armiyisi teripidin bésiwélin'ghandin kéyin 1955 – yili Sh.U.A.R qilip özgertip teshkillendi. Uyghurlar özlirining tarixiy saddiliq xaraktéri boyiche xitay tewelikidin ayrilmisila aptonomiyedin behrimen bolup güldek yashaydighanliqi heqqide wediler bérildi. Emma kéyinki emeliyet buning pütünley bir siyasiy aldamchiliq bolghanliqini körsetti. Uyghurlar ta hazirghiche mezkur aptonomiyening peqet qeghez yüzidila mewjut bolghanliqini, emiliyette héchqandaq aptonomiyelik hoquqlarning ishqa ashmighanliqini achchiq pushayman ichide hés qilip yetti. Chünki aptonomiye bérilgen Uyghurlargha yuquridin töwen'giche héchqandaq siyasiy hoquq bérilip baqmidi. Xitay jumhuriyiti özliri bash bolup bir qolluq tüzüp élan qilghan aptonomiye qanunimu peqet qeghez yüzidila saqlinip qaldi. Emma xitay hakimiyitining saxtipezlik bilen tolghan bashqurush sistémisi izchil türde "komunistik partiye hakimiyetke rehberlik qilish" dégen tüp pirinsip boyiche ish körgenliktin Uyghurlar körünüshte birinchi qol wezipige qoyulidighan Sh.U.A.R rayonluq hökümet organliridin tartip yéziliq hökümetlergiche bolghan barliq hökümetler birdek xitay sékrétérliqidiki J K P ning shu derijilik shöbisige biwaste boysunidighan qilip layihelen'gen siyasiy qurulmining qurbanigha aylinip ketti. Mushundaq siyasiy hiyligerlik arqiliq xitay hakimiyiti namda aptonomiye qurghan bolup emeliyette xitaylarning sh t diki biwaste hökümranliqini yüksek derijidiki aliy imtiyazgha ige qildi. Buning xitayning asasiy qanunigha we aptonomiye qanunigha éghir derijide xilap ikenlikini eskertken herqandaq kishi rehimsizlik bilen "döletke qarshi siyasi düshmenlik" bilen eyiblen'genliki üchün bu mesilini herqandaq derijidiki Uyghur rehber özining xususiy bixeterliki üchün tilgha alalmaydighan bolup qaldi. Söz we metbu'ar erkinliki bolmighan muhittiki awam puqralarning mewjut siyasiy mesililer heqqide héchqandaq muhakime qilish hoquqi bolmighanliqtin özlirining mewjut mesililerning sewebliri we uni hel qilishning chariliri heqqide hés qilghanlirini ipadileshning héchqandaq yoli ulargha nésip bolmidi. Xitayning asasiy qanunida belgilen'gen söz we metbu'at erkinliki heqqidiki maddilardin paydilinip Uyghurlarning heq hoquqlirini qoghdimaqchi bolghanlar tézdin siyasiy töhmetlerning qurbanigha aylinip jazalandi. Puqralarning qanunda belgilen'gen heq hoquqliridin bolghan namayish pa'aliyiti hakimiyetke qarshi kolliktip herket meniside chüshinilgenliktin Uyghurlarning herqandaq shekildiki namayish pa'aliyiti derru qoralliq saqchilarning basturushigha duch kelse bolidighanliqi hakimiyet organliri teripidin kapaletke ige qilindi.
1955 – Yili Sh.U.A.R qurulghanda Sherqiy Türkistan nopusining töt pirsentini igileydighan, omumiy sani 300 mingghimu yetmeydighan xitay nopusi atmish yilliq (ichkiridin) pilanliq nopus yötkesh stratégiyisi netijiside hazirqi künde sani on milyondin éship sh t nopusining 50 pirsentini igileshke bérip yetti. Bundin kéyinki nopus köchürüsh yönülishidin qarighanda bu san yéqin kelgüside tik siziq boyiche örlep méngish yönülishide ikenliki muqimliship boldi. Netijide hazirqi künde Uyghurlar özlirining wetinide yochun kishilerge aylinip qélip xitayning asmilatsiye siyasitidiki eng qorqunchluq bolghan nopus köchürüsh arqiliq yoqitiwétish süyqestining qurbanigha aylinip kétiwatidu. Junggo hökümiti izchil halda Uyghurlarning mewjut bolushini özliri üchün xewp dep qarighanliqtin hazir ularni bir millet süpitide yoq qiliwétishning pilanini tüzmekte. Buning üchün aldi bilen Uyghurlarning tilini yoqitishning muhimliqini tonup yetken xitay hökümiti "qosh tilliq oqutush" yeni Uyghurlar xitay tili öginish bilen birge xitayche öginish meqsed qilin'ghan ma'aripni yolgha qoyush bahaniside emiliyette noqul xitay tilining qollinilish da'irisini kéngeytish, Uyghur tilini mejburiy yosunda cheklesh meqsed qilin'ghan saxta "qosh tilliq" oqutush