PDA

View Full Version : DUQ, wetinimizning 2013 – yilliq weziyiti heqqide mexsus doklat hazirlap tarqatti



Qurultay uchuri
09-01-14, 01:55
DUQ, wetinimizning 2013 – yilidiki qanliq weziyiti heqqide mexsus doklat hazirlap tarqatti

DUQ rehberlik heyiti yengi yilning harpa küni ( 12 – ayning 31 – küni ) jiddi telifun yighini chaqirip, 1014 – yili ichide Dunya miqyasida Xitay hakimiyitige qarshi naraziliq heriketlirini yuquri pellige kötürüsh arqiliq Dunya jamaetchilikining uyghur mesilisige bolghan diqqet – etibarini qozghash we hesdashliqini qolgha keltürüsh, Xelqara jamaetchilikni Xitay hakimiyitining Uyghurlargha qarita yürgüziwatqan sestimiliq we pilanliq irqiy qirghinchiliq siyasitige qarshi jiddi naraziliq bildürüshini qolgha keltürüsh, shundaqla Uyghur teshkilatliri paaliyet elip beriwatqan döwletlerning hemmiside aldimizdiki heptidin etibaren bir tutash naraziliq namayishlirini we türlük shekillerdiki naraziliq paaliyetlirini uyushturush heqqide bir qatar mohim qararlarni alghan, shundaqla yighinda yene, DUQ teripidin Sherqiy Türkistanning 2013 – yilliq omomiy weziyiti heqqide sestimiliq bir dokilat teyarlap chiqip DUQ terkibidiki herqaysi teshkilatlargha we siyasi paaliyetchilirimizge yollap berish we teshkilatlar DUQ teripidin birtutash hazirlanghan bu dokilatni ozliri turushluq doletlerning hökümet, parlament we xelqara teshkilatlirigha teqdim qilip, ularni herketke kelturush muzakire qilinghan idi. bu munasiwet bilen yighindin kiyin, DUQ ning Germaniyediki merkizi orgini bilen Washingtondiki ishxanisi birlikte jiddi teyarliq korup, oz-ara zich hemkarliship, 1 – ayning 7 – küni Engiliz tilida sestimiliq bir doklatni hazirlap chiqip, uni pütün teshkilatlirimizgha we asasliq siyasi paaliyetchilirimizge yollap berdi.

Shunung bilen birge mezkur doklat yene, BDT kishilik hoqoq komitetigha, Xelqaraliq pütün kishilik hoqoq teshkilatlirigha, asasliq chetel metbuatlirigha, shundaqla Germaniye qatarliq döwletlerning munasiwetlik hökümet tarmaqlirigha yollap berildi.

DUQ terkibidiki pütün teshkilatlirimiz we siyasi paaliyetchilirimiz bundin keyin Xitay hakimiyitige qarshi elip baridighan naraziliq paaliyetliride we axbarat, bayanat elan qilish, körgezme uyushturush ... qatarliq köpxil shekillik paaliyetliride mezkur doklatni birtutash qollunidu.

DUQ teripidin hazirlanghan mezkur doklatta, wetinimiz Sherqiy Türkistansanda 2013 – yili yüzbergen wekil xarektirlik qanliq hadisiler, qirghinchiliqlar we tutqunlar biyografiye sheklide toluq yer alghan bolup, yene weten ichide yüzbergen weqelerning shekli, xarektiri, kelip chiqish sewepliri, Xitay hakimiyitining Uyghurlarning normal naraziliq heriketlirige qarita qollanghan weh’shi qirghinchiliqi, shundaqla kommunist Xitay hakimiyitining Sherqiy Türkistan Xelqighe qarita izchil türde yürgüzüp keliwatqan Xitaylashturush, talan – taraj qilish, qattiq basturush, qirghin qilish, keng kölemlik tutqun qilish, dinsizlashturush qatarliq qilmishliri sestimiliq bayan qilinghan.

Elwettiki, Xitay hakimiyitining 2013 – yili Uyghur Xelqighe qarita yürgüzgen qanliq qirghinchiliqi pütün Xelqaraliq kishilik hoqoq teshkilatlirining, bezi mohim Döwletlerning hökümet we parlamentlirining, chetel metbuatlirining qattiq eyiplishige uchridi, chetellerdiki uyghurlarmu DUQ ning bashlamchiliqida Xitay hakimiyitining gheyri insani qilmishlirigha qarita türlük shekiller bilen küchlük naraziliqini we qarshiliqini bildürüp kelmekte, epsuski, Xitay hakimiyiti Sherqiy türkistanda yüzbergen qanliq hadisilerdin sawaq alghini yoq, Dunya jamaetchilikining naraziliqlirigha qulaq asqinimu yoq, Xitay hakimiyitining sherqiy türkistanda milliy isyan we topilanglargha, shundaqla türlük shekildiki naraziliq heriketlirige qarshi qollinip kelgen birdin - Bir tüp siyasiti - Öltürüp - Chépip singdürüsh we basturush siyasitidin ibaret. Bu yoldin bashqa héch bir muressege yol qoyghini yoq. Héch bir zaman qarshi terepning dert we elemlirige qulaq salghan emes, milliy toqunush we isyanlarning peyda bolushigha biwaste sewebchi boluwatqan adaletsiz siyasitini özgertishni xiyaligha keltürüp baqqanmu emes !

