PDA

View Full Version : Yaponiye terepning qunduz yüsüpke agahlandurush bergenliki ilgiri sürülmekte



Anglighuchi
29-07-13, 19:20
Yaponiye terepning qunduz yüsüpke agahlandurush bergenliki ilgiri sürülmekte

Ixtiyariy muxbirimiz haji qutluq qadiri
2013-07-29

Tokyodiki xitay elchixanisining aldi derwazisi. 2013-Yili iyul.

RFA/7-Ayning 19-Küni tokyoda ötküzülgen bir qétimliq xitay ishlirigha alaqidar yighilishta yaponiyelik bir erbab yaponiyediki xitay diplomatiye xadimi qunduz yüsüp heqqide toxtilip, «qunduz yüsüpke yaponiye tashqi ishlar ministirliqi alahide agahlandurush bergen bolushi mumkin» dégen.

Yighinda söz qilghan bu erbab sözide: «qunduzning herikiti diplomatiye herikitidin halqip ketken, jasusluq herikitige mayil bolghanliqi üchün yaponiye tashqi ishlar ministirliqi uninggha alahide agahlandurush bergen bolushi éhtimalliqqa tolimu yéqin» dégen.

Yighingha qatnashqan bezi kishiler u erbabtin:
- Siz néme asaslinip, qunduz toghrisida shundaq deysiz?-Dep sorighanda,u erbab ikkilenmestin:
‏- Qunduz 6-Ayning 30-Künidin bashlap ta hazirgha qeder tokyodiki xitay elchixanisining qorusidin peqetla sirtqa chiqmidi. Hetta elchixana ichidiki ötküzülgen paaliyetlergimu ishtirak qilmidi,‏- Dep bildürgen.

Özining nam sheripini ashkarilashni xalimighan bu erbab, qunduz yüsüp heqqide bu qétimqi yighilishta bezi yéngi uchurlarni otturigha qoyghan.

U,erbab sözide:«qunduz yüsüpning yaponiyege kélishtin ilgiri, yaponiyege tashqi ishlar ministirliqigha yollanghan qunduz toghrisidiki yazma matériyallar bilen yaponiyediki bezi munasiwetlik orunlarning uning heqqide toplighan yazma matériyallar arisida asman-Zémin perq bar. Qunduz yüsüpning yaponiyege yollanghan matériyalida, qunduz ichki mongghulda tughulghan, milliti mongghul, déyilgen. Emma u yaponiyege 2010-Yili 9-Ayning 15-Küni yétip kélip, uzun bir waqit ötkendin kéyin yaponiye dairiliri uning uyghur ikenlikini bilgen» dégen.

Uzun qulaq bu erbab sözide yene:«qunduz eslide diplomatiye xadimi emes,u ürümchidiki iqtisad institutining xadimi, u shu mektepte 1981-Yilidin 1997-Yiligha qeder xizmet qilghan. 1992-Yilidin 1993-Yiligha qeder tokyodiki chuo uniwérsitétida bilim ashurghan. Yaponiyedin qaytip barghandin kéyin 1997-Yilidin bashlap uyghur aptonom rayonluq tashqi ishlar ishxanisigha xizmetke yötkelgen. U yalghuz uyghur aptonom rayonidila xizmet qilmastin, belki béyjingdiki xitay merkizi komitétining muhajirlar ishxanisining gholluq xadimi» dep körsetken.

U,erbab sözide:«qunduzning yaponiyege yollighan yazma matériyalida hetta tughulghan waqti, ailisidiki oghli we yoldishining isim famililirimu özgertilgen. Qunduz eslide 1961-Yili 8-Ayning 21-Küni tughulghan, bir perzenti bar» dep, süretler bilen éniq melumat bergen.

Yighingha ishtirak qilghuchilar bu erbabtin:
-Yaponiye tashqi ishlar ministirliqi néme üchün qunduzgha alahide agahlandurush bérishi éhtimalliqqa yéqin?-Dep sorighanda, bu erbab:
‏- Qunduz yaponiyediki xitay tetqiqat merkizining xitay tetqiqatchiliri bilen birlikte yaponiyediki bir qisim uyghur oqughuchilarni we bir qisim uyghurlarni jasusluqqa saldi. Bizning bu heqte toluq ispatimiz bar. Qunduzning élip bériwatqan jasusluq paaliyitining hemmisi sürgündiki uyghur rehbiri rabiye qadir xanimning yaponiyediki herikitini közitishtin ibaret. Rabiye qadir xanim 6-Ayning 18-Küni tokyogha yétip kelgen künidin béri qunduz bir künmu dep almay sheher we ölkilerni arilap, rabiye qadir xanim heqqide uchur toplashqa tirishti. Qunduzning jasusluq herikiti yalghuz yaponiye tewesidila emes, belki amérika, gérmaniye, kanada qatarliq ellerge chétilidu. Biz bu heqte yaponiye tashqi ishlar ministirliqigha alahide doklat yollighan,‏- Dep jawab bergen.

