PDA

View Full Version : Wingiriye sot mehkimisi Ümit Agahigha berilgen cheklesh qararini bikar qildi



Unregistered
20-07-13, 07:22
http://www.rfa.org/uyghur/xewerler/xelqara-xewer/umid-agahi-07192013184331.html

Unregistered
20-07-13, 08:03
http://www.rfa.org/uyghur/xewerler/xelqara-xewer/umid-agahi-07192013184331.html

mubarek bolsun, emiliyette bu, deplomatiye jehette DUQ ning yene bir ghelibisi, Xitayning eghir meghlubiyiti boptu !

Unregistered
20-07-13, 08:40
http://www.rfa.org/uyghur/xewerler/xelqara-xewer/umid-agahi-07192013184331.html

Wingiriye sotlirigha rehmet, axiri ularmu Xitayning saxtipezliki we epti - beshirisini tonup yetiptu !

Unregistered
20-07-13, 10:22
Wingiriyediki weqening omomi jeryani qandaq bolghan ? bu heqte DUQ ning töwendiki uchurini oqung :

Uyghur Yashlirining Wingiriyediki uchrushushi eghir tosalghulargha duch keldi ( 1 )

DUQ rehberlik heyitining qararigha asasen, DUQ yashlar komuteti teripidin yilda bir qetim ötküzülüp keliniwatqan Uyghur yashliri wekillirining bu yilqi 3 – qetimliq uchrushush paaliyitini 6 – ayning 31 – künidin 7 – ayning 2 – künigiche Wingiriyening paytexti Budapest shehride ötküzüsh bekitilgen we bu qarargha asasen, DUQ ning Yawropa we yashlar xizmitige mesul muawin reyisi Ümit Agahi we DUQ yashlar komutetining reyisi Gheyur Qurban ependilerning biwaste yeteklishi we orunlashturushi bilen, herqaysi ellerdin kelgen Uyghur yashliri 6 – ayning 30 – künidin etibaren Budapest shehrige kelip toplinishqa bashlighan, Dunya Hunyar Qurultiyi bilen DUQ ning sahipxanliqida ötküzülidighan bu qetimqi uchrushush paaliyitige yene Uyghurlar bilen qan qerindash hisaplanghan majar, Sak, Changgo we Yawropadiki Türk yashlirining wekillirimu teklip qilinghan idi.

Epsuski, Xitay hakimiyitining eghir derijidiki böhtan, töhmet we qarilashliri, shundaqla küchlük naraziliqliri tüpeylidin, Uyghur yashlirining bu qetimqi uchrushush paaliyiti Wingiriyede qatmu – qat tosalghulargha duch keldi, bu seweptin nöwette Wingiriyede Uyghurlar mesilisi heqqide qaytidin jiddi talash – tartish we siyasi kirizis yüzberdi.

Bezi uchurlargha asaslanghanda, Xitay hökümiti Wingiriyege toplinishqa bashlighan Uyghur yashlirini Wingiriye hökümitige, < hemmisi el – qaide bilen chetishliqi bar terör gumandarliri, Döwlitinglarning amanliqigha eghir xewip keltürüsh ehtimali bar radikal unsurlar > dep shikayet qilghan, shundaqla DUQ rehberlik heyitige wakaliten bu qetimqi paaliyetni uyushturushqa bashlamchiliq qilghan Ümit Agahi ependimni, < eng asasliq terör gumandarlirining biri > dep resmi shikayet qilghan.

