PDA

View Full Version : Qanning Esi



Unregistered
16-02-14, 08:14
Washingiton xeli nochi erkekler barken,


http://bbs.misranim.com/thread-119253-1-1.html

Unregistered
16-02-14, 19:24
bek tesirlik yiziliptu, kozlirimdin yax qikip ketti okup bolgiqe. her bir uygurning kequrmixliri bir kitap bolidu. kelimingiz hekiketen yahxi iken.

Unregistered
17-02-14, 05:32
xapa bolmay mushundaq yaxshi maqalilarni latinjige terjime qilip qoysanglar hemmiiz teng hozurlansaq rexmat.

Unregistered
18-02-14, 12:42
Kanning esi digen kanda bar digenliku deymen. Eger bir adem eski bolsa kanda bar huy dep koymizgu adette

Unregistered
18-02-14, 13:15
xapa bolmay mushundaq yaxshi maqalilarni latinjige terjime qilip qoysanglar hemmiiz teng hozurlansaq rexmat.


mana qerindeshim, taza bir oqiweling.

Qanning ési


Chatmining aldinqi qismida bérilgen shepe boyiche, bu qisimda gepni bulangchiliqtin bashlash üchün kompiturning aldigha öttüm; aldinqisini yazaymu, kéyinkisinimu yaki her ikki qétimliqini ? Dep oylap turattim, ishik jalaqqide yépildi. Bu, ayalimning sirttin xapa kirginining bayanati idi. Shunga kompiturumni qatlap qoyup éghizigha qarap olturdum:
-Héliqi aghiyningiz hejep set ish qiptu-he?
-Qaysi aghinem?
-Derextin yiqilip chüshkenchu?- Kimni dewatqanliqini bildim we soridim:
-Néme ish qiptu?
-Öyige méhman chaqirip, méhmanning gépi quliqigha yaqmisa qoghlap chiqiriwétiptighu?
-Way bu kona ishqu?
-Men téxi bügün anglidim bu ishni, bek nomus qildim, sizning aghiningiz bolghachqa.
Derextin yiqilghan déyilgen bu aghinemning ismi musabay oghli (men qoyuwalghan isim, mushu chatmida); öyidin méhmanni qoghlap chiqirish weqesi mundaq: öyige ikki méhman kélidu, méhmanlar ata-bala, amérikigha tughqan yoqlashqa kelgen, dadisi bir idarining 3- mu'awin bashliqliqidin yéqinda pénsiyige chiqqan, oghli bir idarining 4- mu'awin bashliqi. Chaqiray dése xushamet dep chüshünüp qalarmu, chaqirmay dése, yurtdarchiliqta set bolarmu dégendek ikkilinishte, axiri ayalining bésimi bilen chaqirilghan méhmanlar. Dastixan tartilip söhbet bashlanghanda méhmanlar gepni he dégendila yurttiki katta tereqqiyatlar, égiz-égiz binalar, yuqiri süretlik yollardin bashlaydu we u yerlerdiki bextlik hayat üstide uzundin-uzun toxtilidu. Musabay oghli deslepte témini yötkep baqidu, amal bolmighanda:
-Ependiler, shu égiz binalarda yashawatqanlarning, shu daghdam yollarda mashina heydep kétiwatqanlarning köpinchisi kimler?- Dep sorap baqidu. Méhmanlar bu so'algha jawap bérishning ornigha, shu tereqqiyatlargha türtke bolghan omumi yighin we qurultaylargha medhiye oquydu. Medhiyelerning axiri chüshmigendin kéyin, aghinimiz méhmanlarni agahlanduridu:
-Méhmanlar, bu öyde kichik balilar bar, dewatqininglar yillardin béri méning balilirimning quliqigha quyiwatqinimning tetüri, balilirim kechte "dada sen bizge yalghan gep qipsenghu?"Dep qalmisun, menmu silerni undaq-mundaq dep teriplep olturmay, ortaq nuqtilarda geplisheyli.
Ti'éma birdemlik yötkilidu, emma tekrar kona pedige qaytidu.
-Hayatimdiki eng chong ishim aldinqi yili partiyige kirginim - deydu bala méhman, arqidin yurtta her millet xelqighe changgallap-changgallap tep-tekshi chéchiliwatqan méhri-shepqet nurlirini teswirleydu, aghinimiz ikkinchi qétim agahlanduridu:
- Méhmanlar, bu yighin zali emes, méning öyüm, bu öyde partiyige iltimas sunghanlar yoq, méning xotun-balilirim bar, siyasiy teshwiqatinglarni talada qilinglar.
Bu agahlandurushmu tesirini uzun körsitelmeydu, dada méhman döletning xirajiti bilen chong oghlini ichkiride oqutqanliqi we kenji oghlini amérikida oqutiwatqanliqini tilgha élip partiyige hemdu-sanalar oquydu, uninggha ulapla bala méhman özining idarisi teripidin uda üch qétim milletler ittipaqliqi ülgisi bolup bahalanghanliqini bayan qilip kélip mundaq deydu:
-Bularda iman bolmighan bilen insap bar...- musabay oghli méhmanning sözining axirini anglashqa taqiti qalmaydu, ornidin chachrap turup:
-Chiqishe guyning baliliri bu öydin- dep warqirighiniche dastixanni yulup yangha atidu, üstelni örüydu, " sarangliq qilmang, némila dégen bilen méhman emesmu?" Dégen ayaliningmu " senmu yoqal, géping oxshash bolsa" dep dekkisini béridu. Méhmanlar hoduqush we ürküsh keypiyatida öydin ayrilidu.
Weqe her ikki terep üchün éghizdin chiqirishqa epsiz bolghachqa,jama'et ichide bek téz tarqilip kételmeydu, shunga ayalim weqeni besh yildin kéyin anglighan gep. Ishning tepsilatini emdi mendin anglighan ayalimning meydani 180 giradus özgerdi:
-Néme dégen shexsiyetchi, néme dégen döt méhmanlar u?! Sorun dégende etrapidiki ademning héssiyatigha qarapraq gep qilmamdu? Undaq heddini bilmigen méhmanni menmu qoghliwété'erkenmen.
Eslide derextin yiqilghan bir weqelik yoq, peqet bir sorunda bolunghan mushundaq bir chaxchaq bar. Sorun wetendin tughqan yoqlashqa kelgen yene bir méhmanning sheripige, sorunda tengtüsh aghinilerdin birqanchimiz hazir, parang témisi weten we dunyawi ishliridin kéyin chaqchaqqa yötkeldi. Chaqchaq arilash tonushturulush nöwiti musabay oghligha kélip, uning tariximizdiki meshhur baylardin bahawudun bay musabayopning newrisi ikenliki tilgha élinghanda, chaqchaqchi aghinimiz, musabay oghlining bowilirining izini basalmighanliqini chaqchaqqa keltürüp uzundin uzun toxtaldi:
-Bu arimizda olturghini qeghez musabay...
-Bu dégen shapigirapta bésilghan musabay...
-Bu dégen tokta chiqqan musabay....
Ulugh bir isimning yéqin aghiniler arisida bolsimu chaqchaqqa qisturulushini toghra körmigen méhman, jiddiy pozitsiyide gep qisturup, boluniwatqan chaqchaqqa yügen saldi:
-Yéqinqi zaman tariximizda ikki ulugh töhpikar jemet ötken, birsi muhitilar a'ilisi(général mehmut muhitilar jemeti), yene birsi musabayoplar jemeti. Eger ularning izini basalmasliq tokta chiqish déyilse, yalghuz musabay oghlila emes, hazirqi dunyadiki xéli-xéli nami bar baylarmu tokta chiqqan bay hésablinidu. Chünki ularning ichide bizning bu ikki ulugh jemetimizdikige oxshash öz jemiyitide hem iqtisad, hem pen-ma'arip hem inqilabtin ibaret üch septe serkilik qilghanlar yoq.

Méhmanning bu orunluq, emma jiddiy pozitsiyisi sorunning keypiyatini biraz sürünleshtürdi. Aghinilerdin biri keypiyatni tengshesh üchün témini nazuk shekilde yene chaqchaqqa yönlendürdi:
-Toghra, bazar qoyuwétilgendin kéyin musabayoplar a'ilisining hemme ezaliri yene sodiger bolup ketti, emma mushu musabay oghlila özining gézitxanidiki bir obdan xizmitini tashlap, shunche yil tijaret qilip, axirida shopur boliwaldi.
Bu pasqa yene chaqchaqchi aghinimiz jawap qayturup, keypiyatni eslige keltürdi:
-Maymunningmu derextin yiqilidighan chaghliri bolup qalidu -de?!