qurulushini omumiyüzlük kéngeytmekte. Gerche xitay asasiy qanunida herqaysi milletlerning öz ana til yéziqini ishlitish hoquqi barliqi alahide tekitlen'gen bolsimu hazir bu maddilarni eslitip ötüsh bir türlük jinayet bolup qalmaqta. Netijide bu xil saxta qosh til siyasiti astida Uyghur balilar yesli muhitidin tartip xitayche öginishni bashlighanliqtin ularning öz tilini öginish imkaniyiti qalmaywatidu. Men amérikigha kélip hés qilghanlirimning biri shu boldiki, amérikigha kelgen herqandaq bir köchmen aldi bilen én'gliz tili öginish arqiliq bu yéngi muhitta yashash iqtidarini igileydiken. Emma bizning wetinimizge köchüp kelgen xitay köchmenliri siyasiy hakimiyetning arqa tirek bolushi arqisida yerlik xelqlerni köchmenlerning tilini öginishke mejbur qilmaqta. Til mesilisini bahane qilip Uyghurlarni barche xizmet pursetliridin chetleshtürmekte. Netijide xitayning eng zor néfit, tebi'y gaz we yer'asti bayliqliri bazisi bolghan sh t de barliq tebi'iy bayliqlar héchqandaq tosalghusiz pütünley yosunda ichkiri xitaygha toshup kétilsimu Uyghurlarning wetinide Uyghurlar hemmila yerde chetke qéqilip sani milyonlap köpiyiwatqan xitay köchmenliri teripidin siqilip, Uyghurlar ishsiz bolush, xitay boyiche eng namrat bolush halitige chüshüp qalmaqta. Xitay dölitining "shinjangni tereqqi qildurush" namida salghan meblighi sh t din toshup kétiliwatqan tebi'y bayliqlarning yüzdin birige yetmisimu, bu xildiki "dölet meblegh sélish" tin behrimen boluwatqanlar pütünley köchmen xitaylar bolmaqta. Bu xildiki meblegh sélishning yerlik Uyghurlarning iqtisadiy jehettiki yaxshilinishigha héchqandaq menpe'eti tegmeywatidu.
Sherqiy Türkistan'gha barghan herqandaq amérikiliq sayahetchi shuni bayqayduki hemmila jayda ashkara közge chéliqidighini diniy étiqadni cheklesh mezmunidiki pilakatlardur. Uyghurlarning diniy étiqadini Uyghur kimlikining saqlinip qélishidiki bir asasliq sewep dep qarawatqan xitay döliti hazir Uyghur millitini asmilatsiye qilishtiki yene bir aktip tedbir süpitide Uyghurlarning diniy étiqadini yoqitish bilen aktip meshghul bolmaqta. J K P bash bolup tüzüp chiqqan xitay asasiy qanunida puqralarning din'gha étiqad qilish erkinlikining barliqi, buninggha arilashqan yaki tosqunluq qilghuchilarning qanun boyiche jazalinidighanliqi éniq belgilen'gen. Lékin hazir J K P ning Sherqiy Türkistandiki shöbisi bash bolup puqralarning asasiy qanunda belgilen'gen hoquqini depsende qilmaqta. Asassiy qanun'gha xilapliq qilishtek bundaq dölet zorawanliqi heqqide muhakimiye yürgüzgüchi herqandaq Uyghurni "milliy bölgünchilik xahishida bolghan" dégen siyasi bednam bilen jazalawatidu. Uyghur en'eniwi medeniyitidiki saqal burut qoyush, ayallar yaghliq we romal artishtek eqelliy kiyinish adetlirimu diniy étiqad we zorlap uninggha baghlan'ghan diniy esebilikke yatquzulup saqal burut qoyghanlarni taksi, aptobus qatarliq transport wastilirige chiqarmasliq, doxturxana tewelikige ularni yéqin keltürmeslik, kutupxanilargha kirgüzmesliktek tarixta misli körülmigen dölet fashizimi yürgüzüliwatidu. Ramizan mezgilliride bashlan'ghuch mekteptin tartip aliy mektep oqughuchilirighiche qerelsiz halda mejburiy tamaq tarqitilip oqughuchilarning ramizan tutqan tutmighanliqi tekshürülmekte, ramizan tutqan oqughuchilarning 18 yashtin ashqan qoramigha yetken we döletning asasiy qanuninidiki diniy étiqad erkinliki boyiche özi xalap ramizan tutqan kishi bolushidin qet'inenez birdek türlük jazalar arqiliq jazalimaqta, shu arqiliq yashlarning diniy étiqadliq bolushigha soghuq su sepmekchi boluwatidu.