Netijide, Uyghur Yashlati Budapest shehrige toliniwatqan bir peytte, Wilgiriye bixeterlik organliri we saqchi dairliri omomi yüzlük seperwerlikke kelip, hech bir delil – ispatqa tayanmayla, peqetla Xitay hakimiyitining quruq töhmetlirige asaslinip turup, aldi bilen Ümit Agahi ependimni 6 – ayning 30 – küni tuyuqsizla tutqun qilip, < terör gumandari > digen sewep bilen soraqqa aldi, arqidinla köp sandiki saqchilar Uyghur yashliri chüshken mehmanxanigha basturup kelip, etrapni qorshap qamal qilip, herqaysi ellerdin kelgen Uyghur yashlirini qattiq tekshürüshtin özküzdi, bunung bilenla qanaetlinip qalmay, Uyghur yashliri chüshken mehmanxanini pichetlep, Uyghur yashlirining bashqa mehmanxanilargha orunlishishinimu tosup, ularni shu künila özliri kelgen Döwletlerge qaytishqa qistidi.

Shunung bilen birge yene saqchi dairliri, bu weqeni bahane qilip, ayrupilan istansisi, poyez istansisi qatarliq nuxtilarda we Budapest shehrining merkizidiki sayahet nuxtilirida bixeterlik tedbirlirini hessilep ashurup, hemme jayni saqchi mashiniliri bilen toshquzuwetken.

Emiliyette bolsa, eslide bekitilgen purogramma boyiche, 6 – ayning 30 – küni Wingiriye tashqi ishlar ministiri özi biwaste DUQ rehberliri we Uyghur yashliri wekillirini qobul qilmaqchi bolghan, 6 – ayning 31 – küni Dunya Hunlar qurultiyi bilen DUQ ning ortaq teshkillishide Dunya Hunlar qurultiyi yighin zalida axbarat elan qilish yighini orunlashturulghan, hetta Xitay elchixanisimu bu axbarat elan yighinigha qatnishish üchün murajet sunghan, 6 – ayning 31 – küni Wingiriye parlamentining muawin reyisi Uyghur wekillirini parlament zalida özi biwaste qobul qilidighanliqini bildürgen, 7 – ayning 1 – küni kechte Uyghur, Majar, Sak, Changgo, Türk yashliri birleshme dostluq kechiliki paaliyiti ötküzüsh orunlashturulghan, bu paaliyetke qatnishish üchün hetta Gollandiyedin Tük fediratsiyoni yashlar teshkilatining ikki neper mesulimu alahide Budapestqa yetip kelgen idi.

Bixeterlik we saqchi dairlirining peqetla bir terepning töhmetlirige tayinip elip barghan yuqarqi qilmishliri, Wingiriyediki yerlik ammiwiy teshkilatlarning, bezi partiyelerning, Uyghurlarni özlirining tarixiy qan qerindishi dep hisaplighan Hun Xelqining küchlük naraziliqini qozghidi.

6 – ayning 30 – küni etigen saet 9:00 da Wingiriye bixeterlik organlirining < terör gumandari > digen nam bilen tutqun qilinip soraqqa elinghan Ümit Agahi ependim, kech saet 18:00 ge qeder qoyup berilmigini üchün, Dunya Hunlar Qurultiyi rehberliri bir tereptin, Hökümetning ediliye we qanun organlirini Uyghur yashlirining bu qetimqi uchrushush paaliyiti heqqide izahat berip, özlirining Hökümetke bolghan naraziliqini bildürse, yene bir tereptin, shu küni saqchi dairliri teripidin öz döwletlirige qaytishqa qistalghan pütün Uyghur yashlirini Dunya Hunlar Qurultiyining merkizige teklip qilip, buyerde ortaq axbarat elan qilish yighini ötküzmekchi boldi, saqchi dairliri bunimu tosus üchün, < mezkur binagha bomba yerleshtürülgenliki heqqide axbarat alduq > digenni bahane qilip, pütün binaning kirish – chiqish eghizlirini qamal qilip, uyghur yashlirini binaning aldida tosuwaldi.

