PDA

View Full Version : BDT ning aldida ötküzülidighan namayish chaqiriqi



uaa_admin
10-10-13, 10:22
473


Dunya Uyghur Qurultiyi Sherqiy Türkistanliq wetendashlarni 2013-yili 10-ayning 22-küni, BDT ningJeniwediki binasining aldida ötküzülidighan, Xitay hökümitining Sherqiy Türkistandiki qirghinchiliqigha qarshi chong kölemlik,naraziliq namayishigha qatnishishqa chaqiriq qilidu.

BDT ningJeniwediki merkizide 2013-yili 10-ayning 22-küni, etigen saet 9.00 din 12.30 ghiche, BDT kishilik hoquq kéngiyishi, Xitay hökümitini kishilik hoquq weziyiti heqqide soraqqa tartidu. Bu Xitay hökümitining BDT kishilik hoquq kéngishi aldida 2 –qétimliq soraqqa tartilishi bolup, tunji qétimliqi 2009-yili 2-ayda élip bérilghan idi.

Sherqiy Türkistanda yüz bergen “5-iyul ürümchi qanliq qirghinchiliqi” din kéyinki Xitayni tunji qétimliq omumiyüzlük soraqqa tartish yighini bolghanliqi üchün, bu yighin intayin muhim we halqiliq. Bu munasiwet bilen DUQ reisi Rabiye xanim bashchiliqidiki bir hey'et 9-ayda 2 heptidin artuqJeniwede bir qatar muhim teyyarliq paaliyetlirini élip bardi.

Xitay hökümitining Sherqiy Türkistandiki qirghinchiliq, basturush herikiti, 5-iyul qirghinchiliqidin kiyin téximu wehshiy bir basquchqa kirdi. Her ay, hetta her küni wetinimizdin kéliwatqan ölüm, tutqun qilish, basturush, qiyin-qistaq…dek échinishliq xewerler, yüreklirimizni qattiq azablimaqta. DUQ bir tereptin xelqimizning weten ichide élip bériwatqan kürishini qollap quwwetlesh , yene bir tereptin, Xitay hökümitining xelqimiz ustidiki wehshiyane bésimini dunya jamaetchilikige anglitish,'ularning qollishigha érishish hemde Xitay hökümitini xelq'ara menbelerde qistap, reswa qilish üchün barliq chare-tedbirlerni qolliniwatidu.

Mushundaq bir mezgilde, BDT da, 190din artuq dölet, nechche yüzligen xelq'ara teshkilatlar aldida, Xitay hökümitini jinayi qilmishliridin hésab bériwatqan bir waqitta, BDT ning aldigha jem bolup, wetinimizde, erkinliki, kishilik heq hoquqi üchün ishq qanlirini, janlirini pida qiliwatqan, amma awazini anglitalmaywatqan qérindashlirimizning awazi bolup, Xitay hökümitining jinayetlirini dunyagha pash qilish her bir Uyghurning eng eqelliy, wijdani, milliy we diniy mejburiyiti bolupla qalmay, belkim halqiliq bir pursettur.

Shunga DUQ, barliq wetendashlirimizni bolupmu yawropadiki qérindashlirimizni 2013-yili 10-ayning 22-küni,Jeniwede, BDT ning aldida, ötküzidighan zor kölemlik namayishqa jem bolushqa chaqiridu. (namayish etigen saet 9.00 din 15.00 giche dawam qilidu. )

10-ayning 22-küni, Xitay hökümiti soraqqa tartiliwatqan waqitta, namayish bilen birge BDT de DUQ, tibet, démokratik Xitay we xelq'ara teshkilatlar birlikte muxbirlarni kütüwélish yighini ötküzülidu. Uningdin bashqa namayishtin kiyin BDT binasida DUQ we bashqa xelq'ara teshkilatning birlikte uyushturushi bilen xelq'araliq yighin bolup ötidu. BDT diki yighin'gha qatnishishni xalaydighanlar, 10-ayning 15-künidin burun oz isim familisi, tughulghan waqti qatarliqlarni DUQ merkizige yaki herqaysi döletlerdiki DUQ terkibidiki teshkilat rehberlirige yetküzüp bérishi kérek.

Xitaygha qarshi küreshni özining milliy, wijdani we diniy mejburiyiti dep bilgen we Xitaygha qarshi élip bérilidighan bundaq bir naraziliq herikitige qatnishishni teshnaliq bilen kütüp turghan qérindashlirimizning bu namayishqa aktipchanliq bilen qatniship, eziz wetinimizde xelqining erkinliki üchün issiq qanlirini töküp, shérin janlirini qurban qiliwatqan, Xitayning qarangghu zindanlirida azab tartiwatqan we iz-déreksiz ghayib bolup kétiwatqan qérindashliri bilen bir septe ikenlikini, körsitidighanliqigha ishinimiz.

Eziz wetendash: bu muqeddes septe orun élish üchünJeniwege, BDT aldigha merhemet!

Hörmet bilen,

Dunya Uyghur Qurultiyi
2013-yili 10-ayning 9-küni