Hörmetlik prézidént ependim, belkim sizning xewiringiz bolushi mümkin. Uyghurlar xitay tewesidiki sani eng köp bolghan musulman étnik guruppilarning biri. Emma Uyghur musulmanliri xitay hökümiti xunukleshtürüp körsetkendek amérika hökümitige we amérika xelqige qarshi térorchilar emes. Eksiche Uyghurlar amérikini we amérika xelqini söyidu. Chünki 11 milyon Uyghurning neziride amérika dunya tinchliqining qoghdighuchisi, dunyadiki démokratiye we adilliqning ijrachisi. Amérika xelqige oxshash Uyghurlar barawerlikni we tinchliqni hemmidinmu bek söyidighan insanlar. Eger Uyghurlartartqan jewr zulumning ornida bashqa herqandaq bir musulman xelq bolghan bolsa xitay hakimiyitining 60 yildin buyan yürgüzgen siyasiy, milliy we iqtisadiy zulumlirigha berdashliq bérip bügünki kün'giche yashimighan bolatti. Xitay hökümiti peqet 11-sintebir térorluq weqesidin kéyin amérika hökümitining térorluqqa qarshi küreshke atlan'ghanliqidin ustiliq bilen paydilinip özlirining Uyghurlargha qaratqan étnik yoqitish urushini "térorluqqa qarshi küresh" dep perdazlap kelmekte. Emiliyette bolsa Uyghurlarning mewjut xata siyasetlerge bolghan herqandaq pikirliri "dölet hakimiyitige bolghan düshmenlik" dep chüshendürülmekte. Tinchliq sheklidiki namayishliri bolsa "hakimiyetke qarshi kolliktip herket" dep basturulmaqta. Halbuki dölet térorizimining eng zor qurbanigha aylan'ghan Uyghur xelqi bolsa eksiche halda térorchi hakimiyet teripidin "térorchilar" dep qalpaq kiygüzülmekte. Emiliyette bolsa Uyghur xelqining térorluq bilen qilche alaqisi yoq idi. Uyghurlarning hazirqi herxil shekillerdiki xitay kompartiyesige qarshi küreshliri xitay hökümitining insan chidap turghusiz bolghan fashistik xaraktérdiki siyasiy, iqtisadiy, medeniyet siyasetlirining bésimi astida Uyghurlarning eng eqelli bolghan insaniy mewjutluqini, insaniy heq hoquqlirini saqlap qélish, bir insan süpitide yashash intilishide bolushqa mejburlan'ghanliqining ipadisidin bashqa nerse emes. Siz oylap körüng: xitaygha oxshash dunyadiki derijidin tashqiri bir chong döletni asasliq énirgiye menbesi bilen teminlewatqan, béyjing teripidin saxta aptonomiye arqiliq aldinip siyasiy jehettin mehbus milletke aylandurulghan, dölet hakimiyitining biwaste qollishi arqisida hedep namratliq girdawigha ittiriliwatqan, öz tilida sözleshtin mejburiy yosunda men'i qiliniwatqan, ming yildin uzaq tarixqa ige diniy étiqadidin wazkéchishke mejburliniwatqan, hetta insan'gha xas saqal burut qoyush erkinlikidinmu mehrum qiliniwatqan, mewjut boluwatqan shunchiwala mesililerdin birerni tilgha alsa derhal "milliy bölgünchilik" ke baghlinip siyasiy jinayetchige aylinip qalidighan mushundaq tarixita misli körülmigen bir fashistik siyasiy muhittiki xelq mewjut hakimiyetke qandaqmu teshekkür éytip jim olturalisun. Uyghurlarda "yétip qalghiche étip qal" deydighan maqal bolghanliqi üchün Uyghurlar qolida tömürning sunuqi yoqluqigha qarimay istibdat hakimiyetke qarshi qed kérip chiqishqa mejbur bolmaqta. Mana bu xitay hakimiyiti "térorchilar" dep atawatqan Uyghurlarning heqiqi ehwali.
Hörmetlik President ependim. Xitaydiki 11 milyon Uyghur xelqi J K P ning siyasiy, milliy, iqtisadiy we medeniyet jehetlerdiki fashistik diktaturisi astida bir eqelliy insan süpitide yashashqimu ilajisiz qalmaqta. J K P ning dölet térorizimi asasidiki siyasi tüzülmsi bolsa özlirining Uyghurlargha qaratqan étnik qirghinchiliqini xelq menpe'etini qoghdighanliq, Uyghurlarning fashistik diktaturigha qarshi herqandaq pa'aliyiti "térorluq" dep teswirlep kelmekte. Qatmu qat zulumlar astida éziliwatqan, izishning éghirliqidin dunyagha öz halini éytishqimu majali yetmeywatqan Uyghurlar hazir amérika bashchiliqidiki démokratik döletlerdin yardem kütmekte. Jümlidin hörmetlik prézidéntning dawamliq türde démokratiye we barawerlikning béhishi bolghan döletning rehbiri bolush süpiti bilen J K P ning insaniyetke, medeniyetke we din'gha qarshi fashistik siyasetlirige qarshi heqiqetni jari qildurushini, adalet üchün özining amérika asasiy qanunida belgilen'gen mejburiyiti boyche xitay fashizimining dawamliq kéngiyip dunya xelqi üchün yene bir qétimliq mislisiz apet élip kélishining aldini élishqa herket qilishini jiddiy iltimas qilimen.

