PDA

View Full Version : Aliy Mektep Jurnilida Junggoluqlar Zeherlik Ilan Bilen Bir Qatargha qoyuldi



Unregistered
16-05-06, 11:42
Biliwal 15-may xewiri. «Yéngi Zélandiye Pishiwalar Géziti»ning 14-may bergen xewiride éytilishiche, Yéngi Zélandiyediki bir aliy mektepning oqughuchilar jurnilida yéqinda “Junggoluqlar” bilen “zeherlik ilan”, “pin’giwin” bir qatargha qoyulup, bu “janliqlar türliri”din éhtiyat qilish kérek! Déyilip, Junggoluqlarning qattiq ghezipini qozghidi.
Bu chékidin ashqan “chaxchaq” 4-ayning 24-küni Yéngi Zélandiyening Wiktoriye Uniwérsitétining oqughuchilar jurnilida élan qilin’ghan.

Jurnalning shu sanida chiqqan bir maqalide “éhtiyat qilishqa étgishlik 5 chong janliqlar türi” ayrim-ayrim halda, “maymun”, “léniwétis”, “pin’giwin”, “Junggoluqlar” we “zeherlik ilan” dep körsitildi.
Bu maqale Junggoluqlarning qattiq qarshiliqini qozghidi: Wiktoriye Uniwérsitéti chet ellik oqughuchilar teshkili, shu jaydiki Junggoluqlar mehelliride bu jurnalning atalmish “chaqchiqi”gha étiraz bildürdi; Junggoning Yéngi Zélandiyede turushluq bash elchixanisimu qattiq inkas qayturup, bu xil “chaxchaq”irqchiliqni menbe qilghan, dep eyiblidi; Junggoning Wéllin’gtonda turushluq bash elchixanisining bayanatchisi Jang Wéy ziyaretni qobul qilghanda, mezkur jurnalning bundaq maqalini bésishi qutratquluq xaraktérige ige, bundaq ilinmasliqi kérek, dédi.

Junggoluqlarning naraziliqigha qarita bu jurnalning muherriri Jémis Robinson yenila: “Bu bir bimene chaxchaq, men ayni chaghda inchikilep ketmeptimen, u eslide diqqet qilghuchiliki yoq nerse idi. Emma beziler uninggha bekmu estayidil qarap kétiptu” dédi.

Bu xil ipade shu jaydiki Junggoluqlarni téximu ghezeblendürdi, Wiktoriye Uniwérsitéti Oqughuchilar Uyushmisining ezasi, Junggoluq alimlar we oqughuchilar uyushmisining reisi birlikte bu jurnalgha xet yézip: “Bir qisim Junggoluq oqughuchilarning Yéng Zélandiyelik oqughuchilarning kemsitishige uchrighanliqi üchün mektep almishish yaki Yéngi Zélandiyedin kétishni oylishiwatqanliqini bildürdi.

Hazir Bu mektep oqughuchilar uyushmisining reisi Keyli shu jaydiki Junggo;uqlar torbétide epu soridi, hemde bu maqalini “mezmuni nachar maqale”dédi; Bu mektepning ammiwiy ishlargha mes’ul emeldarimu élan qilghan ochuq xétide: “Bu maqalide bashqilarning héssiyati oylishilmighan, yaman gherez we irqchiliq mezmunigha ige” dédi. Yéngi Zélandiye Maarip Ministirliki bu ish munasiwiti bilen mektep terep bilen sözleship, mektepning resmiy epu sorishini telep qildi.

Bu ghelwe-ghoghilar ichide Robinson Junggo elchixanisigha epu sorash xéti yazdi, hemde mezkur jurnalgha yazghan bashmaqaliside epu soridi, emma u yenila pikride ching turup “bu chaxchaqni élan qilish hoquqi barliqi”ni, buni kishilerning burmilap chüshiniwalghanliqini éytti.