PDA

View Full Version : Germaniyede Qurban Heyt Namizi we Heyt Merikisi Heqqide Uxturush



YSHTB teshkilati
04-10-13, 16:41
Germaniyede Qurban Heyt Namizi we Heyt merikisi heqqide uxturush

1 ) Heyt namizi heqqide uxturush:

Essalamueleykum Germaniyede yashawatqan Sherqiy Türkistanliq eziz qerindashlar, pütün dunya mosulmanliri teqezzaliq we söyünüsh tuyghusi ichide kütiwatqan muqeddes Qurban heytimiz yeqinliship qaldi, epsuski, bu mubarek kün yeqinlishiwatqan peytte hemmimizning yurikini birla waqitta hoshalliq bilen qayghu hesliri chirmap aldi, hoshalliqimiz shuki, Dunyadiki eng demokratik ellerning biri hisaplanghan germaniyede yashawatqan biz sherqiy turkistanliqlar yillardin buyan herqandaq besim, cheklime, horluq, kemsitishlerdin mustesna halda muqeddes diniy wezipilirimizni tamamlap, dunya mosulmanliri bilen birge bayrimimizni tentene qilish sheripige eriship keliwatimiz !

Qayghumiz shuki, hemmimizning yurikini wetinimiz sherqiy turkistangha we Kommunist hitay hakimiyiti teripidin üsti ochuq turmige aylandurulghan bu eziz yurtimizda chekidin ashqan besim, qirghinchiliq we horluq ichide yashashqa mejbur boluwatqan mehriban ata - animiz, uruq - tuqqan, yar - buraderlirimizge bolghan cheksiz seghinish we qayghurush hesliri chirmap aldi, buhil hessiy tuyghu hemmimizni buruhturum qilmaqta we azaplimaqta !

hemminglargha melum bolghinidek, birqanche yillardin buyan Germaniyediki, bolupmu München shehride yashap keliwatqan qerindashlirimiz heyt namazlirini teshkilatimizning zalida birge ötep kelgen, bu pursettin paydilinip özara dertliship, özara sirdiship, weten ichidiki xelqimizning qayghusigha ortaq bolup kelgen idi. Emma, qerindashlirimizning sanining köpüyüshi, bolupmu yash – ösmürlirimizning sanining tez sürette eship berishi bilen, heyt namazliri üchün teshkilatimizning zali biraz kichiklik qilidighan boldi. Shunung üchün teshkilatimiz Germaniyediki, jümlidin München shehridiki qerindashlirimizning bu yilliq Qurban heyt namizini azadichilik ichide xatirjem ötküzüshige qulayliq yaritip berish üchün mexsus chong zal kiralap waqitliq mesjit hazirlidi, shunga qerindahslirimizning bu qetimqi heyt namizi üchün mezkur zalgha kelip toplunushini ümit qilimiz.

Bu qetimqi heyt namizi üchün yene xanim – qizlirimiz üchünmu ayrim bölme hazirlandi, shunga barliq qerindashlirimizning bala – chaqiliri bilen kelip heyt namizini birge ötüshini arzu qilimiz.

Heyt namizining waqti :

2013 – yili 10 – ayning 15 – küni ( seyshenbe ) etigen saet 08:00

Heyt namizining orni :

Eine Welt Haus, Schwanthallerstr. 80, 80336 München

2) heyt merikisi heqqide :

Eziz qerindashlar, teshkilatimizning orunlashturushi bilen yene mexsus pütün Germaniyediki qerindashlirimizning qatnishishida kolliktip heytlash we özara pete qilish paaliyiti uyushturulidu.

Heyt merikisining waqti :

2013 – yili 10 – ayning 20 – küni saet 12:00 – 18:00 )

Heyt merikisining orni :

Lerchenauer, Lasallestr.111, 80995 München

Izahat :
Germaniyening asasliq teliwiziye qanallirining biri Qurban heyt mezgilidin paydilinip uyghurlar heqqide 45 minutluq bir mexsus purogramma ishlimekchi, teliwiziye qanilining xadimliri heyt namizi we heyt merikisi küni kelip Uyghurlarning heytlash paaliyetlirini körünüshke almaqchi, shunga qerindashlirimizning heyt namizi we heyt merikisi küni milliyche kiyimlirini kiyip yasinip – jabdulup kelishke ehmiyet berishini ümit qilimiz !

Hörmet we ehtiram bilen :

Yawropa Sherqiy Türkistan Birliki

Germaniye uyghur Ayalliri Komiteti