PDA

View Full Version : DUQ: Parijda “Uyghur Anat Tili Hoquqi“ heqqide xelqara yighin we namayish ötküzilidu



Ana Til
29-01-14, 11:29
DUQ: Parijda “Uyghur Anat Tili Hoquqi“ heqqide xelqara yighin we namayish ötküzilidu !

Parijda ötküzülidighan “Uyghur Anat Tili Hoquqi“ namliq xelqaraliq muhakime yighini we „ Ana tilimni yoqatma“ namliq birleshme namayish heqqide uxturush

2014-yili 2 – ayning 21 – küni, Birleshken Döwletler Teshkilati (BDT) teripidin „Dunya Ana Tili Küni“ dep elan qilinghanliqining 15 – yilliq xatire küni bolup, merkizi Parij shehride bolghan BDT Maarip, Ilim-Pen we Mediniyet teshkilati (UNESCO )* bu ehmiyetlik künni pütün dunya miqyasida zor daghdugha bilen tebrikleshke hazirlanmaqta.

BDT Maarip, Ilim-Pen we Mediniyet Teshkilati ( UNESCO )* teripidin 1999 – yilidin etibaren her yili 2 – ayning 21 – künini „Dunya ana tili küni“ dep bekitish qarar qilinghan idi.

DUQ bu pursettin paydilinip 2014 –yili 2-ayning 21-küni, Parij shehride, mexsus Xelqaraliq ilmiy muhakime yighini we pütün Yawropadiki teshkilatlirimizning qatnishishida keng kölemlik birleshme namayish ötküzüshke teyarliq qilmaqta.

Parijdiki paaliyet ikki basquch bilen elip berilidu.

Birinchi basquch; Xelqara Muhakime yighini bulup, bu DUQ, Wakaletsiz Milletler Teshkilati we Fransiye Qelemkeshler Jemiyitining birlikte uyushturushi bilen elip berilidu. buningda DUQ reisi Rabiye xanim, Fransiye Parlamenti ezaliri we bashqa sahipxan teshkilatlaring mesulirining echish nutqidin kiyin, dunyaning her qaysi jayliridin kelgen Til we az sanliq Milletler mesilisi dunyada nufuzluq salahiyetke ige mutixesisler, Alimlar we Uyghur mutixesisler dokilat teqdim qilidu. Shundaqla yene DUQ teripidin teyarlanghan „ Uyghur Ana til Maarip herkiti“ namliq mexsus dokilat tunushturilidu.

Bu paaliyet: saat 9.30 – 13.30 giche dawam qilidu.

Centre de Conférences Capital 8
32 rue Monceau – 75008 PARIS

Ikkinchi Basquch; „Ana Tilimni Yoqatma“ digen shuar astida elip beridighan namayish paaliyiti. Namayish Xitayning Parijdiki bash Konsulxanisi aldidin bashlinip UNESCO ning aldigha qeder dawam qilidu. Namayish Germaniye, Gollandiye, Bilgiye, Firansiye, Shiwitsariye … qatarliq döwletlerdin mexsus kelgen uyghur qerindashlar bilen Fransiyediki Kishlik Hoquq Teshkilatlirining wekiliri, Tibet, Türk we Vetnamliq qolighuchilirning qatnishishida zor kölemde ötküzilidu.

Namayish Saat: 13.30 da Xitayning Parisdiki Bash Konsulxanisi alidida yighilish bilen bashlinip, Parijning awat kochiliridin aylinip, UNESCO ning aldigha qeder dawam qilidu.

Chinese Embassy
11 Avenue George V
75008, Paris


Eziz qerindashlar, sizlergimu melum bolghinidek,* Bügün Xitay hakimiyitining Uyghur milliy maaripini Xitaylashturush meqsidide jiddi elip beriwatqan „Qosh Tilliq „ siyasitining mahiyiti bolsa, Uyghur millitini özining ana tilidin, milliy alahidilikliridin,* milliy irade we ghayisidin ayrip, axirida tel – töküs atsimilatsiye qilip yoqutushtin ibaret !