Ochuq xetni yazghuchi:
Gülnür Osman

Unregistered
01-04-14, 22:05
for the english text:

http://forum.uyghuramerican.org/forum/showthread.php?34340-A-Uyghur-Woman-s-Open-Letter-Barack-Obama-the-President-of-the-USA

aq tirek
01-04-14, 23:33
Hurmetlik Gulnar Hede/Singil;20 yillardin biri Washington ettirapidiki uyghurlar ozining sharaitining yar birishiche her-hil shekilde Hitay fashishtlirigha qarshi kuresh qilip keldi . hem tohtatmaydu. siz wetendin kelgini tihi bir yil bolmay shunchilik yahshi ochuq hetni yizip Prizdent Obama janaplirigha yollapsiz. buning uchun men oz ailem namidin sizge rehmet itimen. chet eldiki uyghur dawasigha bir kishilik hessingizni qoshupsiz ,hizmetliringiz dawa qilishning yingi sehipisi bolup qalghusi. Sizdek ot yurek Hede/Sillirimiz kopiyiwersun ,kopiyiwersun...

Unregistered
02-04-14, 00:31
Hurmetlik Gulnar Hede/Singil;20 yillardin biri Washington ettirapidiki uyghurlar ozining sharaitining yar birishiche her-hil shekilde Hitay fashishtlirigha qarshi kuresh qilip keldi . hem tohtatmaydu. siz wetendin kelgini tihi bir yil bolmay shunchilik yahshi ochuq hetni yizip Prizdent Obama janaplirigha yollapsiz. buning uchun men oz ailem namidin sizge rehmet itimen. chet eldiki uyghur dawasigha bir kishilik hessingizni qoshupsiz ,hizmetliringiz dawa qilishning yingi sehipisi bolup qalghusi. Sizdek ot yurek Hede/Sillirimiz kopiyiwersun ,kopiyiwersun...

"Aq Tirek" Xanim, bu maqaligha Baha birish, Tehlil qelishning Aldini tosup qoymang. he dese maxtap kokke uchurmay turung. oqurmenlerning Pikri bardur, ular sozlisun. Obama rastinla tesirlinemdu yaki yaqmu? uningha qarang. Kilintondek Urumchige Berip Amerika Elchixanisi Achamdu-uningha qarang. andin kiyin Gulnur Xanimgha Gul-chembirek esip maxtisingizmu ulguridu.

