PDA

View Full Version : Himiye Alimi Zeper Abliz



Unregistered
02-11-13, 20:07
Zeper Abliz 1961 - yil 4 - ayning 20 - küni Ürümchi shehiride ziyaliy ailiside dunyagha keldi. Atisi Abliz Naziri xelqimizge tonulghan pëshqedem shair, jurnalist we aptonom rayonimizning edebiyat - sen'et sahesidiki iqtidarliq rehber, anisi Ayim Këwir Ürümchi sheherlik 16 - bashlan'ghuch mektepning munewwer oqutquchisi idi, Zeper 1979 - yil 9 - ayda Shinjang Uniwërsitëtining ximiye fakultëtigha oqushqa kirdi,

1983 - Yil 7 - ayda oqushi pütkende netijisi pewqul'adde yaxshi bolghachqa, xu mektepning özige oqutquchiliqqa ëlip qëlindi. U 1985 - yili Shinjang Uyghur Aptonom Rayonluq Xelq Hökümiti Yaponiyige birinchi türkümde ewetken oqughucilar qatarida Yaponiye Meisei Uniwërsitëti tebiiy pen we sana'et penliri institutining ximiye fakultëtida bilim ashurdi hem aspirantliqta oqudi. U bir tereptin Yapon tili hem In'gliz tilini dawamliq ching tutup ögense, yene bir tereptin kespiy bilim sewiyisini tiriship östürdi hem bu jehette tëz algha basti. Buning namayendisi shuki, u shu mezgildila alte parche ilmiy maqale, besh parche doklat yëzip, her qëtimliq ximiye ilmiy muhakime yighinida oqup, mutexessislerning yaxshi bahasigha ërishti we shu netijiliri bilen Yaponiye ximiye ilmiy jem'iyitining ezasi boldi. U 3 yil ene shundaq qëtirqinip öginish we ögen'genlirini emeliyette körsitish arqiliq 1988 - yil 3 - ayda ximiye hem fizika kespi boyiche "Tebi'iy penler magistëri" unwanigha ërishti.

Zeper Abliz 1988 - yil 4 - ayda weten'ge qaytip, ana mektipi Shinjang Uniwërsitëtining ximiye fakultëtida dawamliq oqutquchiliq qildi. 1989 - Yil 3 - ayda lëktor boldi. Bu mezgilde u ilgiriki bilimliri asasida tëximu ichkirilep tetqiqat ëlip bërip, tetqiqat netijilirini metbu'atta ëlan qilip turdi. Yazghan ilmiy maqaliliri ilgiri - axir bolup Shinjang Uniwërsitëtining 1989 - yillliq munewwer ilmiy tetqiqat netijisi mukapatigha, 1990 - yili Shinjang pen - texnika jem'iyitining tunji nöwetlik munewwer maqale mukapatigha, 1992 - yili Ürümchi sheherlik pen - texnika jem'iyitining ikkinchi nöwetlik munewwer maqale (Birinchi derijilik) mukapatigha ërishti. Bu mezgilde u yene Uyghur tëbabetchilikide ishlitilidighan dorilarning ünümlük terkiblirini tetqiq qilidighan tejribixana qurup, köp izdinishler arqiliq "Uyghur tëbabet dorilirining ximiyilik issiqliq xaltisi" ni sinaq qilip yasap chiqti. U yuqiriqidek netijiliri arqiliq 1991 - yili dotsëntliqqa kötürüldi.

Zeper Abliz 1991 - yil 4 - ayda Yaponiye Toho Uniwersiteti tebiiy penler Institutining teklipi bilen Yaponiyige yene bir qëtim bërip, japaliq ilim sepirini bashlidi. Bu mezgildimu u toy qilghinigha anche uzaq bolmighan ayali we bashqa urugh - tughqanlirigha bolghan sëghinishini öz yurti we xelqige bolghan yüksek mes'uliyetchanliqigha boysundurup, ilim - pen dëngizigha yenimu chongqur chökti. Shuning bilen uning bilim qurulmisi tëximu mukemmellishishke, yazghan ilmiy maqaliliri tëximu yuqiri sewiyige yëtishke yüzlendi. U doktorluqta oquwatqan shu qimmetlik waqitlirida bir yaqtin ösümlük ximiyige ait bilimlirini Uyghur dorigerlikige tedbiqlap, Uyghur tëbabet dorilirini yuqiri sewiyilik ilim nuqtisidin tetqiq qilsa, yene bir yaqtin massa spektro ilmi sahesidiki yëngi bayqashlarni we puraqliq hidro karbon maddilirida bolidighan hidrogen baghqa oxshaydighan molëkula ichidiki ajiz tartish küchi heqqidiki izdinishlirini emeliy tejribiler arqiliq delillep chiqti. Uning xelq'ara ilghar sewiyige yetken bu yëngi tetqiqat netijiliri eks ettürülgen ilmiy maqalilirining hemmisi degüdek xelq'ara we memliket ichidiki eng nopuzluq ilmiy jurnallarda ëlan qilindi. Undin bashqa ilmiy jurnallargha we maqaliler toplamlirigha köchürüp bësildi. U ene shundaq mol netijiliri bilen doktorluq oqushini ikki yildila ghelibilik tamamlap, 1993 - yil 5 - ayda ximiye hem fizika kespi boyiche "Tebiiy penler doktori" unwanini aldi. 1993 - Yil 4 - aydin bashlap, Toho Uniwërsitëti dorigerlik ilmi Institutida tekliplik tetqiqatci süpitide tebiiy mehsulatlar ximiyisining tetqiqat xizmitini ishlidi.