Xitay hakimiyitining* Uyghurlarning milliy maaripini Xitaylashturush, Uyghur ösmürlirini ana tilidin, milliy yeziqidin, milliy alahidilikliridin ayrish meqsidide ijra qiliniwatqan „Qosh tilliq maarip“ siyasiti bolsa, Uyghur xelqining eng küchlük naraziliqini qozghawatqan we Sherqiy türkistandiki milliy isyan we naraziliq heriketlirining küchüyüshige biwaste sewepchi boluwatqan eng asasliq amillarning biridin ibaret !

Sherqiy Türkistanda, „Qosh tilliq oqutush“ digen atalghu, 1992 – yili peyda bolghan we shu yili Xitay hakimiyiti, Ürümqi qatarliq chong shehrlerdiki bezi milliy ottura mekteplerde, „Qosh tilliq oqutush tejirbe sinipliri“ ni tesis qilip, Matimatika, Fizika, Xemiye qatarliq Tebiy pen derislirini oqughuchilargha Xitay tilida ötüshni sinaq teriqiside bashlighan idi.

Xitay hökümitining, Milliy ottura – bashlanghuch mekteplerge qarita, „ qosh tilliq oqutush“ ni resmiy yosunda omomiy yüzlük yolgha qoyghan waqti 2004 – yili bolup, shu yili, „Aptonom rayonluq partikom“ we „Aptonom rayonluq xelq hökümiti „, “Qosh tilliq oqutush xizmitini omomiy yüzlük qanat yaydurush heqqide qarar „ ni élan qilghan idi.

2005 – yili yene, Atalmish Uyghur Aptonom rayoni teripidin, „Azsanliq millet ösmürlirige qarita mektepke kirishtin burun Xitayche ögütüsh heqqide pikir“ ni élan qilinip, sheher we yeza – qishlaqlardiki uyghur Yesli ösmürlerge qaritamu, „Qosh tilliq yesli „ digen namda Xitayche ögütüshni qanat yaydurushqa bashlidi.

Shundin buyan „Qosh tilliq oqutush „ emilyete bolsa yalghuz tilliq Xitayche Maarip xizmiti, Sherqiy Türkistandiki her derijilik partiye – hökümet organlirining eng mohim xizmet küntertibi qilindi.

Dimek bügün Uyghurlarning milliy mewjutluqi we yash – ösmürlirining kelgüsi* intayin zor xewipke duch kelmekte.

Xitay hakimiyiti bir tereptin uyghurlarning ana til – yeziqini tüptin yoqutushni meqset qilghan „Qosh tilliq oqutush“ siyasitini pütün küchi bilen omomlashturushqa tirishsa, yene bir tereptin öz millitining ana til – yeziqini qoghdap qelishni teshebbus qilghan uyghur maaripchiliri we ziyalilirigha qarita qattiq basturush we tutqun qilish siyasitini yürgüzüp kelmekte.

Xitay hökümiti 2013 - Yili 8 - Ayning 20 – Küni, Abduweli Ayup, Muhemmed Sidiq we Dilyar Obul qatarliq Uyghur Ana tili teshebbuschilirini* «qanunsiz meblegh toplighan» dégen jinayet bilen qolgha elip türmige tashlidi we Xitayning bu qilmish Xelqaraliq kishilik hoqoq teshkilatlirining, shundaqta weten ichi we sirtidiki pütün Uyghurlarning küchlük naraziliqini qozghighan idi. DUQ bu heqte mexsus chong hejimlik Engilizche doklat hazirlap chiqildi we merkur doklat Muhakime yighini jeryanida Dunya jamaetchilikining we Xelqaraliq teshkilatlarning diqqitige teqdim qilinidu.

Eziz qerindashlar, qisqisi, bu qetim Dunya ana tili küni munasiwiti bilen Parijda ötkürilidighan Xelqaraliq ilmiy muhakime yighini we birleshme namayishning ehmiyiti intayin zor, eger biz ana tilimizni yoqutup qoysaq, u chaghda milliy alahidiliklirimizdin we milliy mewjutluqimizdin esla eghiz achalmaymiz, ana tilimiz bolsa milliy mewjutluqimizning tüp asasidin ibaret, shunung üchün, pütün Dunyaning herqaysi elliride yashawatqan qerindashlirimizni bu qetimliq tarixiy ehmiyetke ige paaliyitimizni maddi we meniwiy jehettin qollap – quwetleshke chaqirimiz !

