PDA

View Full Version : Terjimanlargha qaritilghan gumanda gollandiye bixeterlik idarisining xatalashqanliqi



Unregistered
27-09-13, 06:24
Terjimanlargha qaritilghan gumanda gollandiye bixeterlik idarisining xatalashqanliqi ilgiri sürüldi

2013‏-Yili 10‏-Séntebir gollandiyediki xewer wasitiliride, uyghur siyasiy panahliq tiligüchilerning mexpiyetlikini xitaygha yetküzgenlik gumani bilen wezipisidin qaldurulghan ikki terjimanning eyibnamiside xataliq körülgenliki élan qilindi.

Xewerlerde ularning eyibnamisidiki «delil-Ispatlar yéterlik bolmighan we hetta xatalishish körülgen», déyilipla qalmay, gollandiye bixeterlik idarisining mezkur eyiblengüchilerdin kechürüm sorughanliqimu alahide eskertilgen.

Közetküchilerning köz qarishiche, ‏10-Séntebir élan qilinghan mezkur xewer, döletke qarita naraziliq we ishenchsizlik peyda qilipla qalmay, uyghurlarning bixeterlik tuyghulirigha qarita hem guman peyda qilghan.

Inkas bildürgen kishilerning köpinchiside, bu qétimqi eyibnamining xatalashqanliqigha qarita guman bilen qaraydighanliqi küchlükrek.

Emma, démokratiye we erkinlik shoarliri bilen qed kötürüp kéliwatqan yawropa elliridiki bu xil özgirishchanliq, eyiblinish élan qilinghan eyni chaghda inkas bergen sansiz kishilerdiki éhtiyatchanliqni yene bir derije ashuruwetken bolsa kérek, herkim öz kimliki bilen bu heqte oylighanlirini ochuq éytishtin yaltaydi. Netijide, bu heqte pikir-Inkas élish imkani bolmay qaldi.

Kishiler shu sewebtin süküt qilishni ewzel bilgen bolsimu emma, tor betlerdiki namsiz inkaslarda «erkinlik we démokratiyining bayraqdarliri yolmish gollandiye, uyghur mesilisige qarita tuturuqsizliq qildi» dep, eyiblengen. Téximu qiziqi shuki, hetta eyiblengüchi terepmu süküt qilidighanliqini éytti.

Biz mezkur terjimanlarni ziyaret qilghan waqtimizda, ziyaret qobul qilalmaydighanliqini bildürüp téléfonni qoyuwetti. Ular eyni chaghdimu ziyaritimizni qobul qilishtin özini qachurup turup, eyibnamige qarita, xataliq boluwatqanliqini, özlirining gunahsizliqini, tekshürülüshning netijisini kütidighanliqini, u xil satqunluq qilmishi bilen shughullinip qilishining hergiz mumkin emeslikini éytqan idi.

Mana emdi, aridin yérim yil ötkende chiqarghan axirqi tekshürüsh netijiside, ular gunahsiz déyilip, gollandiye bixeterlik idarisining mezkur déloda xatalashqanliqi ilgiri sürüldi.

Shuning bilen yérim yil dawam qilghan mezkur ikki terjimanning jasusluq qilmishi heqqidiki bes-Munazire, yene bir mezgillik ünsiz dialogqa aylandi. Shundaqtimu yene, eyni chaghdiki eyibleshlerdin kéyin, gollandiyede siyasiy panahliq telipide jawab saqlawatqan we hetta ilgiri ret qilinghan yüzdin artuq iltijachi uyghurlargha bérilgen siyasiy panahliq ishliridiki qararlargha tesir körsitemdu, yoq? dégenge oxshash, bu ishqa munasiwetlik türlük közitish we tehlil qilishlar dawam qilmaqta.

Mezkur ikki terjiman bu yilning béshida yeni mart aylirida siyasiy panahliq tiligüchi uyghurlarning mexpiyetlikini xitay hökümitige bergenlik bilen eyiblengen idi. Biz bu heqte, radioyimiz arqiliq xewer bergen iduq. Bu qétim ularning heqqidiki eyibnamining qaldurulghanliqidin uchur berduq.

http://www.rfa.org/uyghur/xewerler/qanun/ikki-terjiman-09262013165242.html/story_main?encoding=latin

Unregistered
27-09-13, 10:05
bolsa bular gunahsiz bolup chiqsun. hemme ademni ishpiyun dep tillap yurmeyli uyghurla.

Unregistered
27-09-13, 17:28
bolsa bular gunahsiz bolup chiqsun. hemme ademni ishpiyun dep tillap yurmeyli uyghurla.
gunai qilmighan yaxshi. qilghanken uning jazasini tartishi kerek.
http://uyghuristan.org/?p=1692