Mesilen, Xitay metbuatlirida körsütilishiche, Xitay merkizi hökümiti, Sherqiy türkistanning 2013 – yilidiki jiddi siyasi weziyitini közde tutqan halda, hazirgha qeder merkezdin tartip < aptonom rayon > ghiche 6 qetim zor yighin echip, mexsus uyghurlar mesilisini muzakire qilghan.

Awal 2013 – yili 19 – küni Xitay kommunistin partiyesi merkizi komiteti siyasi birosi dayimi heyetler yighini echip, Sherqiy türkistanning nöwettiki siyasi weziyitini analiz qilghan we budin keyin yolgha qoyidighan stiratigiyelik siyasitini bekitip chiqqan, 12 – ayning 22 – küni , 2014 – yili 1 – ayning 1 – küni, 1 – ayning 2 – küni we 1 – ayning 5 – künliri < aptonom rayonluq partikom > arqa – arqidin yuquri derijilik mensepdarlar yighini chaqirip, Xitay merkizi komiteti siyasi birosi dayimi heyitining Sherqiy türkistan heqqide tüzüp chiqqan siyasitini we Shi jin pingning bu heqtiki yolyoruqini jiddi ijra qilishning pilan – purogrammilirini tüzüp chiqqan.

Epsuski, Xitay kommunistik partiyesi merkizi komiteti siyasi birosi dayimi heyitining bu qetim tüzüp chiqqan atalmish < yengi > siyasitimu yene ikki shoargha tayanghan bolup, biri, < Milliy bölgünchilerge qarshi küreshning teshebbuskarliqini her zaman qoldin bermeslik >, yene biri, < Muqimliq hemmini besip chüshidu digen idiyede ching turush > tin ibaret !

Emiliyette yuqarqi ikki shoar Xitay hakimiyiti teripidin uzundin buyan izchil türde tekitlep kelgen siyasi shoarlar bolup, < Milliy bölgünchilerge qarshi küreshning teshebbuskarliqini her zaman qoldin bermeslik > digenlik, < böshügidila ujuqturush >, < bix halitide yoqutush >, < mingi naheq ölse ölsunki, birimu qechip ketmisun > digenliktin ibaret, yeni, bundin keyinmu sel – pella guman qilghan Uyghurlargha qarita xalighanche oq chiqirip öltürüsh, gumanliq depla qaralghan Uyghurlarni xalighanche tutqun qilish we qiynash herikitining yenimu küchiyidighanliqining ****** ipadisi.

< Muqimliq hemmini besip chüshidu digen idiyede ching turush > digenlik bolsa, bundin keyin Xitay hakimiyitining yene dawamliq türde pütün qanun organlirining asasliq küchini, shundaqla pütün siyasi, iqtisadi we herbi küchlirini uyghurlarning naraziliq heriketlirini basturushqa qaritidighanliqining eniq ipadisidin ibaret !

Emma, qehriman sherqiy türkistan Xelqi hech bir zaman zulumgha tez pükken emes, Xitayning zulmi we qirghinchiliqi kücheygensiliri, wetinimiz Sherqiy türkistanning her jaylirida xuddi lawuldap köyüwatqan gülxandek Kommunist Xitay hakimiyitining zorawanliqigha qarshi naraziliq heriketlirimu üzlüksiz ulghuyushqa bashlidi, mana bu, qehriman uyghur xelqining mustemlikichilikke we Xitay zulmigha esla tez pükmeydighanliqini, Xitay zulmi astida xorlulnup haywan kebi yashashtin mertlerche shehid bolushni ewzel körgenlikini ochuqche ispatlap turmaqta !

DUQ xewer merkizi

Unregistered
09-01-14, 12:57
http://www.uyghurcongress.org/uy/?p=9620

Unregistered
09-01-14, 16:37
http://www.uyghurcongress.org/uy/?p=9620

DUK tiki qerindashlar, millitimiz silerning weten yolida korsetken bu ejringlarni hergiz unutmaydu !
DUK ning xizmetlirige utuqluq tileymen !

Unregistered
10-01-14, 01:27
http://www.rfa.org/uyghur/xewerler/kishilik-hoquq/duq-paaliyet-01092014153756.html