Bu paaliyetke hisse qoshush arqiliq uzingizning Ana tilingizgha bolghan sadaqitingiz we hörmitingizni ölcheng. Paaliyetke ish, salametlik we jughrapiyelik seweptin uzingizning wujidi qatnishalmisa, maddi yardimingiz bilen yürgüngiz we iradingiz qatnashsun!

Muhakime yighini we birleshme namayishqa qatnishishni arzu qilghan we yaki Maddi yardemde bulushni xalighan qerindashlirimiz DUQ merkizi orgini we özliri turiwatqan döwletlerdiki uyghur teshkilatliri bilen biwaste alaqilashsa bolidu.

Hörmet bilen,

Dunya Uyghur Qurultiyi

2014-yili 1-ayning 29-küni

Unregistered
29-01-14, 17:08
intayin ehmiyetlik we mohim paaliyet iken, Yawropadiki qerindashlar, hemmimiz Parijdiki bu tarixiy uchrushushqa atlinayli !

Unregistered
30-01-14, 03:23
ana tilimiz bolsa milliy mewjutluqimizning tüp asasi, tilimizni yoqatsaq milliy kimlikimiznimu yoqutimiz, ana tilimizni jan tikip qoghdayli we Parijdiki bu ehmiyetlik paaliyetke qolimizdin kelishiche yardem qilayli, Yawropadiki qerindashlar amal bar namayishqa qatnishishqa tirishayli, eger baralmisaq barghan qerindashlirimizning yol kirasigha bolsimu yardem qilayli !

Unregistered
30-01-14, 08:36
ana tilimiz bolsa milliy mewjutluqimizning tüp asasi, tilimizni yoqatsaq milliy kimlikimiznimu yoqutimiz, ana tilimizni jan tikip qoghdayli we Parijdiki bu ehmiyetlik paaliyetke qolimizdin kelishiche yardem qilayli, Yawropadiki qerindashlar amal bar namayishqa qatnishishqa tirishayli, eger baralmisaq barghan qerindashlirimizning yol kirasigha bolsimu yardem qilayli !

toghra pikir, hemmimiz parijda jem bolayli ! baralmisaq qolimizdin kelishiche iqtisadi yardemde bolayli !

Unregistered
30-01-14, 17:45
Uyghur Tili Anamning tili, men bu paaliyetke Parijqa chuqum barimen. bir kun bolsimu bu paaliyetke qatnishish arqiliq ana tilimni qoghdashqa bolghan mejburyitimni ada qilimen. bek muhim we haliq künde, intayin aqilane orunlashturghan paaliyet boptu.

Unregistered
31-01-14, 07:05
Uyghur Tili Anamning tili, men bu paaliyetke Parijqa chuqum barimen. bir kun bolsimu bu paaliyetke qatnishish arqiliq ana tilimni qoghdashqa bolghan mejburyitimni ada qilimen. bek muhim we haliq künde, intayin aqilane orunlashturghan paaliyet boptu.

kerindaxla, Parijda uchruxayli, menmu putun ayilem bilen barime !

Unregistered
01-02-14, 16:51
Ana Til
(Qara)

Eger Ana Tilim Erte yoqilidighan bolsa, bügun ölushke razimen.
(Nawayi)

Insanlar Tilni waste qilish arqiliq bir-biri bilen alaqilishidu, pikir almashturidu we bir-birini chüshinidu. Tilning yardimi bilen oylighanlirini, tepekkurlirini, arzu-armanlirini we mexsetlirini etrapidiki bashqa Insanlargha bilduridu. Shuning bilen birge Ijdimai ishlepchiqirish bilen shughullinidu we öz ghayiliri üchün küresh qilidu. Til bolmisa insanlarning ijdimai alqisimu, ijdimai ishlepchiqirishmu bolmaydu hetta ijdimai jemiyetmu bolmaydu. Bu menidn éytqanda Til Insalarning alaqe qilish qorali bolup qalmastin belki yene jemiyetning küresh qilish we rawajlinish qoralidur.Til bolmaydiken Insanalr jemiyiti tereqi qilmaydu hetta u jemiyetmu mejutlughini yoqitidu.