Bu erbabning bildürüshiche, qunduz 6-Ayning ichide yaponiyediki nuqtiliq bir qanche sheherlerge bérip shu sheherlerdiki bir qisim xitay tetqiqatchiliri bilen yaponiyede élip bériliwatqan uyghur dawasigha qandaq taqabil turush heqqide nurghunlighan pilanlarni tüzüshkenlikini ilgiri sürgen.

Bu erbab, qunduz uyghur oqughuchilargha bésim ishlitish, oqush mukapati bérishtek wasitilerni qollinip, ularni özige uchur toplashqa we uyghur mesilisi toghrisida tetqiqat élip bériwatqan yapon tetqiqatchilirining uchurlirini ular arqiliq igileshke tirishqanliqini bildürgen.

Bu erbab yene: «qunduz daim özining shaykiliri bilen özining yéqinlirining réstoranlirida uchrishish élip baridu. Yaponiyediki bir qisim uyghur réstoranlirining xojayinliri alliqachan qunduzning qapqinigha chüshüp bolghan» dep körsetken.

Qunduzning pütkül ishliridin xewerdar bu erbab «qunduz uyghurlarning öz tarixida yaratqan chalghu eswablirini, uyghur taamlirini küchining bariche yaponiyening medeniyet paaliyiti sorunlirida xitayning qilip körsitishke tirishiwatidu» dep éytqan.

Axirida bu qétimqi yighingha qatnashqan, emma özining nam-Sheripini ashkarilashni xalimighan bir xanim yighin heqqide toxtilip mundaq dédi:
-Qunduz yüsüp toghrisida bérilgen uchurlar peqetla qunduzning yaponiyediki heriketlirining bir qismidur. Qunduzning élip bériwatqan heriketlirige qarap, uning herikitining qandaq heriket ikenlikini hemme adem tizla chüshineleydu. Qunduz u hergiz diplomat emes.

Awaz ulinishidin tepsilatini anglang.

Unregistered
30-07-13, 03:50
poq,,bash dot uyghurlar, xainliq qilishsang mana bu jalaptek hamini bir kuni ashkarlishisen.
chetellikler dot poqbash emes, bizge oxshash.
xittaygha setilishsang ,xittaylar ishlitip bolghandin keyin, melum derijige kelgende, özliri sesitiwetidu.
uyghurning ichige ishtqa songek tashlighandek ,tashlap beriship, u kapirlar tamashe korep olturshidu...........toye Qunduz digen xittay jalipi, emdi sesiding, etraptiki shaykiliring qandaq qilishiwatqandu.........ularmu hamini qara tizimlikte bar. heqasingni emdi Qunduz xain ashkarlaydu.......bu qanuniyet............
Qunduz xainni , xittay ozliri yapongha yaxshichaq bolash uchun setiwetti.
chunki Qunduz oz millitige xainliq qilip, Xittaygha sadiq bolghan ,bolsimu U xatun beribir Uyghurek de:

Setilghan setilmilarni hechqandaq millet yaqturmaydu. waqitliq ishlitip boghandin keyin. ezeldin ulaning aqiwiti yoq. tirik olum, we ............bir pay oqtin iberet. oliginimu hech kim korushmeydu...xalas!

Unregistered
30-07-13, 06:06
Burunmu Yaponiyadin bir uyghur ayalni xain dep anglighan , bashqa dowletke beriwaptiken. u xotun hazir bamu yoq.

alpaat
31-07-13, 01:02
Bu hotun tenich yursichu.towa qilghan ishini.

Unregistered
03-08-13, 06:54
mana mushundaq millitini monghul dep hemme nersisini ozgertken ademmu axiri ashkare boptu.
ha..ha..ha.. dot uyghur ishpionlar yene xittaygha setilip ishpionluq qilsingiz aqiwetingiz qandaq bolushini oylidingizmu??????