Ayalim abayiqi achchiqida musabay oghlining ismini derhal esliyelmigechke éside qalghan shu chaqchaqtin üzünde alghan idi.
Ishikning shu jalaqqide yépilishi bilen öyde peyda bolghan hawa rayi özgürüshi, bulangchiliq weqesi heqqidiki eslimilirimni tézitiwetti, es-tuyghulurum musabay oghli bilen arimizda ötken qizziq we ehmiyetlik ishlargha qéyip ketti.
Musabay oghlining amérikigha yéngi kelgen küni, ayridurumda uchrashtuq, pasportigha qarisam, bir béti yirtiq, bir béti yamaqliq, sorudum:
-Adash pasportingni waqti ötüp kétip uzartilghan pasport dewatatting, konsulxanida uzartilghanmu, mozduzxanidimu?
-Séning boyaqchigha uzartqan pasportung aman - ésendu?
U mezgillerde passporttiki bezi qara tamghilarni dora sürkep öchürüp inawetlik qilidighan ishlar bar idi. Musabay oghlining boyaqchigha uzartish dégini shu.
Men turghan öyge kelduq, u téliwizorning aldida, men ochaq béshida. Bir chaghda éniq we keskin teleppuzdiki munu buyruqlar quliqimgha kirip qaldi:
-Tashkenttin yollanghan 7 wagon mal, alashenkogha baray dep qaldi, yene yolda chimkenttin kéliwatqan 5 wagon mal bar, wagon nomurliri.....
-Tajikistangha zakalet üchün bérip qoyghan 500 ming dollarning iz-dérikini qilish üchün biringlar shu yerge béringlar....
Chöchüp etrapimgha qaridim, bu gepning téléwizordin chiqishi mumkin emes, chünki uyghurche qanal yoq, choqum méning öyümde boluwatqan gep, méhmanxana öyge chiqsam, musabay oghli téléwizorni öchüriwétip qazaqistandiki shériki bilen sözlishiwétiptu. Eger uni burun türkiyede bir qétim uchratmighan hem uning amérikigha kélishtin burun qazaqistanda tijaret qiliwatqanliqini bilmigen bolsam, bayiqi geplerni bir meydan po étish yaki sir körsitish dep chüshengen bolattim. Shuningdimu tamaqtin kéyin sorimay turalmidim:
-Adash, amérikigha xata kélip qalmighansen?
-Wagonning geplirige diqqet qipsen-he? - Dédi, u we ulugh bir kichik tiniwétip dédi:
- Qara, özüngning pasporti bolmisa, yüz wagonlap méling bolsimu, u sanga tewe mülük emes iken. - U " özüngning" dégen sözni shunchilik urghuluq qilidiki, bu urghuda nahayiti chong bir hesret-nadamet bar idi. Bu hesret özining qazaqistandiki 9 yilliq tijaret tarixidin xulasimu yaki ottura asiyada her doqmushta qaqti-soqti qiliniwatqan emma soriqi bolmaywatqan uyghur tijaretchilerning hayatidin xulasimu we yaki ata-bowisining-musaboyoplar a'ilisining teqdiridin chiqirilghan xulasimu? Busi manga namelum. Jarahitini, yaq, jarahitimizni tatilighum kelmidi.
Musabay oghlimu ishni shopurluqtin bashlidi, bashta köktat toshush, tamaq toshush, uningdin kéyin oqughuchi toshush, hazir wirjiniye shtatida bir hökümet ishxanisida kadir.
Öy-mülükchilik qiliwatqan mezgilim, türk öy-mülükchi aghinimizdin téléfon keldi:
-Alamet ésil hem erzan bir öy uchridi, héliqi öy alimen dep yürgen bayning balisining télipon nomurini manga dep ber.
Musabay oghlining téléfon nomurini dep berdim. Chüshtin kéyinde türktin yene téléfon keldi:
-Sen kelmiseng bolmidi, bu aghinengning diti taza yetmeywatidu, senmu körüp bir meslihet ber.
Bardim, maryland onwérsititigha qoshna bir kochidiki kichik-kichik 9 bina 450 ming dollardin bazargha séliniptu. Öy igisi sözlimekte:
-Her bir binachaqning ichide 3 a'ililiktin öyi bar, her bir öyi1800 dollardin, 2din 3 ke qeder oqughuchigha ijarige bériklik. Binachaqning ayliq kirimi 5400 dollar, 450 ming dollarning bankigha ayliq tölmi 3000dollardin ashmaydu, ayliq sap kirim 2000 dollardin töwen emes. Sétishimning sewebi shu, tijaritim chongaydi, kichik ishlardin qol üzmekchimen.
Öy igisining bu sözliride kichikkine bir chigit chaqidighan gep yoq. Kirimi buninggha yetmeydighan, mushuninggha oxshapraq bir binani men téxi ikki ayning aldida 515 minggha alghan. Eger yene qerz élish imkanim bolsa, bu, men qoldin chiqiridighan öy emes. Shunga mu'asabay oghlining chiray ipadisige qaridim, u özige quchaq échip kéliwatqan bu paydidin mit qilip tesirlenmidi we türkning tewsiyesini késipla ret qildi:
-Yaxshi niyet bilen tewsiye qiliwatqiningizgha yüzde-yüz ishinimen. Biraq méning izdewatqinim olturaq öy, tijary öy emes.
-Uni bilimen, bu öyni tijariti bilen qoshup alisiz, yene bir öy alsingiz, u öyde bikargha olturghandek bolisiz emesmu?
-Men bu xeterge tewekkül qilalmaymen.
Uning " xeterge tewekkül qilalmaymen" dégen sözliri méni tang qaldurdi, chünki u méning köngül deptirimdiki qehriman aghinilirimdin birsi idi. Shunga jismim bir top öy sodigiri arisida, emma oy-xiyalim musabay oghlining aliy mektep yilliridiki uyghur tarixining öchmes bir babidiki qehrimanliq shejerisini waraqlimaqta:
1985-Yil, 12-dékabir, ürümchi, 10 mingdin artuq aliy mektep oqughuchisi aptonom rayonluq hökmet aldigha qarap aqmaqta, éghizlirida jarangliq shu'ar, qollirida lozunka(namayish qanunluq bir namayish, eyni chaghda rayon rehberliridin wang énmaw we song xenlyanglar namayishchilar wekilliri bilen sözleshken). Namayishchilar menzilgahda toplinidu, hökümet terep wekil telep qilidu, namayishchilardin wekil süpitide deslepte aldigha sekrep chiqqan 5 oqughuchidin biri we 10 ming oqughu'ichigha sehnidin xitab qilghan oqughichining özi musabay oghli. Men shu deqiqilerdiki xewp-xeterlerni köz aldimdin ötküzüshke bashlidim. Eger bir tetür shamal chiqip namayish qanunsiz namayish dep qarilip qalsa, sepning aldigha ötkini üchün aliy mekteptin qoghlunush, istiqbali qarangghulushush xewpi bar idighu? Eger namayish toqunushqa özgürüp qalsa, rehimsiz oq aldi bilen sepning aldidikisige tégish éhtimali yüksektighu? Yene alliqandaq qalpaqtin birsi keydürülüp, ömür boyi türmide chiritiwétilish xewpimu yoq emestighu?! Mana mushu xewp-xeterlerge qilche ikkilenmey kökrek kérigen bu qehriman, 450 ming dollarliq öyni élish mesiliside " bu xeterge men tewekkül qilalmaymen" dewatatti.
Musabay oghli bilen bille yolda qaytiwétip insaniy tebi'et üstide yene oylandim. Démek kinodiki qehrimanlar bilen ré'al hayattiki qehrimanlarning perqi mushu nuqtida. Bala chaghlirimizda körgen bir kinoda xu'ang jigu'ang deydighan bir qehriman bolidighan, düshmen istihkamigha hujum qilip özini atqanda onnechche pay oq yürikini téship ötüp ketsimu ölmeydighan we issiq qéni bilen yashisun palanchi dep yéziwélishqimu ülgüridighan; dong sünrüy dep yene birsi bolidighan, köwrükning astidin qoli bilen bombini tirep turup partilitidighan we köwrük kümpeykum bolup ketsimu özi tik turalaydighan.... Kinolardiki qehrimanlar mana mushundaq mukemmel we mukemmeldinmu üstün; emma ré'al hayattiki qehrimanlar mukemelliktin uzaq yaki yéqin, emma kem-kütisiz emes. Ré'al hayattiki qehrimanlar, düshmen istihkamigha hujumgha ötüshning aldida özige buyruq bergen qomandangha ' ah, waqti emes idi!' Dep ichide bir ghudungshishi mumkin, istihkamgha yéqinlashqanda janani közige körünüp yangha bir dajishi, oqni dümbisidin yémeslik üchünla istihkamgha qayta étlishi mumkin. Ré'al hayattiki qehrimanlar özi munasip bolmighan jeng meydanini keskin ret qilip, özini munasip körgen jeng meydanigha buyruq kütmey özini étishi mumkin....
-Eger ayliq yighilidighan ijare puli 5400 liki rast bolsa,‏- dédi musabay oghli arimizdiki jimjitliqni buzup- öy 450 ming dollargha bek erzan, menche bu baha köz-köz baha, sétilishta bahasi qatlinip kétishi mumkin.
-Umu éhtimal, öy körgichilermu normaldin köp, emma öy igisi 9 binani tengla bazargha salghini üchün, bahasi köp bolsa 550 minggha chiqishi mumkin.
-Ret qilishimdiki asasliq sewep, méning bu yillardiki pilanim pul tépip bay bolush emes, peqet a'ilemni xatirjem qiliwélish, uningdin kéyin qilidighan tewekkülchilikler bolsa elwette özümni qachurmaymen.