Til Insanlarning alaqe qorali bolushi bilen bille yene insanlarning oylinishi we tepekkur qilish qoralidur. Ademning mingiside peyda bolghan herqandaq pikir peqet Til arqiliq , Tildiki söz we jümliler asasida ipadilinip, mewjut bolidu. Meyli qandaq exwalda bolsun Insalar Tilsiz pikir qilalmaydu, pikir kilidiken choqum Til waste bolidu.

Dunyada her bir Milletning öz aldigha sözlishidighan, yazidighan bir Tili bardur. Insan bu dunyagha apiride bolghandin kiyin, bowaqliq dewridin bashlapla ailiside we etrapidikilerdin üginidighan, kiyin yeslide, mektepte bilim ilish üchün qollinidighan mana bu til bolsa Ana tilidur.

Uyghur Millitining Ana Tili Uyghurchidur yeni Uyghur tilidur. Uyghur tili 8 sosuq tawush (a, e, é, i, o, u, ö, ü), 24 uzuk tawush (b, c, ç, d, f, g, ğ, h, j, k, l, m, n, ñ, p, q, r, s, ş, t, v, x, y, z) tin tuzulgen. Jemi 32 heriptur.

Uyghur alfabéti

Arap Pinyin Kiril Latin Türkçe UFA Arap Pinyin Kiril Latin Türkçe UFA
ئا A a A a A a A a /a/ ق Ķ ķ Қ қ Q q K k (Q q) /q/
ئە Ə ə Ə ə E e E e /æ/ ك K k K k K k K k /k/
ب B b Б б B b B b /b/ ڭ -ng Ң ң -ng -ng (Ñ ñ) /ŋ/
پ P p П п P p P p /p/ گ G g Г г G g G g /ɡ/
ت T t Т т T t T t /t/ ل L l Л л L l L l /l/
ج J j Җ җ J j C c /ʤ/ م M m М м M m M m /m/
چ Q q Ч ч CH ch Ç ç /ʧ/ ن N n Н н N n N n /n/
خ H h X x X x H h (X x) /x/ ھ Ⱨ ⱨ Һ һ H h H h /h/
د D d Д д D d D d /d/ ئو O o О о О о O o /o/
ر R r Р р R r R r /r/ ئۇ U u У у U u U u /u/
ز Z z З з Z z Z z /z/ ئۆ Ɵ ɵ Ө ө Ö ö Ö ö /ø/
ژ Ⱬ ⱬ Ж ж ZH zh J j /ʒ/ ئۈ Ü ü Ү ү Ü ü Ü ü /y/
س S s С с S s S s /s/ ۋ V v (W w) В в W w V v /v/
ش X x Ш ш SH sh Ş ş /ʃ/ ئې E e E e Ë ë E e (É é) /e/
غ Ƣƣ Ғ ғ GH gh Ğ ğ /ʁ/ ئى I i И и I i İ i/I ı /i/ veya /ɨ/
ف F f Ф ф F f F f /f/ ي Y y Й й Y y Y y /j/

Uyghur Tili dunyadiki bashqa tillargha oxshashla Fonétika, Léksika we Grammatikidin ibaret üch terkiwi qisimdin teshkil tapqan.

Fonétika bolsa Til ilmining Til tawushlirini tetqit qilidighan qismidur. Yeni Tildiki tawushlar, ularning wariyatliri, tawushlarning özara birikish yolliri, tawushlarning axangdashlighi, tawush özgirish hadisliri, ularning qanuniyetliri, boghum, boghum tuzulush qanuniyetliri qatarliqlarni tetqit qilidu.

Léksika bolsa sözluk dimektur yeni bir Tildiki barliq sözlerning yéghindisi dimektur. Léksika Uyghur tilidiki sözlerning qurulushi we tereqiyati, Sözning menisi we türliri shundaqla söz menilirining ipadilinishi qatarliqlarni tetqit qilidu.