Wingiriye hökümitining we qanun organlirining kishilik hoqoq we demokratik pirinsiplargha, shundaqla Yawropa birlikining qanun – nizamlirigha tüptin xilap halda elip barghan bu birtereplimilik qilmishi, binaning aldigha toplanghan uyghur yashlirining, yerlik xelqning qattiq naraziliqini qozghidi, bu hadise Wingiriye metbuat organliriningmu küchlük diqqitini tartqini üchün, köp sanda muxpir neqmeydanda kelip Uyghur wekillirini ziyaret qilip, bu qetim meydangha kelgen kirizis heqqide melumat elishqa tirishti, DUQ yashlar komitetining reyisi Gheyur Qurban we DUQ teshwiqat – neshriyat komitetining reyisi perhat Yorungqashlar muxpirlargha we etrapqa toplanghan ammigha bu heqte izahat berishke tirishti we Xitay hakimiyitining bu qetimqi öktemlerche töhmetlirini tüptin ret qilip, Uyghur xelqining nöwette beshigha keliwatqan külpetler we Sherqiy türkistanda yeqinqi mezgillerdin buyan yüzbergen hadisiler heqqide etirapliq melumat berishqa tirishti, meydandiki Uyghur yashliri, milliyche doppilirini kiyiship, Ümit Agahi ependimning aqiwiti heqqide eniq bir jawap berilmigiche neqmeydandin uzaqlashmaydighanliqini we Ümit Agahi ependimni elip birge qaytidighanliqini bildürüp, Dunya Hunlar Qurultiyi binasining aldida 3 saetke yeqin turup naraziliqlirini bildürüshti.

DUQ rehberlik orginining naraziliqi, Germaniye tashqi ishlar ministirlikining etirazi we Wingiriyediki ammiwiy teshkilatlar we bezi partiyelerning küchlük naraziliqi netijiside, shu küni kech 8 – 9 lar etrapida Ümir Agahi ependim bixeterlik organliri teripidin qoyup berildi, epsuski unung Wingiriyedin ikki saet ichide ayrilishi, ikki yilghiche Wingiriyege kirmesliki shert qilinip, saqchilarning hemraliqida Dunya Hunlar Qurultiyining binasi aldigha elip kelindi.

Ümit Agahi, Gheyur Qurban ependiler buyerde muxpirlargha we eptartiki ammigha qilghan sözide, Milliy rehbirimiz Rabiye xanim bashchiliqidiki DUQ bolsa Germaniyede resmi hökümet teripidin enge elinghan qanunluq bir teshkilat ikenlikini, DUQ ning uzun yillardin buyan BDT ning we Xelqaraliq barliq qanun – pirinsiplarning rohigha qattiq emel qilghan we özliri paaliyet elip beriwatqan Döwletlerning qanunlirigha hörmet qilghan asasta Xitay hakimiyitining Uyghur xelqighe qarita yürgüzüp keliwatqan zulum we qirghinchiliq siyasitini pash qilishqa tiriship keliwatqanliqini, esli teröristning bolsa del Xitay hakimiyitining özi ikenlikini, chünki Xitay hakimiyitining Uyghur xelqighe qarita izchil türde döwlet terör siyasiti yürgüzüp keliwatqanliqini, Wingiriye hökümet dairlirining peqetla bir tereptining töhmetlirige tayinipla elip barghan bu qetimqi heriketliridin qattiq epsuslanghanliqlirini we bu qilmishlarning Yawropa birlikining qanun – pirinsiplirigha tamamen xilap ikenlikini eskertip ötüshti.

DUQ rehberliri, Xitay hakimiyitining deplomatik besimlirigha we tosalghulirigha esla tez pükmeydighanliqlirini ipadilesh üchün, bir qisim Uyghur yashlirini elip shu küni poyez bilen kechiche yol yürüp germaniyening München shehrige qaytip kelip, Yashlar uchrushushi paaliyitini Germaniyede dawamlashturushqa bashlidi, ayrupilan biletlirini özgertish imkaniyiti bolmighini üchün qelishqa mejbur bolghan bir qisim Uyghur yashliri, Dunya Hunlar Qurultiyi rehberlirining yetekchilikide Hun qerindashlirimizning öylirige yerleshtürüldi, bu yashlirimiz ertisi köpligen Hun qerindashlirimizning qizghin alqish sadaliri we mehmandostluqi bilen özliri kelgen döwletlerge uzutup qoyuldi.

