PDA

View Full Version : Germaniyede ötküzilidighan 5 – fewral namayishi heqqide uxturush



YSHTB
26-01-14, 07:18
Germaniyede ötküzilidighan 5 – fewral namayishi heqqide uxturush

Eziz qerindashlar, 1997 – yili yüzbergen 5 – fewral Ghulja inqilabining 17 – yilliq xatire küni kelish aldida turmaqta.

sizlerge melum bolghinidek, Bundin 17 yil burun yüzbergen 5 – fewral Ghulja inqilabi, xuddi 5 – iyol Ürümqi qirghinchiliqigha oxshashla Sherqiy türkistanning yeqinqi zaman tarixida meydangha kelgen zor siyasi hadisilerning biridin ibaret, 1997 – yili 2 – ayning 5 – küni Ghulja xelqi teripidin elip berilghan tenichliq namayishimu, xuddi bu Ürümqi qirghinchiliqigha oxshashla kommunist Xitay hakimiyiti teripidin rehimsizlerche qanliq basturulghan we eyni chaghda xelqarada zor tesir qozghighan idi.

Millitimizning hörlüki, erkinliki we azatliqi üchün eziz janlirini pida qilghan qehriman ewlatlirimizni qelbimizde ebediyen yashnitish, ularning küreshchan iradisi we milliy rohigha warisliq qilish bolsa hemmimizning milliy we wijdani burchimizdin ibaret !

shunung üchün, Ghulja inqilabining 17 – yilliqini xatirilesh we shundaqla Kommunist Xitay hakimiyitining nöwette weten ichidiki bigunah xelqimizge qarita rehimsizlerche elip beriwatqan qirghinchiliqigha naraziliq bildürüsh meqsidi bilen Germaniyening München shehridiki Xitay konsulxanisi aldida namayish uyushturulmaqchi, Germaniyede yahsawatqan barliq qerindashlirimizni bu qetimqi namayishqa toluq qatniship berishke chaqirimiz !

Eziz qerindashlar, eyni chaghda Uyghur xelqi nöldin töwen 30 giradusluq qehritan soghuqqa, shundaqla Xitay eskerliri we saqchilirining miltiq - zembireklirige pisent qilmay, merdanilarche kökrigini kerip meydanlargha tökülüp, özlirining erkinlik we hörlükke bolghan naraziliqlirini namayen qilishqan idi, shunga biz muhajirette yashawatqan Sherqiy Türkistanliqlar weten ichidiki qehriman ezimetlirimizning qehrimanliq jasaritidin örnek elip, eziliwatqan we qiriliwatqan Xelqimizning dat – peryatlirini Dunya jamaetchilikige tuyghuzush üchün pidakarliq körsütüshimiz lazim !

Namayishning waqti : 2014 – yili 2 – ayning 5 – küni ( charshenbe )

Namayishning orni : Münchendiki Xitay konsulxanisining aldi

Ehtiram bilen :

Yawropa Sherqiy Türkistan Birliki
Germaniye Uyghur Ayalliri Komiteti

Unregistered
26-01-14, 08:18
pütün shehidlirimiz nur ichide yatqay, amin !

Unregistered
26-01-14, 09:13
Tüzitish :

yuqarqi uxturushqa namayishning saiti yezilmay qaptu, siilerdin özür tileymiz, namayishning waqti :

Germaniye waqti : 13:30 - 15:00 giche