Grammatika bolsa tilning teshkili qanuni, u sözlerning yasilishi, türlinishi, türkumlerge bölunishi hemde sözlerni birleshturup jümle tüzesh qanunlirini we türliri qatarliqlarni tetqit qilidu. Grammatika yene özining tetqiqat obéktining dairisige qarap, Morfologiye we Sintaksis dep ikki qisimgha ayrilidu. Morfologiye bolsa sözlerning yasilishi, türlinishi we türlerge bölunishi qatarliq qanuniyetlerni tetqit qilidu we ügutidu. Sintaksis bolsa jümlilerni tuzulushi we uningdiki sözlerning baghlinish yollirini, jümle böleklirini we jümlilerning turliri, tinish belgiler toghrisidiki qanuniyetlerni tetqit qilidu we ügutidu.

Uyghur Tili bolsa dunyada 30 Milliongha yéqin Insan qolliniwatqan, uzaq tariqqa ige tildur. U bisip ötken nechche ming yillar jeryanida qedimqi Türkiy til asasidin tereqqi qilghan, béyighan we mukemmelleshken.

Uyghur Tili bolsa Uyghur xelqining millet bolup shekillinishini teshkil qilghuchi alahidiliklerning biri süpitide meydangha kelgen . Uyghur xelqining parlaq medeniyet tarixini yaritishta we jemiyet tereqqiyatini ilgiri surushte türluk alaqe qorali bolup xizmet qilghan hemde Uyghur tilida sözlishidighan barliq insanlarning hemmisige ortaq we chüshunushluk bolghan hazirqi zaman Uyghur edebi tili bolup shekillengen.

Uyghur Edebi tili bolsa shu milletning barliq ezaliri üchün chüshunushluk bolghan, shu Millet tilining omumi alahidiligini ekis etturup bireleydighan tildur. U shu Millet tilidiki her xil Dialikit we shiwilerni özige biqindurghan halda shekillinidu.
Edebi til omumi xelqning nahayiti uzaq esirler dawamida özara alaqilishish, pikir almashturush we bir-birini chüshunish üchün xizmet qilip kéliwatqan bir yaki birqanche Dialékliri asasida wujutqa kelgen, mueyen Grammatikiliq qanuni-qaydilerge ige bolghan, pishshiqlap ishlengen, qiliplashqan ilmiy, medeni til hésaplinidu.

Hazirqi zaman Uyghur Edebiyat tili edebiy janliq til we edebiy yéziq tilidin ibaret ikki xil shekilni öz ichige alidu. Uning janliq shekli oqush-oqutushta, Radio , Télivizor, Kino, Téyatirlarda qolliniwatqan éghiz tilidin ibaret. Yéziq shekli bolsa Metbuat, Neshiryat, Axbarat ishlirida qolliniwatqan yéziq tilidin ibarettur. Uning üchünmu Uyghur edibi tili Uyghur Millitining mewjutlighini kapalitidur.

Ana wetinimiz Uyghuristanda yiqinqi 15 yil mabeynide Uyghur Edebi tili intayin wehshi xirisqa duch kilip, yoqulush xewipige uchrimaqta . Xitaylar aldi bilen Uyghur Edebiy tilini yoqutush üchün Atalmish « Qosh Til maarip » siyasitini yolgha qoyup, Uyghur Millitini böshugidila ujuqturush üchün,Xitay tilidiki Yesli, Xitay tilidiki Bashlanghuch- Ottura mektep maaripini mejburi yolgha qoyup, Uyghur ösmurlirini öz Ana tilini ügüshtek Insani burchidin mejburi mexrup qilmaqta. Buning bilen Uyghur Edebi tilining Uyghur èghiz Edebiy til qismigha mensup bolghan
Oqutush-oqush ishlirida ighir buzghunchiliqqa uchrimaqata yeni Uyghur tarixidiki qimmetlik tarixi miraslarning shaidi bolghan tarixi qimmetke ige mekktepler taqalmaqta. Mesilen :