Dunya Hunlar Qurultiyi teminligen bezi uchurlargha asaslanghanda, Uyghur yashliri wekilliri qayturulghandin keyin, bu weqe Wingiriyede jiddi sisysi kirizis peyda qilghan, bügün ( 6 – ayning 31 – küni ) Wingiriye parlamentida bu weqe we Uyghurlar mesilisi heqqide qattiq talash – tartish yüzbergen, Hökümet we saqchi organliri bezi parlament ezalirining eghir derijide tenqitlishige uchrighan, hetta Wingiriye parlamentining bir neper muawin reyisi mexsus Ümit Agahi ependimge biwaste telifun qilip hal sorash bilen birge, özning bu qetimqi weqedin qattiq epsuslanghanliqini, Wingiriye xelqining Uyghur qerindashlirini kütiwelishqa her zaman teyyar ikenlikini bildürgen we Hökümettiki bezi Xitayperezlerning bu qetimqi birtereplimilik qilmishidin hisap soraydighanliqini ipadiligen.

Bu qetimqi hadise, Wingiriye metbuatliridimu jiddi türde talash – tartish qilinmaqta.

Rabiye xanim bashchiliqidiki DUQ rehberlik heyiti we DUQ ning Germaniyediki merkizi orginimu Xitay hakimiyitining Uyghur yashliri üstidin elip barghan siyasi tömetlirini chiritish we Wingiriye hökümitining bezi gheyri demokratik we gheyri insani heriketlirige bolghan naraziliqlirini bildürüsh üchün jiddi seperwerlik elip barmaqta.

bu heqte silerge yene dawamliq melumat berishke tirishimiz.

DUQ teshwiqat – neshriyat komiteti

Unregistered
20-07-13, 10:23
Wingiriyediki Uyghur yashliri uchrushushi heqqide yengi inkaslar

http://www.rfa.org/uyghur/xewerler/x...013155612.html

Unregistered
20-07-13, 10:29
bu heqte Xelqara metbuatliridiki talash - tartishlar :

http://www.rfa.org/uyghur/xewerler/xelqara-xewer/wengiriye-yighin-06052013155612.html

Unregistered
20-07-13, 18:38
http://www.rfa.org/uyghur/xewerler/xelqara-xewer/umid-agahi-07192013184331.html

tebrikleymen

Unregistered
21-07-13, 14:40
tebrikler DUQ,tebrikler Umit Agahi ependi !

Unregistered
21-07-13, 18:14
ming qimisa hemmimiz Hunlaning ewladi, gösh bilen piyaz bir tuqqan, Xitaydek nijis yatlar tuqqanlarning otturisigha zidiyet salalmaydu !
yashisun Hun qerindashlirimiz !

Unregistered
21-07-13, 19:16
http://www.rfa.org/uyghur/xewerler/xelqara-xewer/umid-agahi-07192013184331.html

RFA muxpiri irade xanim, bu purogrammini nahayiti etrapliq we mezmonluq ishlepsiz, sorighan soalliringizmu nahayiti mentiqiliq we etrapliq, heqiqeten terepsiz we riyal axabaratchiliq istiligha mas kelidu, sizni tebrikleymen !

Unregistered
22-07-13, 02:11
http://www.rfa.org/uyghur/xewerler/xelqara-xewer/umid-agahi-07192013184331.html

yashisun Hun - Uyghur qerindashliqi !

