PDA

View Full Version : D’uq : Tor We Uchur-Alaqe Bixeterliki Téxnikisi Toghrisida Mexsus Kurs Uqturishi



Unregistered
17-08-13, 12:58
http://www.uyghurcongress.org/uy/?p=9084


Dunya Uyghur Qurultiyi
2013-yili 8-ayning 17-küni

Xitay da’iriliri yéqinqi waqitlardin buyan weten ichidiki tor betliri we uchur-alaqe ishlirigha bolghan kontrolluqni kücheytipla qalmastin, weten sirtida pa’aliyet élip bériwatqan Uyghur teshkilatliri, pa’aliyetchilirige bolghan közitish we kontrolluqni kücheytip, ularning tor betliri, el-xet we téléfonlirighiche her xil sheklidiki hujum qilish heriketlirini kücheytishke bashlidi. hetta Xitay da’irilirining bu xil buzghunchiliq heriketliri her qaysi döletlerning hökümet organlirighiche kéngeytilgenliki xelq’ara metbu’atlarda keng da’iride xewer qilindi. Amérika dölet mudapi’e ministirliqi, Gérmaniye bash ministiri ishxanisi Qatarliq orunlarghiche hujum qilip, döletlerning milliy bixeterliki we mexpiyetlikini tehdit qilishqa bashlidi. bu ehwal Amérika, Yawropa ittipaqi Qatarliq döletler bilen Xitay hökümiti otturisida jiddiy talash-tartish peyda qildi.

Xitay hökümitining bu xil buzghunchiliq we qanunsiz qilmishliri bir qisim döletlerning tor we uchur-alaqe bixeterlikini qaytidin közdin kechürüsh we téximu kücheytishke mejbur qildi.

Xitay da’irilirining d’uq ni merkez qilghan halda Uyghur teshkilatliri we pa’aliyetchilirining kompyutérliri, tor betliri we bashqa alaqe üskünilirige xakkirliq hujum qilish, jasusluq qilish, wirus yolash, tor betliri, élxetlirini chöktürüsh qilmishliri xelq’aradiki bir qisim «anti-wirus«, tor bet bixeterlik shirketliri bilen bir qisim xelq’araliq teshkilatlarning diqqet-étibarini qozghidi. bu heqte Kaspersky gha oxshash shirketler mexsus doklat élan qildi.

Bu munasiwet bilen bir-qanche yildin buyan xelq’aradiki bir qisim tor bixeterlik yumshaq détal shirketliri we bir qisim xelq’araliq teshkilatliri d’uq bilen hemkarlishiship, Uyghur teshkilatliri we pa’aliyetchiliri duch kéliwatqan bu xil Xitay hujumliridin mudapi’elinishning usulliri heqqide izdinish we tetqiqatlar élip bardi. merkizi Amérikadiki erkinlik öyi (Freedom House) bilen merkizi Kanadadiki tor bet bixeterlik shirkiti, 2010-yildin bashlap d’uq bilen oz-ara hemkarliq ichide mexsus «Uyghur tor bet we alaqe-uchur bixeterlik programmisi« heqqide tetqiqat élip bardi. bu tetqiqat jeryanida melum netijiler otturigha chiqti.

2010-yildin buyan «Uyghur tor bet we alaqe-uchur bixeterlik programmisi« ni mes’ul bolup élip barghan andriw we pétir ependiler 2013-yili 8-ayning 23-25-künliri Gérmaniyege kélip, d’uq ning hemkarlishishi bilen mexsus «Uyghur tor betliri we uchur-alaqe bixeterliki téxnikisi« toghrisida léksiye bérildi. léksiyide, tor betlerning bixeterliki, xakkrlerning hujumliridin mudapi’e körüsh, élxet bixeterliki, her xil shekildiki öz-ara alaqe-uchurlarni saqlap élip bérish téxnikiliri heqqide telim bérilidu, emili meshghulat, muzakire élip bérilidu.

Bu léksiyige Yawropadiki her qaysi Uyghur teshkilatlirining rehberliri, tor betlerning mes’ulliri, bashqurghuchiliri we Uyghur pa’aliyetchiler, shundaqla yash heweskarlarning qatnishishi qarshi élinidu.

Kurs, 2013-yili 8-ayning 24-küni etigen sa’et 10.00 da myunxénda d’uq ning ishxanisida bashlinip, 8-ayning 25-küni chüshtin kéyin sa’et 17.00 de axirlishidu.

Kurs heqsiz élip bérilidu,bashqa döletlerdin kelgen qatnashquchilarning yol kirasini her kishi özi üstige alidu, yataq we tamaq orunlashturushi ni d’uq üstige alidu.

Qatnashquchilarning 8-ayning 22-künidin burun d’uq gha téléfon, fakis yaki élxet bilen tizimgha aldurushini iltimas qilimiz.

Hörmet bilen,

Dunya Uyghur Qurultiyi
2013-yili 8-ayning 17-küni

Unregistered
18-08-13, 12:18
«Uyghur tor betliri we uchur-alaqe bixeterliki téxnikisi« toghrisida léksiye bérildi. léksiyide, tor betlerning bixeterliki, xakkrlerning hujumliridin.....

Liksiye birlip boldimu,yaki birilmekchimu?

Unregistered
18-08-13, 13:52
kim bilen alaqe qilimiz? bu ishqa kim konkirt mesul? qaysi telfongha Tel qilimiz?

Unregistered
18-08-13, 14:54
DUQ ning ishxanisigha telefun qilsingiz bulidu. +49 89 54321999,


kim bilen alaqe qilimiz? bu ishqa kim konkirt mesul? qaysi telfongha Tel qilimiz?