Uning bu sözliri manga biraz mentiqliq tuyuldi, kallamdiki chigishni azraq bolsimu yeshti. Démisimu méni öy sodisida bunche tewekkülchi qiliwetken birqanche sewebtin biri shu yillarda a'ilemning yénimda bolmasliqi idi. Anglashlargha qarighanda bezi namerd diktator döletler özlirining amérikidiki öktichilirini tizginlesh üchün ayal-balisini tutup qélish, pasport bermeslik yolini tutsa, bezi quwraq diktator döletler öktichilirini ayal-balisini yénigha chiqirip qoyush bilen jazalarmish. Chünki u öktichiler amérikidek bu riqabet dunya'isida ayal-balisini béqishtin ibaret bu tunji mesuliyitini ada qilish bilen bolup kétip öktichiliki bir mehel sugha chilisharmish we yaki suslisharmish. Elwette bu mish-mish gep üktichiler hayatigha omumyüzlük chüshmisimu, tewekkülchilik qilishta yalghuz er bilen öy-ochaqliq bir erning perqliq imkanlargha ige ikenlikini sherhilep bérishke kupaye. Shunga musabay oghlining bügünki pozitsiyesining jasaretsizliktin emeslikige ishendim. Emma kallamda munu so'allar jawapsiz qaldi, bolupmu öyning üch kündin kéyin uning texminige yéqin halda 750 ming dollargha sétilghanliqini uqqandin kéyin.
Musabay oghlining shu künki ret qarari, rastinla özi dégendek turmush planidiki tertiptinmu yaki mushu sodining üch kündin kéyinki xulasisini aldin biliwélish yaki öy bazirining kéyinki yillardiki aqiwitini aldin körüwélishtinmu?
Aridin 5 yillarche ötken bir küni yuqiriqi so'allargha jawap tapqandek boldum. U küni maryland onwérsititige qoshna shu kochidin ötken idim. Yol yaqisida bir öy sétish élani turatti, del shu chaghda 450 mingdin bazargha sélinip 750 mingdin sétilghan shu binachaqlardin biri 400 ming dollargha sétishqa chiqirilghan idi; binaning etrapida u chaghdikidek 20-30 öy-mülükchi 20-30 xéridarni arqisigha sélip körüshke öchret turush yoq. Öy baziri alliqachan mollaq étip bolghan idi.
Tapqan jawabim shu. Qanning ési(qanning este tutush qabiliyiti). Bu jawabni tépishimgha musabay oghlining shu chaghdiki öyni almasliq qararining toghra bolup chiqqinidin bashqa, men shu künlerde oqughan ezerbeyjanliq sha'ir bextiyar wahapzadening bir yazmisidiki munu bayanlarmu türtke idi " közning, qulaqning, mingining este tutush qabiliyiti bolghinidek, qanningmu este tutush qabiliyiti mewjuttur. 70 Yilliq kommunizm tüzümi sewebidin islamiy terbiyedin pütünley mehrum yétishken ezerbeyjan yashliri, ros eskerlirige qarshi hujumgha ötkende ' alllahu ekber' dep tekbir éytip jengge atlandi, mana bu qanning este tutush qabiliyiti"!
Belkim musabay oghlining shu künki sodida közige tashlinip turghan paydigha köz tikmesliki-musabayoplar qénining herqandaq bir sodida baha normalsiz ashqanda uning arqigha yanidighanliqidek dewriylik qanuniyitini este tutishidur. Musabay oghlining 20 yash waqtida 10 ming kishining aldigha sekrep chiqip siyasiy meydanda serkilik qilishimu musabayoplar qénining 19-esirning axirida milletni pen-ma'aripqa yétekleshtek serkilikini este tutishidur.
Shundaq, bügün uyghurlar chetellerge shamal uchurup chiqip yene yolini tépip kétiwatqan, bir-biri bilen izdiship milliy birlikini namayen qiliwatqan, milliy ghaye, milliy arzular üchün bir yerlerge toplunup, bir yerlerde qatrap yüriwatqan bolsa, bu qandaqtur séstimiliq bir milletperwerlik terbiyesidin ötkenliki üchün emes, belki del ene shu qanning ési-este tutush qabiliyitidindur. Eger bügün aqsuda kishiler boran chapqunning ichidimu béshini tik tutup yashawatqan, ghuljida kishiler chong-chong musibetlerdin kéyinmu qaqahlap külelewatqan bolsa, bu rohta bir özige ishinish bar déyilse, bu özige ishinish ejdadlarning shanliq tarixini kitablardin oqup öginishtin köre, qanning este tutush qabiliyitidindur. Shawgu'ende bir uyghurning béshigha kaltek tegkende ürümchide bir uyghurning yüriki aghrighan bolsa; kériyede bir uyghurning öyi örülgende qeshqerdiki bir uyghurning bedini tongghan bolsa, bumu shek-shübhisizki qanning este tutush qabiliyitidindur. Yene eger bu kishiler dunyadiki qudretlik bir küchni emin tapquzmaywatqan bolsa, bu endishini qozghighanmu biri ulardiki yéngilmes qoral-imanning küchi bolsa; yene birsi qanning ési- este tutush qabiliyitidur. Chatmining bu qismini atatürk mustapa kamalning " türk yashlirigha xitab" namliq meshhur nutqidiki bir jümle bilen axirlashturimen: " sen muhtaj bolghan qudret (qelbingdiki iman we) tomurungda éqiwatqan ésil qanda mewjuttur"