Siz oqughan bu Uyghurche "Xet"ning qisiqiche Tarixi bar: http://forum.uyghuramerican.org/forum/showthread.php?34340-A-Uyghur-Woman-s-Open-Letter-Barack-Obama-the-President-of-the-USA

bunimu oqup qoyung. Aldirap chawak chalmang. Uyghurlarning Ehwali kundin-kunge yamanlishiwatqanliqidin xewiringiz yoqmu?
Kichik Xenim?! qolingiz aghrip ketmisun demekchimen... Estexpurulla- Apla Juma ! degen bolidu. Turkchidiki Menasi - Undaq bolamdighan, kechurgeysiz...degen bolidu.

Unregistered
02-04-14, 08:09
Gulnar singnim mushu hildiki yazmiliringiz ,yaki paaliyetliringiz bolsa kengeytiwiring, yaziwiring 90% uyghurlar sizni qollaydu.sizge gheyrt tileymen.

Unregistered
02-04-14, 09:03
"Aq Tirek" Xanim, bu maqaligha Baha birish, Tehlil qelishning Aldini tosup qoymang. he dese maxtap kokke uchurmay turung. oqurmenlerning Pikri bardur, ular sozlisun. Obama rastinla tesirlinemdu yaki yaqmu? uningha qarang. Kilintondek Urumchige Berip Amerika Elchixanisi Achamdu-uningha qarang. andin kiyin Gulnur Xanimgha Gul-chembirek esip maxtisingizmu ulguridu.

Siz oqughan bu Uyghurche "Xet"ning qisiqiche Tarixi bar: http://forum.uyghuramerican.org/forum/showthread.php?34340-A-Uyghur-Woman-s-Open-Letter-Barack-Obama-the-President-of-the-USA

bunimu oqup qoyung. Aldirap chawak chalmang. Uyghurlarning Ehwali kundin-kunge yamanlishiwatqanliqidin xewiringiz yoqmu?
Kichik Xenim?! qolingiz aghrip ketmisun demekchimen... Estexpurulla- Apla Juma ! degen bolidu. Turkchidiki Menasi - Undaq bolamdighan, kechurgeysiz...degen bolidu.

hey burader, heqiqeten mahtighuchiligi bar hat ikangu? bir karisa addiy, emma manasi bek yah'shi gepler bilen yeziptu. angilis tilidikisimu bar ikan, mana bu "qosh tilliq" boptu. rehmet sizge gulnar hanim.

Unregistered
02-04-14, 12:51
"Aq Tirek" Xanim, bu maqaligha Baha birish, Tehlil qelishning Aldini tosup qoymang. he dese maxtap kokke uchurmay turung. oqurmenlerning Pikri bardur, ular sozlisun. Obama rastinla tesirlinemdu yaki yaqmu? uningha qarang. Kilintondek Urumchige Berip Amerika Elchixanisi Achamdu-uningha qarang. andin kiyin Gulnur Xanimgha Gul-chembirek esip maxtisingizmu ulguridu.

Siz oqughan bu Uyghurche "Xet"ning qisiqiche Tarixi bar: http://forum.uyghuramerican.org/forum/showthread.php?34340-A-Uyghur-Woman-s-Open-Letter-Barack-Obama-the-President-of-the-USA

bunimu oqup qoyung. Aldirap chawak chalmang. Uyghurlarning Ehwali kundin-kunge yamanlishiwatqanliqidin xewiringiz yoqmu?
Kichik Xenim?! qolingiz aghrip ketmisun demekchimen... Estexpurulla- Apla Juma ! degen bolidu. Turkchidiki Menasi - Undaq bolamdighan, kechurgeysiz...degen bolidu.

rawaj tapmaydighan pishtliq.bir ademning maqalisigha bolsimu ijabi pikir qilip baqsangchu.ozeng bolsang sapla pelipetish bir nersilerni yazisen guy,buninggha xeqning inkas yazmighanliqi uni yaqturghanliqidin emes ..... hormet bilen sekkizoq(meksika)

Unregistered
02-04-14, 16:45
rawaj tapmaydighan pishtliq.bir ademning maqalisigha bolsimu ijabi pikir qilip baqsangchu.ozeng bolsang sapla pelipetish bir nersilerni yazisen guy,buninggha xeqning inkas yazmighanliqi uni yaqturghanliqidin emes ..... hormet bilen sekkizoq(meksika)

haqaretchi adimi haywanlar torgha kirishimizni yene cheklidi. ete dem elish kuni .uyghurlar hgeptide bir Komputergha kiridu. kimlerning yene satqunluq qilghanlirini oquydu-emesma?

oqurmenler www.uyghurensemble.co.uk we www.uyghurpen.com da bizni izdeng.