Zeper Abliz Yaponiyide oquwatqan mezgilide, Junggodin barghan her millet oqughuchiliri we Yaponiyilik dostlarning arisida kesip we ijtimaiy paaliyette bashlamchiliq rolini oynidi we "Gholluq mahir" dep nam aldi. Derweqe, bu gholluq ixtisas igisi 1993 - yili "Yaponiyide oquwatqan chet ellik oqughucilarning tetqiqat netijisi mukapati" gha, "1995-yil 7 - ayda Junggo pen - tëxnika jem'iyitining yash pen-tëxnika xadimlirining 2 - nöwetlik yilliq yighinida munewwer maqale mukapatigha, shu yili 10 - ayda " Lyang Shawtyen yashlar fondi mukapati " gha ërishti. Xelq'ara we dölet ichidiki bir qisim nopuzluq gëzitlerde uning qisqiche terjimihali, ish - izliri, tetqiqat netijiliri tonushturuldi. Nöwette uning memliket ichi we sirtidiki nopuzluq ilmiy jurnallarda ëlan qilin'ghan ilmiy maqalisi 60 parche bolup, buning ichidiki 30 parchisi SCI paydilinilghan maqaliler katalokigha kirgüzüldi. Shundaqla, bu maqalilerdiki bösüsh xaraktërlik yëngi bayqashlar we yëngi qarashlar memliket we xelq’aradiki kespdash mutexessislerning küchlük diqqet - ëtibarigha sazawer boldi. Tilgha ëlishqa erziydighini u bu maqalilirining köpinchisini yëqinqi 5 yilda yazdi; Buningdin bashqa 3 parche kitabni we analiz ximiye lughitidin birni yëzishqa qatnashti. Ilgiri-këyin bolup Bëyjing sheherlik wetenperwer töhpikarlar ülgisi dëgen namgha, Junggo analiz tejribe jem’iyitining 2-derijilik pen-tëxnika mukapatigha (2 qëtim) ërishti. 2004-yili tunji türkümdiki «Yëngi esirdiki milyonlighan ixtisasliqlar qurulushi»diki dölet derijilik namzat bolup tallandi.

Zeper Abliz yene qabil paaliyetchi bolup, 1993-yil 5-ayda " Yaponiyidiki Junggoluq pen - tëxnika ixtisasliqliri ittipaqi " deydighan bir ilim teshkilatini qurushta asasliq rol oynidi we bu teshkilatning muawin reisi boldi; 1995 - yil 3 - ayda Yaponiyide ëchilghan " Junggo - Yaponiye yash alimliri xelq'ara ilmiy muhakime yighini " gha alahide teklip qilindi hem bu yighinning muawin reislikige saylandi.

Zeper Abliz 1994 - yil 7 - ayda weten'ge qaytip këlip, 10 - aydin ta hazirghiche Junggo Tëbbiy Penler Akadëmiyisi dora tetqiqat ornining tebiiy dora ximiyisi bölümide tebiiy dorigha këreklik ösümlüklerdiki ünümlük terkibler we qurulmiliq alahidilikke ige ximiyilik birikmilerning massa spektro ilmi tetqiqati boyiche doktor ashti tetqiqat xizmitide boldi. Bu hizmet 1996 - yil 10 - ayda tamamlandi.

Zeper Abliz Hazir Junggo analiz-tejriba jem’iyitining mudiriyet ezasi, Junggo spëktir ilmiy jem’iyitining muawin mudiriyet bashliqi, Bëyjing fizika-ximiye analiz tëxnikisi ilmiy jem’iyitining muawin mudiriyet bashliqi, Bëyjing spëktir shöbe ilmiy jem’iyitining bashliqi; Yaponiye spëktir ilmiy jem’iyitining chet ellik ezasi; «Yaponiye Spëktir Ilmiy Jurnili, JMSSJ», «Spëktir Ilmi Jurnili», «Analiz-Ölchesh Ilmiy Jurnili» «Analiz Tejribixanisi» we «Jongnen Dorigerlik Ilmi» qatarliq jurnallarning tehrir hey’iti; Hemde yene xelq’araliq asasliq Spëktir ilmi jurnili «Rapid Commun. Mass Spectrom» we «J. Am.Soc. Mass Spectrom»ning alahide tekliplik maqale bahalighuchi mutexessisi; Shinjang uniwërsitëtining qoshumche wezipilik profëssori, Döletlik Dora Nazaretchilikini Bashqurush Idarisining Dora bahalighuchi mutexessisi, Pen-Tëxnika Ministirliki Tëxnikiliq meslihet bergüchi mutexessisler xezinisining ezasi, Junggo Tejribixanilarni tekshürüp testiqlash komitëti dora shöbe komitëtining ezasi; Bëyjing sheherlik siyasiy këngeshning ezasi qatarliq ijtimaiy xizmetlerni ötimekte.