Ghuljidiki 2-otttura Mektep yeni Tarixta « Umut mektiwi « digen nam bilen tunulghan 1932-yillri Ghuljidiki jeddichilik yéngi marip yuzlunishide meydangha kelgen , Uyghur xelqining niy-niy oghlanlirini terbiyelep yitishturgen yeni bu mektepte Uyghur xelqining ataqliq yazghuchisi Zordun Sabir oqughan we oqutquchiliq qilghan we wapatidin kiyin Bu mektep ichige Ilghar pikirlik ziyalilar « Zordun Sabir xatire sariyini « qurghan shundaq bir tarixi qimmetge ige bolghan mektep bugunki künge kelgende Xitay basmichilirining Uyghur tiligha bolghan eshediy, wexshi siyasitining qurbanigha aylinip, taqalghan we bir Xitay shirkitige sitiwitilgen.

Yene bir Misal Ghulja sheherlik 7-ottra Mektep tarixta « Sitalin »Mektiwimu dep atilidu. Bu Mektepmu taqalghan bolup, yirmi bir Xitay shirkitige sitilghan, yérimi Xitay 15-bashlanghuch mektiwige birwitilgen. Bu mektep Ghuljidiki eng awat kochilarning birge jaylashqan bolup, Baxar kirishi bilen bu mektepte rengmu-reng Shirin Güller ichilip, ichi höppide shirin gül puraydu, Derwazidin kirsingiz saya tashaap turghan ikki tup yoghan qaryaghach derixi bolsa mektepning hösnige –hös qoshup turatti- Hazir kochidin ichige qaraydighan bolsingiz sheyiqsiz qalghan Mazargha oxshap qalghan bolup, hesret bilen közingizge ixtiyarsiz yash alamay turalmaysiz.

Bir Milletning tajawuschilar teripidin depsende qilishnishing eng éghir pakitlirining biri uning Tilining depsede bolunishidur.
Tili depsende bolghan Milletning tili zawalliqa yoluqidu, tili zawalliqqa yoluqsa, u milletning yashighan ijdima jemiyettiki mehjut xasliqqa ige medeniyetidin mehrum qilip, öz Ana Wetinide wetensiz yashaydu.

Uyghur Edebiy tilining yéziq qismigha mensup bolghan Neshiryatchiliq ishlirigha nezer salidighan bolsaq, Yéqinqi 10yil mabeynide Uyghuristan déyarida Neshiryatchiliq ishliri intayin arqigha chikingen. Eqillisi Uyghur xelqi söyunup oquydighan birmu Roman we yaki bashqa Tarixi kitaplar neshir qilinmighan.
Kitapxanlardiki kitap shirelirige nezer tashlisghiz 80-90-yillarda Neshir qilinghan kitaplar bilenla cheklinip qalghan.

Aldi bilen Ana tildiki maarip yoqalghandikin Uyghur Edebi tili yoqulushqa bashlighan we Atalmish «Qosh Tilliq maarip » siyasitining netijiside Uyghur tilida qatti Til buzuqlughimu meydangha klegen.

Tilda buzuqluq bolsa ipadilimekchi bolghan mezmun, ilgir surmekchi bolghan idiye toluq ipadilenmeydu. Eger ipadilimekchi bolghan idiye heqiqi meneda ipadilenmise, heqiqi meniwi qimmitini tapmisa Sen`et we Exlaq zawalliqqa yuzlinidu, Sen`et we Exlaq zawallashsa jemiyette Adalet yoqulidu, eger Adalet yoqalsa u jemiyettiki Xelq charisiz qalidu. Dimek sözning küchini heqiqi menisi bilen bilish shu milletning küchini bilish bilen teng barawerdur.

Birsining nimini sözleshni bilishi yéterlik emes belki uni qandaq sözleshni bilishi eng muhimdur. Qandaq sözleshni bilish Insan Eqlını ishlitishining bir san`ettidur.

Shuning üchün Tarix sehniliride daima Ana tilni qoghdash üchün Tarixta meshhur Alimlar, Döwlet erbablar , jasarelik dangliq Shexsiler meydangha kelgen.