Unregistered
22-07-13, 03:26
http://www.uyghurcongress.org/uy/

Unregistered
22-07-13, 06:04
uyghurlar bilen Hunlar otturisidiki qerindashliq ehdinamisi heqidiki fiim :

http://www.youtube.com/watch?v=OsihUADUhvQ

Unregistered
22-07-13, 06:11
hazirqi zaman Uyghur - Hun dostluqining bashlinishi heqqide deslepki uchur :

http://www.google.de/imgres?q=Uyghur+wekilliri+Romaniyening&hl=de&biw=1440&bih=756&tbm=isch&tbnid=v_I61DaygqowPM:&imgrefurl=http://www.hurgokbayrak.com/yeni_sayfa_313.htm&docid=iFEydyDu7550VM&imgurl=http://www.hurgokbayrak.com/uygurce/etic_uyk.jpg&w=277&h=207&ei=bATtUfHQKMPVOaG5gPAB&zoom=1&iact=rc&dur=806&page=1&tbnh=140&tbnw=188&start=0&ndsp=3&ved=1t:429,r:1,s:0,i:85&tx=82&ty=76

Unregistered
22-07-13, 06:13
qedirlik dostlar, bu, hazirqi DUQ tetqiqat merkizining bundin 4 yil burun elip barghan paaliyiti bolup, shu chaghda Sherqiy türkistanning ay - yultuzluq kök bayriqi tunji bolup Romaniyediki eng meshhur bir cherkowning törige qadalghan idi, cherkawda, Uyghurlarnimu öz ichige alghan qedimi Hun milletlirining dostluq we qerindashliq ehdinamisi tüzülüp qesem ichilgen, Uyghur, changgo, Sak, Majar milletliri otturisida hemkarliq kelishimi imzalanghan idi.
bu eslide nahayiti pexirlinerlik bir ish bolup, buxil hemkarliq hazirmu dawam qiliwatidu.
eslide biz bu munasiwet bilen Perhat Yorungqash, Ümit Agahi we Hilalidin ependilerge rehmet eytishimiz lazim.

eyni chaghda bu heqte elan qilinghan xewerni qayta chaplap qoydum :

Yawropa Uyghur tetqiqat merkizi Wekilliri Wingiriye We Romaniyede


2006 - yili 6 - ayning 8 - küni


Öz xewirimiz: Germaniyening München shehride paaliyet élip bériwatqan < Yawropa Uyghur Tetqiqat Merkizi > ning xadimliridin terkip tapqan 5 kishilik bir ilmiy hey’et, < Dunya Hunlar Qurultiyi > we < Dunya Saklar Milliy Kengishi > ning tekliwige asasen, 6 – ayning 1 – künidin 5 – künigiche Wingiriye we Romaniyelerde ziyeretlerde boldi.

< Yawropa Uyghur Tetqiqat Merkizi > ning reyisi Perhat Yorungqash, merkezning bash katibi we bayanatchisi Ümit Agahi, merkezning terjime – tehrir ishliri bölümining mesuli Enwer … qatarliqlardin terkip tapqan bu hey’et, 6 – ayning 1 – küni chüshtin kéyin, < Dunya Hunlar Qurultiyi Germaniye shöbisi > ning reyisi Dr.Yanosning hemraliqida Münchendin aptomobil bilen yolgha chiqip, shu küni kech sa’et 12.30 da Wingiriyening Paytehti Buda – pestqa yetip bardi we Buda – pestta, < Dunya Hunlar Qurultiyi > ning Romaniyege seper qilish aldida turghan 50 nechche kishilik Hey’iti bilen uchrashti.


Uyghur wekilliri Budapestke yétip barghandin kéyin ikki guruppigha bölündi, Perhat Yorun gqash, Ümit Agahi we Hilalidinlardin terkip tapqan 3 kishilik hey’et, 50 nechche kishilik Hunlar Qurultiyi wekilliri bilen birge, mehsus aptobus bilen 6 – ayning 2 – küni seher sa’et 04.30 da Buda – pesttin Romaniyege yolgha chiqti we 900 kilometirdin artuq yol yürüp, Romaniyening Saklar toplushup yashaydighan Csiksomlyo rayonigha yetip bardi.

6 – ayning 3 – küni Uyghur wekilliri teklipke bina’en, < Dunya Saklar Milliy kengishi > teripidin Csiksomlyo rayonidiki payansiz ketken yaylaqta orunlashturulghan we yilda bir wetim ötküzülidighan Hunlargha mensup Milletlerning mexsus Diniy we Milliy bayram Pa’aliyitige qatnashti.

