PDA

View Full Version : Jahanda Hemmidin Uyghur Bolmaq Tes



Unregistered
08-02-14, 06:18
Jahanda Hemmidin Uyghur Bolmaq Tes

Bawudun Niyaz

Tepilmas dunyada bizdek natiwan,
Jahanda hemmidin Uyghur bolmaq tes.
Yat eldin kelgenler bizge hokumran,
Jahanda hemmidin Uyghur bolmaq tes.

Ezeldin bir emes tilimiz bizning,
Qoshulmas zadila qenimiz bizning.
Qandaqmu bir bolsun dilimiz bizning,
Jahanda hemmidin Uyghur bolmaq tes.

Cheylendi gul weten iplas ayaqta,
Bu hayat shatliqtin bekmu uzaqta.
Muqeddes arzular qaldi qayaqta,
Jahanda hemmidin Uyghur bolmaq tes.

Altunning ustide dessep turimiz,
Emma bek qisqidur bizning qolimiz,
Nimishqa shunche tar bizning yolimiz?
Jahanda hemmidin Uyghur bolmaq tes.

Yer- zimin bizningki, bayliq bizningki,
Tangritagh perzenti oghul- qizningki.
We lekin dert "elem hesret bizningki,
Jahanda hemmidin Uyghur bolmaq tes.

Tar keldi ozimiz torelgen weten,
Dozaqqa aylandi jennettek gulshen.
Quzghunlar makani boldi gul- chimen.
Jahanda hemmidin Uyghur bolmaq tes.

Talay ret at salduq, kelip gheyretke,
Qehrimiz yalqunjap tolup nepretke.
Yenila yar bolduq qayghu- hesretke.
Jahanda hemmidin Uyghur bolmaq tes.

Eslisek bizdimu kop iken illet,
Shunglashqa ghepletke qaptu bu millet.
Qeni shu ejdatlar yaratqan hislet?
Jahanda hemmidin Uyghur bolmaq tes.

Yuwashliq qilip biz qalduq balagha,
Yetmidi ahimiz kengri samagha.
Duch kelduq talay ret sulhi salagha,
Jahanda hemmidin Uyghur bolmaq tes.

Ingraydu elemdin miskin helqimiz,
Titreydu ghezeptin dertlik qelbimiz.
Hich bundaq emesti bizning tektimiz,
Jahanda hemmidin Uyghur bolmaq tes.

Gherpni acharken sherqtin kelip,
Bularken talarken gejgige minip.
Biz bolsaq wetende musapir gherip.
Jahanda hemmidin Uyghur bolmaq tes.

Ot yurek Sadirning ewladi qeni,
Alemni titretken ejdadi qeni ?
Bistonni gum qilghan Perhadi qeni?
Jahanda hemmidin Uyghur bolmaq tes.

Tangritagh baghrida huwlaydu boran,
Neshterdek sanjilar mudhish shiwirghan.
Bahardin Derek yoq bunda hich- qachan,
Jahanda hemmidin Uyghur bolmaq tes.

Tizilghan heywetlik ret- ter imaret,
Qilidu uningda kimler tapawet?
Uyghurgha bu jayda barmu ijazet?
Jahanda hemmidin Uyghur bolmaq tes.

Qarisang kozungni oyumen deydu,
Sozliseng tilingni kesimen deydu.
Konmiseng qeningni ichimen deydu.
Jahanda hemmidin Uyghur bolmaq tes

Ittipaq inaqliq sozliner shunde,
Barawer tengliktin esir yoq qilche.
Herqachan hemradur bizge ghem- ghusse.
Jahanda hemmidin Uyghur bolmaq tes

Ziminni qaplidi ahimiz bizning,
Pelektin halqidi zarimiz bizning.
Daima perishan halimiz bizning,
Jahanda hemmidin Uyghur bolmaq tes.

Ketkechke kop qetim qoldiki purset,
Biz ajiz reqipler boldi bequwwet.
Igiler we lekin sunmas heqiqet.
Jahanda hemmidin Uyghur bolmaq tes.

Zulmette Ay- Yultuz sirdashtur bizge,
Horiyet "Erkinlik dildashtur bizge
El- weten her waqit mungdashtur bizge.
Jahanda hemmidin Uyghur bolmaq tes.

Turulup ghezeptin bilek bir kuni,
Ot bolup yanidu yurek bir kuni.
Ashidu emelge tilek bir kuni.
Dimeymiz shu chaghda Uyghur bolmaq tes

Oghlan
09-02-14, 16:35
Sheir yaxshi yezilipru menasi chichongqur del bizning uyghur xelqining eghir ehvalimizni yetkuziptu,
moshularni oylap chushinip qachan oyghinimiz xelayiq. Emeliatqa qachan otimiz, 20million deimiz
25 million deimiz shunche ademning arisidin bizni durus yolgha bashlaidighan hemmeilenni birlikke ekilidighan
adem chiqmamda??? Nemishqa ozimizni dushmenge tutperimiz shulargha ishlep beridu jasuslar, qachanghiche
xeqqe egilip jurimiz, hitai bolsun bashqa yerde bolsun ular Uyghurlargha uyghurni selip oltirivatidu, turmilerge tashlavatidu ye bolmisa bulap talap heqqini tartivatidu. Qachanghiche chon sozlepla emmelii ish qimaila ishlevatqan ademlerni yaratmai otmushni eslep otumiz, nemishke ozimizning oghlanlirimizdin qizlirimizdin pehrinleimeimiz???