Unregistered
21-02-14, 01:25
towendikiliri esil gepler iken:


Shundaq, bügün uyghurlar chetellerge shamal uchurup chiqip yene yolini tépip kétiwatqan, bir-biri bilen izdiship milliy birlikini namayen qiliwatqan, milliy ghaye, milliy arzular üchün bir yerlerge toplunup, bir yerlerde qatrap yüriwatqan bolsa, bu qandaqtur séstimiliq bir milletperwerlik terbiyesidin ötkenliki üchün emes, belki del ene shu qanning ési-este tutush qabiliyitidindur. Eger bügün aqsuda kishiler boran chapqunning ichidimu béshini tik tutup yashawatqan, ghuljida kishiler chong-chong musibetlerdin kéyinmu qaqahlap külelewatqan bolsa, bu rohta bir özige ishinish bar déyilse, bu özige ishinish ejdadlarning shanliq tarixini kitablardin oqup öginishtin köre, qanning este tutush qabiliyitidindur. Shawgu'ende bir uyghurning béshigha kaltek tegkende ürümchide bir uyghurning yüriki aghrighan bolsa; kériyede bir uyghurning öyi örülgende qeshqerdiki bir uyghurning bedini tongghan bolsa, bumu shek-shübhisizki qanning este tutush qabiliyitidindur. Yene eger bu kishiler dunyadiki qudretlik bir küchni emin tapquzmaywatqan bolsa, bu endishini qozghighanmu biri ulardiki yéngilmes qoral-imanning küchi bolsa; yene birsi qanning ési- este tutush qabiliyitidur. Chatmining bu qismini atatürk mustapa kamalning " türk yashlirigha xitab" namliq meshhur nutqidiki bir jümle bilen axirlashturimen: " sen muhtaj bolghan qudret (qelbingdiki iman we) tomurungda éqiwatqan ésil qanda mewjuttur"[/QUOTE]