1996 - yil 7 - ayda Shinjang Uniwërsitëti ximiye fakultëtining profëssorluqigha östürülgen bu ijtihatliq yash alimning semerilik hayat sehipisige nezer tashlighinimizda, uning wujudidin heqiqiy Uyghur oghlanigha xas parlaqliqni hem yükseklikni körgendek bolduq. Doktor Zeper Ablizning xelqqe bolghan cheksiz mëhir - muhebbiti xelqimizning uninggha bolghan muhebbiti bilen bir gewdige aylinip ketken. Biz bu doktorning tëhimu yaxshi netijilerni yaritalaydighanliqigha ishinimiz hem ulugh muweppeqiyetlerni

Unregistered
02-11-13, 23:00
Zeper Abliz 1961 - yil 4 - ayning 20 - küni Ürümchi shehiride ziyaliy ailiside dunyagha keldi.
1996 - yil 7 - ayda Shinjang Uniwërsitëti ximiye fakultëtining profëssorluqigha östürülgen bu ijtihatliq yash alimning semerilik hayat sehipisige nezer tashlighinimizda, uning wujudidin heqiqiy Uyghur oghlanigha xas parlaqliqni hem yükseklikni körgendek bolduq. Doktor Zeper Ablizning xelqqe bolghan cheksiz mëhir - muhebbiti xelqimizning uninggha bolghan muhebbiti bilen bir gewdige aylinip ketken. Biz bu doktorning tëhimu yaxshi netijilerni yaritalaydighanliqigha ishinimiz hem ulugh muweppeqiyetlerni

Zeper Apliz hizmet izdewatamdunime Americada? Bu yerge ou adamnin CV sini chaplap koiupziler. Eger Zeper ependim hizmet izdigen bolsa, bu CVni ACSnin websitesiha chalap koihan bolsanlar yashirak bolati. ACS: American Chemical Society.
Rehmet silerge.

Unregistered
03-11-13, 08:07
Ozimiz chong ish kilalmisakmu, bashkilarning ghelbisidin hozur elix we ularni meniwi jehettin Qollax nahayiti yahxi ehlak hisablinidu. bu uqurni yazghan kishige rehmet.

Unregistered
03-11-13, 09:04
men hili bir yillar ilgiri, xin jiang tilivizir istansining "qin yurektin qin sozler" digen programmisida, bir kitim zeper alim bilen otkuzulgen ziyaretni kurdum. sual jawaplar arasida, zeper ependim, bir insanning ugunushtin bashka nime ishi bar dep eytti. deslep manga bu bir balilarqe pikir kurundi, kiyin karisam bezide ashundak addi eilinghan pikirler ademlerge melum sahiyide izdinish elip kilidiken dep tonup yettim. dimek zeper ependimning ozige koyghan suali uni himiye alimi kilip qikiptu. qunki bundak misallar jahanda kop iken. bir qaghda, bireylen manga uning dadisi uniggha; ademning dunyada pul tipishtin bashka nime ishi bar deydiken, uning diyiqe u hazir del pul tapidighan mashina ademge aylinip kaptu. youtube din kurushumqe kesherde bir uyghur yash hawadin mangidighan motistkilit, su haltilliri arkilik tok qikirish kurulmilirini yasap qikiptu. u muhpirge men ozemge sual koyimen hemde shu asasta izdimen didi, dimek u bala hazir kumulup kalghan; dikkan engineergha aylinip kitiklik. eyni qaghda newton mu alma yerge nimishke qushudu digen sualni ozige koyghan iken, shu arkilik u alaemlik tartish kanuni tapkan iken, gerqe hemme adem her kuni almining yerge qushushini kurgen bilen u sualni koymighan de. otkende, bir UN ning kirghizlar ustide elip barghan tetkikatini kurdum, qunki dunyadiki eng kiyin sharait bar yerlerde kirghizlar yashaydiken pamir taghliri hetta himalaye taghliridimu. bir rayunda ular (kirghizlar) turghan yerde koy sani awup kitip otlak kem boliwitiptu. bir hadim, bir kirghiz ayalgha sual koydi, koy bikishtin bashka ish kilghili bolmamdu bu yerde? u ayal jawaben kirghizgha mal bikish yashshi dep jawap berdi. dimek sual nede bolsa jawapmu shuning etrapida bolidiken.