Unregistered
22-07-13, 06:15
bu paaliyetke dayir eyni chaghda elan qilinghan xewer :


Uyghur wekillirini Romaniyede qedimiy Hun irqigha mensup 650 mingdin artuq kishi kütiwaldi

2004 - yili 6 – ayning 3 – küni Uyghur wekilliri teklipke bina’en, < Dunya Saklar Milliy kengishi > teripidin Romaniyening Csiksomlyo rayonidiki payansiz ketken yaylaqta orunlashturulghan we yilda bir wetim ötküzülidighan Hunlargha mensup Milletlerning mexsus Diniy we Milliy bayram Pa’aliyitige qatnashti.

Bu qetimqi pa’aliyetke, Dunyaning herqaysi elliridin kelgen Hunlargha mensup Majar, Sak, changgo qatarliq milletlerning wekilliri we Romaniyede yashawatqan Majar, Sak, changgolardin bolup 650 mingdin artuq kishi qatnashti.

Tamamen Milliyche kiyingen we qollirida Sherqiy Türkistanning ay – yultuzluq kök bayriqini kötergen 3 neper uyghur, Saklar Milliy kengishining rehberlirining yol bashlishi bilen adem dengizini yerip ötüp Pa’aliyet meydanigha kirip kelgende, meydandiki nechche 100 ming kishi chawak chélip qarshi aldi.

Yighinning bash riyasetchisi yighin axirida 3 neper uyghurni Murasim supisigha alahide teklip qilip élip chiqip, < Mana bular biz bilen qedimdin qan qerindash bolghan Junghgar Hunliri, yeni uyghurlar, ular bizdin 10 ming kilometir uzaqta yashaydu > dep tonushturdi.

Uyghur wekilliri Murasim supisida qolliridiki bayraqlirini lepilditip, qollirini köksige qoyup salam bergende, pütün meydandiki xeliq, < Yashisun Hunlar, Yashisun Uyghur qerindashlirimiz > dep sh’ar towlashti. Bu chaghda, neqmeydandiki 100 din artuq muxbirning diqqet – etibari birdinla Uyghurlargha merkezleshti we resim aparati we Kameralirini Uyghurlargha toghrilidi.

Uyghur wekilliri murasim supisidin chüshkende, reyis supisida olturghan we Romaniye Hökümet da’irliride wezipe ötewatqan sak millitidin bolghan parlament ezaliri, hökümetning mesul xadimliri we Wingiriyedin bu qetimqi pa’aliyetke teklip qilip kelingen Döwlet xadimliri hem Diniy zatliri alahide Uyghurlarning aldigha kélip ular bilen bir – birlep qol eliship körüshti, murasimda Hunlarning qedimiy herbiy qiyapetlirini keygen 50 dek eskermu atayin Uyghurlarning aldigha kélip ulargha herbiyche salam bérip, özlirining hörmetlirini izhar qilishti. Pa’aliyet axirliship, uyghur wekilliri meydandin chiqqanda we pa’aliyet meydanidin sheher merkizigiche bolghan bir kilometirliq yolda bayraqlirini kötürüp mangghanda, 10 minglighan kishiler ularni oruwélip, chawak chélip we xatire üchün bes – beste resimge chüshüp, majarche ,< silerni bizge tengri iwetiptu > dep towlashti.

< Dunya Hunlar qurultiyi > ning rehberlirining bildürishiche, Wingiriye we Romaniyening 10 din artuq teliwiziye istansisi bu qetimqi pa’aliyetni neqmeydandin xewer qilghan.