DUD Teshkilati

Unregistered
03-04-14, 17:48
"haqaretchi adimi haywanlar torgha kirishimizni yene cheklidi". ete dem elish kuni .uyghurlar heptide bir Komputergha kiridu. kimlerning yene qandaq setiwatqanliqini oquydu, we dushembe u Kapitalislarning ishigha ketmise bolmaydu-emesma?". bu meydan Satqunlargha moshunda qelip 22 yildin biri Ongiche qaldi.

DUQ, RFA, UAA mesulliri "Uyghurlar Tarixta uluq mediniyet yaratqan, Indsaniyetke tohpe qoshqan, Jung go xelqining Dikokratiyesi uchun koresh qilip bugunge kelDUQ"dep keldi. bu yawropa, Amerika peqet Uyghurlar qatarliq Mustemlike qilinghan, qul qilinip izilgen Milletlerge Siyasi panaliq, Oy, Xizmet,Oqush Imkaniyitini beridigha Xelqara qanun chiqarghan. 25 yil boldi. musteqil doliti bar Afghanistanliqlar butun Dunyada shirket ichip oz puxralirini ghurbet-japagha tashlimidi. hemmisi ishsiz emes. Kurtler teximu shu ndaq... we bashqilar. 200 mimg dollar bilen Turkiyege chiqqan bir yaxshi niyetlik uyghur 10 nechche yil ilgiri 3 dane resturan echip Turkiyediki ishsiz uyghurlarni baqimen, bir Azatliq teshkilati qurimen dep balayi-apetke uchridi- Erslan degen haramdin bolghan Satqun Turk Polisigha u qerindishimizni chiqip uning yatqan oyini qanunsiz axturtup turmigha solatti. Pullirini musadere qilghizdi. Uluq Tarixchi Merhum Turghun Almasning oghli Murat almas qatarliq uyghurlarni Uyghurlarning setiwalghan Wexpisdin qoghlap chiqarghzdi. Murat Almas Sidiqhaji.Metmusaning olturup turushigha Tahirjanbay teripidin birilgen Oyge teklip qilinip shu yerde qaldi. Murat Almas degen Adash hazir Gullandiyede iken. Satqun DUQ we Erkin Isalar bilen che-chigrani ayrimay merhum dadisining Rohigha xilap ish qilmay Obdan ishlarni qiliwatidu dep anglaymiz. Akisi Qutluq Almas 70 yilliq Tariximizdin xulase chiqiorishoimiz kirek digen idi. emma uni DUQ Jimiqturup qoydi.

bu wexpini Erkin isalar "dadidimizdin qalghan miras"dep yalghan sozlep oz nepsige tartiwalmaqchi bolghan idi. nime boldi bilmeymiz. Turkiye Doliti we Uyghurlarning ehwalidin qilche xewersiz "Turk Milletchi Partiyesi (MHP)" yillardin biri bu Satqunlargha ige chiqip xitay bilen birlikte uyghurlarning Musteqilliq korishini Paltilap keldi.Sadde Turkler 60 yildin biri Isa Yusup alp tikin we uning satqun oghlini xata chshunup keldi. bu heqtiki iniq Pakitlarni Turkiyening 40 yilliq Jornalistliri we Ataqliq Tarixchilirining Ilan qilghan Maqaleliridin ashkare bileleysiz.

Neqiller Siz Uchun:

http://london-uyghur-ansambil-munbiri.18026.n3.nabble.com/template/NamlServlet.jtp?macro=user_nodes&user=a78442865~DUD+Teshkilati+Sozchisi

http://www.meshrep.com/wforum/viewtopic.php?t=14686

http://london-uyghur-ansambil-munbiri.18026.n3.nabble.com/Rabiye-Qadir-Kim-Banu-Avar-Turk-Jornaliste-td4024813.html