Uyghur Tilining yoqulushi we buzulushini deslepki qedemde tonup yetken kishi Maxmut Qashqiridur. Yeni yalghuz uyghur tilila emes belki pütün Türk dunyaidiki Türk millerlirining tilining yoqulush hewipige duch kelgende Özining meshhur esiri « Türk tillar diwani Lughutini » yézip , Türk tilining shu dewrilerde dewri sürgen Erep we Fars tiliridin ustun ikenligini namayen qilghan.

Bügün bolsa Ana tilimizni qoghdash üchün Ilham Toxti, Abduweli Ayup qatarliq ot yurek jessur oghlanlar Xitayning qarangghu zindanlirida yatmaqata.

2014-yili 2 – ayning 21 – küni, Birleshken Döwletler Teshkilati (BDT) teripidin „Dunya Ana Tili Küni“ dep elan qilinghanliqining 15 yilliq xatire küni bolup, merkizi Parij shehride bolghan BDT Maarip, Ilim-Pen we Mediniyet teshkilati (UNESCO ) bu ehmiyetlik künni pütün dunya miqyasida zor daghdugha bilen tebrikleshke hazirlanmaqta.
Jümlidin Dunya uyghur Qurultiyining Ijrayiye komotining reisi Dolqun Eysa Ependining biwaste orunlashturushi bilen 2014 –yili 2-ayning 21-küni, Parij shehride, mexsus Xelqaraliq ilmiy muhakime yighini we pütün Yawropadiki teshkilatlirimizning qatnishishida keng kölemlik birleshme Namayish ötküzüshke jiddi teyarliq qilmaqta. Uning üchün biz Yawropa döwletkiride yashawatqan Uyghurlar Köngul we Sözimizni bir qilip, bu paaliyettin qet´i orun ilishimiz sherttur.

Bizning tilimiz Yoqalmaydu, bizning tilimiz Tarixta Impératorlarni qurghan Tildur, Til küchtur, küchluk bolushni oylighan Insan Tiligha pishshiq bolup, öz tilini mukemmel qoghdighan Insandur.

Uyghur Millitining Tili Uyghur tilidur. Uyghur Tili Dunyadiki eng güzel, eng bay tildur, uning üchün her bir Uyghur öz Ana tilini jan-dili bilen yaxshi köridu we uni issiq Qéni bilen qoghdaydu. Uyghur tili bolsa Uyghur milliti üchün muqeddes bir ghezinidur, Uyghur millitining mewjutlughidur, uyghur millitining ghoruridur. Chünki biz yuqurda sözlep ötken sansizlighan palaketlerning, Exlaqining, Kilechekning, Tarixining, Mewjutlughimizning qisqisi bugünki Uyghur milliti qilghan herqandaq nersining mashu Uyghur tilining sayiside köruniwatqanlighini körimiz.

Shunga Uyghur Tili Uyghur Millitining Qelbidur.

Hörmet bilen,

Qara .

01.02.2014. München(Gérmaniye)

Unregistered
09-02-14, 16:28
gollandiyedin 30 bala welispit bilen bir hepte burun yolgha chiqidighan boldi.

Unregistered
25-02-14, 15:43
gollandiyedin 30 bala welispit bilen bir hepte burun yolgha chiqidighan boldi.

taziliqchilargha ish chiqip turidu.
http://uyghur-pen-center-forum.946963.n3.nabble.com/Ishek-ishektin-qalsa-quliqini-kes-deydighan-bir-gep-bar-td4025194.html

Dolkun Isa
28-02-14, 03:04
Salam Hormetlik rehberler ve sepdaxlar

hemimizge melum bolghandek 2014-yili 21-kuni Dunya Ana Tili kuning 15-yiliqida Parijda otkuzulgan heliqara yighinda Rabiye Kadeer hanimning yol yuriqigha asasen DUQ teripidin teyarlap chiqilghan "Uyghur Ana tili maarip herkiti"namiliq mexsus dokilat ilan qilinip tunshturulghan.mezkor dokilatnint hejimi qong,mezmuni mol,sepdaxlarning paydilinish uchun qolay bulish uchun tuvendik linkige qarang!
Movement-for-Uyghur-Mother-Language-Based-Educatio


http://goo.gl/sygAFx