PDA

View Full Version : Ailar Bayrimigha Mubarek



Aygul Yusup
14-05-06, 05:46
Essalamu eleykum,Weten ichi we sirtidiki eziz anilar.Men anilar bayrimi munasiwiti bilen silerge ali ehtiram bildurimen we salamimni yollaymen.shundaqla barliq anilar namidin hormetlik ,qeyser we kureshchan animiz Rabiye Qadir xanimgha mengguluk salametlik,uzun omur we kuch-qudret tileymen!
Hormetlik anilar Wetinimiz Sherqi Turkistan munqerizlikte we musibet ichide turiwatqan mushu qayghuluq deqiqilerde,dunya buyiche barliq anilargha ortaq bolghan bu bayramni ozimizning ay-yultuzluq kok bayrighimiz esilghan azat Wetinimizde otkuzush pursitige erishelmigenligimiz yurugumizni orteydu.Bizmu dunyadiki bashqa barliq azat anilardek del mushu kunde xushal bolishimiz we ozimizge berilgen erkinlik,horluk we demigiratiyidin behrimman bolup ,aniliq sheripimizdin pexirlinishimiz kerek idi.Epsuski biz bu pursettin yiraq halda yashawatimiz.Lekin anilar we balilarning hor-erkin dunyagha erishishi uchun hem kuresh qilmaqtimiz.Anilirimiz we xanim-qizlirimizning buyuk kuresh ornekliridin bolmish Iparxan,Yette qizlirim ,Nuzugum,Rizwan,gul we namsiz ketken qehriman qiz-anilirimizning mengguluk rohi bizni her zaman horluk uchun kuresh qilishqa chaqirmaqta.Hormetler toridin orun alghan qeyser we jesur Weten qizi Rabiye animiz ozining hayat jismi we rohi bilen Wetenning horluk,azatliq arzusini we barliq anilarning dert-hesritini dunyagha anglatmaqta.Lekin bilishimiz kerekki biz horluk jarchisi qeyser qiz –anilirimizning namini pexirlinish ichide atap quyupla Wetenning azatlighi uchun bolidighan kureshni ularning rohi we jismigha yuklep quyalmaymiz we ularni abide ornida tiklep quyup,pexirlik namini beshimizgha yastuq qilip yetip uxlap qalalmaymiz.chunki bu Weten ozini Uyghur ataydighan barliq uyghur aniliri we xanim qizlirining Wetini!!Horluk uchun towlash barliq anilarning wijdani burchi.Milli ghurur bilen yashash her bir Uyghur anining ulugh Alla we Weten aldidiki bash tartip bolghisiz wezipisi!! Shunga siz meyli qeyerde we qandaq yashang Weten uchun oz jenidin kechken qehriman shehitlirimizning rohini oz rohingizgha kochurung.Hayat kuresh qiliwatqanlarning jenigha jan ulang.Eger siz bir alim ana bolsingiz oz tetqiqat netijingizge Uyghurgha wekillik qilalaydighan bir namni yaki hich bolmisa ozingizning ismini quyung..chunki pen-tetqiqat we keshpiyatlar tarixida nurghun keshpiyatchilar oz keshpiyatigha oz Millitige wekillik qilalaydighan namni qoyghan ,we bu nam we isimlar arqiliq ashu milletning pen-medeniyetlik millet ikenligi tarix betidin orun aldurghan.Mana bu sizning Weten we millet namidin qilghan xizmitiningiz bolup qalidu.Eger siz senetkar,ertis bolsingiz oz muzikingiz we naxshingiz bilen Wetenni kuyleng,azatliq uchun sayrang.Eger shaire bolsingiz azatliq marshlirini yezing.Nawada siz addi ana bolghiningizda perzentliringizge Wetenning mubarek namini eslitip,ay-yultuzluq kok bayraqni uning uxlash oyige esip quyung.Eger siz namazxan ,teqwadar ana bolsingiz her waq namizingizda Wetenning horligini Allahdin tileng! Peyghember eleykislamning hedisidimu ”Wetenni suyush imanning jumlisidindur ”diyilgen. Hazirqi ehwalda eger bizning hayatliq paaliyetlirimiz Wetenning horligi we erkinligini qayturup elish bilen birleshturulmeydiken, biz yaratqan qimmet Weten tuprighidin yiltiz tartalmay bizni shehsiyetchi janbaqarlargha aylandurup quyidu.
Menmu bir ana bolush suputum bilen barliq anilardin tileydighinim shuki eger erlirimiz bu dunyaning ishliridin bixewer uxlap yatqan bolsa uni turtup oyghutup:bes emdi ,tur gheplet uyqangdin dep uni oyghtutayli.Eger u alliqachan oyghanghan Weten jengjisi bolsa uning rohi we jismigha kuch ulap bar kuchimiz we imkaniyitimiz bilen uni qollayli.Chichenistenliq qehriman anining mexpi xizmet otesh uchun kelip anisini yoqlap ketmekchi bolghan oz oghlini Wetenni qutquzush urushidin qechip keptu dep xata chushunup etip tashlighanliq weqesi eyni chaghda kishilerni zil-zilige salghan idi.Dimek anilarning ghururi Wetenning ghururigha wekillik qilidu.Biz perzentilirimizge ghurur we etiqadni miras qaldurayli. Ozimizni kuresh izbasari qilip terbileyli! Wetenge bolghan kuchluk bir muhebbet bilen yughurulghan wijdan we etiqadning barliq Uyghur anilirining hayatigha chongqur yiltiz tartishini Weten namidin tileymen!!
Anilar bayriminglargha yene bir qetim mubarek bolsun!