Yaylaqta ötküzülgen Diniy we Milliy bayram Pa’aliyiti axirlashqandin kéyin, Saklar Milliy kengishining rehberliri Uyghur wekillirini Csiksomlyo shehridiki Peter Pall qedimiy cherkao we muziygha bashlap kirdi. Cherkaoning ichi we hoylisigha 7 mingdin artuq kishi toplanghan bolup, buyerde mexsus murasim arqiliq, bir – biri bilen tarixtin qan qerindashliq munasiwiti bolghan Uyghur, Majar, Sak we Changgolarning qerindashliq munasiwetlirining qaytidin ornutulghanliqi jakalandi we 4 terep wekilliri bir – birige qol bériship, qerindashliq munasiwetlirini ebedi dawamlashturidighanliqliri heqqide qesem ichishti.

Qesem bérish murasimida, Uyghur wekilliri teklipke bina’en söz qilip, ming yillardin buyan bir – biri bilen ayrim jughrapiyede yashap uchrushalmay kelgen qan qerindashlirini qayta körüsh pursitige ige bolghanliqidin cheksiz bexit hes qilghanliqini we ulargha uyghur xelqining salimini élip kelgenlikini izhar qildi, shundaqla neqmeydandiki Majar, Sak we Changgo wekillirige sherqiy türkistanning ay – yultuzluq kök bayriqini we uyghurlarning doppisini teqdim qildi. Murasimgha riyasetchilik qiliwatqan Peter Pall qedimiy cherkao we muziyining bash Papazi we Mesuli Gergely Istivan ependi Sherqiy türkistanning bayriqini qoligha élip 4 – 5 qetim jewlan qildurghandin kéyin, alqish sadaliri ichide bayraqni Cherkaoning etikabining üstige yerleshtürdi.

Papaz Gergely Istivan ependi buyerde qilghan sözide, bügün qayta ornutulghan bu dostluqnung, qan qerindash milletler otturisidiki dostluq bolupla qalmay, belki islam we Hiristiyan Dinlirigha mensup xeliqlerning dostluqi ikenlikini, hazirgha qeder Peter Pall qedimiy cherkawigha tunji qetim islamning simowuli bolghan ay – yultuzluq bir bayraqning kirgenlikini ipade qildi. Bu qetimqi pa’aliyetmu teliwiziye istansisiliri teripidin neqmeydandin xewer qilindi.

6 – ayning 4 – küni etigende, Uyghur wekilliri, Wingiriyedin birge kelgen Majar wekilliri bilen birge, Romaniyening Sesiszentgyörgy shehridiki < Dunya Saklar Milliy kengishi > ning merkizi ishxanisigha teklip qilindi. buyerde ötküzülgen murasimda, < Yawropa Uyghur Tetqiqat Merkizi > bilen < Saklar Milliy kengishi > otturisida hemkarliq kelishimi imzalandi.

< Dunya Hunlar Qurultiyi > ning reyisi Patrobani ependi Uyghur wekillirini qobul qilip, ularning buqetimqi ziyaritige rexmet eytti. U, bu qetimqi ziyaretning her ikkila terep xeliqliri üchün intayin zor ehmiyetke ige ikenlikini, birinchidin, mushu pursettin paydilinip pütün dunyadiki Hun milletlirining Uyghurlarni teximu yeqindin tonughanliqini, ikkinchidin, esirlerdin buyan shunche zulum we besim ichide yashawatqan Uyghur xelqining taki hazirghiche özining milliy bayriqi we milliy qiyapitini yoqatmighanliqining, pütün Hun milletliri ichide, bolupmu yashlar arisida özlirining milliy en – enilirige ige chiqish herikitining küchüyishige sewepchi bolidighanliqini bildürdi.

6 – ayning 5 – küni Uyghur wekilliri Romaniyediki Paaliyetlirini axirlashturup, < Dunya Hunlar Qurultiyi > ning 50 nechche kishilik hey’iti bilen birge aptobus bilen awal Wingiriyening paytexti Budapestqa we 6 – ayning 6 – küni aptomobil bilen München shehrige qaytip keldi.
Uyghur wekilliri bu qetimqi seper jeryanida Aptomobil we Aptobusta 4500 kilometirdin artuq yol yürdi..